ಮಹೀಂದ್ರಾ ಥಾರ್ ರೋಕ್ಸ್ 5-ಡೋರ್‌ನಲ್ಲಿ ಹೊಸ ಅಪ್‌ಡೇಟ್ಸ್: ಆಧುನಿಕ ಫಿಚರ್ಸ್!

ಭಾರತದಲ್ಲಿ ಆಫ್‌ರೋಡಿಂಗ್ ಎಂದಾಕ್ಷಣ ಮೊದಲು ನೆನಪಾಗುವುದು ಮಹೀಂದ್ರಾ ಥಾರ್, ಅಡ್ವೆಂಚರ್ ಉತ್ಸಾಹಿಗಳಿಗೆ ಹೇಳಿ ಮಾಡಿಸದ ಕಾರಿದು. ಆದರೆ ಈ ಕಾರಿನಲ್ಲಿ ಒಂದೇ ಒಂದು ಲೋಪವೆಂದರೇ 3-ಡೋರ್ ಇರುವುದು, ಇದನ್ನು ಮನಗಂಡಿರುವ ಮಹೀಂದ್ರಾ ಕಂಪನಿಯು ಈಗ ಮಹೀಂದ್ರಾ 5-ಡೋರ್ ಅನ್ನು ಇದೇ ಆಗಸ್ಟ್ 15 ರಂದು ಬಿಡುಗಡೆ ಮಾಡಲಿದೆ. ಈ ಕಾರಿಗೆ ಥಾರ್ ರೋಕ್ಸ್ ಎಂಬ ಹೆಸರಿಡಲಾಗಿದೆ. ಈ ಎಸ್‌ಯುವಿ ಕುರಿತ ವಿಶೇಷತೆಗಳ ಬಗ್ಗೆ ಅಧಿಕೃತ ಮಾಹಿತಿಯಿಲ್ಲವಾದರೂ, ಮೂಲಗಳ ಪ್ರಕಾರ ಮಹೀಂದ್ರಾ XUV 400 EV ಕಾರಿನಲ್ಲಿ ಸಿಗುವ ಹಲವು ವೈಶಿಷ್ಟ್ಯಗಳು ಹೊಸ ಥಾರ್‌ನಲ್ಲಿ ಇರಲಿವೆ ಎಂದು ತಿಳಿದುಬಂದಿದೆ. ಆ ವಿವರಗಳನ್ನು ಇಲ್ಲಿ ನೋಡೋಣ.

ವೈರ್ ಲೆಸ್ ಫೋನ್ ಚಾರ್ಜರ್: ವೈರ್‌ಲೆಸ್ ಫೋನ್ ಚಾರ್ಜರ್ ಅಗತ್ಯವನ್ನು ಮನಗಂಡಿರುವ ಮಹೀಂದ್ರಾ ಕಂಪನಿಯು ಥಾರ್‌ ರೋಕ್ಸ್‌ನಲ್ಲಿ ಈ ಹೊಸ ಫೀಚರ್ ಸೇರಿಸಲಿದೆ ಎಂದು ತಿಳಿದುಬಂದಿದೆ. ಥಾರ್ 3-ಡೋರ್ ಆವೃತ್ತಿಯಲ್ಲಿ ಈ ವೈಶಿಷ್ಟ್ಯ ಇರಲಿಲ್ಲ. ಇದರ ಬಗ್ಗೆ ಹಲವರು ಈ ಹಿಂದೆ ಕಂಪನಿಗೆ ಮನವಿ ಮಾಡಿದ್ದರು. ಕೊನೆಗೂ ಈ ಫೀಚರ್ ಪಡೆದುಕೊಂಡು ಥಾರ್‌ ರೋಕ್ಸ್ ಎಂಟ್ರಿ ಕೊಡಲಿದೆ.

10.25 ಇಂಚಿನ ಟಚ್ ಸ್ಕ್ರೀನ್: ಮಹೀಂದ್ರಾ ಥಾರ್ ರೋಕ್ಸ್‌ನ ಮಿಡ್-ಸ್ಪೆಕ್ ರೂಪಾಂತರದ ಒಳಾಂಗಣವು ಇತ್ತೀಚೆಗೆ ಟೆಸ್ಟಿಂಗ್ ವೇಳೆ ಕಾಣಿಸಿಕೊಂಡಿತ್ತು. ಆ ವೇಳೆ XUV 400 EV ನಲ್ಲಿರುವ 10.25-ಇಂಚಿನ ಟಚ್ ಸ್ಕ್ರೀನ್ ಸಿಸ್ಟಮ್ ಇದರಲ್ಲೂ ಕಂಡಿತ್ತು. XUV 400 EV ಘಟಕವು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಸಂಪರ್ಕವನ್ನು ಬೆಂಬಲಿಸದಿದ್ದರೂ, ಥಾರ್ ರೊಕ್ಸ್ ಇದನ್ನು ಹೊಂದಿರಬಹುದು.

ನಾಲ್ಕು ಡಿಸ್ಕ್ ಬ್ರೇಕ್‌ಗಳು: ಈ ಹಿಂದೆ ಹಿಂಭಾಗದ ಡಿಸ್ಕ್ ಬ್ರೇಕ್‌ಗಳೊಂದಿಗೆ ಥಾರ್ ರೊಕ್ಸ್ ನ ಟೆಸ್ಟ್ ಮಾದರಿಯನ್ನು ಅನ್ನು ಗುರುತಿಸಲಾಗಿತ್ತು. ಉತ್ಪಾದನಾ ಮಾದರಿಯು ಅವುಗಳನ್ನು ಒಳಗೊಂಡಿರಬಹುದು ಎಂದು ಸೂಚಿಸುತ್ತದೆ. ಮಹೀಂದ್ರಾ ಎಕ್ಸ್ ಯುವಿ 400 ಇವಿ ಕೂಡ ನಾಲ್ಕು ಡಿಸ್ಕ್ ಬ್ರೇಕ್ ಗಳನ್ನು ಹೊಂದಿದೆ, ಇದನ್ನು ಥಾರ್ ರೊಕ್ಸ್ ಇವಿಯಿಂದ ಅಳವಡಿಸಿಕೊಳ್ಳಬಹುದು.

ಡ್ಯುಯಲ್ ಝೋನ್ ಎಸಿ: ಡ್ಯುಯಲ್-ಜೋನ್ ಎಸಿ ಮುಂಭಾಗದ ಪ್ರಯಾಣಿಕರಿಗೆ ಆಯಾ ವೈಯಕ್ತಿಕ ವಲಯಗಳಿಗೆ ತಮ್ಮ ಆದ್ಯತೆಯ ತಾಪಮಾನವನ್ನು ಹೊಂದಿಸಲು ಅನುವು ಮಾಡಿಕೊಡುತ್ತದೆ. ಈ ವೈಶಿಷ್ಟ್ಯವು ಬಿಡುಗಡೆಯಾದಾಗಿನಿಂದ ಮಹೀಂದ್ರಾ ಎಕ್ಸ್ ಯುವಿ 400 ನಲ್ಲಿ ಲಭ್ಯವಿದೆ. ಥಾರ್ ರೋಕ್ಸ್‌ನಲ್ಲಿಯೂ ಸೇರಿಸುವ ಸಾಧ್ಯತೆಯಿದೆ. ಹಾಗಾಗಿ ಥಾರ್ ರೊಕ್ಸ್ ಹಿಂಭಾಗದ ಸೀಟ್ ಪ್ರಯಾಣಿಕರಿಗೆ ಎಸಿ ವೆಂಟ್‌ಗಳನ್ನು ಪಡೆಯುವ ನಿರೀಕ್ಷೆಯಿದೆ.

ಫುಲ್ಲಿ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ: ಹೊಸ ಥಾರ್ ರೋಕ್ಸ್‌ನಲ್ಲಿ ಫುಲ್ಲಿ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ ಇರುವುದು ಬಹುತೇಕ ಖಚಿತವಾಗಿದೆ. ಇದು ಕೂಡ XUV 400 ನಂತೆಯೇ ಅದೇ 10.25-ಇಂಚಿನ ಘಟಕದೊಂದಿಗೆ ಸಜ್ಜುಗೊಳ್ಳಲಿದೆ ಎಂದು ನಿರೀಕ್ಷಿಸಲಾಗಿದೆ. ಇದರಲ್ಲಿ ನ್ಯಾವಿಗೇಷನ್ ಮತ್ತು ಟೈರ್ ಪ್ರೆಶರ್ ಮಾನಿಟರ್ ನಂತಹ ಮಾಹಿತಿಯನ್ನು ನೋಡಬಹುದು.

ಇವೆಲ್ಲವು ಮಹೀಂದ್ರಾ ಎಕ್ಸ್‌ಯುವಿ 400 ಇವಿಯಿಂದ ಎರವಲು ಪಡೆಯುವ ಕೆಲವು ಪ್ರಮುಖ ವೈಶಿಷ್ಟ್ಯಗಳಾಗಿವೆ. 5-ಡೋರ್ ಥಾರ್ ರೊಕ್ಸ್ ನಲ್ಲಿ ಇನ್ನೂ ಯಾವೆಲ್ಲಾ ವೈಶಿಷ್ಟ್ಯಗಳನ್ನು ನಿರೀಕ್ಷಿಸಬಹುದು ಎಂಬುದನ್ನು ಕಮೆಂಟ್ ನಲ್ಲಿ ತಿಳಿಸಿ. ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ.

ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.