ಕಾರು ಖರೀದಿಸುವ ಕನಸು ಬಿತ್ತಿದ್ದ ಮಾರುತಿ ಹೊಸ ಮೈಲಿಗಲ್ಲು: ಬರೊಬ್ಬರಿ 3 ಕೋಟಿ ಕಾರು ಉತ್ಪಾದನೆ

ಜನಪ್ರಿಯ ಮತ್ತು ದೇಶದ ಅತಿದೊಡ್ಡ ಕಾರು ತಯಾರಿಕ ಕಂಪನಿ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ (Maruti Suzuki India Limited) ಆಗಿದೆ. ಈ ಮಾರುತಿ ಸುಜುಕಿ ಕಂಪನಿಯು 1983ರ ಡಿಸೆಂಬರ್ ತಿಂಗಳಿನಲ್ಲಿ ಕಾರುಗಳ ಉತ್ಪಾದನೆಯನ್ನು ಪ್ರಾರಂಭಿಸಿತು. ಈ ಬ್ರ್ಯಾಂಡ್ ದಶಕಗಳಿಂದ ಮಾರುಕಟ್ಟೆಯನ್ನು ಮುನ್ನಡೆಸುತ್ತಿದೆ, ಕಾರು ವಾಹನವನ್ನು ಹೊಂದುವ ಭಾರತೀಯರ ಕನಸು ನನಸು ಮಾಡಲು ಸಹಾಯ ಮಾಡಿದ ಬ್ರ್ಯಾಂಡ್ ಆಗಿದೆ.

ಇದೀಗ ಮಾರುತಿ ಸುಜುಕಿ (Maruti Suzuki) ಕಂಪನಿಯು ಹೊಸ ಉತ್ಪಾದನಾ ಮೈಲಿಗಲ್ಲನ್ನು ಸಾಧಿಸಿದೆ. ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುತ್ತಿರುವ ಕಾರು ಬ್ರ್ಯಾಂಡ್ ಮಾರುತಿ ಸುಜುಕಿ ಇದೀಗ 3 ಕೋಟಿ ಯುನಿಟ್ ಉತ್ಪಾದನೆಯ ಮೈಲಿಗಲ್ಲನ್ನು ದಾಟಿರುವುದಾಗಿ ಘೋಷಿಸಿದೆ. 1983 ರಲ್ಲಿ ಐಕಾನಿಕ್ M800 ನೊಂದಿಗೆ ಉತ್ಪಾದನೆ ಪ್ರಾರಂಭವಾದ 40 ವರ್ಷಗಳು ಮತ್ತು 4 ತಿಂಗಳ ನಂತರ, ಮಹತ್ತರ ಮೈಲ್ಲಿಗಲ್ಲನ್ನು ಸಾಧಿಸಿದೆ.

ಸುಜುಕಿ ಮೂರು ಕೋಟಿಗೂ ಹೆಚ್ಚು ವಾಹನಗಳನ್ನು ಉತ್ಪಾದಿಸುವ ಜಪಾನ್ ನಂತರ ಭಾರತ ಎರಡನೇ ದೇಶವಾಗಿದೆ.ಮಾರುತಿ ಸುಜುಕಿಯು ಹರಿಯಾಣದ ಮನೇಸರ್ ಮತ್ತು ಗುಜರಾತ್‌ನ ಹಂಸಲ್‌ಪುರದಲ್ಲಿ ವಾಹನ ತಯಾರಿಕಾ ಸೌಲಭ್ಯಗಳನ್ನು ಹೊಂದಿದೆ. ಮಾನೇಸರ್ ಘಟಕದಿಂದ ಒಟ್ಟು 2.68 ಕೋಟಿ ಕಾರುಗಳನ್ನು ಉತ್ಪಾದಿಸಲಾಗಿದ್ದು, ಉಳಿದ 3.2 ಲಕ್ಷ ಯೂನಿಟ್‌ಗಳನ್ನು ಹಂಸಲ್‌ಪುರದಿಂದ ಉತ್ಪಾದಿಸಲಾಗಿದೆ.

1980 ರ ದಶಕದಲ್ಲಿ M800 ಮಾದರಿಯೊಂದಿಗೆ ಪ್ರಾರಂಭಿಸಿ, ಮಾರುತಿ 40 ವರ್ಷಗಳಿಂದ ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ನಾಯಕರಾಗಿದ್ದಾರೆ. 1994ರ ವೇಳೆಗೆ ಮಾರುತಿ ಸುಜುಕಿ 10 ಲಕ್ಷ ಯುನಿಟ್ ಉತ್ಪಾದನೆಯ ಮೈಲಿಗಲ್ಲನ್ನು ದಾಟಿತು. ಭಾರತದಲ್ಲಿ ಕಾರು ಉತ್ಪಾದನೆ ಆರಂಭವಾದ 11 ವರ್ಷಗಳ ನಂತರ ಈ ಸಾಧನೆಯಾಗಿದೆ. ಮಾರಾಟದ ಉತ್ತೇಜನವು M800 ಅಥವಾ ಮಾರುತಿ 800 ಮಾದರಿಯಾಗಿದ್ದು ಅದು ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಕ್ರಾಂತಿಯನ್ನುಂಟುಮಾಡಿತು.

2005ರ ಏಪ್ರಿಲ್ ತಿಂಗಳಿನಲ್ಲಿ ಇಂಡೋ-ಜಪಾನೀಸ್ ವಾಹನ ತಯಾರಕರು 1 ಕೋಟಿ ಉತ್ಪಾದನಾ ಮಾರ್ಕ್ ಅನ್ನು ದಾಟಲು ಯಶಸ್ವಿಯಾದರು. 2018ರ ಜುಲೈ ತಿಂಗಳಿನಲ್ಲಿ ಎರಡು ಕೋಟಿ ಮತ್ತು ಮೂರು ಕೋಟಿ ಮೈಲಿಗಲ್ಲನ್ನು ದಾಟಿತು. M800, Alto 800, Alto K10, Swift, WagonR, Dzire, Omni, Baleno, Eco, Brezza ಮತ್ತು Ertiga ನಂತಹ ಸೂಪರ್ ಹಿಟ್ ಮಾಡೆಲ್‌ಗಳು ಸಹ ಮಾರುತಿ ಸುಜುಕಿಯ ಯಶಸ್ಸಿಗೆ ಗಣನೀಯ ಕೊಡುಗೆ ನೀಡಿವೆ.

ಇವುಗಳಲ್ಲಿ ಕೆಲವು ಕಾರುಗಳನ್ನು ಕಂಪನಿಯ ಅರೆನಾ ಶೋರೂಂಗಳ ಮೂಲಕ ಮಾರಾಟ ಮಾಡಲಾಗುತ್ತದೆ. ಪ್ರೀಮಿಯಂ ಮಾದರಿಗಳನ್ನು ನೆಕ್ಸಾ ಶೋರೂಂಗಳ ಮೂಲಕ ಚಿಲ್ಲರೆ ಮಾರಾಟ ಮಾಡಲಾಗುತ್ತದೆ. ಆಲ್ಟೊ ಹ್ಯಾಚ್‌ಬ್ಯಾಕ್ 50.59 ಲಕ್ಷ ಯುನಿಟ್‌ಗಳ ಮಾರಾಟದೊಂದಿಗೆ ಈ ಮೈಲಿಗಲ್ಲಿಗೆ ಅತಿ ಹೆಚ್ಚು ಕೊಡುಗೆ ನೀಡಿದೆ. ಸ್ವಿಫ್ಟ್ (31.93 ಲಕ್ಷಗಳು), ವ್ಯಾಗನ್ಆರ್ (31.84 ಲಕ್ಷಗಳು) ಮತ್ತು M800 (29.17 ಲಕ್ಷಗಳು) ಮಾದರಿಗಳು ಸಹ ಲಾಭದ ಬಗ್ಗೆ ಹೆಮ್ಮೆಪಡಬಹುದು.

ಡಿಜೈರ್ ಸೆಡಾನ್ (28.61 ಲಕ್ಷ ಯುನಿಟ್), ಓಮ್ನಿ ವ್ಯಾನ್ (20.22 ಲಕ್ಷ ಯುನಿಟ್), ಬ್ರೆಝಾ (11.66 ಲಕ್ಷ ಯುನಿಟ್) ಮತ್ತು ಎರ್ಟಿಗಾ (11.04 ಲಕ್ಷ ಯೂನಿಟ್) ಹೆಚ್ಚಿನ ಪ್ರಮಾಣದ ಮಾರಾಟವನ್ನು ಹೊಂದಿರುವ ಇತರ ಮಾದರಿಗಳು ಆಗಿವೆ. ಕಂಪನಿಯು 1987 ರಲ್ಲಿ ರಫ್ತು ಮಾಡಲು ಪ್ರಾರಂಭಿಸಿತು. ಕಂಪನಿಯು ತನ್ನ ಉತ್ಪನ್ನಗಳನ್ನು ಜಾಗತಿಕವಾಗಿ ಸುಮಾರು 100 ದೇಶಗಳಿಗೆ ರವಾನಿಸುತ್ತದೆ.

ಮಾರುತಿ ಸುಜುಕಿ ಅವರು ಭಾರತದಿಂದ ಒಟ್ಟು ವಾಹನ ರಫ್ತಿನಲ್ಲಿ ಶೇಕಡಾ 40 ರಷ್ಟು ಕೊಡುಗೆ ನೀಡುತ್ತಾರೆ ಎಂದು ಹೇಳಿದರು. ಕಂಪನಿಯು ತನ್ನ ವಾರ್ಷಿಕ ಉತ್ಪಾದನಾ ಸಾಮರ್ಥ್ಯವನ್ನು FY 2030-31 ರ ವೇಳೆಗೆ 4 ಮಿಲಿಯನ್ ಯುನಿಟ್ ಗಳಿಗೆ ಹೆಚ್ಚಿಸಲು ಯೋಜಿಸಿದೆ. ಇದಕ್ಕಾಗಿ ಖಾರ್ಖೋಡಾ, ಹರಿಯಾಣ ಮತ್ತು ಗುಜರಾತ್‌ನಲ್ಲಿ 10 ಲಕ್ಷ ಘಟಕಗಳ ಸಾಮರ್ಥ್ಯದ ಎರಡು ಹೊಸ ಗ್ರೀನ್‌ಫೀಲ್ಡ್ ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು ಯೋಜನೆ ರೂಪಿಸಲಾಗಿದೆ.

ಪ್ರಸ್ತುತ, ಮಾರುತಿ ಸುಜುಕಿ ನೆಕ್ಸಾ, ಅರೆನಾ ಮತ್ತು ವಾಣಿಜ್ಯ ಚಿಲ್ಲರೆ ಚಾನೆಲ್‌ಗಳ ಮೂಲಕ 18 ಮಾದರಿಗಳನ್ನು ಮಾರಾಟ ಮಾಡುತ್ತಿದೆ. MSIL ಮ್ಯಾನೇಜಿಂಗ್ ಡೈರೆಕ್ಟರ್ ಮತ್ತು ಸಿಇಒ ಹಿಸಾಶಿ ಟಕೆಯುಚಿ ಅವರು FY 2030-31 ರ ವೇಳೆಗೆ ಅದರ ಪೋರ್ಟ್‌ಫೋಲಿಯೊದಲ್ಲಿ 18 ರಿಂದ 28 ಕ್ಕೆ ಮಾದರಿಗಳ ಸಂಖ್ಯೆಯನ್ನು ವಿಸ್ತರಿಸಲು ಯೋಜಿಸಿದ್ದಾರೆ. ಮಾರುತಿ ಸುಜುಕಿ ವರ್ಷದಿಂದ ವರ್ಷಕ್ಕೆ ಶೇ.9.5ರಷ್ಟು ಬೆಳವಣಿಗೆ ದಾಖಲಿಸಿದೆ.