ಶೀಘ್ರದಲ್ಲೇ ಅಗ್ಗದ ಮಾರುತಿ ಕಾರು ಬರಲಿದೆ? ಭಾರತೀಯ ರಸ್ತೆಗಳಲ್ಲಿ ಟೆಸ್ಟಿಂಗ್.. ವಿಶೇಷತೆಗಳೇನು?

ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿ ಇತ್ತೀಚೆಗೆ ಹಸ್ಲರ್ ಮೈಕ್ರೋ-ಎಸ್‌ಯುವಿಯ ಟೆಸ್ಟ್ ಮ್ಯೂಲ್ ಅನ್ನು ಭಾರತೀಯ ರಸ್ತೆಗಳಲ್ಲಿ ಪರೀಕ್ಷಿಸಲಾಗಿದೆ. ಇದು ಮಾರುತಿಯಿಂದ ಮುಂಬರುವ ಹೊಸ ಕಾರು ಎಂಬುದಕ್ಕೆ ಸುಳಿವು ನೀಡುತ್ತಿದೆ. ಈ ಹೊಸ ವಾಹನವು ಈಗಾಗಲೇ ಹಸ್ಲರ್ ಹೆಸರಿನಲ್ಲಿ ಜಪಾನಿನಲ್ಲಿ ಮಾರಾಟವಾಗುವ ಅತ್ಯಂತ ಜನಪ್ರಿಯ ಕಾರಾಗಿದ್ದು, 660 ಸಿಸಿ ಎಂಜಿನ್‌ನೊಂದಿಗೆ ಬರುತ್ತದೆ. ಇದು ಭಾರತದಲ್ಲಿ ಬಿಡುಗಡೆಯಾಗಲಿದೆಯೇ ಎಂಬುದು ಸದ್ಯದ ಪ್ರಶ್ನೆಯಾಗಿದೆ. ಹಾಗಾದ್ರೆ ಇತ್ತೀಚಗೆ ಭಾರತದಲ್ಲಿ ಕಾಣಿಸಿಕೊಂಡ ಹೊಸ ಮಾರುತಿ ಕಾರಿನ ಕುರಿತು ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ನೋಡೋಣ.

ವಿಶೇಷತೆಗಳು: ಜಪಾನಿನ ಮಾರುಕಟ್ಟೆಯಲ್ಲಿ ಮಾರಾಟವಾಗುವ ಸುಜುಕಿ ಹಸ್ಲರ್ 3,395 ಎಂಎಂ ಉದ್ದ, 1,475 ಎಂಎಂ ಅಗಲ ಹಾಗೂ 2,425 ಎಂಎಂ ವ್ಹೀಲ್ ಬೇಸ್ ಹೊಂದಿದೆ. ಈ ವಾಹನದಲ್ಲಿ ನಾಲ್ಕು ಪ್ರಯಾಣಿಕರು ಆರಾಮವಾಗಿ ಕೂರುವ ಸ್ಥಳವಿದೆ. ಸುಜುಕಿಯ ಹಾರ್ಟೆಕ್ಟ್ ಪ್ಲಾಟ್ ಫಾರ್ಮ್ ಅನ್ನು ಆಧರಿಸಿದೆ.

ಸುಜುಕಿ ಹಸ್ಲರ್ ಸಾಮಾನ್ಯವಾಗಿ 660 ಸಿಸಿ (0.66-ಲೀಟರ್) ಮೂರು ಸಿಲಿಂಡರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತದೆ. ಈ ಎಂಜಿನ್ 48-52 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ. ಇದರಲ್ಲಿ ಟರ್ಬೋ ಪೆಟ್ರೋಲ್ ಆವೃತ್ತಿಯೂ ಇದೆ, ಇದು ಸ್ವಲ್ಪ ಹೆಚ್ಚಿನ ಪವರ್ ಹೊರಹಾಕುತ್ತದೆ. ಅಂದರೆ ಸುಮಾರು 64 ಪಿಎಸ್ ಪವರ್‌ ಜೊತೆಗೆ ಸಿವಿಟಿ ಗೇರ್‌ಬಾಕ್ಸ್‌ನೊಂದಿಗೆ ಬರುತ್ತದೆ.

ಎಲ್ಲಿ ಕಾಣಿಸಿಕೊಂಡಿದೆ?: ಮಾರುತಿ ಸುಜುಕಿ ಹಸ್ಲರ್‌ನ ಈ ನಿರ್ದಿಷ್ಟ ಟೆಸ್ಟ್ ಮ್ಯೂಲ್ ಚಿತ್ರಗಳನ್ನು ದೆಹಲಿ ಮೂಲದ ಸೂಪರ್ ಕಾರ್ಸ್‌ ತನ್ನ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಹಂಚಿಕೊಂಡಿದೆ. ಇದರಲ್ಲಿ ಆಸಕ್ತಿದಾಯಕ ವಿಷಯವೆಂದರೆ ಈ ನಿರ್ದಿಷ್ಟ ಕಾರು ಯಾವುದೇ ಮರೆಮಾಚುವಿಕೆ ಅಥವಾ ಕವರ್ ಇಲ್ಲದೆ ಕಾಣಿಸಿಕೊಂಡಿದೆ. ಸುಜುಕಿ ಲೋಗೊ ಮತ್ತು ಹಸ್ಲರ್ ಬ್ರ್ಯಾಂಡಿಂಗ್ ಅನ್ನು ತೆಗೆದುಹಾಕಲಾಗಿದೆ.

ಭಾರತಕ್ಕೆ ಎಂಟ್ರಿ?: ಭಾರತದಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡ ಹಸ್ಲರ್ ಕಾರು, ಬಿಡುಗಡೆಯಾಗುತ್ತದೆಯೇ ಅಥವಾ ಇಲ್ಲವೇ ಎಂಬ ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಕಂಪನಿಯು ಈ ಮೈಕ್ರೊ ಎಸ್‌ಯುವಿಯನ್ನು ಭಾರತಕ್ಕೆ ತರುವುದಿಲ್ಲ ಎಂದು ಕೆಲ ಆಟೋ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಇದಕ್ಕೆ ಪ್ರಾಥಮಿಕ ಕಾರಣವೆಂದರೆ ಹಸ್ಲರ್‌ನ ಕಾಂಪ್ಯಾಕ್ಟ್ ಆಯಾಮಗಳಾಗಿದ್ದು, ಮುಖ್ಯವಾಹಿನಿಯ ಭಾರತೀಯ ಖರೀದಿದಾರರಿಗೆ ತುಂಬಾ ಚಿಕ್ಕದಾಗಿರಬಹುದು.

ಭಾರತದಲ್ಲಿ ಕಾರು ಖರೀದಿದಾರರು ಸಾಮಾನ್ಯವಾಗಿ ದೊಡ್ಡ ವಾಹನಗಳಿಗೆ ಆದ್ಯತೆ ನೀಡುತ್ತಾರೆ. ಆದ್ದರಿಂದ ಮಾರುತಿ ಸುಜುಕಿ ಹಸ್ಲರ್ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಿದರೂ, ದೀರ್ಘವಾದ, ಹೆಚ್ಚು ವಿಶಾಲವಾದ ಆವೃತ್ತಿಯನ್ನು ರಚಿಸುವ ಸಾಧ್ಯತೆಯಿದೆ. ಇದು ಹ್ಯುಂಡೈ ಎಕ್ಸ್ ಟರ್ ನೊಂದಿಗೆ ತೆಗೆದುಕೊಂಡ ಅದೇ ರೀತಿಯ ವಿಧಾನವಾಗಿದೆ.

ಮಾರುತಿ ಸುಜುಕಿಯ ಪೋರ್ಟ್ ಫೋಲಿಯೊದಲ್ಲಿ ಹಳೆಯ ಇಗ್ನಿಸ್ ಅನ್ನು ಹಸ್ಲರ್ ಬದಲಾಯಿಸುವ ಸಾಧ್ಯತೆಯೂ ಇದೆ ಎಂದು ಕೆಲವು ವರದಿಗಳು ಸೂಚಿಸಿವೆ. ಒಂದು ಕಾಲದಲ್ಲಿ ಜನಪ್ರಿಯ ಆಯ್ಕೆಯಾಗಿದ್ದ ಇಗ್ನಿಸ್, ಇತ್ತೀಚಿನ ವರ್ಷಗಳಲ್ಲಿ ಅದರ ಆಕರ್ಷಣೆ ಕಡಿಮೆಯಾಗುತ್ತಿದೆ, ಹಾಗಾಗಿ ಹಸ್ಲರ್ ನಂತಹ ಹೊಸ ಆಧುನಿಕ ಕಾರು ಬದಲಿ ಸ್ಥಾನವನ್ನು ತೆಗೆದುಕೊಳ್ಳುವ ನಿರೀಕ್ಷೆಯಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.