2024ರ ಹೊಸ ಟಾಟಾ ನೆಕ್ಸಾನ್ ಮತ್ತು ನೆಕ್ಸಾನ್ ಇವಿ ಡಾರ್ಕ್ ಎಡಿಷನ್ ವಿಶೇಷತೆಗಳು

ಮೊನ್ನೆಯಷ್ಟೆ ಟಾಟಾ ಮೋಟಾರ್ಸ್ ತನ್ನ ಬಹುನಿರೀಕ್ಷಿತ ಟಾಟಾ ನೆಕ್ಸಾನ್ ಡಾರ್ಕ್ ಎಡಿಷನ್ ಮತ್ತು ಟಾಟಾ ನೆಕ್ಸಾನ್ ಇವಿ ಡಾರ್ಕ್ ಎಡಿಷನ್ ಎಸ್‌ಯುವಿಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಹೊಸದಾಗಿ ಬಿಡುಗಡೆಯಾದ ಟಾಟಾ ನೆಕ್ಸಾನ್ ಡಾರ್ಕ್ ಎಡಿಷನ್ ಕ್ರಿಯೇಟಿವ್ ಮತ್ತು ಫಿಯರ್ಲೆಸ್ ಟ್ರಿಮ್ ಹಂತಗಳಲ್ಲಿ ಲಭ್ಯವಿದೆ (ಕ್ರಮವಾಗಿ ಮಿಡ್-ಸ್ಪೆಕ್ ಮತ್ತು ಟಾಪ್ಸ್-ಸ್ಪೆಕ್).

ಟಾಟಾ ನೆಕ್ಸಾನ್ ಡಾರ್ಕ್ ಮತ್ತು ಟಾಟಾ ನೆಕ್ಸಾನ್ ಇವಿ ಡಾರ್ಕ್ ಆವೃತ್ತಿಗಳ ಬಿಡುಗಡೆಯೊಂದಿಗೆ, ಟಾಟಾ ಮೋಟಾರ್ಸ್ ಹೆಚ್ಚು ಸಂಭಾವ್ಯ ಗ್ರಾಹಕರನ್ನು ಸೆಳೆಯುವ ನಿರೀಕ್ಷೆಯಿದೆ. ಇದು ವಾಹನ ತಯಾರಕರಿಗೆ ಭಾರತದಲ್ಲಿ ತನ್ನ ಒಟ್ಟಾರೆ ಮಾರಾಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಹೊಸ ಡಾರ್ಕ್ ಎಡಿಷನ್‌ಗಳ ಬೆಲೆ ಮತ್ತಿತರ ವಿವರಗಳನ್ನು ಇಲ್ಲಿ ನೊಡೋಣ.

ಟಾಟಾ ನೆಕ್ಸಾನ್ ಡಾರ್ಕ್ ಎಡಿಷನ್ ಬೆಲೆಯು ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ. 11.45 ಲಕ್ಷಗಳಾದರೆ, ಟಾಟಾ ನೆಕ್ಸಾನ್ ಇವಿ ಡಾರ್ಕ್ ಎಡಿಷನ್ ಬೆಲೆಯು ರೂ. 19.49 ಲಕ್ಷಗಳಾಗಿದೆ. ಈ ಮೂಲಕ ನೆಕ್ಸಾನ್ ಡಾರ್ಕ್ ಎಡಿಷನ್ ಸ್ಟ್ಯಾಂಡರ್ಡ್ ಮಾದರಿಗಳಿಗಿಂತ 35,000 ರೂ. ಹೆಚ್ಚಿನ ಬೆಲೆಯನ್ನು ಹೊಂದಿವೆ.

ಟಾಟಾ ನೆಕ್ಸಾನ್ ಡಾರ್ಕ್ ಎಡಿಷನ್ & ಇವಿ ಡಾರ್ಕ್ ಎಡಿಷನ್ ವಿಶೇಷತೆಗಳು: ಟಾಟಾ ನೆಕ್ಸಾನ್ ಡಾರ್ಕ್ ಆವೃತ್ತಿಯ ಕೆಲವು ಗಮನಾರ್ಹ ವೈಶಿಷ್ಟ್ಯಗಳು ವೈರ್‌ಲೆಸ್ ಚಾರ್ಜಿಂಗ್ ಪ್ಯಾಡ್, ಆಟೋಮ್ಯಾಟಿಕ್ ಕ್ಲೈಮೆಟ್ ಕಂಟ್ರೋಲ್‌ಗಾಗಿ ಹಿಡನ್ ಕೆಪ್ಯಾಸಿಟಿವ್ ಟಚ್ ಪ್ಯಾನೆಲ್, ಬ್ಲಾಕ್ ಲೆಥೆರೆಟ್ ಸೀಟುಗಳು ಸೇರಿದಂತೆ ಹೆಚ್ಚಿನವುಗಳನ್ನು ಒಳಗೊಂಡಿದೆ.

ಹೆಚ್ಚು ಸ್ಪೋರ್ಟಿ ಆಗಿ ಕಾಣಲು ಬ್ಲಾಕ್ ಥೀಮ್‌ನೊಂದಿಗೆ ಸ್ಟ್ಯಾಂಡರ್ಡ್ ನೆಕ್ಸಾನ್‌ನ ಡ್ಯುಯಲ್ - ಟೋನ್ ಒಳಾಂಗಣವನ್ನು ಹೊಂದಿದೆ. ಕ್ಯಾಬಿನ್‌ನಾದ್ಯಂತ ಕೆಲವು 'ಡಾರ್ಕ್' ಬ್ಯಾಡ್ಜ್‌ಗಳನ್ನು ಸಹ ಹೊಂದಿದೆ. ಈ ಎಲ್ಲಾ ಬದಲಾವಣೆಗಳು ಟಾಟಾ ನೆಕ್ಸಾನ್ EV ಡಾರ್ಕ್ ಆವೃತ್ತಿಗೆ ಸಹ ಅನ್ವಯಿಸುತ್ತವೆ. ಇದಲ್ಲದೆ, ಈ ಮಾದರಿಯು ಟಾಪ್-ಸ್ಪೆಕ್ ಎಂಪವರ್ಡ್+ ಟ್ರಿಮ್ ಅನ್ನು ಆಧರಿಸಿದೆ.

ಅಂತೆಯೇ, ಮಾದರಿಯು ದೊಡ್ಡ 40.5kWh ಬ್ಯಾಟರಿ ಪ್ಯಾಕ್ ಮತ್ತು 215Nm ಟಾರ್ಕ್‌ನೊಂದಿಗೆ ಹೆಚ್ಚು ಶಕ್ತಿಶಾಲಿ 145bhp ಎಲೆಕ್ಟ್ರಿಕ್ ಮೋಟಾರ್‌ನೊಂದಿಗೆ ಸಜ್ಜುಗೊಂಡಿದೆ. ಈ ಪವರ್‌ಟ್ರೇನ್‌ನಿಂದಾಗಿ ಹೊಸ EV ಖರೀದಿದಾರರು ರೇಂಜ್ ಬಗ್ಗೆ ಚಿಂತಿಸಬೇಕಾಗಿಲ್ಲ. ARAI ಪ್ರಕಾರ, ಟಾಟಾ ನೆಕ್ಸಾನ್ EV ಡಾರ್ಕ್ ಆವೃತ್ತಿಯು ಸಂಪೂರ್ಣ ಚಾರ್ಜ್ ಮಾಡಿದ ಬ್ಯಾಟರಿಯಲ್ಲಿ 465km ವರೆಗೆ ಪ್ರಯಾಣಿಸಬಹುದು.

ಹ್ಯಾರಿಯರ್ ಮತ್ತು ಸಫಾರಿ ಡಾರ್ಕ್ ಎಡಿಷನ್‌ಗಳು: ಟಾಟಾ ಮೋಟಾರ್ಸ್ ಈ ಹಿಂದೆ ಭಾರತದಲ್ಲಿ ಹ್ಯಾರಿಯರ್ ಮತ್ತು ಸಫಾರಿ ಎಸ್‌ಯುವಿಗಳ ಡಾರ್ಕ್ ಆವೃತ್ತಿಗಳನ್ನು ಬಿಡುಗಡೆ ಮಾಡಿತ್ತು. ಈ ಮಾದರಿಗಳು ಅಕ್ಟೋಬರ್ 2023 ರಿಂದ ಲಭ್ಯವಿವೆ. ಇಲ್ಲಿಯವರೆಗೆ, ಟಾಟಾ ಮೋಟಾರ್ಸ್ ಬೆಲೆಯನ್ನು ನವೀಕರಿಸಿಲ್ಲ.

ಅಂದಹಾಗೆ, ಟಾಟಾ ಹ್ಯಾರಿಯರ್ ಡಾರ್ಕ್ ಎಡಿಷನ್ ಮತ್ತು ಟಾಟಾ ಸಫಾರಿ ಡಾರ್ಕ್ ಎಡಿಷನ್ ಮಾದರಿಗಳು ಹಣಕ್ಕೆ ತಕ್ಕ ಮೌಲ್ಯವನ್ನು ನೀಡುತ್ತವೆ. ಬೆಲೆಯ ಪ್ರಕಾರ, ಟಾಟಾ ಹ್ಯಾರಿಯರ್ ಡಾರ್ಕ್ ಆವೃತ್ತಿಯ ಬೆಲೆಗಳು ರೂ. 19.99 ಲಕ್ಷ (ಎಕ್ಸ್-ಶೋ ರೂಂ) ದಿಂದ ಪ್ರಾರಂಭವಾಗುತ್ತವೆ, ಆದರೆ ಟಾಟಾ ಸಫಾರಿ ಡಾರ್ಕ್ ಆವೃತ್ತಿಯ ಬೆಲೆಗಳು ರೂ 20.69 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.