Click it and Unblock the Notifications
Renault: ಭಾರತದ ಅತ್ಯಂತ ಅಗ್ಗದ 7-ಸೀಟರ್ ಕಾರು ಬಿಡುಗಡೆ: ಕೇವಲ 6.2 ಲಕ್ಷ ಬೆಲೆ... 6 ಏರ್ಬ್ಯಾಗ್
ಫ್ರೆಂಚ್ ಕಾರು ತಯಾರಕ ಕಂಪನಿಯಾಗಿರುವ ರೆನಾಲ್ಟ್ (Renault), ಇಂದು ಭಾರತದ ಅತ್ಯಂತ ಅಗ್ಗದ 2025ರ ನವೀಕೃತ 7-ಸೀಟರ್ ರೆನಾಲ್ಟ್ ಟ್ರೈಬರ್ (Renault Triber) ಕಾರನ್ನು ಬಿಡುಗಡೆ ಮಾಡಿದೆ. ಈ ಫ್ಯಾಮಿಲಿ ಕಾರು ಈ ಬಾರಿ ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾದ ಮುಂಭಾಗದ ಗ್ರಿಲ್ನೊಂದಿಗೆ ಪಾದಾರ್ಪಣೆ ಮಾಡಿದೆ. ಮಸ್ಕುಲರ್ ಬಾನೆಟ್, ರಿಫ್ರೆಶ್ ಮಾಡಿದ ಬಂಪರ್, ಸಂಯೋಜಿತ LED DRL ಗಳೊಂದಿಗೆ ಹೊಸ LED ಪ್ರೊಜೆಕ್ಟರ್ ಹೆಡ್ಲ್ಯಾಂಪ್ಗಳು ಮತ್ತು ಹೊಸ LED ಫಾಗ್ ಲ್ಯಾಂಪ್ಗಳನ್ನು ಪಡೆದುಕೊಂಡು ಬಿಡುಗಡೆಯಾಗಿದೆ.
ಇಂಟೀರಿಯರ್ನಲ್ಲಿ ಸ್ಟೈಲಿಶ್ ಡ್ಯುಯಲ್-ಟೋನ್ ಡ್ಯಾಶ್ಬೋರ್ಡ್ನೊಂದಿಗೆ ನವೀಕರಿಸಲಾಗಿದೆ, ಇದು ವೈರ್ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಸಪೋರ್ಟ್ ಮಾಡುವ 8-ಇಂಚಿನ ಫ್ಲೋಟಿಂಗ್ ಟಚ್ಸ್ಕ್ರೀನ್ ಹೊಂದಿದೆ. ನವೀಕರಿಸಿದ ಒಳಾಂಗಣವು ಹೊಸ ಸೀಟ್ ಅಪ್ಹೋಲ್ಸ್ಟರಿ, ಆಧುನಿಕ LED ಇನ್ಸ್ಟ್ರುಮೆಂಟ್ ಕ್ಲಸ್ಟರ್, LED ಕ್ಯಾಬಿನ್ ಲೈಟಿಂಗ್ ಮತ್ತು ಪ್ರೀಮಿಯಂ ಬ್ಲಾಕ್-ಔಟ್ ಡೋರ್ ಹ್ಯಾಂಡಲ್ಗಳನ್ನು ಒಳಗೊಂಡಿದೆ.
ಹಿಂಭಾಗದಲ್ಲಿ ಮರುವಿನ್ಯಾಸಗೊಳಿಸಲಾದ ಬಂಪರ್, ನವೀಕರಿಸಿದ LED ಟೈಲ್ ಲ್ಯಾಂಪ್ಗಳು, ಹೊಸ ಸ್ಕಿಡ್ ಪ್ಲೇಟ್ ಮತ್ತು ಸೊಗಸಾದ ಟೈಲ್ಲ್ಯಾಂಪ್ ಕನೆಕ್ಟಿಂಗ್ ಎಂಬೆಲ್ಶರ್ ಅನ್ನು ಹೊಂದಿದೆ. 35 ಹೊಸ ಫೀಚರ್ಗಳನ್ನು ಹೊಂದಿರುವ ಈ ಕಾರು, ರೆನಾಲ್ಟ್ ಅಡಿಯಲ್ಲಿ ಮೊದಲ ಕಾರಾಗಿದೆ ಎಂದು ರೆನಾಲ್ಟ್ ತಿಳಿಸಿದೆ.
ಹೊಸ ರೆನಾಲ್ಟ್ ಟ್ರೈಬರ್ 5, 6, ಅಥವಾ 7-ಸೀಟರ್ಗಳಾಗಿ ಕಾನ್ಫಿಗರ್ ಮಾಡಬಹುದಾದ 3 ನೇ ಸಾಲಿನ ಈಸಿ-ಫಿಕ್ಸ್ ಸೀಟ್ಗಳೊಂದಿಗೆ ಅತ್ಯುತ್ತಮ-ಇನ್-ಕ್ಲಾಸ್ ಮಾಡ್ಯುಲರ್ ಸೀಟಿಂಗ್ ಅನ್ನು ನೀಡುತ್ತದೆ. 625 ಲೀಟರ್ಗಳವರೆಗಿನ ಬೂಟ್ ಸ್ಪೇಸ್ನಿಂದ ಪೂರಕವಾಗಿದೆ. ಹೊಸ ಟ್ರೈಬರ್ ಈಗ ಅಥೆಂಟಿಕ್, ಎವಲ್ಯೂಷನ್, ಟೆಕ್ನೋ ಮತ್ತು ಎಮೋಷನ್ ಎಂಬ ನಾಲ್ಕು ಹೊಸ ವೇರಿಯೆಂಟ್ಗಳಲ್ಲಿ ಲಭ್ಯವಿದೆ.
2025ರ ನವೀಕೃತ 7-ಸೀಟರ್ ರೆನಾಲ್ಟ್ ಟ್ರೈಬರ್ ರೂ. 6,29,995 (ಎಕ್ಸ್-ಶೋರೂಂ) ಆರಂಭಿಕ ಬೆಲೆಯೊಂದಿಗೆ ಖರೀದಗೆ ಲಭ್ಯವಿದ್ದು, ಎಲ್ಲಾ ಡೀಲರ್ಶಿಪ್ಗಳಲ್ಲಿ ಇಂದು ಬುಕಿಂಗ್ಗಳು ತೆರೆದಿವೆ. ಹೊಸ ಟ್ರೈಬರ್ ಈಗ 6 ಏರ್ಬ್ಯಾಗ್ಗಳು, ಇಎಸ್ಪಿ, ಟಿಪಿಎಂಎಸ್, ಬ್ರೇಕ್ ಅಸಿಸ್ಟ್ನೊಂದಿಗೆ ಇಬಿಡಿ ಸೇರಿದಂತೆ 21 ಪ್ರಮಾಣಿತ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಸುರಕ್ಷತಾ ವೈಶಿಷ್ಟ್ಯಗಳ ಜೊತೆಗೆ ಫ್ರಂಟ್ ಪಾರ್ಕಿಂಗ್ ಸೆನ್ಸರ್ ಕೂಡ ಲಭ್ಯವಿದೆ.
ಹೊಸ ಟ್ರೈಬರ್ 6250 rpm ನಲ್ಲಿ 72 PS ಗರಿಷ್ಠ ಪವರ್ ಔಟ್ಪುಟ್ ಮತ್ತು 3500 rpm ನಲ್ಲಿ 96 Nm ಗರಿಷ್ಠ ಟಾರ್ಕ್ ನೀಡುತ್ತದೆ. ಎಲ್ಲಾ ವೇರಿಯೆಂಟ್ಗಳಲ್ಲಿ 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಲಭ್ಯವಿದೆ. ಟಾಪ್-ಎಂಡ್ ಎಮೋಷನ್ ವೇರಿಯೆಂಟ್ ಸುಧಾರಿತ Easy-R AMTಯನ್ನು ಸಹ ಹೊಂದಿದೆ, ಇದು ಚಾಲನಾ ಸೌಕರ್ಯ ಮತ್ತು ಅನುಕೂಲತೆಯನ್ನು ಹೆಚ್ಚಿಸುತ್ತದೆ.
ಈ ಕಾರು ರೆನಾಲ್ಟ್ ಸೆಕ್ಯೂರ್ ಕಾರ್ಯಕ್ರಮದ ಅಡಿಯಲ್ಲಿ 7 ವರ್ಷಗಳು ಅಥವಾ ಅನಿಯಮಿತ ಕಿ.ಮೀ ವ್ಯಾಪ್ತಿಗೆ ವಿಸ್ತರಿಸಬಹುದಾದ 3 ವರ್ಷಗಳ ಪ್ರಮಾಣಿತ ವಾರೆಂಟಿಯೊಂದಿಗೆ ಬರುತ್ತದೆ. ಹಾಗೆಯೇ ಈಗ ಹೊಸ ಟ್ರೈಬರ್ 3 ವರ್ಷಗಳ ವಾರೆಂಟಿಯೊಂದಿಗೆ ದೇಶಾದ್ಯಂತ ಸರ್ಕಾರಿ ಅನುಮೋದಿತ ಸಿಎನ್ಜಿ ರೆಟ್ರೋಫಿಟ್ಮೆಂಟ್ ಕಿಟ್ಗಳೊಂದಿಗೆ ಲಭ್ಯವಿದೆ ಎಂದು ಕಂಪನಿ ತಿಳಿಸಿದೆ.
ಎಲ್ಲಾ ವೇರಿಯೆಂಟ್ಗಳ ಬೆಲೆ ವಿವರಗಳು
ಅಥೆಂಟಿಕ್ ಬೆಲೆಯು ರೂ. 6,29,995 (ಎಕ್ಸ್-ಶೋರೂಮ್), ಎವಲ್ಯೂಷನ್ ರೂ. 7,24,995 (ಎಕ್ಸ್-ಶೋರೂಮ್), ಟೆಕ್ನೋ ರೂ. 7,99,995 (ಎಕ್ಸ್-ಶೋರೂಮ್), ಎಮೋಷನ್ ರೂ. 8,64,995 (ಎಕ್ಸ್-ಶೋರೂಮ್) ಹಾಗೂ Easy-R AMT ಬೆಲೆಯು 9,16,995 ಇದೆ. ಹೊಸ 2025ರ ನವೀಕೃತ 7-ಸೀಟರ್ ರೆನಾಲ್ಟ್ ಟ್ರೈಬರ್ ಕುರಿತು ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ನಲ್ಲಿ ತಿಳಿಸಿ.
Continue with Google