Jeep: ಹೊಸ ರಗಡ್ ಎಸ್‌ಯುವಿ ಬಿಡುಗಡೆ ಮಾಡಿದ ಜೀಪ್: ಸನ್‌ರೂಫ್, ಅತ್ಯಾಧುನಿಕ ಫೀಚರ್ಸ್!

ಜೀಪ್ ಇಂಡಿಯಾ ಇಂದು ತನ್ನ ಪ್ರೀಮಿಯಂ SUV ಯ ಲಿಮಿಟೆಡ್-ರನ್ ಸ್ಪೆಷಲ್ ಎಡಿಷನ್ ಆಗಿರುವ ಕಂಪಾಸ್ ಟ್ರ್ಯಾಕ್ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಬೆಲೆಗಳು ರೂ. 2,678,200 (ಎಕ್ಸ್‌ ಶೋರೂಂ) ನಿಂದ ಆರಂಬವಾಗುತ್ತವೆ. ಸುಸಜ್ಜಿತ ಕಂಪಾಸ್ ಮಾಡೆಲ್ S ಅನ್ನು ಆಧರಿಸಿದ ಟ್ರ್ಯಾಕ್ ಎಡಿಷನ್ ಎಸ್‌ಯುವಿ ವಿಶಿಷ್ಟವಾದ ಬಾಹ್ಯ ವಿನ್ಯಾಸ ಮತ್ತು ಐಷಾರಾಮಿ ಒಳಾಂಗಣ ನವೀಕರಣಗಳೊಂದಿಗೆ ತುಂಬಿದೆ. ಜೀಪ್‌ನ ಸಾಮರ್ಥ್ಯ ಮತ್ತು ಅಡ್ವೆಂಚರ್ ಮಾಡುವವರಿಗೆ ನಿಜವಾದ ವಿಶಿಷ್ಟ ಶೈಲಿಯ ಅಭಿವ್ಯಕ್ತಿಯನ್ನು ನೀಡುತ್ತದೆ ಎಂದು ಕಂಪನಿ ತಿಳಿಸಿದೆ. ಹೊಸ ಲಿಮಿಟೆಡ್-ರನ್ ಸ್ಪೆಷಲ್ ಎಡಿಷನ್ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ.

ವಿಶಿಷ್ಟ ವಿನ್ಯಾಸ, ಆಕರ್ಷಕ ಒಳಾಂಗಣ: ಒಳಗೆ, ಕ್ಯಾಬಿನ್ ಹೊಸ ಟ್ಯುಪೆಲೊ ಲೆದರೆಟ್ ಸೀಟ್‌ಗಳು, ಡಾರ್ಕ್ ಎಸ್ಪ್ರೆಸೊ ಸ್ಮೋಕ್ ಕ್ರೋಮ್ ಫಿನಿಶ್‌ಗಳು, ಸ್ಪ್ರೂಸ್ ಬೀಜ್ ಕಾಂಟ್ರಾಸ್ಟ್ ಸ್ಟಿಚಿಂಗ್, ಜೀಪ್ ಬ್ರ್ಯಾಂಡಿಂಗ್‌ನೊಂದಿಗೆ ಟ್ಯುಪೆಲೊ ವಿನೈಲ್ ಅಸೆಂಟ್‌ಗಳು ಮತ್ತು ಟ್ರ್ಯಾಕ್ ಎಡಿಷನ್ ಫ್ಲೋರ್ ಮ್ಯಾಟ್‌ಗಳನ್ನು ಒಳಗೊಂಡಿದೆ. ಕಾರ್ಟಿನಾ ಲೆದರ್‌ನಿಂದ ಸುತ್ತುವರಿದ ಸ್ಟೀರಿಂಗ್ ವೀಲ್ ಮತ್ತು ಪಿಯಾನೋ ಬ್ಲ್ಯಾಕ್ ಇನ್ಸರ್ಟ್‌ಗಳೊಂದಿಗೆ ರಚಿಸಲಾಗಿದೆ.

ಹೊರಭಾಗದಲ್ಲಿ, ಕಂಪಾಸ್ ಟ್ರ್ಯಾಕ್ ಎಡಿಷನ್ ಅದರ ಸಿಗ್ನೇಚರ್ ಹುಡ್ ಡೆಕಲ್, ಗ್ರಿಲ್ ‌ನಲ್ಲಿ ಪಿಯಾನೋ ಬ್ಲ್ಯಾಕ್ ವಿವರಗಳು, ಬ್ಯಾಡ್ಜ್ ‌ಗಳು, ಮೋಲ್ಡಿಂಗ್‌ಗಳು ಮತ್ತು ವಿಶೇಷ ಟ್ರ್ಯಾಕ್ ಎಡಿಷನ್ ಚಿಹ್ನೆಯೊಂದಿಗೆ ಡಿಸೈನ್ ಮಾಡಲಾಗಿದೆ. 18 - ಇಂಚಿನ ಡೈಮಂಡ್ - ಕಟ್ ಟೆಕ್ ಗ್ರೇ ಅಲಾಯ್ ವೀಲ್‌ಗಳು ಮತ್ತು ವ್ಯತಿರಿಕ್ತ ಸ್ಪ್ರೂಸ್ ಬೀಜ್ ಹೈಲೈಟ್‌ಗಳು ದಿಟ್ಟ ನೋಟವನ್ನು ನೀಡುತ್ತವೆ.

ಎಂಜಿನ್: 170 HP ಪವರ್ ಮತ್ತು 350 Nm ಟಾರ್ಕ್ ನೀಡುವ 2.0L ಮಲ್ಟಿಜೆಟ್ II ಟರ್ಬೊ ಡೀಸೆಲ್ ಎಂಜಿನ್‌ ಹೊಂದಿದೆ. ಆಯ್ಕೆಗಳಲ್ಲಿ 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಮತ್ತು 9-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಸೇರಿವೆ, ಇದರಲ್ಲಿ 2WD ಮತ್ತು 4WD ಡ್ರೈವ್‌ಟ್ರೇನ್‌ಗಳಿವೆ. ವಿಭಾಗದಲ್ಲೆ ಮೊದಲ 9-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಗೇರ್ ಶಿಫ್ಟ್‌ಗಳು, ವರ್ಗ-ಪ್ರಮುಖ ಇಂಧನ ದಕ್ಷತೆ ಮತ್ತು ದೃಢವಾದ ಕಾರ್ಯಕ್ಷಮತೆ ನೀಡುವುದಾಗಿ ಕಂಪನಿ ಹೇಳಿಕೊಂಡಿದೆ.

ಸುರಕ್ಷತೆ: 50 ಕ್ಕೂ ಹೆಚ್ಚು ಪ್ರಮಾಣಿತ ಮತ್ತು ಲಭ್ಯವಿರುವ ಸುರಕ್ಷತಾ ವೈಶಿಷ್ಟ್ಯಗಳು, ಅದರ ವರ್ಗದಲ್ಲಿ ಅತ್ಯಧಿಕವಾಗಿವೆ. EBD ಯೊಂದಿಗೆ 4 - ಚಾನೆಲ್ ABS, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಅಡ್ವಾನ್ಸ್ಡ್ ಬ್ರೇಕ್ ಅಸಿಸ್ಟ್, ಹಿಲ್ ಸ್ಟಾರ್ಟ್ ಅಸಿಸ್ಟ್, ಆಲ್ - ಸ್ಪೀಡ್ ಟ್ರಾಕ್ಷನ್ ಕಂಟ್ರೋಲ್, ರಿಯರ್ ಸೀಟ್ ರಿಮೈಂಡರ್ ಅಲರ್ಟ್ ಮತ್ತು ರೈನ್ ಬ್ರೇಕ್ ಅಸಿಸ್ಟ್ ಸೇರಿವೆ.

ತಂತ್ರಜ್ಞಾನ ಮತ್ತು ಸೌಕರ್ಯ: ವೈರ್‌ಲೆಸ್ ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ ಜೊತೆಗೆ 10.1 - ಇಂಚಿನ ಯುಕನೆಕ್ಟ್ 5 ಇನ್ಫೋಟೈನ್ಮೆಂಟ್ ಸಿಸ್ಟಮ್ ನೀಡಲಾಗಿದೆ. ಪ್ರೀಮಿಯಂ ಆಲ್ಪೈನ್ ಸೌಂಡ್ ಸಿಸ್ಟಮ್ ಮತ್ತು 10.25 - ಇಂಚಿನ ಡಿಜಿಟಲ್ ಟಿಎಫ್‌ಟಿ ಗೇಜ್ ಕ್ಲಸ್ಟರ್ (ಅದರ ವರ್ಗದಲ್ಲಿ ದೊಡ್ಡದಾಗಿದೆ) ಒದಗಿಸಲಾಗಿದೆ.

ಡ್ಯುಯಲ್ - ಪೇನ್ ಪನೋರಮಿಕ್ ಸನ್‌ರೂಫ್ ಮತ್ತು ಮೆಮೊರಿ ಕಾರ್ಯದೊಂದಿಗೆ 8 - ವೇ ಎಲೆಕ್ಟ್ರಾನಿಕ್ ಹೊಂದಾಣಿಕೆ ಮಾಡಬಹುದಾದ ವೆಂಟಿಲೇಟೆಡ್ ಲೆದರ್ ಸೀಟ್‌ಗಳನ್ನು ಒಳಗೊಂಡಿದೆ. ರೇಡಿಯೋ, ಮೀಡಿಯಾ, ಫೋನ್, ಕ್ಲೈಮೇಟ್ ಮತ್ತು ನ್ಯಾವಿಗೇಷನ್ ನಿಯಂತ್ರಣಗಳಿಗಾಗಿ ಇಂಟಿಗ್ರೇಟೆಡ್ ವಾಯ್ಸ್ ಕಮಾಂಡ್ ಸಿಸ್ಟಮ್ ಕೂಡ ಇದೆ.

ಕಂಪಾಸ್ ಭಾರತದಲ್ಲಿ ಜೀಪ್‌ನ ಅತ್ಯಂತ ಪ್ರಸಿದ್ಧ SUV ಗಳಲ್ಲಿ ಒಂದಾಗಿದೆ, ಅದರ ದೃಢವಾದ ನಿರ್ಮಾಣ, ಸುಧಾರಿತ ತಂತ್ರಜ್ಞಾನ ಮತ್ತು ಕ್ರಿಯಾತ್ಮಕ ಚಾಲನಾ ಕಾರ್ಯಕ್ಷಮತೆಗೆ ಹೆಸರುವಾಸಿಯಾಗಿದೆ. ಈ ಶ್ರೇಣಿಯು ಸ್ಪೋರ್ಟ್, ಲಾಂಗಿಟ್ಯೂಡ್/ಲಾಂಗಿಟ್ಯೂಡ್ ಪ್ಲಸ್, ಲಿಮಿಟೆಡ್ ಮತ್ತು ಮಾಡೆಲ್ S ಎಂಬ ಐದು ವೇರಿಯೆಂಟ್‌ಗಳನ್ನು ಒಳಗೊಂಡಿದೆ. ಪರ್ಲ್ ವೈಟ್, ಬ್ರಿಲಿಯಂಟ್ ಬ್ಲ್ಯಾಕ್, ಟೆಕ್ನೋ ಮೆಟಾಲಿಕ್ ಗ್ರೀನ್, ಎಕ್ಸೋಟಿಕಾ ರೆಡ್ ಮತ್ತು ಗ್ರಿಜಿಯೊ ಮ್ಯಾಗ್ನೆಸಿಯೊ ಗ್ರೇ ಬಣ್ಣಗಳಲ್ಲಿ ಲಭ್ಯವಿದೆ.