ಮಾರುತಿ ಎರ್ಟಿಗಾಗೆ ನಡುಕ ಶುರು? ಸರ್ಕಾರಿ ಅನುಮೋದಿತ ಹೊಸ 7-ಸೀಟರ್ CNG ಕಾರು ಬಿಡುಗಡೆ

ಕಿಯಾ ಕಂಪನಿಯು ಭಾರತದಲ್ಲಿ ಕ್ಯಾರೆನ್ಸ್ MPV ಗಾಗಿ CNG ಆಯ್ಕೆಯನ್ನು ಬಿಡುಗಡೆ ಮಾಡಿದೆ, ಇದರ ಬೆಲೆ ರೂ. 11.77 ಲಕ್ಷ (ಎಕ್ಸ್-ಶೋರೂಂ) ದಿಂದ ಪ್ರಾರಂಭವಾಗುತ್ತದೆ. ಇದನ್ನು ಲೊವಾಟೋ ಡೀಲರ್-ಫಿಟೆಡ್ CNG ಕಿಟ್ ಆಗಿ ನೀಡಲಾಗುತ್ತಿದೆ. ಹೊಸ CNG ಕಿಟ್ ಸರ್ಕಾರಿ ಅನುಮೋದನೆ ಮತ್ತು 3 ವರ್ಷಗಳು ಅಥವಾ 1 ಲಕ್ಷ ಕಿಲೋಮೀಟರ್‌ಗಳವರೆಗೆ (ಯಾವುದು ಮೊದಲೋ ಅದು) ಮಾನ್ಯವಾಗಿರುವ ಮೂರನೇ ವ್ಯಕ್ತಿಯ ವಾರೆಂಟಿಯೊಂದಿಗೆ ಬರುತ್ತದೆ. ಈ CNG ಆಯ್ಕೆಯು ಹೆಚ್ಚಾಗಿ ಫ್ಲೀಟ್ ಆಪರೇಟರ್‌ಗಳು ಮತ್ತು ಭಾರತದಲ್ಲಿ ಇಂಧನ-ಸಮರ್ಥ ಮತ್ತು ವೈಶಿಷ್ಟ್ಯ-ಸಮೃದ್ಧ MPV ಯನ್ನು ಹುಡುಕುತ್ತಿರುವವರಿಗೆ ಬೆಸ್ಟ್ ಆಯ್ಕೆಯಾಗಿದೆ.

ಕಿಯಾ ಕಂಪಿಯು ತನ್ನ ಕಾರೆನ್ಸ್ ಶ್ರೇಣಿಯಲ್ಲಿ ಏಕೈಕ ಪ್ರೀಮಿಯಂ (ಒ) ವೇರಿಯೆಂಟ್ ಅನ್ನು ಮಾರಾಟ ಮಾಡುತ್ತಿದ್ದು, ಇದರ ಬೆಲೆ ರೂ. 10.99 ಲಕ್ಷವಿದೆ. ಈ ವೇರಿಯೆಂಟ್‌ಗಿಂತ ರೂ.77,900 ಹೆಚ್ಚುವರಿ ಬೆಲೆಯಲ್ಲಿ ಹೊಸ ಸಿಎನ್‌ಜಿ ವೇರಿಯೆಂಟ್ ಬಿಡುಗಡೆ ಮಾಡಲಾಗಿದೆ. ಕಿಯಾ ಕಾರೆನ್ಸ್‌ಗೆ ಯಾವುದೇ ನೇರ ಪ್ರತಿಸ್ಪರ್ಧಿಗಳಿಲ್ಲವಾದರೂ, 7-ಸೀಟರ್ ಎಂಪಿವಿಯಾಗಿರುವುದರಿಂದ ಇದು ಮಾರುತಿ ಎರ್ಟಿಗಾ, ಟೊಯೊಟಾ ರೂಮಿಯನ್ ಮತ್ತು ಟೊಯೊಟಾ ಇನೋವಾ ಕ್ರಿಸ್ಟಾದಂತಹ ಕಾರುಗಳೊಂದಿಗೆ ಸ್ಪರ್ಧಿಸುತ್ತದೆ.

ಒಟ್ಟಾರೆ ಪೆಟ್ರೋಲ್, ಟರ್ಬೊ-ಪೆಟ್ರೋಲ್, ಡೀಸೆಲ್, ಇವಿ ಮತ್ತು ಈಗ ಸಿಎನ್‌ಜಿ ಪವರ್ ಟ್ರೇನ್ ಗಳೊಂದಿಗೆ, ಕಾರೆನ್ಸ್ ಇಂದು ಮಾರುಕಟ್ಟೆಯಲ್ಲಿರುವ ಅತ್ಯಂತ ಬಹುಮುಖ 7-ಸೀಟರ್ ಕಾರುಗಳಲ್ಲಿ ಒಂದಾಗಿದೆ. ಸ್ಟ್ಯಾಂಡರ್ಡ್ ಕಾರೆನ್ಸ್ ಹೆಚ್ಚಾಗಿ ಫ್ಲೀಟ್ ಆಪರೇಟರ್ ಗಳ ಕಡೆಗೆ ಕೇಂದ್ರೀಕೃತವಾಗಿದ್ದರೂ, ಈ ಸಿಎನ್‌ಜಿ ಆಯ್ಕೆಯು ಹೆಚ್ಚು ಮಿತವ್ಯಯದ ಇಂಧನ ಆಯ್ಕೆಯನ್ನು ನೀಡುತ್ತದೆ ಎಂದು ಹೇಳಬಹುದು.

ಗಮನಾರ್ಹವಾಗಿ, ಸಿಎನ್‌ಜಿ ಕಿಟ್ ಅನ್ನು ಲೊವಾಟೋ ಪೂರೈಸಲಿದ್ದು, ಕಿಯಾ ಡೀಲರ್ ಶಿಪ್ ಗಳು ಅವನ್ನು ಅಳವಡಿಸುತ್ತವೆ. ಪವರ್ ಮತ್ತು ಮೈಲೇಜ್ ಕುರಿತ ನಿಖರವಾದ ಮಾಹಿತಿಯನ್ನು ಅಧಿಕೃತವಾಗಿ ಬಹಿರಂಗಪಡಿಸಲಾಗಿಲ್ಲ. ಆದರೂ ಕಾರೆನ್ಸ್ CNG 115 hp ಪವರ್ ಮತ್ತು 144 Nm ಟಾರ್ಕ್ ಉತ್ಪಾದಿಸುವ 1.5-ಲೀಟರ್ NA ಪೆಟ್ರೋಲ್ ಎಂಜಿನ್ ಅನ್ನು ಉಳಿಸಿಕೊಳ್ಳಬಹುದು. ಇದು 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಜೋಡಿಸಲ್ಪಟ್ಟಿದೆ. 7-ಸೀಟರ್ ವಿನ್ಯಾಸವನ್ನು ಉಳಿಸಿಕೊಂಡಿದೆ.

ಪ್ರಮುಖ ವೈಶಿಷ್ಟ್ಯಗಳಲ್ಲಿ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಹೊಂದಿರುವ 8-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಸೆಮಿ-ಲೆಥೆರೆಟ್ ಅಪ್ಹೋಲ್ಸ್ಟರಿ, ಮಾರ್ಗಸೂಚಿಗಳೊಂದಿಗೆ ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾ, 12.5-ಇಂಚಿನ LCD ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಆರು ಏರ್‌ಬ್ಯಾಗ್‌ಗಳು, TPMS ಮತ್ತು ಬಹು USB ಟೈಪ್-C ಚಾರ್ಜಿಂಗ್ ಪೋರ್ಟ್‌ಗಳು ಸೇರಿವೆ.

ಹೆಚ್ಚುವರಿ ವೈಶಿಷ್ಟ್ಯಗಳ ವಿಷಯದಲ್ಲಿ, 6-ಸ್ಪೀಕರ್ ಸೌಂಡ್ ಸಿಸ್ಟಮ್, ಸ್ಟೀರಿಂಗ್-ಮೌಂಟೆಡ್ ಆಡಿಯೊ ಕಂಟ್ರೋಲ್‌ಗಳು, ರಿಯರ್ ಸನ್ ಶೇಡ್ ಗಳು ಮತ್ತು ಅನುಕೂಲಕ್ಕಾಗಿ ಟಿಲ್ಟ್-ಅಡ್ಜಸ್ಟಬಲ್ ಸ್ಟೀರಿಂಗ್ ಅನ್ನು ಹೊಂದಿದೆ. ಸುರಕ್ಷತೆಯ ದೃಷ್ಟಿಯಿಂದ, ಇದು 6 ಏರ್ ಬ್ಯಾಗ್ ಗಳು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಹಿಲ್ ಹೋಲ್ಡ್ ಅಸಿಸ್ಟ್, ರಿಯರ್ ವ್ಯೂ ಕ್ಯಾಮೆರಾ, ಆಲ್-ವೀಲ್ ಡಿಸ್ಕ್ ಬ್ರೇಕ್ ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಅನ್ನು ಹೊಂದಿದೆ.

ಹೆಚ್ಚು ವೈಶಿಷ್ಟ್ಯಪೂರ್ಣ ಕಿಯಾ ಕಾರೆನ್ಸ್ ಸಿಎನ್‌ಜಿಗೆ ಹೋಲಿಸಿದರೆ ಮಾರುತಿ ಎರ್ಟಿಗಾ ಸಿಎನ್‌ಜಿ ಹೆಚ್ಚು ಕೈಗೆಟುಕುವ ಸಿಎನ್‌ಜಿ ಎಂಪಿವಿ ಆಯ್ಕೆಯಾಗಿ ಸ್ಥಾನ ಪಡೆದಿದೆ. ಕಾರೆನ್ಸ್ ಹೆಚ್ಚಿನ ವೈಶಿಷ್ಟ್ಯಗಳು ಮತ್ತು ಪ್ರೀಮಿಯಂ ಸ್ಪರ್ಶಗಳೊಂದಿಗೆ ದೊಡ್ಡ 1.5 ಲೀಟರ್ ಎಂಜಿನ್ ಅನ್ನು ನೀಡುತ್ತದೆ, ಆದರೆ ಎರ್ಟಿಗಾ ಕಡಿಮೆ ಆರಂಭಿಕ ವೆಚ್ಚದೊಂದಿಗೆ ಬಜೆಟ್ ಸ್ನೇಹಿ, ಪರಿಣಾಮಕಾರಿ ಆಯ್ಕೆಯನ್ನು ಒದಗಿಸುತ್ತದೆ. ಮುಂದಿನ ದಿನಗಳಲ್ಲಿ ಗ್ರಾಹಕರು ಹೇಗೆ ಸ್ವೀಕರಿಸುತ್ತಾರೆ ಕಾದುನೋಡಬೇಕಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.