ಮತ್ತೊಂದು ಖಡಕ್ ಫೀಚರ್ ಪರಿಚಯಿಸಲು ಸಜ್ಜಾದ ಎಂಜಿ ಮೋಟಾರ್: ಜನ ಕ್ಯೂ ನಿಲ್ಲೋದು ಗ್ಯಾರೆಂಟಿ

JSW MG ಮೋಟಾರ್ ಇಂಡಿಯಾ ತನ್ನ ಎಂಜಿ ವಿಂಡ್ಸರ್ ಅನ್ನು ಭಾರತದಲ್ಲಿ ಪರಿಚಯಿಸಿದಾಗಿನಿಂದ ಭಾರತದ ಅತ್ಯುತ್ತಮ ಮಾರಾಟವಾದ EV ಆಗಿ ಗುರ್ತಿಸಿಕೊಂಡಿದೆ. ಸೆಡಾನ್‌ನ ವಿಸ್ತಾರವನ್ನು SUV ಯ ಬಹುಮುಖತೆಯೊಂದಿಗೆ ಸಂಯೋಜಿಸುವ ಈ ಕಾರು ಗ್ರಾಹಕರಿಗೆ ಪ್ರೀಮಿಯಂ ಕೊಡುಗೆಯಾಗಿದೆ. ಇದೀಗ JSW MG ಮೋಟಾರ್ ಇಂಡಿಯಾ ಇತ್ತೀಚೆಗೆ MG ವಿಂಡ್ಸರ್ PRO ಆಗಮನವನ್ನು ಘೋಷಿಸಿದೆ. ಇದು PRO ತಂತ್ರಜ್ಞಾನವನ್ನು ಹೊಂದಿದ್ದು, ಒಟ್ಟಾರೆ ಅನುಭವವನ್ನು ಹೆಚ್ಚಿಸುತ್ತದೆ. ಹೊಸದಾಗಿ ಬಿಡುಗಡೆಯಾದ ವೀಡಿಯೊದಲ್ಲಿ, ಕಾರು ತಯಾರಕರು ವೆಹಿಕಲ್-ಟು-ಲೋಡ್ ವೈಶಿಷ್ಟ್ಯ ಇರುವುದನ್ನು ಬಹಿರಂಗಪಡಿಸಿದ್ದಾರೆ.

MG ವಿಂಡ್ಸರ್ PRO ವೆಹಿಕಲ್-ಟು-ಲೋಡ್ (V2L) ಮತ್ತು ವೆಹಿಕಲ್-ಟು-ವೆಹಿಕಲ್ (V2V) ತಂತ್ರಜ್ಞಾನಗಳೊಂದಿಗೆ ಸಜ್ಜುಗೊಂಡಿದೆ. V2L ವೈಶಿಷ್ಟ್ಯಗಳು ಬಳಕೆದಾರರಿಗೆ ಕಾರಿನಿಂದ ನೇರವಾಗಿ ಬಾಹ್ಯ ಸಾಧನಗಳಿಗೆ ಪವರ್ ತುಂಬಲು ಅನುವು ಮಾಡಿಕೊಡುತ್ತದೆ. ಇದು ಹೊರಾಂಗಣ ಉತ್ಸಾಹಿಗಳು ಮತ್ತು ವೃತ್ತಿಪರರಿಗೆ ಸೂಕ್ತವಾಗಿದೆ ಎಂದು ಕಂಪನಿ ಹೇಳಿದೆ.

ಈ ಕಾರು ಮೇ 6 ರಂದು ಪಾದಾರ್ಪಣೆ ಮಾಡಲಿದೆ. ಪ್ರಸ್ತುತ, ಸ್ಟ್ಯಾಂಡರ್ಡ್ ವಿಂಡ್ಸರ್ ಇವಿ ಸತತ ಏಳನೇ ತಿಂಗಳು ಭಾರತದಲ್ಲಿ ಹೆಚ್ಚು ಮಾರಾಟವಾದ ಎಲೆಕ್ಟ್ರಿಕ್ ವಾಹನವಾಗಿದೆ. ಮುಂಬರಲಿರುವ ಪ್ರೊ ಆವೃತ್ತಿಯು ಎಂಜಿಯ ಮಾರಾಟ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸುವ ನಿರೀಕ್ಷೆಯಿದೆ. ಮುಂಬರಲಿರುವ ಎಂಜಿ ವಿಂಡ್ಸರ್ ಇವಿ ಪ್ರೊ ದೊಡ್ಡ 50.6 ಕಿಲೋವ್ಯಾಟ್ ಬ್ಯಾಟರಿಯನ್ನು ಪಡೆಯುವ ಮೂಲಕ ಹೆಚ್ಚಿನ ರೇಂಜ್ ಕೂಡ ನೀಡಲಿದೆ.

ಅಂದಾಜಿನ ಪ್ರಕಾರ ಮುಂಬರಲಿರುವ ಹೊಸ ಬ್ಯಾಟರಿ ಪ್ಯಾಕ್ ಸಂಪೂರ್ಣ ಚಾರ್ಜ್ ಮಾಡಿದರೆ 460 ಕಿ.ಮೀ ರೇಂಜ್ ನೀಡುವ ನಿರೀಕ್ಷೆಯಿದೆ. ಪ್ರಸ್ತುತ ಈಗಿರುವ ವಿಂಡ್ಸರ್ 38 ಕಿಲೋವ್ಯಾಟ್ ಬ್ಯಾಟರಿ ಹೊಂದಿದ್ದು 332 ಕಿ.ಮೀ ರೇಂಜ್ ನೀಡುತ್ತದೆ. ಈ ಕಾರಿನಲ್ಲಿ ಆರು ಏರ್ ಬ್ಯಾಗ್ ಗಳು, 360 ಡಿಗ್ರಿ ಕ್ಯಾಮೆರಾ, ಆಟೋ ಹೋಲ್ಡ್ ನೊಂದಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಂ ಮತ್ತು ಎಲ್ಲಾ ನಾಲ್ಕು ಡಿಸ್ಕ್ ಬ್ರೇಕ್ ಗಳನ್ನು ನೀಡಲಾಗುವುದು.

ಇಂಟೀರಿಯರ್: MG ಇವಿಯ ಕ್ಯಾಬಿನ್‌ಗೆ ಹೆಚ್ಚು ಪ್ರೀಮಿಯಂ ಅನುಭವ ಮತ್ತು ಸ್ಪರ್ಶವನ್ನು ನೀಡುವ ನಿರೀಕ್ಷೆಯಿದೆ. ವಿಂಡ್ಸರ್ EV ಪ್ರೊ ಸ್ಟೀರಿಂಗ್ ವೀಲ್ ಮತ್ತು ಡೋರ್ ಪ್ಯಾನೆಲ್‌ಗಳಲ್ಲಿ ಪುಡನ್ ಪ್ಯಾನೆಲ್‌ಗಳು ಮತ್ತು ತಾಮ್ರದ ಇನ್ಸರ್ಟ್‌ಗಳೊಂದಿಗೆ ಡ್ಯುಯಲ್-ಟೋನ್ ಡ್ಯಾಶ್‌ಬೋರ್ಡ್ ಅನ್ನು ನೀಡಬಹುದು. ಇದು 15.6-ಇಂಚಿನ ಟಚ್‌ಸ್ಕ್ರೀನ್, ವೆಂಟಿಲೇಟೆಡ್ ಮುಂಭಾಗದ ಸೀಟುಗಳು, 9-ಸ್ಪೀಕರ್ ಇನ್ಫಿನಿಟಿ ಮ್ಯೂಸಿಕ್ ಸಿಸ್ಟಮ್, ಆಟೋಮ್ಯಾಟಿಕ್ ಕ್ಲೈಮೆಟ್ ಕಂಟ್ರೋಲ್, ವೈರ್‌ಲೆಸ್ ಫೋನ್ ಚಾರ್ಜರ್ ಗ್ಲಾಸ್ ರೂಫ್ ಇರಲಿದೆ.

ಎಂಜಿ ಭಾರತದಲ್ಲಿ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ಎಡಿಎಎಸ್) ಅನ್ನು ನೀಡುವ ಮೊದಲ ಕಂಪನಿಯಾಗಿದೆ. ಈ ಸುರಕ್ಷತಾ ವೈಶಿಷ್ಟ್ಯವನ್ನು ಹೊಂದಿರುವ ಮೊದಲ ಎರಡು ವಾಹನಗಳು ಗ್ಲೋಸ್ಟರ್ ಮತ್ತು ಆಸ್ಟರ್ ಆಗಿವೆ. ಹಿಂದಿನ ಎಸ್‌ಯುವಿ ಎಡಿಎಎಸ್ ಹೊಂದಿರುವ ಮೊದಲ ಎಸ್‌ಯುವಿಯಾದರೆ, ಎರಡನೆಯದು ತನ್ನ ವಿಭಾಗದಲ್ಲಿ ಲೆವೆಲ್ 2 ಎಡಿಎಎಸ್ ಅನ್ನು ನೀಡಿದ ಮೊದಲನೆಯದಾಗಿದೆ.

ಎಂಜಿ ಮೋಟಾರ್ ವಿಂಡ್ಸರ್ ಇವಿ ಪ್ರೊ ಕಾರನ್ನು ಕೂಡ ಈಗ ಲೆವೆಲ್ 2 ಎಡಿಎಎಸ್ ಸುರಕ್ಷತಾ ಕಾರ್ಯದೊಂದಿಗೆ ಸಜ್ಜುಗೊಳಿಸುತ್ತಿದೆ. ಹೊಸ ಇವಿ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಲೇನ್ ಡಿಪಾರ್ಚರ್ ವಾರ್ನಿಂಗ್, ಆಟೋಮ್ಯಾಟಿಕ್ ಎಮರ್ಜೆನ್ಸಿ ಬ್ರೇಕಿಂಗ್, ಫಾರ್ವರ್ಡ್ ಕೊಲಿಷನ್ ವಾರ್ನಿಂಗ್ ಮತ್ತು ಹೆಚ್ಚಿನ ವೈಶಿಷ್ಟ್ಯಗಳೊಂದಿಗೆ ಬರುವ ನಿರೀಕ್ಷೆಯಿದೆ.

JSW MG ಮೋಟಾರ್ ಇಂಡಿಯಾ ಬಗ್ಗೆ: 100 ಕ್ಕೂ ಹೆಚ್ಚು ದೇಶಗಳಲ್ಲಿ ಅಸ್ತಿತ್ವವನ್ನು ಹೊಂದಿರುವ ಜಾಗತಿಕ ಫಾರ್ಚೂನ್ 500 ಕಂಪನಿಯಾದ SAIC ಮೋಟಾರ್ ಮತ್ತು JSW ಗ್ರೂಪ್ (B2B ಮತ್ತು B2C ವಲಯಗಳಲ್ಲಿ ಆಸಕ್ತಿ ಹೊಂದಿರುವ ಭಾರತದ ಪ್ರಮುಖ ಸಂಘಟನೆ) 2023 ರಲ್ಲಿ JSW MG ಮೋಟಾರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಎಂಬ ಜಂಟಿ ಉದ್ಯಮವನ್ನು ರಚಿಸಿತು.

ಈ ಜಂಟಿ ಉದ್ಯಮವು ಕಾರು ಖರೀದಿದಾರರಿಗೆ ಆಕರ್ಷಕ ಮೌಲ್ಯದ ಪ್ರತಿಪಾದನೆಗಳೊಂದಿಗೆ ಸುಧಾರಿತ ತಂತ್ರಜ್ಞಾನಗಳು ಮತ್ತು ಭವಿಷ್ಯದ ಉತ್ಪನ್ನಗಳಿಗೆ ಉತ್ತಮ ಪ್ರವೇಶವನ್ನು ನೀಡಲು ವಾಹನಗಳ ವೈವಿಧ್ಯಮಯ ಪೋರ್ಟ್‌ಫೋಲಿಯೊವನ್ನು ಅಭಿವೃದ್ಧಿಪಡಿಸುವತ್ತ ಗಮನಹರಿಸುವುದರೊಂದಿಗೆ ಸ್ಮಾರ್ಟ್ ಮತ್ತು ಸುಸ್ಥಿರ ಆಟೋಮೋಟಿವ್ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸುವ ಗುರಿ ಹೊಂದಿರುವುದಾಗಿ ಕಂಪನಿ ಹೇಳಿದೆ.

JSW MG ಮೋಟಾರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ವಿಶ್ವ ದರ್ಜೆಯ ತಂತ್ರಜ್ಞಾನವನ್ನು ಪರಿಚಯಿಸಲು, ಉತ್ಪಾದನಾ ಭೂದೃಶ್ಯವನ್ನು ಬಲಪಡಿಸಲು, ತನ್ನ ವ್ಯಾಪಾರ ಕಾರ್ಯಾಚರಣೆಗಳಲ್ಲಿ ಅತ್ಯುತ್ತಮವಾದ ನಾವೀನ್ಯತೆಯನ್ನು ತರಲು ಮತ್ತು ವ್ಯಾಪಕ ಸ್ಥಳೀಕರಣದ ಮೂಲಕ ಗಮನಾರ್ಹ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲು ಬದ್ಧವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಕಂಪನಿಯ ಮೂಲ ಮೋರಿಸ್ ಗ್ಯಾರೇಜ್ ಬಗ್ಗೆ: 1924 ರಲ್ಲಿ ಯುಕೆಯಲ್ಲಿ ಸ್ಥಾಪನೆಯಾದ ಮೋರಿಸ್ ಗ್ಯಾರೇಜ್ ವಾಹನಗಳು ತಮ್ಮ ಕ್ರೀಡಾ ಕಾರುಗಳು, ರೋಡ್‌ಸ್ಟರ್‌ಗಳು ಮತ್ತು ಕ್ಯಾಬ್ರಿಯೊಲೆಟ್ ಸರಣಿಗಳಿಗೆ ವಿಶ್ವಪ್ರಸಿದ್ಧವಾಗಿದ್ದವು. ಬ್ರಿಟಿಷ್ ಪ್ರಧಾನ ಮಂತ್ರಿ ಮತ್ತು ಬ್ರಿಟಿಷ್ ರಾಜಮನೆತನ ಸೇರಿದಂತೆ ಸೆಲೆಬ್ರಿಟಿಗಳು ಡಿಸೈನ್, ಸೊಬಗು ಮತ್ತು ಉತ್ಸಾಹಭರಿತ ಪರ್ಫಾಮೆನ್ಸ್‌ಗಾಗಿ MG ವಾಹನಗಳನ್ನು ಹೆಚ್ಚು ಬೇಡಿಕೆಯಲ್ಲಿಟ್ಟುಕೊಂಡಿದ್ದರು.

1930 ರಲ್ಲಿ ಯುಕೆಯ ಅಬಿಂಗ್ಡನ್‌ನಲ್ಲಿ ಸ್ಥಾಪಿಸಲಾದ ಎಂಜಿ ಕಾರ್ ಕ್ಲಬ್ ಸಾವಿರಾರು ನಿಷ್ಠಾವಂತ ಅಭಿಮಾನಿಗಳನ್ನು ಹೊಂದಿದ್ದು, ಇದು ಕಾರು ಬ್ರಾಂಡ್‌ಗಾಗಿ ವಿಶ್ವದ ಅತಿದೊಡ್ಡ ಕ್ಲಬ್‌ಗಳಲ್ಲಿ ಒಂದಾಗಿದೆ. ಕಳೆದ 100 ವರ್ಷಗಳಲ್ಲಿ ಎಂಜಿ ಆಧುನಿಕ, ಭವಿಷ್ಯದ ಮತ್ತು ನವೀನ ಬ್ರ್ಯಾಂಡ್ ಆಗಿ ವಿಕಸನಗೊಂಡಿದೆ. ಗುಜರಾತ್‌ನ ಹಲೋಲ್‌ನಲ್ಲಿರುವ ಅದರ ಅತ್ಯಾಧುನಿಕ ಉತ್ಪಾದನಾ ಘಟಕವು ವಾರ್ಷಿಕ 1,00,000 ಕ್ಕೂ ಹೆಚ್ಚು ವಾಹನಗಳನ್ನು ಮತ್ತು 6,000 ನೇರ ಮತ್ತು ಪರೋಕ್ಷ ಉದ್ಯೋಗಿಗಳನ್ನು ಹೊಂದಿದೆ.

CASE (ಸಂಪರ್ಕಿತ, ಸ್ವಾಯತ್ತ, ಹಂಚಿಕೆ ಮತ್ತು ವಿದ್ಯುತ್) ಚಲನಶೀಲತೆಯ ದೃಷ್ಟಿಕೋನದಿಂದ ಪ್ರೇರೇಪಿಸಲ್ಪಟ್ಟ ಈ ನವೀನ ವಾಹನ ತಯಾರಕ ಕಂಪನಿಯು ಇಂದು ಆಟೋಮೊಬೈಲ್ ವಿಭಾಗದಲ್ಲಿ ವ್ಯಾಪಕ 'ಅನುಭವ'ಗಳನ್ನು ಹೆಚ್ಚಿಸಿದೆ. ಇದು ಭಾರತದಲ್ಲಿ ಹಲವಾರು 'ಪ್ರಥಮ'ಗಳನ್ನು ಪರಿಚಯಿಸಿದೆ (ಇನ್ಯಾವುದೇ ಕಂಪನಿ ಪರಿಚಯಿಸದ ಮೊದಲ ಫೀಚರ್ಸ್).

ಅವುಗಳಲ್ಲಿ ಭಾರತದ ಮೊದಲ ಇಂಟರ್ನೆಟ್ SUV - MG ಹೆಕ್ಟರ್, ಭಾರತದ ಮೊದಲ ಪ್ಯೂರ್ ಎಲೆಕ್ಟ್ರಿಕ್ ಇಂಟರ್ನೆಟ್ SUV - MG ZS EV, ಭಾರತದ ಮೊದಲ ಸ್ವಾಯತ್ತ (ಲೆವಲ್ 1) ಪ್ರೀಮಿಯಂ SUV - MG ಗ್ಲೋಸ್ಟರ್, ವೈಯಕ್ತಿಕ AI ಸಹಾಯಕ ಮತ್ತು ಸ್ವಾಯತ್ತ (ಲೆವಲ್ 2) ತಂತ್ರಜ್ಞಾನವನ್ನು ಹೊಂದಿರುವ ಭಾರತದ ಮೊದಲ SUV ಆಸ್ಟರ್, MG ಕಾಮೆಟ್ - ಸ್ಟ್ರೀಟ್-ಸ್ಮಾರ್ಟ್ ಕಾರು ಮತ್ತು ಭಾರತದ ಮೊದಲ ಇಂಟೆಲಿಜೆಂಟ್ CUV, MG ವಿಂಡ್ಸರ್ ಸೇರಿವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.