Kia EV9 Review: ಹೊಸ ಕಿಯಾ ಇವಿ9 ಕಾರಿನ ಮೊದಲ ಕನ್ನಡ ರಿವ್ಯೂ ವಿಡಿಯೋ

ಹೊಚ್ಚ ಹೊಸ ಕಿಯಾ ಇವಿ9 (Kia EV9) ಅಚ್ಚರಿಗೊಳಿಸುವಂತೆ 1.3 ಕೋಟಿ ರೂ. (ಎಕ್ಸ್-ಶೋರೂಂ) ಬೆಲೆಯೊಂದಿಗೆ, ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಹಾಗಾದರೆ, ಹೊಸ ಕಿಯಾ EV9 ತನ್ನ ಬೆಲೆಗೆ ತಕ್ಕಂತೆ ಸರಿಯಾದ ಫೀಚರ್, ಸೌಕರ್ಯ ಹಾಗೂ ಪರ್ಫಾಮೆನ್ಸ್ ಹೊಂದಿದೆಯೇ ಎಂಬುದನ್ನು ತಿಳಿಯಲು ಈ ಕಾರನ್ನು ನಾವು ಓಡಿಸಿ ನೋಡಿದ್ದೇವೆ. ಆಂಧ್ರಪ್ರದೇಶದಲ್ಲಿರುವ ಕಿಯಾ ಕಂಪನಿಯ ಪರೀಕ್ಷಾ ಸೌಲಭ್ಯಗಳಲ್ಲಿ ಕಿಯಾ EV9 ಅನ್ನು ಓಡಿಸಿ ಸಂಪೂರ್ಣ ರಿವ್ಯೂ ವಿಡಿಯೋ ಮಾಡಿ ನಿಮ್ಮ ಮುಂದೆ ಇಡುತ್ತಿದ್ದೇವೆ.

ಕಿಯಾ EV9 ಬ್ಯಾಟರಿ ಪ್ಯಾಕ್ 350kW ಗರಿಷ್ಠ ಚಾರ್ಜಿಂಗ್ ವೇಗದಲ್ಲಿ ಚಾರ್ಜ್ ಮಾಡಬಹುದು. ಇದಕ್ಕೆ ಸಪೋರ್ಟ್ ಮಾಡುವ DC ಚಾರ್ಜರ್ ಮೂಲಕ EV9 ತನ್ನ ಬ್ಯಾಟರಿ ಪ್ಯಾಕ್ ಅನ್ನು ಕೇವಲ 24 ನಿಮಿಷಗಳಲ್ಲಿ ಶೇ 10 ರಿಂದ ಶೇ 80 ವರೆಗೆ ಚಾರ್ಜ್ ಮಾಡಬಹುದು. ಈ ಬ್ಯಾಟರಿ ಪ್ಯಾಕ್ ಡ್ಯುಯಲ್-ಮೋಟಾರ್ ಆಲ್-ವೀಲ್-ಡ್ರೈವ್ ಸೆಟಪ್ ಅನ್ನು ಹೊಂದಿದ್ದು, ಇದು Kia EV9 ಅನ್ನು ಕೇವಲ 5.3 ಸೆಕೆಂಡುಗಳಲ್ಲಿ 0-100km/h ನಿಂದ 200km/h ಗರಿಷ್ಠ ವೇಗಕ್ಕೆ ಓಡಿಸಲು ಅನುವು ಮಾಡಿಕೊಡುತ್ತದೆ.

ಕಿಯಾ EV9 2,664 ಕೆ.ಜಿ ತೂಕವನ್ನು ಹೊಂದಿದೆ. ಬೃಹತ್ EV9 ಕಾರು 99.8kWh ಬ್ಯಾಟರಿ ಪ್ಯಾಕ್ ಹೊಂದಿದ್ದು, ಇದು ಪೂರ್ಣ ಚಾರ್ಜ್‌ನಲ್ಲಿ 561 ಕಿಮೀ (ARAI MIDC ಪೂರ್ಣ) ರೇಂಜ್ ನೀಡುತ್ತದೆ. ಕಿಯಾ EV9 ಬೃಹತ್ ಗಾತ್ರದ್ದಾಗಿದ್ದು, 5,015mm ಉದ್ದ, 1,980mm ಅಗಲ, 1,780mm ಎತ್ತರ ಮತ್ತು 3,100mm ಉದ್ದದ ವೀಲ್‌ಬೇಸ್ ಅನ್ನು ಹೊಂದಿದೆ.

ಕಿಯಾ EV9 ನ ಕ್ಯಾಬಿನ್ ಒಳಗೆ ಡ್ಯಾಶ್‌ಬೋರ್ಡ್ ನೋಡಿದರೆ ಸೈರಸ್‌ನಲ್ಲಿ ನೋಡಿದ ಅದೇ ಟ್ರಿಪಲ್ ಸ್ಕ್ರೀನ್ ಸೆಟಪ್ ಇಲ್ಲೂ ಕಾಣುತ್ತದೆ. 12.3-ಇಂಚಿನ ಡ್ರೈವರ್ ಮತ್ತು ಇನ್ಫೋಟೈನ್‌ಮೆಂಟ್ ಡಿಸ್ಪ್ಲೇಗಳು HVAC ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸುವ 5-ಇಂಚಿನ ಸ್ಕ್ರೀನ್ ಪಕ್ಕದಲ್ಲಿ ನೀಡಲಾಗಿದೆ. ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮೆರಿಡಿಯನ್ ಮೂಲದ 14-ಸ್ಪೀಕರ್ ಮ್ಯೂಸಿಕ್ ಸಿಸ್ಟಮ್‌ನೊಂದಿಗೆ ಬರುತ್ತದೆ.

ಕಿಯಾ EV9 ಇತರ ಮುಖ್ಯಾಂಶಗಳಲ್ಲಿ ಆಟೋಮ್ಯಾಟಿಕ್ ಕ್ಲೈಮೆಟ್ ಕಂಟ್ರೋಲ್, ಪ್ರಕಾಶಿತ ಕಿಯಾ ಬ್ಯಾಡ್ಜ್‌ನೊಂದಿಗೆ ಫೋರ್-ಸ್ಪೋಕ್ ಎಲೆಕ್ಟ್ರಿಕ್ ಅಡ್ಜಸ್ಟಬಲ್ ಟೆಲಿಸ್ಕೋಪಿಕ್ ಸ್ಟೀರಿಂಗ್ ವೀಲ್, V2L, ಟ್ವಿನ್ ಸನ್‌ರೂಫ್‌ಗಳು, ಪವರ್ಡ್ ಟೈಲ್‌ಗೇಟ್ ಇದೆ. ಸುರಕ್ಷತೆಯ ವಿಚಾರಕ್ಕೆ ಬಂದರೆ 10 ಏರ್‌ಬ್ಯಾಗ್‌ಗಳು, ಬ್ರೇಕ್ ಅಸಿಸ್ಟ್‌ನೊಂದಿಗೆ ABS, ESC, DBC, ಸ್ಟೆಬಿಲಿಟಿ ಕಂಟ್ರೋಲ್, ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್‌ನೊಂದಿಗೆ 360-ಡಿಗ್ರಿ ಕ್ಯಾಮೆರಾ ಮತ್ತು 27 ಸ್ವಾಯತ್ತ ಕಾರ್ಯಗಳನ್ನು ಹೊಂದಿರುವ ಲೆವೆಲ್ 2 ADAS ಒಳಗೊಂಡಿದೆ.