ರೆನಾಲ್ಟ್‌ನ ಬ್ರಹ್ಮಾಸ್ತ್ರ ಡಸ್ಟರ್: ಹೊಸ ರೂಪದಲ್ಲಿ ಘರ್ಜಿಸಲು ರೆಡಿಯಾಗುತ್ತಿದೆ ಹಳೇ ಹುಲಿ!

ಭಾರತದಲ್ಲಿ ಬಿಡುಗಡೆಯಾಗಲಿರುವ ಬಹುನಿರೀಕ್ಷಿತ ಎಸ್‍ಯುವಿಗಳಲ್ಲಿ ರೆನಾಲ್ಟ್ ಡಸ್ಟರ್ (Renault Duster) ಕೂಡ ಒಂದಾಗಿದೆ. ರೆನಾಲ್ಟ್ ಡಸ್ಟರ್ 7-ಸೀಟರ್ ಆವೃತ್ತಿಯು ಭಾರತಕ್ಕೆ ಬರಲಿದೆ. ರೆನಾಲ್ಟ್-ನಿಸ್ಸಾನ್ ಮೈತ್ರಿಯು ಜಂಟಿ ಟೀಸರ್ ಅನ್ನು ಹಂಚಿಕೊಳ್ಳುವ ಮೂಲಕ ಎರಡು ಹೊಸ ಎಸ್‍ಯುವಿಗಳನ್ನ್ನು ಬಿಡುಗಡೆಗೊಳಿಸುವುದನ್ನು ಖಚಿತಪಡಿಸಿತು. ಈ ಮುಂಬರುವ ಮಾದರಿಯು ಭಾರತದಲ್ಲಿ ಬಿಡುಗಡೆಯಾದಾಗ ಈ ಹೆಸರನ್ನು ಉಳಿಸಿಕೊಳ್ಳುತ್ತದೆಯೇ ಎಂದು ನಮಗೆ ಖಚಿತವಿಲ್ಲ. ರೆನಾಲ್ಟ್ ಬಿಗ್‌ಸ್ಟರ್ ಅಥವಾ ಡಸ್ಟರ್ ಎಂಬ ಹೆಸರಿನಲ್ಲಿ ಬರಲಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ರೆನಾಲ್ಟ್ ಡಸ್ಟರ್ ಭಾರೀ ಜನಪ್ರಿಯತೆ ಗಳಿಸಿದ ಎಸ್‍ಯುವಿಗಳಲ್ಲಿ ಒಂದಾಗಿದೆ.

ವರದಿಗಳ ಪ್ರಕಾರ, ಹೊಸ ರೆನಾಲ್ಟ್ ಡಸ್ಟರ್ ಎಸ್‍ಯುವಿಯು ಈ ವರ್ಷದಲ್ಲೇ ಬಿಡುಗಡೆಯಾಗಲಿದೆ. ಈ ಹೊಸ ಡಸ್ಟರ್ ಎಸ್‍ಯುವಿಯ ಚಿತ್ರಗಳು ಬಹಿರಂಗವಾಗಿವೆ. ಈ ಚಿತ್ರಗಳಲ್ಲಿ ಡಸ್ಟರ್ ಎಸ್‍ಯುವಿ ದೊಡ್ಡ ವ್ಹೀಲ್ ಗಳು ಮತ್ತು ಸ್ಲಿಮ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಡಬಲ್-ಸ್ಟಾಕ್ ಗ್ರಿಲ್ ಅನ್ನು ಬಹಿರಂಗಪಡಿಸುತ್ತವೆ. ಸಿಲೂಯೆಟ್ ಪರಿಚಿತವಾಗಿದೆ ಮತ್ತು ಐಕಾನಿಕ್ ಡಸ್ಟರ್ ಆಕಾರವನ್ನು ಉಳಿಸಿಕೊಂಡಿದೆ, ಈ ಎಸ್‍ಯುವಿ ಹಿಂಭಾಗದಲ್ಲಿ ತ್ರಿಕೋನ ಟೈಲ್ ಲ್ಯಾಂಪ್‌ಗಳು ಮತ್ತು ದಪ್ಪನಾದ ಬೂಟ್ ಡೋರ್ ಪಡೆಯುತ್ತದೆ.

ಈ ರೆನಾಲ್ಟ್ ಡಸ್ಟರ್ ಎಸ್‍ಯುವಿಯ ಒಳಬಾಗದಲ್ಲಿ ಡ್ಯುಯಲ್ ಡಿಜಿಟಲ್ ಡಿಸ್‌ಪ್ಲೇಗಳು, ಮೂರು-ಸ್ಪೋಕ್ ಸ್ಟೀರಿಂಗ್ ವೀಲ್, ಬೂದು ಮತ್ತು ಕಪ್ಪು ಕ್ಯಾಬಿನ್ ಮತ್ತು ಸ್ಟ್ಯಾಕ್ ಮಾಡಿದ ಸೆಂಟರ್ ಕನ್ಸೋಲ್‌ನಂತಹ ಕೆಲವು ತಿಂಗಳ ಹಿಂದೆ ನಾವು ನೋಡಿದ ಕ್ಯಾಬಿನ್‌ನಂತೆಯೇ ಇದೆ. ಈ ಎಸ್‍ಯುವಿ ಪಿಲ್ಲರ್‌ಗಳು ಬ್ಲ್ಯಾಕ್ ಬಣ್ಣದಲ್ಲಿದೆ ಮತ್ತು ಹಿಂಭಾಗದ ಡೋರುಗಳ ಹ್ಯಾಂಡಲ್ ಗಳನ್ನು ಸಿ-ಪಿಲ್ಲರ್‌ನಲ್ಲಿ ಮರೆಮಾಡಲಾಗಿದೆ.

ಈ ಡಸ್ಟರ್ ಎಸ್‍ಯುವಿ ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾದ ಡ್ಯಾಶ್‌ಬೋರ್ಡ್ ಮತ್ತು ಸೆಂಟ್ರಲ್ ಕನ್ಸೋಲ್ ಅನ್ನು ಒಳಗೊಂಡಿರುವ ಎಲ್ಲಾ-ಹೊಸ ಒಳಾಂಗಣದೊಂದಿಗೆ ಬರುತ್ತದೆ. ಇದು ಡಿಜಿಟಲ್ ಉಪಕರಣ ಕನ್ಸೋಲ್ ಅನ್ನು ಒಳಗೊಂಡಿದೆ. ಇದರ ಮೂಲ ಮಾದರಿಯು ಸೆಮಿ-ಡಿಜಿಟಲ್ ಡ್ರೈವರ್‌ಗಳ ಡಿಸ್ ಪ್ಲೇಯನ್ನು ನೀಡುವುದನ್ನು ಮುಂದುವರಿಸುತ್ತದೆ. ಇದು ಕನೆಕ್ಟಿವಿಟಿ ಆಯ್ಕೆಗಳೊಂದಿಗೆ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಯುನಿಟ್ ಅನ್ನು ಹೊಂದಿರಲಿದೆ.

ನ್ಯೂ ಜನರೇಷನ್ ಡೇಸಿಯಾ ಡಸ್ಟರ್ ಅನ್ನು ರೆನಾಲ್ಟ್-ನಿಸ್ಸಾನ್ ಅಲೈಯನ್ಸ್‌ನ CMF-B ಮಾಡ್ಯುಲರ್ ಪ್ಲಾಟ್‌ಫಾರ್ಮ್‌ನಲ್ಲಿ ತಯಾರಿಸಲಾಗಿದೆ. ಇದು ಸ್ಯಾಂಡೆರೊ ಮತ್ತು ಜೋಗರ್‌ಗೆ ಆಧಾರವಾಗಿದೆ. ಹೊಸ ಎಸ್‍ಯುವಿಯ ಪ್ರೊಫೈಲ್‌ನಲ್ಲಿ, ಹೊಸ ಡಸ್ಟರ್ ಕೆಲವು ಆಧುನಿಕ ಸ್ಟೈಲಿಂಗ್ ಅಂಶಗಳೊಂದಿಗೆ ಪರಿಚಿತವಾಗಿದೆ. ಈ ಹೊಸ ಜನರೇಷನ್ ಮಾದರಿಯು ಹಿಂದಿನ ಮಾದರಿಗಿಂತ ಸ್ವಲ್ಪ ಉದ್ದವಾಗಿದೆ. ಇದು ಗಮನಾರ್ಹವಾಗಿ ದೊಡ್ಡದಾಗಿ ಮತ್ತು ಸ್ಪೋರ್ಟಿಯರ್ ಆಗಿ ಬರಲಿದೆ.

ರೆನಾಲ್ಟ್ ಡಸ್ಟರ್ ಎಸ್‍ಯುವಿಯು ಟರ್ಬೊ ಪೆಟ್ರೋಲ್ ಎಂಜಿನ್ ಆಯ್ಕೆಗಳೊಂದಿಗೆ ಬರಲಿದೆ. ನಿಸ್ಸಾನ್ ಮ್ಯಾಗ್ನೈಟ್ ಮತ್ತು ರೆನಾಲ್ಟ್ ಕಿಗರ್‌ಗಳಿಗೆ ನೀಡಿರುವ 1.0 ಲೀಟರ್ ಟರ್ಬೊ ಪೆಟ್ರೋಲ್ ಯುನಿಟ್ ಪ್ಯಾಕೇಜ್‌ನ ಭಾಗವಾಗಿರುತ್ತದೆ. ಇದು ಹೆಚ್ಚು ಪಬರ್ ಟ್ಯೂನ್ ಅನ್ನು ಪಡೆಯುತ್ತದೆ ಮತ್ತು ಕಡಿಮೆ-ಸ್ಪೆಕ್ ರೂಪಾಂತರಗಳಿಗಾಗಿ ಕಾಯ್ದಿರಿಸಲಾಗಿದೆ. ಎರಡನೇ ಎಂಜಿನ್ ಆಯ್ಕೆಯೆಂದರೆ HR13 1.3 ಲೀಟರ್ ಟರ್ಬೊ-ಪೆಟ್ರೋಲ್ ಆಗಿರುತ್ತದೆ.

ಈ ಡಸ್ಟರ್ (Duster) ಯುರೋಪ್ ಮತ್ತು ಇತರ ಜಾಗತಿಕ ಮಾರುಕಟ್ಟೆಗಳಲ್ಲಿ ರೆನಾಲ್ಟ್ ಗ್ರೂಪ್‌ನ (ರೆನಾಲ್ಟ್ + ಡೇಸಿಯಾ) ಅತ್ಯಂತ ಯಶಸ್ವಿ ಮಾದರಿಯಾಗಿದೆ. ಡೇಸಿಯಾ (Dacia) ಅಥವಾ ಡಸ್ಟರ್ ಮಾದರಿಯು 2010 ರಿಂದ 2.2 ಮಿಲಿಯನ್ ಯುನಿಟ್‌ಗಳನ್ನು ಉತ್ಪಾದಿಸಿದೆ. 2024ರ ರೆನಾಲ್ಟ್ ಡಸ್ಟರ್ (Renault Duster) ಹೊಸ ಸ್ಟೈಲಿಂಗ್ ಮತ್ತು ಎಲ್ಲಾ ಹೊಸ ಮೆಕ್ಯಾನಿಕ್ಸ್ ಜೊತೆಗೆ ಹೆಚ್ಚು ನವೀಕರಣಗಳೊಂದಿಗೆ ಒಳಾಂಗಣದೊಂದಿಗೆ ಬರಲಿದೆ.

ಹೊಸ ಡಸ್ಟರ್‌ನ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ತಂತ್ರಜ್ಞಾನದಲ್ಲಿ ಅತ್ಯಾಧುನಿಕ ವೈಶಿಷ್ಟ್ಯವಿದೆ. ಈ ಎಸ್‌ಯುವಿ ಮರುವಿನ್ಯಾಸಗೊಳಿಸಲಾದ ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ ಸೆಲೆಕ್ಟರ್ ಲಿವರ್ನೊಂದಿಗೆ ಬರುತ್ತದೆ. ಇದು ಕ್ರೂಸ್ ಮತ್ತು ಇನ್ಫೋಟೈನ್‌ಮೆಂಟ್‌ಗಾಗಿ ಕಂಟ್ರೋಲ್ ಗಳೊಂದಿಗೆ ಫ್ಲಾಟ್-ಬಾಟಮ್ ಸ್ಟೀರಿಂಗ್ ವೀಲ್ ಅನ್ನು ಒಳಗೊಂಡಿದೆ. ಕಂಪನಿಯು ಕ್ಯಾಬಿನ್‌ನಾದ್ಯಂತ ಗಟ್ಟಿಯಾದ ಪ್ಲಾಸ್ಟಿಕ್ ಅನ್ನು ಬಳಸಿದೆ. ಹಿಂದಿನ ಮಾದರಿಗೆ ಹೋಲಿಸಿದರೆ ಇದು ಗುಣಮಟ್ಟದಲ್ಲಿ ಉತ್ತಮವಾಗಿರುತ್ತದೆ.