ಟಾಟಾ ಬ್ರಹ್ಮಾಸ್ತ್ರ ಬರ್ತಿದೆ... ಕೇವಲ 2 ದಿನ ಬಾಕಿ: ಲುಕ್ ನೋಡಿ ಪ್ರತಿಸ್ಪರ್ಧಿಗಳಿಗೆ ಭಯ ಶುರು

ಹೊಸ ಟಾಟಾ ಸಿಯೆರಾ (Tata Sierra) ನವೆಂಬರ್ 15 ರಂದು ಅನಾವರಣಕ್ಕೆ ಸಜ್ಜಾಗಿದ್ದು, ಇದೇ ನವೆಂಬರ್ 25 ರಂದು ಬಿಡುಗಡೆಗೊಳ್ಳಲಿದೆ. ಟಾಟಾ ಮೋಟಾರ್ಸ್ ತನ್ನ ಐಕಾನಿಕ್ ಸಿಯೆರಾ ಎಸ್‌ಯುವಿಯನ್ನು 1990ರ ದಶಕದ ಮೊದಲ ಮಾಡಲ್‌ನಿಂದ ಪ್ರೇರಿತವಾಗಿ ಆಧುನಿಕ ವಿನ್ಯಾಸದೊಂದಿಗೆ ಮತ್ತೆ ಬಿಡುಗಡೆಯಾಗುತ್ತಿದೆ. ಇದು ಬಾಕ್ಸೀ ಸಿಲೂಯೆಟ್ ಮತ್ತು ಸುಧಾರಿತ ತಂತ್ರಜ್ಞಾನವನ್ನು ಒಳಗೊಂಡಿದೆ. ಪೆಟ್ರೋಲ್ ಚಾಲಿತ ವಾಹನ (ICE) ಮತ್ತು ಎಲೆಕ್ಟ್ರಿಕ್ ವಾಹನ (EV) ಆವೃತ್ತಿಗಳನ್ನು ಟಾಟಾ ಮೋಟಾರ್ಸ್ ಬಿಡುಗಡೆ ಮಾಡಲಿದೆ ಎಂದು ಮೂಲಗಳು ತಿಳಿಸಿವೆ.

ಪವರ್‌ಟ್ರೇನ್ ಆಯ್ಕೆಗಳು: ಸಿಯೆರಾವನ್ನು ಬಹು ಪವರ್‌ಟ್ರೇನ್‌ಗಳೊಂದಿಗೆ (ಪೆಟ್ರೋಲ್, ಡೀಸೆಲ್, ಎಲೆಕ್ಟ್ರಿಕ್) ನೀಡಲಾಗುವುದು. 1.5 - ಲೀಟರ್ ಟರ್ಬೊ - ಪೆಟ್ರೋಲ್ ಎಂಜಿನ್‌ನೊಂದಿಗೆ 170 PS ಪವರ್ ಹಾಗೂ 280 Nm ಟಾರ್ಕ್ ಹೊರಹಾಕುತ್ತದೆ. 2.0 - ಲೀಟರ್ ಕ್ರಯೋಟೆಕ್ ಡೀಸೆಲ್ ಎಂಜಿನ್, 170bhp ಪವರ್ ಹಾಗೂ 350 Nm ಟಾರ್ಕ್ ಹೊರಹಾಕುತ್ತದೆ. ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗಳನ್ನು ಒಳಗೊಂಡಿರುತ್ತದೆ.

ಟಾಟಾದ Acti.EV ಆರ್ಕಿಟೆಕ್ಚರ್ ಅನ್ನು ಆಧರಿಸಿದ ಸಿಯೆರಾ EV ಆವೃತ್ತಿಯು (ಹ್ಯಾರಿಯರ್ EV ಪ್ಲಾಟ್‌ಫಾರ್ಮ್‌ನಂತೆಯೇ), ಡ್ಯುಯಲ್-ಮೋಟಾರ್ ಆಲ್-ವೀಲ್-ಡ್ರೈವ್ ಸಾಮರ್ಥ್ಯವನ್ನು ಹೊಂದಿರಲಿದೆ. ಆಯ್ಕೆಯನ್ನು ಅವಲಂಬಿಸಿ 65 kWh ಅಥವಾ 75 kWh ವರೆಗೆ ಬ್ಯಾಟರಿ ಪ್ಯಾಕ್‌ಗಳನ್ನು ಹೊಂದಿರಲಿದೆ. ಸಣ್ಣ ಬ್ಯಾಟರಿ ಪ್ಯಾಕ್ ಸಿಂಗಲ್‌ ಚಾರ್ಜ್‌ನಲ್ಲಿ 450 ಕಿ.ಮೀ ರೇಂಜ್ ಹಾಗೂ ದೊಡ್ಡ ಬ್ಯಾಟರಿ ಪ್ಯಾಕ್ ಸಿಂಗಲ್ ಚಾರ್ಜ್‌ನಲ್ಲಿ 600 ಕಿ.ಮೀ ರೇಂಜ್ ನೀಡುವ ನಿರೀಕ್ಷೆಯಿದೆ.

ಇಂಟೀರಿಯರ್‌ನಲ್ಲಿ ಸಿಯೆರಾ ಟ್ರಿಪಲ್-ಸ್ಕ್ರೀನ್ ಸೆಟಪ್ (ಇನ್ಫೋಟೈನ್‌ಮೆಂಟ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಸಹ-ಪ್ರಯಾಣಿಕರ ಸ್ಕ್ರೀನ್), ಪನೋರಮಿಕ್ ಸನ್‌ರೂಫ್, ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್, 360-ಡಿಗ್ರಿ ಕ್ಯಾಮೆರಾ, ಲೆವೆಲ್ 2 ADAS, JBL ಪ್ರೀಮಿಯಂ ಸೌಂಡ್ ಸಿಸ್ಟಮ್, ಬಹು ಏರ್‌ಬ್ಯಾಗ್‌ಗಳು, ESC, TPMS ಮತ್ತು ಪಾರ್ಕಿಂಗ್ ಸೆನ್ಸರ್‌ಗಳಂತಹ ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ವಿಶಾಲವಾದ, ಪ್ರೀಮಿಯಂ ಕ್ಯಾಬಿನ್ ಅನ್ನು ಹೊಂದಿರಲಿದೆ.

ಬೆಲೆ ಮತ್ತು ಸ್ಪರ್ಧೆ: ಬಿಡುಗಡೆ ನಂತರ ಹುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್ ಮತ್ತು ಮಾರುತಿ ಗ್ರ್ಯಾಂಡ್ ವಿಟಾರಾ, ಹೋಂಡಾ ಎಲಿವೇಟ್‌ನಂತಹ ಮಾಡಲ್‌ಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ. ಅಂದಾಜು ಬೆಲೆಯು ಸುಮಾರು ರೂ. 17 ಲಕ್ಷದಿಂದ 25 ಲಕ್ಷ ಶ್ರೇಣಿಯಲ್ಲಿ (ಎಕ್ಸ್-ಶೋರೂಂ) ಇರಬಹುದು. ಒಟ್ಟಾರೆ ಸಿಯೆರಾ ತನ್ನ ಹಳೆಯ ಲೆಜೆಂಡ್ ಲುಕ್‌ ಹಾಗೆಯೇ ಉಳಿಸಿಕೊಂಡು ಹೊಸ ವಿನ್ಯಾಸ ಹೈಲೆಟ್‌ಗಳನ್ನು ಅಲ್ಲಲ್ಲಿ ಪಡೆಯಲಿದೆ.

ಇದರ ವಿನ್ಯಾಸವು ಇನ್-ಕ್ಯಾಬಿನ್ ತಂತ್ರಜ್ಞಾನವನ್ನು ಹೆಚ್ಚಿಸುವುದಲ್ಲದೆ, ಅರ್ಥಗರ್ಭಿತ ಕಂಟ್ರೋಲ್‌ಗಳು ಮತ್ತು ಸಂಪರ್ಕ ಆಯ್ಕೆಗಳೊಂದಿಗೆ ವರ್ಧಿತ ಬಳಕೆದಾರ ಅನುಭವದ ಮೇಲೆ ಕೇಂದ್ರೀಕರಿಸಲಾಗಿದೆ. ಈ ಡಿಜಿಟಲ್ ಅದ್ಭುತಕ್ಕೆ ಪೂರಕವಾಗಿ ಪನೋರಮಿಕ್ ಸನ್‌ರೂಫ್ ಕೂಡ ಇದ್ದು, ಇದು ವಿಶಾಲವಾದ ಕ್ಯಾಬಿನ್ ಅನ್ನು ನೈಸರ್ಗಿಕ ಬೆಳಕಿನಿಂದ ತುಂಬಿಸುತ್ತದೆ. ಟಾಟಾದ ಪ್ರೀಮಿಯಂ SUV ವಿಭಾಗದಲ್ಲಿ ಹೊಸ ಅಲೆ ಎಬ್ಬಿಸುವುದು ಖಚಿತ ಎಂದು ಹೇಳಲಾಗುತ್ತಿದೆ.

ಕಾರಿನ ಉತ್ಪಾದನೆ ಮತ್ತು ಮಾಧ್ಯಮ ಪೂರ್ವವೀಕ್ಷಣೆಗಳು ಈಗಾಗಲೇ ನಡೆಯುತ್ತಿವೆ. ರಸ್ತೆಗಳಲ್ಲಿ ಟೆಸ್ಟಿಂಗ್ ಮಾಡುವಾಗ ಈ ಹಿಂದೆಯೂ ಹಲವು ಬಾರಿ ಟಾಟಾ ಸಿಯೆರಾ ಕಾಣಿಸಿಕೊಂಡಿತ್ತು. ಈ ಕುರಿತ ವಿಡಿಯೋಗಳು ಹಾಗೂ ಸ್ಪೈ ಚಿತ್ರಗಳು ತುಂಬಾ ವೈರಲ್ ಆಗಿದ್ದವು. ಈಗ ಬಿಡುಗಡೆ ಮೇಲಿನ ನಿರೀಕ್ಷೆಗಳು ಹೆಚ್ಚಾಗಿವೆ. ಬಲ್ಲ ಮೂಲಗಳ ಮಾಹಿತಿಯಂತೆ ಟಾಟಾ ಸಿಯೆರಾ ತನ್ನ ವಿಭಾಗದಲ್ಲಿಯೇ ಅತ್ಯಂತ ರಗಡ್ ಎಸ್‌ಯುವಿ ಎಂದು ಹೇಳಲಾಗುತ್ತಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ಹೊಸ ಟಾಟಾ ಸಿಯೆರಾ ತನ್ನ ಕ್ರಾಂತಿಕಾರಿ ಟ್ರಿಪಲ್-ಸ್ಕ್ರೀನ್ ಡ್ಯಾಶ್‌ಬೋರ್ಡ್ ಸೆಟಪ್ ಮತ್ತು ವಿಸ್ತಾರವಾದ ಪನೋರಮಿಕ್ ಸನ್‌ರೂಫ್‌ನೊಂದಿಗೆ ಭಾರತೀಯ SUV ಮಾರುಕಟ್ಟೆಯಲ್ಲಿ ಬಿರುಗಾಳಿ ಎಬ್ಬಿಸಲು ಸಜ್ಜಾಗಿದೆ. ಈ SUV ಅತ್ಯಾಧುನಿಕ ಡಿಜಿಟಲ್ ನಾವೀನ್ಯತೆ ಮತ್ತು ನಯವಾದ ರೆಟ್ರೊ-ಆಧುನಿಕ ವಿನ್ಯಾಸದೊಂದಿಗೆ ಒಳಾಂಗಣವನ್ನು ರೀ-ಡಿಸೈನ್ ಮಾಡಲಾಗಿದೆ, ಇದು ತಂತ್ರಜ್ಞಾನ-ಬುದ್ಧಿವಂತ ಖರೀದಿದಾರರು ಮತ್ತು SUV ಉತ್ಸಾಹಿಗಳನ್ನು ಆಕರ್ಷಿಸಲಿದೆ.