ರೆನಾಲ್ಟ್ ಬ್ರಹ್ಮಾಸ್ತ್ರ ಬಿಡುಗಡೆಗೆ ಸಜ್ಜು: ಪಕ್ಕಾ ಮಾರುಕಟ್ಟೆ ಶೇಕ್ ಆಗಲಿದೆ: ಅನಾವರಣಕ್ಕೆ ಸರ್ವಸಿದ್ಧ

ಫ್ರೆಂಚ್ ಕಾರು ತಯಾರಕ ರೆನಾಲ್ಟ್ ಗ್ರೂಪ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ರೆನಾಲ್ಟ್ ಇಂಡಿಯಾ, ಇಂದು ಅಧಿಕೃತವಾಗಿ ತನ್ನ ಬಹುನಿರೀಕ್ಷಿತ ಹೊಸ ಎಸ್‌ಯುವಿ ಐಕಾನಿಕ್ - ಡಸ್ಟರ್ (Renault Duster) ನ ಪರಂಪರೆಯನ್ನು ಮುಂದುವರಿಸುವುದಾಗಿ ಘೋಷಿಸಿದೆ. ಹೌದು, ರೆನಾಲ್ಟ್ ಅಧಿಕೃತವಾಗಿ ಭಾರತದಲ್ಲಿ ತನ್ನ ಐಕಾನಿಕ್ ಡಸ್ಟರ್ ಎಸ್‌ಯುವಿಯನ್ನು ಜನವರಿ 26, 2026 ರ ಗಣರಾಜ್ಯೋತ್ಸವಕ್ಕೆ ಅದ್ದೂರಿಯಾಗಿ ಅನಾವರಣಗೊಳಿಸುವುದಾಗಿ ಹೇಳಿದೆ. ಈ ಘೋಷಣೆಯು ಭಾರತೀಯ ಆಟೋಮೋಟಿವ್ ಉತ್ಸಾಹಿಗಳಿಗೆ ಮಹತ್ವದ ಕ್ಷಣವಾಗಿದ್ದು, ಕಂಪನಿಯು "ಎಸ್‌ಯುವಿಯನ್ನು ಪುನರ್ವಿಮರ್ಶಿಸಲು" ಗ್ರಾಹಕರನ್ನು ಆಹ್ವಾನಿಸುತ್ತಿರುವುದಾಗಿ ಪ್ರಕಟಣೆಯಲ್ಲಿ ಹೇಳಿದೆ.

ಮೂಲತಃ 2012 ರಲ್ಲಿ ಭಾರತದಲ್ಲಿ ಬಿಡುಗಡೆಯಾದ 'ರೆನಾಲ್ಟ್ ಡಸ್ಟರ್' ಅಂದಿನ ಕಾಲಕ್ಕೆ ರಗಡ್ ಎಸ್‌ಯುವಿಯಾಗಿ ಮಿಂಚಿತ್ತು. ಪ್ರಯಾಣಿಕ ವಾಹನ ಮಾರುಕಟ್ಟೆಯಲ್ಲಿ ಭರ್ಜರಿ ಗ್ರಾಹಕ ಬೇಡಿಕೆಯೊಂದಿಗೆ ಉತ್ತಮ ಮಾರಾಟವನ್ನು ಕಂಡಿತ್ತು. ಇದೀಗ ಡಸ್ಟರ್ ಹೊಸ ಅವತಾರದಲ್ಲಿ ಭಾರತದಲ್ಲಿ ಬ್ರ್ಯಾಂಡ್‌ನ ಅಂತರರಾಷ್ಟ್ರೀಯ ಗೇಮ್ ಪ್ಲಾನ್ 2027 ರ ಅಡಿಯಲ್ಲಿ ಬಿಡುಗಡೆಯಾಗಲಿರುವ ಮೊದಲ ಎಸ್‌ಯುವಿಯಾಗಿದೆ ಎಂದು ಕಂಪನಿ ತಿಳಿಸಿದೆ.

"ರೆನಾಲ್ಟ್ ಡಸ್ಟರ್ ಕೇವಲ ಹೆಸರಲ್ಲ ಅದಕ್ಕಿಂತ ಹೆಚ್ಚು, ಇದು ನಿಜವಾದ ದಂತಕಥೆ. ಸಾಹಸ, ವಿಶ್ವಾಸಾರ್ಹತೆ ಮತ್ತು ನಾವೀನ್ಯತೆಯ ಸಂಕೇತವಾದ ಇದರ ಪುನರಾಗಮನವು ನಮ್ಮ ಬದ್ಧತೆಯನ್ನು ಮತ್ತು ನಮ್ಮ ಗ್ರಾಹಕರ ಅಗತ್ಯಗಳನ್ನು ಪೂರೈಸುವ ವಾಹನಗಳನ್ನು ನೀಡುವ ನಮ್ಮ ಬಯಕೆಯನ್ನು ತೋರಿಸುತ್ತದೆ. ಹೊಸ ರೆನಾಲ್ಟ್ ಡಸ್ಟರ್ ಆಧುನಿಕ ವಿನ್ಯಾಸ, ಸುಧಾರಿತ ತಂತ್ರಜ್ಞಾನ ಮತ್ತು ಹೈ-ಪರ್ಫಾಮೆನ್ಸ್‌ನೊಂದಿಗೆ ಬರಲಿದೆ ಎಂದು ರೆನಾಲ್ಟ್ ಇಂಡಿಯಾ ಸಿಇಒ ಸ್ಟೀಫನ್ ಡೆಬ್ಲೈಸ್ ಹೇಳಿದ್ದಾರೆ.

ಈ ಘೋಷಣೆಯು ಭಾರತೀಯ ಆಟೋಮೋಟಿವ್ ಉತ್ಸಾಹಿಗಳಿಗೆ ಮಹತ್ವದ ಕ್ಷಣವಾಗಿದೆ, ಹಲವರು ಪ್ರೀತಿಯ SUV ಯ ಮರಳುವಿಕೆಗಾಗಿ ಬಹಳ ದಿನಗಳಿಂದ ಕಾಯುತ್ತಿದ್ದರು. ಜಾಗತಿಕವಾಗಿ ಸುಮಾರು 1.8 ಮಿಲಿಯನ್ ಗ್ರಾಹಕರು ಮತ್ತು ಭಾರತದಲ್ಲಿ 2 ಲಕ್ಷಕ್ಕೂ ಹೆಚ್ಚು ಮಾಲೀಕರೊಂದಿಗೆ, ಡಸ್ಟರ್ ಹಲವರು ಆರಾಧನಾ ಅನುಯಾಯಿಗಳನ್ನು ಹೊಂದಿದೆ. ರೆನಾಲ್ಟ್‌ನ ಜಾಗತಿಕ ಪೋರ್ಟ್‌ಫೋಲಿಯೊದಲ್ಲಿ ಅತ್ಯಂತ ಯಶಸ್ವಿ SUV ಗಳಲ್ಲಿ ಒಂದಾಗಿದೆ.

ಡಸ್ಟರ್ ಮೇಲಿನ ನಿರೀಕ್ಷೆಗಳು

ಹೊಸ ಡಸ್ಟರ್ ಟರ್ಬೊ - ಪೆಟ್ರೋಲ್ ಜೊತೆಗೆ ಮೈಲ್ಡ್ - ಹೈಬ್ರಿಡ್, ಸ್ಟ್ರಾಂಗ್ ಹೈಬ್ರಿಡ್ ಮತ್ತು ಪೆಟ್ರೋಲ್ ಎಂಜಿನ್ ಆಯ್ಕೆಗಳನ್ನು ಪಡೆಯುವ ನಿರೀಕ್ಷೆಯಿದೆ. ಪ್ರಮುಖ ಫೀಚರ್‌ಗಳಲ್ಲಿ 10.1 ಇಂಚಿನ ಟಚ್‌ಸ್ಕ್ರೀನ್, ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ/ಆಪಲ್ ಕಾರ್‌ಪ್ಲೇ, 6 ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಲೇನ್ ಕೀಪ್ ಅಸಿಸ್ಟ್, ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್ ಮತ್ತು ಸಂಪರ್ಕಿತ-ಕಾರ್ ತಂತ್ರಜ್ಞಾನವನ್ನು ಒಳಗೊಂಡಿರುವ ಸಾಧ್ಯತೆಯಿದೆ.

ಅಧಿಕೃತ ಅನಾವರಣಕ್ಕೂ ಮುಂಚಿತವಾಗಿ ಬುಕಿಂಗ್ ‌ಗಳು ಪ್ರಾರಂಭವಾಗುವ ನಿರೀಕ್ಷೆಯಿದೆ. ಹೊಸ ಡಸ್ಟರ್‌ನ ಬೆಲೆಗಳು ಸುಮಾರು ರೂ. 10 ಲಕ್ಷ (ಎಕ್ಸ್‌ - ಶೋರೂಂ) ಗಳಿಂದ ಪ್ರಾರಂಭವಾಗುವ ಸಾಧ್ಯತೆಯಿದೆ. ಹುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, ಮಾರುತಿ ಗ್ರ್ಯಾಂಡ್ ವಿಟಾರಾ ಮತ್ತು ಟೊಯೋಟಾ ಹೈರೈಡರ್ ‌ನಂತಹ ಮಾಡಲ್‌ಗಳು ಪ್ರಸ್ತುತ ಮುನ್ನಡೆಸುತ್ತಿರುವ ಹೆಚ್ಚು ಸ್ಪರ್ಧಾತ್ಮಕ ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಪ್ರಮುಖ ಪ್ರತಿಸ್ಪರ್ಧಿಯಾಗಲಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ರೆನಾಲ್ಟ್ ಡಸ್ಟರ್‌ನ ಗಣರಾಜ್ಯೋತ್ಸವದ ಅನಾವರಣವು ಭಾರತದ ಮೂಲಮಾದರಿಯ SUV ಎಂಬ ತನ್ನ ಗುರುತನ್ನು ಮರಳಿ ಪಡೆಯಲಿದೆ. ಈಗ ಹೊಸ ಖರೀದಿದಾರರು ಮತ್ತು ದೀರ್ಘಕಾಲದ ಅಭಿಮಾನಿಗಳನ್ನು ಆಕರ್ಷಿಸಲು ಅಪ್‌ಮಾರ್ಕೆಟ್ ತಂತ್ರಜ್ಞಾನ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡಿದೆ. ಬ್ರ್ಯಾಂಡ್ ತನ್ನ "OG SUV" ಸ್ಥಾನಮಾನವನ್ನು ಶಕ್ತಿಯುತ ಮಾರ್ಕೆಟಿಂಗ್ ಮೂಲಕ ಬಳಸಿಕೊಳ್ಳುತ್ತಿದ್ದು, ಯಾವ ಮಟ್ಟಿಗೆ ಯಶಸ್ಸು ಕಾಣಲಿದೆ ಕಾದು ನೋಡಬೇಕು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.