Click it and Unblock the Notifications
Tata: ಮಾರಾಟದಲ್ಲಿ ಭಾರತದ ನಂ.1 ಕಾರು: ಜನ ಮುಗಿಬಿದ್ದು ಖರೀದಿ, ಈ SUV ಟಾಟಾಗೆ ಚಿನ್ನದ ಮೊಟ್ಟೆ
ಭಾರತದ ಪ್ರಮುಖ ವಾಹನ ತಯಾರಕರಲ್ಲಿ ಒಂದಾದ ಟಾಟಾ ಮೋಟಾರ್ಸ್, ಇಂದು ತನ್ನ ನೆಕ್ಸಾನ್ ಶ್ರೇಣಿಯಲ್ಲಿ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ಅನ್ನು ಸೇರ್ಪಡೆಗೊಳಿಸುವುದಾಗಿ ಘೋಷಿಸಿದೆ. ಭಾರತದಲ್ಲಿ ಸುರಕ್ಷತಾ ಕ್ರಾಂತಿಯಲ್ಲಿ ಪ್ರವರ್ತಕ ಕಾರಾಗಿರುವ ನೆಕ್ಸಾನ್, 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದ ದೇಶದ ಮೊದಲ ಕಾರಾಗಿದೆ. GNCAP ಮತ್ತು BNCAP ಎರಡರಿಂದಲೂ 5-ಸ್ಟಾರ್ ರೇಟಿಂಗ್ಗಳನ್ನು ಹೊಂದಿರುವ ಏಕೈಕ SUV ಆಗಿ ತನ್ನ ಪರಂಪರೆಯನ್ನು ಎತ್ತಿಹಿಡಿಯುವುದನ್ನು ಮುಂದುವರೆಸಿದೆ ಎಂದು ಟಾಟಾ ಮೋಟಾರ್ಸ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಟಾಟಾ ನೆಕ್ಸಾನ್ ಸೆಪ್ಟೆಂಬರ್ 2025 ರಲ್ಲಿ ಬರೋಬ್ಬರಿ 22,500 ಯೂನಿಟ್ ಕಾರುಗಳಿಗಿಂತ ಹೆಚ್ಚಿನ ಮಾಸಿಕ ಮಾರಾಟವನ್ನು ಸಾಧಿಸಿದೆ. ಈ ಯಶಸ್ಸನ್ನು ಆಚರಿಸಲು, ಟಾಟಾ ಮೋಟಾರ್ಸ್ ಪೆಟ್ರೋಲ್, ಡೀಸೆಲ್ ಮತ್ತು CNG ಆಯ್ಕೆಗಳಲ್ಲಿ ರೂ. 12.44 ಲಕ್ಷದಿಂದ ಪ್ರಾರಂಭವಾಗುವ ವಿಶೇಷವಾದ Red #DARK ಎಡಿಷನ್ ಅನ್ನು ಬಿಡುಗಡೆ ಮಾಡಿದೆ.
ಅಲ್ಲದೆ ಈಗ ಟಾಟಾ ನೆಕ್ಸಾನ್ನಲ್ಲಿ ಸುರಕ್ಷತೆ ಹೆಚ್ಚಿಸಲು ADAS ಸೇರ್ಪಡೆ ಮಾಡಲಾಗಿದೆ. ಅಟೊನೊಮಸ್ ಎಮರ್ಜೆನ್ಸಿ ಬ್ರೇಕಿಂಗ್, ಫಾರ್ವರ್ಡ್ ಕೊಲಿಷನ್ ವಾರ್ನಿಂಗ್, ಲೇನ್ ಕೀಪ್ ಅಸಿಸ್ಟ್, ಟ್ರಾಫಿಕ್ ಸೈನ್ ರೆಕಗ್ನಿಷನ್ ಸೇರಿದಂತೆ ಇನ್ನೂ ಹೆಚ್ಚಿನ ADAS ವೈಶಿಷ್ಟ್ಯಗಳ ಸೇರ್ಪಡೆಯೊಂದಿಗೆ, ನೆಕ್ಸಾನ್ ಈಗ ಇನ್ನೂ ಹೆಚ್ಚಿನ ಮಟ್ಟದ ಸುರಕ್ಷತೆಯನ್ನು ನೀಡುತ್ತದೆ.
ADAS ಸುರಕ್ಷತಾ ತಂತ್ರಜ್ಞಾನದ ಬಗ್ಗೆ: ನೆಕ್ಸಾನ್ ಈಗ ಚಾಲಕರ ಅರಿವನ್ನು ಹೆಚ್ಚಿಸುವ, ಪ್ರತಿಕ್ರಿಯೆ ಸಮಯವನ್ನು ಸುಧಾರಿಸುವ ಮತ್ತು ಸಂಭಾವ್ಯ ಅಪಘಾತಗಳನ್ನು ತಡೆಯಲು ಸಹಾಯ ಮಾಡುವ ಸುಧಾರಿತ ಸಕ್ರಿಯ ಸುರಕ್ಷತಾ ತಂತ್ರಜ್ಞಾನವನ್ನು ಹೊಂದಿದೆ. ರಸ್ತೆಯಲ್ಲಿರುವ ಪ್ರತಿಯೊಬ್ಬರಿಗೂ ಸುರಕ್ಷಿತ ಪ್ರಯಾಣವನ್ನು ಖಚಿತಪಡಿಸುತ್ತದೆ. ಈ ADAS ಪ್ರಮುಖ ವೈಶಿಷ್ಟ್ಯಗಳು ಕೆಳಗಿನಂತಿವೆ.
ಫಾರ್ವರ್ಡ್ ಕೊಲಿಷನ್ ವಾರ್ನಿಂಗ್ (FCW): ಸಂಭಾವ್ಯ ಮುಂಭಾಗದ ಡಿಕ್ಕಿಗಳ ಬಗ್ಗೆ ಮುನ್ನವೇ ಆಡಿಯೋ-ದೃಶ್ಯ ಎಚ್ಚರಿಕೆಗಳನ್ನು ಒದಗಿಸುತ್ತದೆ.
ಅಟೊನೊಮಸ್ ಎಮರ್ಜೆನ್ಸಿ ಬ್ರೇಕಿಂಗ್ (AEB): ಚಾಲಕ ಸಮಯಕ್ಕೆ ಪ್ರತಿಕ್ರಿಯಿಸದಿದ್ದರೆ ಸ್ವಯಂಚಾಲಿತವಾಗಿ ಬ್ರೇಕ್ಗಳನ್ನು ಅನ್ವಯಿಸುತ್ತದೆ.
ಲೇನ್ ಡಿಪಾರ್ಚರ್ ವಾರ್ನಿಂಗ್ (LDW): ಉದ್ದೇಶಪೂರ್ವಕವಲ್ಲದ ಲೇನ್ ಡ್ರಿಫ್ಟ್ ಸಂದರ್ಭದಲ್ಲಿ ಚಾಲಕನಿಗೆ ಎಚ್ಚರಿಕೆ ನೀಡುತ್ತದೆ.
ಲೇನ್ ಸೆಂಟರಿಂಗ್ ಸಿಸ್ಟಮ್ (LCS): ವಾಹನವನ್ನು ಅದರ ಲೇನ್ ಒಳಗೆ ನಿಖರವಾಗಿ ಕೇಂದ್ರೀಕರಿಸುತ್ತದೆ.
ಲೇನ್ ಕೀಪ್ ಅಸಿಸ್ಟ್ (LKA): ಲೇನ್ ಶಿಸ್ತನ್ನು ಕಾಪಾಡಿಕೊಳ್ಳಲು ಸೌಮ್ಯವಾದ ಸ್ಟೀರಿಂಗ್ ತಿದ್ದುಪಡಿಗಳನ್ನು ಒದಗಿಸುತ್ತದೆ.
ಹೈ ಬೀಮ್ ಅಸಿಸ್ಟ್ (HBA): ಅತ್ಯುತ್ತಮ ರಾತ್ರಿ ಗೋಚರತೆಗಾಗಿ ಹೆಡ್ಲೈಟ್ಗಳನ್ನು ಸ್ವಯಂಚಾಲಿತವಾಗಿ ಹೊಂದಿಸುತ್ತದೆ.
ಟ್ರಾಫಿಕ್ ಸೈಟನ್ ರೆಕಗ್ನಿಷನ್ (TSR): ಚಾಲಕ ಜಾಗೃತಿಗಾಗಿ ಪ್ರಮುಖ ರಸ್ತೆ ಚಿಹ್ನೆಗಳನ್ನು ಪತ್ತೆ ಮಾಡುತ್ತದೆ ಮತ್ತು ಪ್ರದರ್ಶಿಸುತ್ತದೆ.
ಹೊಸ ನೆಕ್ಸಾನ್ ರೆಡ್ #DARK ವಿಶೆಷತೆಗಳು: ರೆಡ್ #DARK ಎಡಿಷನ್ ರೆಡ್-ಥೀಮ್ ಉಚ್ಚಾರಣೆಗಳೊಂದಿಗೆ ನೆಕ್ಸಾನ್ನ ಪ್ರೀಮಿಯಂ ಆಕರ್ಷಣೆ ಮತ್ತು ಅಪೇಕ್ಷಣೀಯತೆಯನ್ನು ಹೆಚ್ಚಿಸುತ್ತದೆ. ಜೊತೆಗೆ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಮತ್ತು ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಎರಡಕ್ಕೂ ವಿಶೇಷ ಯೂಸರ್ ಇಂಟರ್ಫೇಸ್ ಮತ್ತು ಅನುಭವವನ್ನು ನೀಡುತ್ತದೆ. ಟಾಟಾ ಮೋಟಾರ್ಸ್ನ ಮಲ್ಟಿ-ಪವರ್ಟ್ರೇನ್ ತಂತ್ರಕ್ಕೆ ಅನುಗುಣವಾಗಿ, ನೆಕ್ಸಾನ್ ರೆಡ್ #DARK ಪೆಟ್ರೋಲ್, ಡೀಸೆಲ್ ಮತ್ತು CNG ಆಯ್ಕೆಗಳಲ್ಲಿ ಲಭ್ಯವಿದೆ.
ವಿಶೇಷ ಅಟ್ಲಾಸ್ ಬ್ಲ್ಯಾಕ್ನಲ್ಲಿ ಮುಗಿಸಿದ ನೆಕ್ಸಾನ್ ರೆಡ್ #DARK ರೆಡ್ ಅಕ್ಷರಗಳೊಂದಿಗೆ #DARK ಮ್ಯಾಸ್ಕಾಟ್ ಅನ್ನು ಹೊಂದಿದೆ. ಜೊತೆಗೆ ಪಿಯಾನೋ ಬ್ಲಾಕ್ ಗ್ರಿಲ್ ಸರೌಂಡ್, ರೂಫ್ ರೈಲ್ಗಳು ಮತ್ತು ಸ್ಕಿಡ್ ಪ್ಲೇಟ್ಗಳನ್ನು ಹೊಂದಿದೆ. ಇಂಟೀರಿಯರ್ನಲ್ಲಿ, ರೆಡ್ ಹೈಲೈಟ್ಗಳನ್ನು ಹೊಂದಿರುವ ಗ್ರಾನೈಟ್ ಬ್ಲಾಕ್ ಕ್ಯಾಬಿನ್ನಲ್ಲಿ ಡೈಮಂಡ್ ಕ್ವಿಲ್ಟಿಂಗ್ ಮತ್ತು ಕಾಂಟ್ರಾಸ್ಟ್ ರೆಡ್ ಹೊಲಿಗೆಯೊಂದಿಗೆ ರೆಡ್ ಲೆದರೆಟ್ ವೆಂಟಿಲೇಟೆಡ್ ಫ್ರಂಟ್ ಸೀಟ್ಗಳನ್ನು ಒಳಗೊಂಡಿದೆ.
ಡ್ಯಾಶ್ಬೋರ್ಡ್ ಮತ್ತು ಸೆಂಟರ್ ಕನ್ಸೋಲ್ನಲ್ಲಿ ರೆಡ್ ಅಕ್ಸೆಂಟ್ಗಳು ಮತ್ತು #DARK - ಕಸೂತಿ ಹೆಡ್ರೆಸ್ಟ್ಗಳು ಸೇರಿವೆ. ಪ್ರೀಮಿಯಂ ಮೆಟೀರಿಯಲ್ ಫಿನಿಶಿಂಗ್ಗಳು ಮತ್ತು ಹಿಂಭಾಗದ ಸನ್ಶೇಡ್ ಸೌಕರ್ಯವನ್ನು ಮತ್ತಷ್ಟು ಹೆಚ್ಚಿಸಲಾಗಿದೆ. ಒಟ್ಟಾರೆ ಭಾರತದ ಹೆಚ್ಚು ಮಾರಾಟವಾದ ನಂ.1 ಕಾರು ಎಂಬ ಸ್ಥಾನಕ್ಕೆ ಈ ನವೀಕರಗಳು ನ್ಯಾಯ ಮಾಡುವಂತಿದೆ.
Continue with Google