Toyota: ಟೊಯೋಟಾ ಹೈಬ್ರಿಡ್‌ ಎಸ್‌ಯುವಿಗೆ ಫುಲ್ ಡಿಮ್ಯಾಂಡ್: ಹೊಸ ಪ್ರೆಸ್ಟೀಜ್ ಪ್ಯಾಕೇಜ್ ಬಂದಿದೆ

ಟೊಯೋಟಾ ಭಾರತೀಯ ಮಾರುಕಟ್ಟೆಗೆ ತನ್ನ ಜನಪ್ರಿಯ ಹೈಬ್ರಿಡ್ ಮಾಡಲ್ ಆಗಿರುವ ಅರ್ಬನ್ ಕ್ರೂಸರ್ ಹೈರೈಡರ್ ಅನ್ನು 'ಪ್ರೆಸ್ಟೀಜ್ ಪ್ಯಾಕೇಜ್' ನೊಂದಿಗೆ ಅನಾವರಣಗೊಳಿಸಿದೆ. ಇದು ಜುಲೈ 2025 ರಿಂದ ಸೀಮಿತ ಅವಧಿಯವರೆಗೆ ಲಭ್ಯವಿದೆ. ಈ ಪ್ಯಾಕೇಜ್ ಅನ್ನು ಎಸ್‌ಯುವಿಯ ಬಾಹ್ಯ ಆಕರ್ಷಣೆಯನ್ನು ಹೆಚ್ಚಿಸಲು ವಿನ್ಯಾಸಗೊಳಿಸಲಾಗಿದ್ದು, ಬೆಲೆ ಮತ್ತು ಲಭ್ಯತೆಗಾಗಿ, ಗ್ರಾಹಕರು ತಮ್ಮ ಸ್ಥಳೀಯ ಟೊಯೋಟಾ ಡೀಲರ್‌ಗಳೊಂದಿಗೆ ಪರಿಶೀಲಿಸಲು ಸೂಚಿಸಲಾಗಿದೆ. ಏಕೆಂದರೆ ಪ್ಯಾಕೇಜ್ ಸೀಮಿತ ಅವಧಿಗೆ ಮತ್ತು ಮೊದಲು ಬಂದವರಿಗೆ ಮೊದಲು ಸೇವೆ ಸಲ್ಲಿಸಿದ ಆಧಾರದ ಮೇಲೆ ಲಭ್ಯವಿದೆ.

ಕೆಲವು ಮೂಲಗಳ ಪ್ರಕಾರ 'ಪ್ರೆಸ್ಟೀಜ್ ಪ್ಯಾಕೇಜ್' ಬೆಲೆಯು ಡೀಲರ್ - ಮಟ್ಟದ ಅಕ್ಸೆಸೊರಿ ಅಪ್‌ಗ್ರೇಡ್ ಆಗಿ ಸುಮಾರು ರೂ.23,000 ಆಗಿದೆ. ಈ ವೆಚ್ಚವು SUV ಯ ಪ್ರಮಾಣಿತ ಎಕ್ಸ್ - ಶೋರೂಂ ಬೆಲೆಯ ಜೊತೆಗೆ ಸೇರಿದೆ, ಇದು ವೇರಿಯೆಂಟ್ ಅನ್ನು ಅವಲಂಬಿಸಿ ರೂ. 11.34 ಲಕ್ಷದಿಂದ ರೂ. 19.99 ಲಕ್ಷದವರೆಗೆ ಇರುತ್ತದೆ.

ಪ್ರೆಸ್ಟೀಜ್ ಪ್ಯಾಕೇಜ್‌ನ ಮುಖ್ಯಾಂಶಗಳು

ವಿಶೇಷ ಬಾಹ್ಯ ಅಕ್ಸೆಸೊರಿಗಳೊಂದಿಗೆ ಪ್ರೆಸ್ಟೀಜ್ ಪ್ಯಾಕೇಜ್ 10 ಪ್ರೀಮಿಯಂ, ಡೀಲರ್ - ಫಿಟೆಡ್ ಆಕ್ಸೆಸರಿಗಳನ್ನು ಒಳಗೊಂಡಿದೆ. ಎಲ್ಲವೂ ಹೊರಭಾಗದ ಮೇಲೆ ಕೇಂದ್ರೀಕೃತವಾಗಿದೆ. ಅವುಗಳನ್ನು ನೋಡುವುದಾದರೆ, ಸ್ಟೇನ್‌ಲೆಸ್ ಸ್ಟೀಲ್ ಇನ್ಸರ್ಟ್‌ನೊಂದಿಗೆ ಡೋರ್ ವೈಸರ್, ಹುಡ್ ಎಂಬ್ಲಮ್, ಹಿಂಭಾಗದ ಬಾಗಿಲಿನ ಅಲಂಕರಗಳನ್ನು ಈ ಪ್ಯಾಕೇಜ್‌ನಲ್ಲಿ ಸೇರಿಸಲಾಗಿದೆ.

ಇವಿಷ್ಟೆ ಅಲ್ಲದೆ ಫೆಂಡರ್ ಗಾರ್ನಿಶ್, ಬಾಡಿ ಕ್ಲಾಡಿಂಗ್, ಮುಂಭಾಗದ ಬಂಪರ್ ಗಾರ್ನಿಶ್, ಹೆಡ್‌ಲ್ಯಾಂಪ್ ಗಾರ್ನಿಶ್, ಹಿಂಭಾಗದ ಬಂಪರ್ ಗಾರ್ನಿಶ್, ಹಿಂಭಾಗದ ದೀಪ (ಕ್ರೋಮ್) ಗಾರ್ನಿಶ್, ಹಿಂಭಾಗದ ಗಾರ್ನಿಶ್ ಒಳಗೊಂಡಿದೆ. ಉಳಿದಂತೆ ಯಾವುದೇ ಒಳಾಂಗಣ ನವೀಕರಣಗಳು ಅಥವಾ ಬದಲಾವಣೆಗಳನ್ನು ಒಳಗೊಂಡಿಲ್ಲ. ಇಂಟೀರಿಯರ್ ಸೇರ್ಪಡೆಗಳಿಲ್ಲದೆ ಪ್ಯಾಕೇಜ್ ಸಂಪೂರ್ಣವಾಗಿ ಕಾಸ್ಮೆಟಿಕ್ ಆಗಿದೆ.

ಪ್ರೆಸ್ಟೀಜ್ ಪ್ಯಾಕೇಜ್ ಜುಲೈ 2025 ರಿಂದ ಸೀಮಿತ ಅವಧಿಗೆ ಲಭ್ಯವಿದೆ. ಅಧಿಕೃತ ಟೊಯೋಟಾ ಡೀಲರ್‌ಶಿಪ್‌ಗಳ ಮೂಲಕ ಹೊಸ ಮತ್ತು ಅಸ್ತಿತ್ವದಲ್ಲಿರುವ ಹೈರೈಡರ್ ಗ್ರಾಹಕರು ಇಬ್ಬರೂ ಇದನ್ನು ಪಡೆಯಬಹುದು. ಪವರ್‌ಟ್ರೇನ್ ಅಥವಾ ಟ್ರಿಮ್ ಮಟ್ಟವನ್ನು ಲೆಕ್ಕಿಸದೆ ಇದನ್ನು ಅರ್ಬನ್ ಕ್ರೂಸರ್ ಹೈರೈಡರ್‌ನ ಯಾವುದೇ ವೇರಿಯೆಂಟ್‌ಗಾದರೂ ಸೇರಿಸಬಹುದು.

ಅರ್ಬನ್ ಕ್ರೂಸರ್ ಹೈರೈಡರ್ ಸ್ವತಃ ಪನೋರಮಿಕ್ ಸನ್‌ರೂಫ್, 9 - ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ವೈರ್‌ಲೆಸ್ ಚಾರ್ಜಿಂಗ್, ವೆಂಟಿಲೇಟೆಡ್ ಸೀಟುಗಳು ಮತ್ತು ಸುಧಾರಿತ ಸುರಕ್ಷತಾ ವೈಶಿಷ್ಟ್ಯಗಳಂತಹ ವೈಶಿಷ್ಟ್ಯಗಳನ್ನು ನೀಡುತ್ತಲೇ ಇದೆ, ಜೊತೆಗೆ ಮೈಲ್ಡ್ - ಹೈಬ್ರಿಡ್, ಸ್ಟ್ರಾಂಗ್ - ಹೈಬ್ರಿಡ್ ಮತ್ತು CNG ಸೇರಿದಂತೆ ಬಹು ಪವರ್‌ಟ್ರೇನ್ ಆಯ್ಕೆಗಳನ್ನು ಹೊಂದಿದೆ.

ಹೊಸ ಅರ್ಬನ್ ಕ್ರೂಸರ್ ಹೈರೈಡರ್ ಅಸಾಧಾರಣ ಮೈಲೇಜ್ ಮತ್ತು ಉತ್ತಮ ಪರ್ಫಾಮೆನ್ಸ್‌ಗಾಗಿ ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ ಪವರ್ ಸಂಯೋಜನೆಯೊಂದಿಗೆ ಮೊದಲ ಇನ್ ಸೆಗ್ಮೆಂಟ್ ಸೆಲ್ಫ್ - ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಪವರ್‌ಟ್ರೇನ್ ಹೊಂದಿದೆ. ಇದು ಟೊಯೋಟಾದ 1.5L TNGA ಅಟ್ಕಿನ್ಸನ್ ಸೈಕಲ್ ಎಂಜಿನ್ ಮತ್ತು ಸುಧಾರಿತ ಎಲೆಕ್ಟ್ರಿಕ್ ಮೋಟಾರ್‌ನಿಂದ ನಡೆಸಲ್ಪಡುತ್ತದೆ.

2022 ರಲ್ಲಿ ಬಿಡುಗಡೆಯಾದ ಈ ಕಾರು, ಇತ್ತೀಚೆಗೆ 1,00,000 ಯುನಿಟ್ ಕಾರುಗಳ ಮಾರಾಟದ ಮೈಲಿಗಲ್ಲನ್ನು ಮೀರಿಸಿದೆ. ಒಟ್ಟಾರೆ ಈ ವಿಶೇಷ ಪ್ಯಾಕೇಜ್ ಅರ್ಬನ್ ಕ್ರೂಸರ್ ಹೈರೈಡರ್ SUV ಯ ಡಿಸೈನ್, ಉಪಸ್ಥಿತಿ ಮತ್ತು ರಕ್ಷಣೆಯನ್ನು ವರ್ಧಿಸಲು ಅಕ್ಸೆಸೊರಿಗಳನ್ನು ವಿನ್ಯಾಸಗೊಳಿಸಲಾಗಿದೆ. ಹೈರೈಡರ್‌ಗೆ ಹೆಚ್ಚು ಪ್ರೀಮಿಯಂ ಮತ್ತು ವಿಶಿಷ್ಟ ನೋಟವನ್ನು ನೀಡುತ್ತದೆ.