ಐಫೋನ್ ದೈತ್ಯ ಆಪಲ್‌ನಿಂದ ಬರುತ್ತಿದೆ ಎಲೆಕ್ಟ್ರಿಕ್ ಕಾರು

ಎಲ್ಲವೂ ಅಂದುಕೊಂಡಂತೆ ನಡೆದ್ದಲ್ಲಿ ಆಪಲ್ ಹೊಸ ವಿದ್ಯುತ್ ಚಾಲಿತ ಕಾರು 'ಟೈಟಾನ್' ಎಂದರಿಯಲ್ಪಡಲಿದೆ. ಪ್ರಾರಂಭಿಕ ಮಾಹಿತಗಳ ಪ್ರಕಾರ ಇದು ಮಿನಿವ್ಯಾನ್‌ಗೆ ಸಾಮತ್ಯೆಯನ್ನು ಪಡೆದುಕೊಂಡಿದೆ.

ಆಪಲ್ ನಡೆಯು ಮುಂದಿನ ದಿನಗಳಲ್ಲಿ ವಾಹನೋದ್ಯಮದಲ್ಲಿ ಗರಿಷ್ಠ ಪೈಪೋಟಿಗೆ ಕಾರಣವಾಗಲಿದೆ. ಏಕೆಂದರೆ ಅಮೆರಿಕದಲ್ಲಿ ಟೆಸ್ಲಾ ಮೋಟಾರ್ಸ್ ವಿದ್ಯುತ್ ಚಾಲಿತ ವಾಹನಗಳಲ್ಲಿ ಹೆಚ್ಚಿನ ಜನಪ್ರಿಯತೆ ಪಡೆದುಕೊಂಡಿರುವ ಇದೇ ಸಂದರ್ಭದಲ್ಲಿ ಆಪಲ್ ಪ್ರತಿಸ್ಪರ್ಧಿಯಾಗಿ ಕಾಣಿಸಿಕೊಂಡಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಸರ್ಚ್ ಎಂಜಿನ್ ದೈತ್ಯ ಗೂಗಲ್ ಈಗಾಗಲೇ ಸ್ವಯಂಚಾಲಿತ ಕಾರುಗಳ ಅಭಿವೃದ್ಧಿಯಲ್ಲಿ ತೊಡಗಿಸಿದೆ. ಈಗ ಆಪಲ್ ಕೂಡಾ ವಾಹನೋದ್ಯಮದತ್ತ ಹೆಜ್ಜೆಯನ್ನಿಟ್ಟಿದೆ.

ನಿಮ್ಮ ಮಾಹಿತಿಗಾಗಿ ಕಳೆದ ವರ್ಷ ಮಾರ್ಚ್‌ನಲ್ಲಿ ಆಪಲ್ ಕಾರಿನಲ್ಲಿ ನಾವೀನ್ಯತೆಯ ಕಾರ್ ಪ್ಲೇ ಪರಿಚಯಿಸಿತ್ತು. ಇದು ಐಫೋನ್ ಮಾಲಿಕರಿಗೆ ನೂತನ ಅನುಭವ ನೀಡುವುದಷ್ಟೇ ಅಲ್ಲದೆ ಹೆಚ್ಚು ಸುರಕ್ಷತೆಯನ್ನು ಪ್ರದಾನ ಮಾಡುತ್ತಿದೆ.

ಸದ್ಯಕ್ಕೆ ಆಪಲ್ ಎಲೆಕ್ಟ್ರಿಕ್ ಕಾರು ಯೋಜನೆ ಯಾವಾಗ ಪೂರ್ಣಗೊಳ್ಳಲಿದೆ ಎಂಬುದಕ್ಕೆ ಯಾವುದೇ ಅಧಿಕೃತ ಮಾಹಿತಿಗಳು ಬಂದಿಲ್ಲ. ಈ ಸಂಬಂಧ ಆಪಲ್ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದೆ.