ನ್ಯಾನೋಗೆ ಬೆಂಕಿ ಓಕೆ, ಆದರೆ ಆಡಿ ಪ್ರಾಬ್ಲಂ ಏನು?

ವಿಶ್ವದ ಅತಿ ಅಗ್ಗದ ಕಾರಾಗಿರುವ ಟಾಟಾ ನ್ಯಾನೋಗೆ ಹಲವು ಬಾರಿ ಬೆಂಕಿ ತಗಲಿರುವುದರ ಬಗ್ಗೆ ನಾವು ಹಲವು ಬಾರಿ ಸುದ್ದಿ ಮಾಧ್ಯಮಗಳಲ್ಲಿ ಓದಿರುತ್ತೇವೆ. ಇದು ನ್ಯಾನೋ ತಾಂತ್ರಿಕತೆಯ ಬಗ್ಗೆ ಗ್ರಾಹಕರಲ್ಲಿ ಅನುಮಾನ ಮೂಡಲು ಕಾರಣವಾಗಿದ್ದವು.

ಆದರೆ ಇದೀಗ ವಿಶ್ವ ಪ್ರಸಿದ್ಧ ಪ್ರೀಮಿಯಂ ಕಾರು ತಯಾರಕ ಕಂಪನಿಗಳಲ್ಲಿ ಒಂದಾಗಿರುವ ಜರ್ಮನಿಯ ಆಡಿ ಕಾರಿಗೆ ಆಕಸ್ಮಾತ್ ಬೆಂಕಿ ಹಚ್ಚಿಕೊಂಡಿರುವುದು ಗೊಂದಲಕ್ಕೆ ಕಾರಣವಾಗಿದೆ. ನ್ಯಾನೋದಲ್ಲಿ ಕಡಿಮೆ ಗುಣಮಟ್ಟದ ತಂತ್ರಜ್ಞಾನ ಬಳಸಿರುವುದೇ ಕಾರು ಹೊತ್ತಿ ಉರಿಯಲು ಕಾರಣವಾಗಿತ್ತು ಎಂಬ ಅಪವಾದಗಳು ಎದಿದ್ದವು. ಆದರೆ ಇದೀಗ ಎರಡು ಕೋಟಿ ರೂಪಾಯಿ ಬೆಳೆಬಾಳುವ ಆಡಿ ಆರ್8 ಕಾರಿಗೆ ಬೆಂಕಿ ತಗಲಿರುವುದರ ಬಗ್ಗೆ ನೀವೇನು ಹೇಳಲು ಬಯಸುವೀರಾ? (ಕಾಮೆಂಟ್ ಬಾಕ್ಸ್ ಮೂಲಕ ಪ್ರತಿಕ್ರಿಯಿಸಿರಿ)

ಮುಂಬೈನ ಬಾಂದ್ರಾ-ವಾರ್ಲಿ ಸಮುದ್ರ ಕಿನಾರೆಯಲ್ಲಿ ಜನವರಿ 27, ಭಾನುವಾರದಂದು ನಡೆದ ಸೂಪರ್ ಕಾರು ರ‌್ಯಾಲಿ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಸೂಪರ್ ಕಾರು ರ‌್ಯಾಲಿಯಲ್ಲಿ ವರ್ಷಂಪ್ರತಿ ಆಡಿ, ಫೆರಾರಿ, ಫೋರ್ಷೆ, ಆಸ್ಟನ್ ಮಾರ್ಟಿನ್, ಬೆಂಟ್ಲಿಗಳಂತಹ ವಿಶ್ವ ಪ್ರಸಿದ್ಧ ಕಾರು ಬ್ರಾಂಡ್‌ಗಳು ಭಾಗವಹಿಸುತ್ತವೆ.

ಹಾಗಿದ್ದರೂ ಬೆಂಕಿ ತಗಲಿರುವ ಆಡಿ ಆರ್8, ಸೂಪರ್ ಕಾರು ರ‌್ಯಾಲಿಯ ಭಾಗವಾಗಿರಲಿಲ್ಲ ಎಂಬುದನ್ನು ಸಂಘಟಕರು ಖಚಿತಪಡಿಸಿದ್ದಾರೆ. ಅಂತೂ ಕಾರಿನಲ್ಲಿ ಸಂಚರಿಸುತ್ತಿದ್ದ ಇಬ್ಬರು ಪ್ರಯಾಣಿಕರು ಪ್ರಾಣಪಾಯದಿಂದ ಪಾರಾಗಿರುವುದೇ ಸಂತಸದ ವಿಚಾರವಾಗಿದೆ.

ಕಾಕತಾಳೀಯವೆಂಬಂತೆ ಆಡಿ ಇಂಡಿಯಾ ಬಾಸ್ Michael Perschke ಕೂಡಾ ಸೂಪರ್ ಕಾರು ರ‌್ಯಾಲಿಯಲ್ಲಿ ಭಾಗವಹಿಸಲು ಆಗಮಿಸಿದ್ದರು. ಇದೀಗ ಅವರ ಸಮೀಪದಲ್ಲೇ ಘಟನೆ ಸಂಭವಿಸಿರುವುದು ವಿವಾದಕ್ಕೆ ಇನ್ನಷ್ಟು ಕಿಡಿ ಹೊತ್ತಿಸಿದೆ.

ಇತ್ತೀಚೆಗಷ್ಟೇ 2013 ಆಡಿ ಆರ್8 ಕಾರು ಲಾಂಚ್ ಮಾಡಲಾಗಿತ್ತು. ಪ್ರಸ್ತುತ ಕಾರಿಗೆ ಬೆಂಕಿ ತಗಲಿರುವ ಹಿಂದಿನ ಕಾರಣದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಒಟ್ಟಿನಲ್ಲಿ ಆಡಿ ಕಾರಿಗೆ ಬೆಂಕಿ ತಗಲಿರುವ ಪ್ರಕರಣ ಈ ಐಷಾರಾಮಿ ಕಾರಿನ ಬ್ರಾಂಡ್ ಇಮೇಜ್‌ಗೆ ಧಕ್ಕೆಯನ್ನುಂಟು ಮಾಡುವ ಸಾಧ್ಯತೆಯನ್ನು ತಳ್ಳಿ ಹಾಕುವಂತಿಲ್ಲ.

ಮುಂಬೈನಲ್ಲಿ ಐಷಾರಾಮಿ ಆಡಿ ಕಾರಿಗೆ ಅಚಾನಕ್ ತಗಲಿತು ಬೆಂಕಿ

ಮುಂಬೈನಲ್ಲಿ ಐಷಾರಾಮಿ ಆಡಿ ಕಾರಿಗೆ ಅಚಾನಕ್ ತಗಲಿತು ಬೆಂಕಿ- ತನಿಖೆ ಆರಂಭ

ಮುಂಬೈನಲ್ಲಿ ಐಷಾರಾಮಿ ಆಡಿ ಕಾರಿಗೆ ಅಚಾನಕ್ ತಗಲಿತು ಬೆಂಕಿ- ಸಮಸ್ಯೆಯಾದರೂ ಏನು?

ಮುಂಬೈನಲ್ಲಿ ಐಷಾರಾಮಿ ಆಡಿ ಕಾರಿಗೆ ಅಚಾನಕ್ ತಗಲಿತು ಬೆಂಕಿ- ಬೆಂಕಿ ನಂದಿಸಿದ ಅಗ್ನಿ ಶಾಮಕ ದಳ

ಮುಂಬೈನಲ್ಲಿ ಐಷಾರಾಮಿ ಆಡಿ ಕಾರಿಗೆ ಅಚಾನಕ್ ತಗಲಿತು ಬೆಂಕಿ- ನಿಮ್ಮ ಅಭಿಮತ ನಮ್ಮ ಜತೆ ಹಂಚಿಕೊಳ್ಳಿರಿ.

ಐಷಾರಾಮಿ ಆಡಿ ಆರ್8 2013 ಕಾರನ್ನು ಇತ್ತೀಚೆಗಷ್ಟೇ ಲಾಂಚ್ ಮಾಡಲಾಗಿತ್ತು.

ಆಡಿ ಆರ್8 ಐಷಾರಾಮಿ ಲುಕ್

ಆಡಿ ಆರ್8 ಫ್ರಂಚ್ ವ್ಯೂ

ಆಡಿ ಆರ್8 ಇಂಟಿರಿಯರ್

ಆಡಿ ಆರ್8 ಲಗ್ಷುರಿ ಸೀಟ್

ಆಡಿ ಆರ್8