Click it and Unblock the Notifications
ಭಾರತೀಯ ರಸ್ತೆಗೆ ಆಡಿ 2 ಕೋಟಿ ದುಬಾರಿ ಕಾರು
ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾದ ಆಡಿ ಭಾರತಕ್ಕೆ ಮತ್ತೊಂದು ದುಬಾರಿ ಕಾರನ್ನು ಪರಿಚಯಿಸಲು ಹೊರಟಿದೆ. ವಿಶ್ವದಲ್ಲಿ ಏಳನೇ ಅತಿದೊಡ್ಡ ಕಾರು ಮಾರುಕಟ್ಟೆ ಆಗಿರುವ ಭಾರತದಲ್ಲಿ ಐಷಾರಾಮಿ ಕಾರುಗಳಿಗೂ ಅತ್ಯಧಿಕ ಬೇಡಿಕೆಯಿದೆ. ಈ ಪೈಕಿ ಇತ್ತೀಚೆಗಿನ ವರ್ಷಗಳಲ್ಲಿ ಉತ್ತಮ ಪ್ರಗತಿ ಸಾಧಿಸುವಲ್ಲಿ ಆಡಿ ಯಶಸ್ವಿಯಾಗಿದೆ.
ಈ ನಡುವೆ 2013-14 ಕೇಂದ್ರ ಬಜೆಟ್ ವಿರೋಧ ಧೋರಣೆಯ ನಡುವೆಯೂ ನೂತನ ಆರ್8 ಸೂಪರ್ ಕಾರು ಪರಿಚಯಿಸಲು ಆಡಿ ಹೊರಟಿದೆ. ಟಾಪ್ ವೆರಿಯೆಂಟ್ ಆಡಿ ಆರ್8 ವಿ10 ಪ್ಲಸ್ 5.2 ಲೀಟರ್ ವಿ10 ಎಂಜಿನ್ ಹೊಂದಿರಲಿದೆ. ಮೂಲಗಳ ಪ್ರಕಾರ ಇಟಲಿ ಸೂಪರ್ ಕಾರು ತಯಾರಕರಾದ ಲಂಬೋರ್ಗಿನಿ ಎಂಜಿನ್ ಆಡಿ ನೂತನ ಆವೃತ್ತಿಗೆ ಜೋಡಣೆ ಮಾಡಲಾಗುತ್ತಿದೆ.
ಇದರಿಂದ ಸಹಜವಾಗಿಯೇ ಉತ್ತಮ ಪಿಕಪ್ ಸಿಗಲಿದೆ. ಆಡಿ ಆರ್8 ವಿ10 ಪ್ಲಸ್ ಎಂಜಿನ್ 550 ಬಿಎಚ್ಪಿ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಫೋರ್ ವೀಲ್ 7 ಸ್ಪೀಡ್ ಎಸ್ ಟ್ರಾನಿಕ್ ಗೇರ್ ಬಾಕ್ಸ್ ಪಡೆಯಲಿದೆ.
ಆಡಿ ಆರ್8 ವಿ10 ಪ್ಲಸ್ ಸೂಪರ್ ಕಾರು ಕೇವಲ 3.5 ಸೆಕೆಂಡುಗಳಲ್ಲಿ 100 ಕೀ.ಮೀ ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಪ್ರತಿ ಗಂಟೆಗೆ ಗರಿಷ್ಠ 317 ಕೀ.ಮೀ. ವೇಗದಲ್ಲಿ ಚಲಿಸಲಿದೆ.
ಈ ಮೂಲಕ ಆಡಿಯಿಂದ ಉತ್ಪಾದನೆಯಾಗಿರುವ ಅತಿ ವೇಗದ ಕಾರೆಂಬ ಹೆಗ್ಗಳಿಕೆಗೂ ಆಡಿ ಆರ್8 ವಿ10 ಪ್ಲಸ್ ಪಾತ್ರವಾಗಲಿದೆ.
ಆಡಿ ಆರ್8 ವಿ10 ಪ್ಲಸ್ ಎಪ್ರಿಲ್ 4ರಂದು ನವದೆಹಲಿಯ ಗ್ರೇಟರ್ ನೋಯ್ಡಾದ ಬುದ್ಧ ಅಂತರಾಷ್ಟ್ರೀಯ ಸರ್ಕ್ಯೂಟ್ನಲ್ಲಿ ಲಾಂಚ್ ಆಗಲಿದೆ. ಬಹುಶ: ಇದಕ್ಕಿಂತ ಉತ್ತಮವಾದ ವೇದಿಕೆ ಮತ್ತೊಂದು ಸಿಗಲ್ಲ.
ಪ್ರಸ್ತುತ ಕಾರು ಈಗಾಗಲೇ ಯುರೋಪ್ ಹಾಗೂ ಅಮೆರಿಕ ಮಾರುಕಟ್ಟೆಯನ್ನು ಪ್ರವೇಶಿಸಿದೆ.
ಇನ್ನು ದರ ಗಮನಿಸುವುದಾದರೆ ಆಡಿ ಐಷಾರಾಮಿ ಕಾರಿನ ದರ 2 ಕೋಟಿ ಅಸುಪಾಸಿನಲ್ಲಿರಲಿದೆ. ಬಜೆಟ್ ಬಳಿಕ ಆಡಿ ಕಾರು ಮತ್ತಷ್ಟು ದುಬಾರಿಯೆನಿಸಿದೆ.
ಭಾರತದಲ್ಲಿ ಈಗಾಗಲೇ ಆರ್8 ವಿ8 ಕೂಪೆ, ಆರ್8 ವಿ10 ಕೂಪೆ ಹಾಗೂ ಆರ್8 ವಿ10 ಸ್ಪೈಡರ್ ಪರಿಚಯವಾಗಿದ್ದು, ಇದೇ ಸಿರೀಸ್ನಲ್ಲಿ ಆರ್8 ವಿ10 ಪ್ಲಸ್ ಸೇರ್ಪಡೆಯಾಗಲಿದೆ.
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
ಆಡಿ ಆರ್8 ವಿ10 ಪ್ಲಸ್
Continue with Google