ಒಂದು ಕಾರು ಖರೀದಿಸಿ ಮತ್ತೊಂದು ಸಂಪೂರ್ಣ ಉಚಿತ!

ಇದೇ ರೀತಿಯ ಆಫರ್ ಮುಂದಿಟ್ಟಿರುವ ಫೋಕ್ಸ್‌ವ್ಯಾಗನ್, ಕೇವಲ ಒಂದು ರೂಪಾಯಿ ಮಾತ್ರ ಪಾವತಿಸಿ ಹೊಸ ವೆಂಟೊ ಸೆಡಾನ್‌ಗಾಗಿ ನಿಮ್ಮ ಹಳೆಯ ಕಾರು ಮಾರಾಟ ಮಾಡಬಹುದಾಗಿದೆ ಎಂದು ಘೋಷಿಸಿದೆ. ಒಂದು ವರ್ಷದ ಬಳಿಕ ನೀವಿದನ್ನು ಪೂರ್ಣವಾಗಿಯೂ ಅಥವಾ 36 ಇಎಂಐ ಮೂಲಕವೂ ಪಾವತಿಸಬಹುದಾಗಿದೆ.

ಫೋಕ್ಯ್‌ವ್ಯಾಗನ್ ಇಂತಹುದೇ ಮತ್ತೊಂದು ಆಫರ್ ಮುಂದಿರಿಸಿದ್ದು, ನೂತನ ಪೊಲೊ ಖರೀದಿಸುವಾಗ ಶೇಕಡಾ 50ರಷ್ಟು ದರ ಮಾತ್ರ ನೀಡಿದರೆ ಸಾಕು. ಉಳಿದ ಹಣವನ್ನು ಒಂದು ವರ್ಷದ ಬಳಿಕ ಪಾವತಿಸಬಹುದಾಗಿದೆ.

ಜರ್ಮನಿಯ ಪ್ರೀಮಿಯಂ ಕಾರು ತಯಾರಕ ಸಂಸ್ಥೆಯಾದ ಆಡಿ ಕೂಡಾ 'ಬೀಟ್ ದಿ ಟ್ಯಾಕ್ಸ್ ಹೈಕ್' ಸ್ಕೀಮ್‌ನೊಂದಿಗೆ ಆಗಮನವಾಗಿದ್ದು, ಮಾರ್ಚ್ 15ರೊಳಗೆ ಆಡಿ ಎಸ್‌ಯುವಿ ಖರೀದಿಸಿದ್ದಲ್ಲಿ ಬಟೆಜ್ ಪೂರ್ವ ದರದಲ್ಲೇ ಲಭಿಸಲಿದೆ. ಪ್ರಸ್ತುತ ಬಜೆಟ್‌ನಲ್ಲಿ ಎಸ್‌ಯುವಿ ಕಾರಿನ ದರಗಳನ್ನು ಶೇಕಡಾ 3ರಷ್ಟು ಏರಿಕೆಗೊಳಿಸಲಾಗಿತ್ತು.

ಕಳೆದೊಂದು ದಶಕದಲ್ಲೇ ಪ್ರಸಕ್ತ ಸಾಲಿನಲ್ಲಿ ಕಾರು ತಯಾರಕ ಸಂಸ್ಥೆ ಹಾಗೂ ಡೀಲರ್‌ಗಳು ಭಾರಿ ಕುಸಿತ ಅನುಭವಿಸಿರುವುದು ಇಂತಹದೊಂದು ಬೆಳವಣಿಗೆಗೆ ಕಾರಣವಾಗಿದೆ. ಇದೇ ಕಾರಣಕ್ಕಾಗಿ ಗ್ರಾಹಕರನ್ನು ಆಕರ್ಷಿಸಲು ಆಫರ್‌ಗಳನ್ನು ಪ್ರಕಟಿಸಲಾಗುತ್ತಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.

ಹಬ್ಬದ ಆವೃತ್ತಿಯ ಬಳಿಕವೂ 2012 ಡಿಸೆಂಬರ್ ತಿಂಗಳಲ್ಲಿ ಹಲವು ಮುಂಚೂಣಿಯ ಕಾರು ತಯಾರಕ ಸಂಸ್ಥೆಗಳು ಭಾರಿ ಆಫರ್‌ಗಳನ್ನು ಮುಂದಿರಿಸಿದ್ದವು. ಇದೇ ರೀತಿ ಗುಜರಾತ್ ಸ್ಕೋಡಾ ಡೀಲರ್ ಫೆಬ್ರವರಿ 26ರರಂದು 'ಕಾರಿಗೊಂದು ಕಾರು ಉಚಿತ' ಆಫರ್ ಪ್ರಕಟಿಸಿದ ಬಳಿಕ 600ರಷ್ಟು ಯುನಿಟ್‌ಗಳನ್ನು ಮಾರಾಟ ಮಾಡುವಲ್ಲಿ ಯಶಸ್ವಿಯಾಗಿದೆ ಎಂದು ವರದಿಗಳು ತಿಳಿಸಿವೆ.

ಹಾಗೊಂದು ವೇಳೆ ನೀವು ಪೆಟ್ರೋಲ್ ರ‌್ಯಾಪಿಡ್ ಖರೀದಿಸಿದ್ದಲ್ಲಿ ಪೆಟ್ರೋಲ್ ಫಾಬಿಯಾ ಬೇಸ್ ವರ್ಷನ್ ಉಚಿತವಾಗಿ ಪಡೆಯಲಿದ್ದೀರಿ. ಇನ್ನು ಡೀಸೆಲ್ ಎಂಜಿನ್ ಆಯ್ಕೆ ಮಾಡಿದ್ದಲ್ಲಿ ಡೀಸೆಲ್ ಫಾಬಿಯಾ ವೆರಿಯಂಟ್ ಗಳಿಸಲಿದ್ದೀರಿ.

ಸಮಕಾಲೀನ ಮಾರುಕಟ್ಟೆ ಪರಿಸ್ಥಿತಿಯನ್ನು ಅವಲೋಕಿಸಿದಾಗ ಮುಂದಿನ ಕೆಲವು ತಿಂಗಳುಗಳ ಕಾಲ ಇದೇ ಪರಿಸ್ಥಿತಿ ಮುಂದುವರಿಯಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಇದು ಆಟೋ ಜಗತ್ತಿನಲ್ಲಿ ಭಾರಿ ಆತಂಕ ಸೃಷ್ಟಿ ಮಾಡಲು ಕಾರಣವಾಗಿದೆ.

ಇನ್ನು ನಮ್ಮ ಬೆಂಗಳೂರಿನ ಡೀಲರ್‌ಗಳು ಇದೇ ರೀತಿಯ ಆಫರ್‌ಗಳನ್ನು ಮುಂದಿರಿಸಿದ್ದರೆ ಯಾರೂ ಅಚ್ಚರಿಪಡಬೇಕಾಗಿಲ್ಲ. ಹಾಗಿದ್ದರೆ ಒಂದು ಕಾರು ಖರೀದಿ ಮಾಡಿ ಮತ್ತೊಂದನ್ನು ಸಂಪೂರ್ಣವಾಗಿ ಉಚಿತವಾಗಿ ಪಡೆಯಲು ಸಜ್ಜಾಗಿರಿ! ನಿಮ್ಮಗೆಲ್ಲರಿಗೂ ಶುಭವಾಗಲಿ!

ಇದೀಗ ನಿಮ್ಮ ಅನಿಸಿಕೆ, ಸಲಹೆಗಳನ್ನು ನಮ್ಮ ಕಾಮೆಂಟ್ ಬಾಕ್ಸ್ ಮೂಲಕ ವ್ಯಕ್ತಪಡಿಸಿರಿ...