ಭಾರತದಲ್ಲೂ ನಿರ್ಮಾಣವಾಗಲಿದೆ ಚೀನಾ ಗ್ರೇಟ್ ವಾಲ್

ನಿಮ್ಮ ಮಾಹಿತಿಗಾಗಿ ಚೀನಾದಲ್ಲಿ ಯಶಸ್ಸು ಕಂಡಿರುವ ಹವೆಲ್ ಎಚ್5 ಎಸ್‌ಯುವಿ ಕಾರನ್ನು ಬೆಳೆದು ಬರುತ್ತಿರುವ ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯ ಮಾಡಿಕೊಡಲು ಗ್ರೇಟ್ ವಾಲ್ ಮೋಟಾರ್ಸ್ ಯೋಜನೆ ಹೊಂದಿದೆ. ಈ ಮೂಲಕ ಉತ್ತಮ ಮಾರಾಟ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.

ಎಸ್‌ಯುವಿಗಳ ಜತೆಗೆ ಇತರ ಸೆಗ್ಮೆಂಟ್ ಕಾರುಗಳನ್ನು ಯೋಜನೆಯನ್ನು ಚೀನಾದಲ್ಲಿ ಎಂಟನೇ ಅತಿದೊಡ್ಡ ವಾಹನ ತಯಾರಕ ಎನಿಸಿಕೊಂಡಿರುವ (ಉತ್ಪನ್ನದಲ್ಲಿ 6ನೇ ಸ್ಥಾನ) ಗ್ರೇಟ್ ವಾಲ್ ಮೋಟಾರ್ಸ್ ಹೊಂದಿದೆ.

ಇದೇ ಮೊದಲ ಬಾರಿಗೆ ಚೀನಾ ವಾಹನ ತಯಾರಕ ಕಂಪನಿಯೊಂದು ಭಾರತಕ್ಕೆ ಎಂಟ್ರಿ ಕೊಡುತ್ತಿದೆ. ಭಾರತದಲ್ಲೇ ಉತ್ಪಾದನೆ ನಡೆಯಲಿರುವುದರಿಂದ ಸ್ಪರ್ಧಾತ್ಮಕ ದರಗಳಲ್ಲಿ ಮಾರಾಟ ಮಾಡಲು ಸಾಧ್ಯವಾಗಲಿದೆ.

ಅಷ್ಟೇ ಅಲ್ಲದೆ ಮುಂದಿನ ವರ್ಷ ನಡೆಯಲಿರುವ ದೆಹಲಿ ಆಟೋ ಎಕ್ಸ್ ಪೋದಲ್ಲಿ, ಹವೆಲ್ ಎಚ್5 ಎಸ್‌ಯುವಿ ಅನಾವರಣಗೊಳ್ಳಲಿದೆ. ಹಾಗೆಯೇ 2016ರ ವೇಳೆಗೆ ಕಾರು ಮಾರುಕಟ್ಟೆ ಪ್ರವೇಶಿಸುವ ನಿರೀಕ್ಷೆಯಿದೆ.

ಆರಂಭದಲ್ಲಿ ತಮಿಳುನಾಡು ಹಾಗೂ ಗುಜರಾತ್‌ನಲ್ಲಿ ಘಟಕ ಆರಂಭಿಸುವ ಕುರಿತು ಆಸಕ್ತಿ ತಾಳಿತ್ತಾದರೂ ಮುಂದುವರಿದ ಬೆಳವಣಿಗೆಯಲ್ಲಿ ಮಹಾರಾಷ್ಟ್ರ ಸರಕಾರದಿಂದ ಪೂರಕ ಬೆಂಬಲ ದೊರಕಿರುವುದರಿಂದ ಪುಣೆಯಲ್ಲಿ ಘಟಕ ತೆರೆಯಲು ನಿರ್ಧರಿಸಿದೆ.

ಈ ಹಿಂದೆ ನವದೆಹಲಿ ಮೂಲದ ಟ್ರಾಕ್ಟರ್ ಉತ್ಪಾದಕ ಅಂತರಾಷ್ಟ್ರೀಯ ಕಾರು ಹಾಗೂ ಮೋಟಾರ್ ಲಿಮಿಟೆಡ್ ಜತೆ ಪಾಲುದಾರಿಕೆ ನಡೆಸಲು ಗ್ರೇಟ್ ವಾಲ್ ಮೋಟಾರ್ಸ್ ಯೋಜನೆ ಹೊಂದಿತ್ತು. ಆದರೆ ಕಾರಣಾಂತರಗಳಿಂದಾಗಿ ಯೋಜನೆ ವಿಫಲಗೊಂಡಿದ್ದರಿಂದ ಸ್ವತಂತ್ರವಾಗಿ ಭಾರತಕ್ಕೆ ಲಗ್ಗೆಯಿಡಲು ಕಂಪನಿ ನಿರ್ಧರಿಸಿದೆ.

ಗ್ರೇಟ್ ವಾಲ್ ಮೋಟಾರ್ಸ್ ಭಾರತಕ್ಕೆ ಎಂಟ್ರಿ ಕೊಡಲು ನಿರ್ಧರಿಸಿದ್ದು, 1,500 ಕೋಟಿ ರು.ಗಿಂತಹೂಲ ಹೆಚ್ಚು ಮೊತ್ತ ಹೂಡಿಕೆ ಮಾಡುವ ಸಂಭವವಿದೆ.

ಒಟ್ಟಿನಲ್ಲಿ ಭಾರತದಲ್ಲೂ ಚೀನಾ ಗ್ರೇಟ್ ವಾಲ್ ನಿರ್ಮಾಣವಾಗಲು ಸಿದ್ಧತೆ ನಡೆಯುತ್ತಿದೆ. ಇದೀಗ ನಿಮ್ಮ ಅಭಿಪ್ರಾಯಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...