ಪ್ರಸಕ್ತ ಸಾಲಿನಲ್ಲೇ ಹೋಂಡಾ ಮೊಬಿಲಿಯೊ, ಜಾಝ್ ಲಾಂಚ್

ಹೋಂಡಾ ಮೊಬಿಲಿಯೊ ನಿರ್ಮಾಣ ಗ್ರೇಟರ್ ನೋಯ್ಡಾದಲ್ಲಿರುವ ಸಂಸ್ಥೆಯ ಘಟಕದಲ್ಲಿ ಜೂನ್ ತಿಂಗಳಲ್ಲಿ ಆರಂಭವಾಗುವ ಸಾಧ್ಯತೆಯಿದೆ. ಇಲ್ಲಿ ವಾರ್ಷಿಕವಾಗಿ 45,000 ಯುನಿಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಹೋಂಡಾ ಮೊಬಿಲಿಯೊ ಪ್ರಸಕ್ತ ಸಾಲಿನ ಮಧ್ಯಂತರ ಅವಧಿಯಲ್ಲಿ ಆಗಮನವಾಗುವ ಸಾಧ್ಯತೆಯಿದೆ. ಇನ್ನೊಂದೆಡೆ ಹೋಂಡಾ ಜಾಝ್, ಎಂಪಿವಿ ಆವೃತ್ತಿಯನ್ನು ಹಿಂಬಾಲಿಸಲಿದ್ದು, ಬಹುತೇಕ ಹಬ್ಬದ ಆವೃತ್ತಿ ವೇಳೆ ಮಾರುಕಟ್ಟೆ ಪ್ರವೇಶಿಸಲಿದೆ.

ಅಂದ ಹಾಗೆ ಹೋಂಡಾ ಜಾಝ್ ನಿರ್ಮಾಣ ಕಾರ್ಯವು ಸಂಸ್ಥೆಯ ರಾಜಸ್ತಾನದ ಟಪುಕರ ಘಟಕದಲ್ಲಿ ಸಾಗಲಿದೆ. ಇಲ್ಲಿ ವಾರ್ಷಿಕವಾಗಿ 20,000 ಯುನಿಟ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಈ ಎರಡು ಕಾರುಗಳು ಪೆಟ್ರೋಲ್ ಹಾಗೂ ಡೀಸೆಲ್ ವೆರಿಯಂಟ್‌ಗಳಲ್ಲಿ ಆಗಮನವಾಗಲಿದೆ. ಹಾಗೆಯೇ ಪೆಟ್ರೋಲ್ ಮಾದರಿಯು 5 ಸ್ಪೀಡ್ ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಹಾಗೆಯೇ ಡೀಸೆಲ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಪಡೆಯಲಿದೆ.

ಹೋಂಡಾ ಸಿಟಿಯಲ್ಲಿ ಬಳಕೆಯಾದ ಎಂಜಿನ್ ಮೊಬಿಲಿಯೊದಲ್ಲೂ ಕಂಡುಬರಲಿದ್ದು, ಇನ್ನೊಂದೆಡೆ ಬ್ರಿಯೊ ಹಾಗೂ ಅಮೇಜ್‌ನಲ್ಲಿರುವ ಎಂಜಿನ್ ಜಾಝ್‌ಗೆ ವರ್ಗಾವಣೆಯಾಗಲಿದೆ.