ಭಾರತೀಯರು ವಂಚಿತ; ಹೋಂಡಾ ವೆಜೆಲ್‌ಗೆ ಭಾರಿ ಡಿಮ್ಯಾಂಡ್

ಇದು ಹೋಂಡಾ ವೆಜೆಲ್ ಯಶಸ್ಸನ್ನು ಸಾರುತ್ತದೆ. ಪ್ರಸ್ತುತ ಕಾರು ಭಾರತ ಮಾರುಕಟ್ಟೆ ಪ್ರವೇಶಿಸದಿರುವುದು ಹಿನ್ನೆಡೆಯಾಗಿರಲಿದೆ. ಈ ಹಿಂದೆ ಹೋಂಡಾ ವೆಜೆಲ್ ಭಾರತ ಮಾರುಕಟ್ಟೆ ಪ್ರವೇಶಿಸುವ ಕುರಿತಾಗಿ ಊಹಾಪೋಹಾಗಳಿದ್ದವು. ಆದರೆ ಪ್ರಾಯೋಗಿಕವಾಗಿ ಇದರ ಆಗಮನ ಸುಲಭವಾಗಿಲ್ಲದಿದ್ದರಿಂದ ಜಪಾನ್ ಮೂಲದ ಈ ವಾಹನ ತಯಾರಕ ಸಂಸ್ಥೆಯು ತನ್ನ ಯೋಜನೆಯಿಂದ ಹಿಂದೆ ಸರಿದಿತ್ತು.

ಹಾಗಿದ್ದರೂ ಭಾರತೀಯ ಗ್ರಾಹಕರನ್ನು ಖುಷಿಪಡಿಸುವ ನಿಟ್ಟಿನಲ್ಲಿ ಬ್ರಿಯೊ ತಲಹದಿಯ ಕ್ರಾಸೋವರ್ ಲಾಂಚ್ ಮಾಡುವುದಾಗಿ ಹೋಂಡಾ ಘೋಷಿಸಿತ್ತು. ನಿಮ್ಮ ಮಾಹಿತಿಗಾಗಿ, ಜಾಜ್ ತಲಹದಿಯಲ್ಲಿ ನಿರ್ಮಾಣವಾಗಿರುವ ವೆಜೆಲ್ ಕ್ರಾಸೋವರ್ 2013 ಡಿಸೆಂಬರ್ ತಿಂಗಳಲ್ಲಿ ಲಾಂಚ್ ಆಗಿತ್ತು. ಈ ಪೈಕಿ 20ರ ಹರೆಯದ ಅಸುಪಾಸಿನಲ್ಲಿರುವವರು ಹೈಬ್ರಿಡ್ ಕಾರನ್ನು ಬಯಸಿದ್ದರೆ 50 ಹಾಗೂ 60ರ ಅಸುಪಾಸಿನ ಪ್ರಾಯದವರು ಪೆಟ್ರೋಲ್ ವೆರಿಯಂಟ್‌ನತ್ತ ಮೊರೆ ಹೋಗಿದ್ದರು.

ಒಟ್ಟು ಎರಡು ಎಂಜಿನ್ ಹಾಗೂ ಮೂರು ವೆರಿಯಂಟ್‌ಗಳಲ್ಲಿ ವೆಜೆಲ್ ಎಂಟ್ರಿ ಕೊಟ್ಟಿದೆ. ಅವುಗಳೆಂದರೆ ಎಕ್ಸ್ ಪೆಟ್ರೋಲ್, ಎಕ್ಸ್ ಹೈಬ್ರಿಡ್ ಮತ್ತು ಎಕ್ಸ್ ಎಲ್ ಹೈಬ್ರಿಡ್ (ಆಲ್ ವೀಲ್ ಡ್ರೈವ್). ಇದು 1.5 ಲೀಟರ್ ಪೆಟ್ರೋಲ್ ಜತೆಗೆ ಎಲೆಕ್ಟ್ರಿಕ್ ಮೋಟಾರು ಪಡೆದಿತ್ತು.

ಪ್ರಸ್ತುತ ಜಪಾನ್ ಮಾರುಕಟ್ಟೆಯಲ್ಲಿ ಮಾತ್ರ ಮಾರಾಟಗೊಳ್ಳುತ್ತಿರುವ ಹೋಂಡಾ ವೆಜೆಲ್ 2014ರ ಮಧ್ಯಂತರ ಅವಧಿಯಲ್ಲಿ ಯುರೋಪ್ ಮಾರುಕಟ್ಟೆ ಪ್ರವೇಶಿಸಲಿದೆ. ಹಾಗಿದ್ದರೂ ಅಮೆರಿಕನ್ನರು ಸಹ ಸ್ವಲ್ಪ ಸಮಯ ಕಾದು ಕುಳಿತುಕೊಳ್ಳಬೇಕಾಗಿದೆ.

ದುರದೃಷ್ಟವಶಾತ್ ಭಾರತದ ರುಪಾಯಿ ದರ ಮೌಲ್ಯ ಕುಸಿಯುತ್ತಿರುವುದು, ಹೈಬ್ರಿಡ್ ಮೂಲ ಸೌಕರ್ಯ ಮತ್ತು ಸ್ಥಳೀಯಗೊಳಿಸುವುದರಲ್ಲಿ ಎದುರಾಗಿರುವ ಸಮಸ್ಯೆ ಅರಿತುಕೊಂಡಿರುವ ಜಪಾನ್ ಮೂಲದ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ, 2015ರ ವೆಜೆಲ್ ಭಾರತ ಪ್ರವೇಶ ಯೋಜನೆಯನ್ನು ಕೈಬಿಟ್ಟಿತ್ತು.