ಯಾರಿವಳು ಭಾರತಕ್ಕೆ ಕಾಲಿಟ್ಟ ತ್ರಿವಳಿ ಸುರ ಸುಂದರಿಯರು

ಬೆಳೆದು ಬರುತ್ತಿರುವ ಭಾರತ ಮುಂದಿನ ದಿನಗಳಲ್ಲಿ ವಿಶ್ವದಲ್ಲೇ ಅತ್ಯಂತ ಪ್ರಭಾವಿಶಾಲಿ ಮಾರುಕಟ್ಟೆಗಳಲ್ಲಿ ಒಂದೆನಿಸಲಿದೆ. ಇದರಂತೆ ಜಗತ್ತಿನ ಐಷಾರಾಮಿ ಕಂಪನಿಗಳು ಸಹ ಭಾರತದ ಕಾರು ಮಾರುಕಟ್ಟೆಯನ್ನು ಅತ್ಯಂತ ಕುತೂಹಲದಿಂದ ಎದುರು ನೋಡುತ್ತಿದೆ.

ಸ್ಪೈಕರ್

ಸ್ಪೈಕರ್ ಹಾಲೆಂಡ್ ಮೂಲದ ಗರಿಷ್ಠ ನಿರ್ವಹಣಾ ಕಾರು ಸಂಸ್ಥೆಯಾಗಿದೆ. ಪ್ರಸ್ತುತ ಭಾರತದ ಸ್ಥಳೀಯ ಜತೆಗಾರನ ಹುಡುಕಾಟದಲ್ಲಿರುವ ಸ್ಪೈಕರ್ 2013ರ ವರ್ಷಾಂತ್ಯದಲ್ಲಿ ನೂತನ ಸಿ8 ಏಲಿರಾನ್ (Aileron) ಕಾರನ್ನು ಪರಿಚಯಿಸಲಿದೆ.

ಸ್ಪೈಕರ್

ಸ್ಪೈಕರ್ ಸಿ8 ಏಲಿರಾನ್ ಸೂಪರ್ ಕಾರು ಆಡಿಯ 4.3 ಲೀಟರ್ ವಿ8 ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು 400 ಅಶ್ವಶಕ್ತಿ (480 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಗರಿಷ್ಠ ಗಂಟೆಗೆ 300 ಕೀ.ಮೀ. ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ. ಈ ಕಾರನ್ನು ಸ್ಪೈಕರ್ ಬಿ6 ವೆನಾಟರ್ ಹಿಂಬಾಲಿಸಲಿದೆ.

ಪಗಾನಿ

ಇಟಲಿಯ ಸುರ ಸುಂದರಿಯಾಗಿರುವ ಪಗಾನಿ ಸದ್ಯದಲ್ಲೇ ಭಾರತ ಎಂಟ್ರಿ ಕೊಡಲಿದ್ದಾಳೆ ಎಂದು ಮೂಲಗಳು ತಿಳಿಸಿವೆ. ಜಗತ್ತಿನ ಅತಿ ವೇಗದಲ್ಲಿ ಚಲಿಸುವ ಕಾರುಗಳಲ್ಲಿ ಒಂದಾಗಿರುವ ಹ್ಯೂರಾ (Pagani Hauyra) ಉತ್ಪಾದನೆಯನ್ನು ಪಗಾನಿ ಹೊಂದಿದೆ. ಹಾಗೆಯೇ ಇದರಲ್ಲಿ ಅತ್ಯಾಧುನಿಕ ತಂತ್ರಗಾರಿಕೆಗಳನ್ನು ಆಳವಡಿಸಲಾಗಿದೆ. ಈ ಹೈಪರ್ ಕಾರು ಎಎಂಜಿಯಿಂದ ವಿಶೇಷವಾಗಿಯೂ ಅಭಿವೃದ್ಧಿಪಡಿಸಲಾಗಿರುವ 700 ಅಶ್ವಶಕ್ತಿ ಉತ್ಪಾದಿಸಲ್ಪಡುವ 6 ಲೀಟರ್ ವಿ12 ಕಸ್ಟಮ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಟ್ಟಿದೆ.

ಪಗಾನಿ ಹ್ಯೂರಾ (Pagani Hauyra)

ಹಾಗಿದ್ದರೂ ಪಗಾನಿ ಭಾರತ ಎಂಟ್ರಿ ಇನ್ನು ಪ್ರಾರಂಭಿಕ ಹಂತದಲ್ಲಿದೆ. ಈ ಬಗ್ಗೆ 2014ರ ವೇಳೆಗೆ ಸ್ಪಷ್ಟ ಮಾಹಿತಿ ಲಭಿಸುವ ಸಾಧ್ಯತೆಯಿದೆ.

ಲೋಟಸ್

ಲೋಟಸ್ ಬ್ರಿಟನ್ ಮೂಲದ ಸೂಪರ್ ಸ್ಪೋರ್ಟ್ಸ್ ತಯಾರಕ ಸಂಸ್ಥೆಯಾಗಿದೆ. ಅಂದ ಹಾಗೆ ಜಗತ್ತಿನಲ್ಲಿ ಹಗುರವಾದ ಹಾಗೂ ಅತ್ಯುತ್ತಮ ಸ್ಪೋರ್ಟ್ಸ್ ಕಾರು ಉತ್ಪಾದಿಸುವುದರಲ್ಲಿ ಹೆಸರುವಾಸಿಯಾಗಿರುವ ಲೋಟಸ್ ಭಾರತ ಮಾರುಕಟ್ಟೆಗೆ ಎಂಟ್ರಿ ಕೊಡುವ ಯೋಜನೆ ಹೊಂದಿದೆ.

ಮೇಲೆ ತಿಳಿಸಲಾದ ಎಲ್ಲ ಮೂರು ಕಾರು ತಯಾರಕ ಸಂಸ್ಥೆಗಳು ನಿಗದಿತ ಮಾದರಿಗಳನ್ನಷ್ಟೇ ಉತ್ಪಾದಿಸುತ್ತಿದೆ ಎಂಬುದು ವಿಶೇಷತೆಯಾಗಿದೆ. ಅಂದರೆ ಗುಣಮಟ್ಟತೆಗೆ ಹೆಚ್ಚಿನ ಆದ್ಯತೆ ಕೊಡುತ್ತದೆ. ಹಾಗೆಯೇ ನಿರ್ಧಿಷ್ಟ ಡೀಲರ್‌ಶಿಪ್‌ಗಳನ್ನು ಮಾತ್ರ ಹೊಂದಿರುತ್ತದೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಐಷಾರಾಮಿ ದೇಶದ ಕಾರು ಮಾರುಕಟ್ಟೆಯಲ್ಲಿ ದೊಡ್ಡ ಬದಲಾವಣೆಗೆ ಸಾಕ್ಷಿಯಾಗಲಿದೆ.