ಮಾರುತಿ ಸುಜುಕಿ ದಾಖಲೆ ಸಂಖ್ಯೆಯ ಮಾರಾಟ

ಈ ಪೈಕಿ 2014 ಜೂನ್ ತಿಂಗಳಲ್ಲಿ 1,00,964 ಯುನಿಟ್‌ಗಳ ದೇಶೀಯ ಮಾರಾಟ ಕಂಡಿದೆ. ಕಳೆದ ಬಾರಿ ಇದು 77,002 ಯುನಿಟ್‌ಗಳಾಗಿದ್ದು ಶೇಕಡಾ 31.1ರಷ್ಟು ಏರಿಕೆ ಕಂಡುಬಂದಿದೆ.

ಸಣ್ಣ ಕಾರುಗಳಾದ ಮಾರುತಿ800, ಆಲ್ಟೊ, ಎ ಸ್ಟಾರ್ ಮತ್ತು ವ್ಯಾಗನಾರ್ ಮಾರಾಟಗಳಲ್ಲಿ ಶೇಕಡಾ 52.1ರಷ್ಟು ಏರುಗತಿ ಕಂಡುಬಂದಿದ್ದು, 2014 ಜೂನ್ ತಿಂಗಳಲ್ಲಿ ಒಟ್ಟು 47,618 ಯುನಿಟ್‌ ಮಾರಾಟವಾಗಿದೆ. ಕಳೆದ ವರ್ಷವಿದು 31,314 ಯುನಿಟ್‌ಗಳಾಗಿತ್ತು.

ಅದೇ ರೀತಿ ಸ್ವಿಫ್ಟ್, ಎಸ್ಟಿಲೊ ಹಾಗೂ ರಿಟ್ಜ್ ಹ್ಯಾಚ್‌ಬ್ಯಾಕ್ ಕಾರುಗಳ ಮಾರಾಟವು ಶೇಕಡಾ 6.2ರಷ್ಟು ವರ್ಧನೆಯಾಗಿದ್ದು, ಒಟ್ಟು 22,293 ಯುನಿಟ್ ಮಾರಾಟವಾಗಿದೆ. ಕಳೆದ ವರ್ಷವಿದು 20,996 ಯುನಿಟ್‌ಗಳಾಗಿತ್ತು.

ಇನ್ನು ಕಾಂಪಾಕ್ಟ್ ಸೆಡಾನ್ ಡಿಜೈರ್ ಜೂನ್ ತಿಂಗಳಲ್ಲಿ 15,990 ಯುನಿಟ್‌ ಮಾರಾಟ ದಾಖಲಿಸಿದ್ದು, ಶೇಕಡಾ 27.4ರಷ್ಟು ಮಾರಾಟ ವೃದ್ಧಿಯಾಗಿದೆ. ಕಳೆದ ವರ್ಷವಿದು 12548 ಯುನಿಟ್‌ಗಳಾಗಿತ್ತು.

ಅದೇ ರೀತಿ ಮಿಡ್ ಸೈಜ್ ಎಸ್‌ಎಕ್ಸ್4 ಸೆಡಾನ್ ಕಾರು ಮಾರಾಟದಲ್ಲಿ ಶೇಕಡಾ 2.5ರಷ್ಟು ಏರಿಕೆಯಾಗಿದ್ದು, 2014 ಜೂನ್ ತಿಂಗಳಲ್ಲಿ 322 ಯುನಿಟ್ ಮಾರಾಟ ದಾಖಲಾಗಿದೆ. ಕಳೆದ ಸಾಲಿನಲ್ಲಿ ಇದು 314 ಯುನಿಟ್‌ಗಳಾಗಿತ್ತು.

ಏತನ್ಮಧ್ಯೆ ಜಿಪ್ಸಿ, ಗ್ರಾಂಡ್ ವಿಟರಾ ಹಾಗೂ ಎರ್ಟಿಗಾ ಬಹು ಬಳಕೆಯ ವಾಹನಗಳು ಜೂನ್ ತಿಂಗಳಲ್ಲಿ 5,003 ಯುನಿಟ್ ಮಾರಾಟ ದಾಖಲಿಸಿದೆ. ಕಳೆದ ಬಾರಿಯಿದು 4997 ಯುನಿಟ್‌ಗಳಾಗಿತ್ತು.

ಇನ್ನುಳಿದಂತೆ ಓಮ್ನಿ ಹಾಗೂ ಇಕೊ ಮಾರಾಟವು ಶೇಕಡಾ 42.5ರಷ್ಟು ವೃದ್ಧಿಯಾಗಿದ್ದು, 2014 ಜೂನ್ ತಿಂಗಳಲ್ಲಿ 9,738 ಯುನಿಟ್ ಮಾರಾಟ ದಾಖಲಿಸಿದೆ. ಕಳೆದ ವರ್ಷವಿದು 6,833 ಯುನಿಟ್ ಮಾತ್ರವಾಗಿತ್ತು.

ಅಂತಿಮವಾಗಿ ರಫ್ತು ವಿಭಾಗದಲ್ಲೂ ಶೇಕಡಾ 58.4ರಷ್ಟು ವೃದ್ಧಿ ದಾಖಲಿಸಿದ್ದು, ಈ ಅವಧಿಯಲ್ಲಿ ಒಟ್ಟು 11,809 ಯುನಿಟ್ ಮಾರಾಟ ದಾಖಲಾಗಿದೆ. 2013 ಜೂನ್ ವರ್ಷದಲ್ಲಿ 7,453 ಯುನಿಟ್‌ಗಳಾಗಿತ್ತು ಎಂದು ಮಾರುತಿ ಸುಜುಕಿ ಪ್ರಕಟಣೆಯಲ್ಲಿ ತಿಳಿಸಿದೆ.