ಸ್ಟಿಂಗ್ರೇ ಮೈಲೇಜ್ 20.51 kmpl; ಸದ್ಯದಲ್ಲೇ ಸಿಎನ್‌ಜಿ ಎಂಟ್ರಿ

By Nagaraja

Published: Monday, August 26, 2013, 10:08 [IST]

ದೇಶದ ಪ್ರಯಾಣಿಕ ಕಾರು ಮಾರುಕಟ್ಟೆಗೆ ಕಾಲಿಟ್ಟಿರುವ ಮಾರುತಿ ಸುಜುಕಿ ಸ್ಟಿಂಗ್ರೇ ನಿರ್ವಹಣೆ ಬಗ್ಗೆ ಕಾರು ಪ್ರಿಯರಲ್ಲಿ ಕುತೂಹಲ ಮನೆ ಮಾಡಿದೆ. ಇತ್ತೀಚೆಗಷ್ಟೇ ದೇಶದ ನಂ.1 ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿ, ಲಗ್ಷುರಿ ಹ್ಯಾಚ್‌ಬ್ಯಾಕ್ ಸ್ಟಿಂಗ್ರೇ ಲಾಂಚ್ ಮಾಡಿತ್ತು. ಇದರ ದೆಹಲಿ ಎಕ್ಸ್ ಶೋ ರೂಂ ದರ 4.09 ಲಕ್ಷ ರು.ಗಳಿಂದ ಆರಂಭವಾಗಿ 4.66 ಲಕ್ಷ ರು.ಗಳ ವರೆಗಿದೆ.

ಹಾಗಿದ್ದರೂ ಸ್ಟಿಂಗ್ರೇ ಮೈಲೇಜ್ ಬಗ್ಗೆ ತಿಳಿಯುವ ಕುತೂಹಲ ಹಲವರಲ್ಲಿದೆ. ನಿಮ್ಮ ಮಾಹಿತಿಗಾಗಿ ಮಾರುತಿ ಸುಜುಕಿ ಸ್ಟಿಂಗ್ರೇ ಪ್ರತಿ ಲೀಟರ್‌ಗೆ 20.51 ಕೀ.ಮೀ. ಮೇಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ. ಇದರಲ್ಲಿ 1.0 ಲೀಟರ್ ಕೆ ಸಿರೀಸ್ 998ಸಿಸಿ ತ್ರಿ ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಆಳವಡಿಸಲಾಗಿದೆ. ಹಾಗೆಯೇ ಫೈವ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ.

ಅದೇ ಹೊತ್ತಿಗೆ ಸ್ಟಿಂಗ್ರೇ ಸಿಎನ್‌ಜಿ ವರ್ಷನ್ ಸದ್ಯದಲ್ಲೇ ಪರಿಚಯಿಸುವ ಇರಾದೆಯನ್ನು ಕಂಪನಿ ವ್ಯಕ್ತಪಡಿಸಿದೆ. ನಿಮ್ಮ ಮಾಹಿತಿಗಾಗಿ 1999ನೇ ಇಸವಿಯಲ್ಲಿ ಮೊದಲ ಬಾರಿಗೆ ಲಾಂಚ್ ಆಗಿದ್ದ ವ್ಯಾಗನಾರ್ ಈ ವರೆಗೆ 13 ಲಕ್ಷ ಯುನಿಟ್ ಮಾರಾಟವಾಗಿದೆ. ಇದೀಗ ಆಗಮನವಾಗಿರುವ ಹೊಸ ಸ್ಟಿಂಗ್ರೇದಲ್ಲಿ ಏನೆಲ್ಲ ವೈಶಿಷ್ಟ್ಯಗಳಿರಲಿದೆ ಎಂಬುದನ್ನು ತಿಳಿದುಕೊಳ್ಳಲು ಸ್ಲೈಡರ್‌ನತ್ತ ಮುಂದುವರಿಯಿರಿ...