ಸದ್ಯದಲ್ಲೇ ಮಾರುತಿ ವ್ಯಾಗನಾರ್ ಸ್ಟಿಂಗ್ರೇ ಲಾಂಚ್?

ಡೀಸೆಲ್ ವೆರಿಯಂಟ್

ವ್ಯಾಗನಾರ್ ಆರ್ ಹಾಗೂ ರಿಟ್ಜ್ ಬ್ರಾಂಡ್ ನಡುವೆ ಕಾಣಿಸಿಕೊಳ್ಳಲಿರುವ ವ್ಯಾಗನಾರ್ ಸ್ಟಿಂಗ್ರೇ, ಡೀಸೆಲ್ ವೆರಿಯಂಟ್‌ನಲ್ಲಿ ಆಗಮನವಾಗುವ ನಿರೀಕ್ಷೆಯಿದೆ. (ಇನ್ನು ಅಧಿಕೃತವಾಗಿಲ್ಲ.)

ಹ್ಯುಂಡೈ ಪ್ರತಿಸ್ಪರ್ಧಿ

ಭಾರತದ ಬಿ1 ಸೆಗ್ಮೆಂಟ್ ಕಳೆದ ಕೆಲವು ಸಮಯಗಳಿಂದ ಸದ್ದಿಲ್ಲದೆ ಮುಂದುವರಿಯುತ್ತಿದೆ. ಆದರೆ ಇತ್ತೀಚೆಗಷ್ಟೇ ಗ್ರಾಂಡ್ ಐ10 ಆವೃತ್ತಿಯನ್ನು ಹ್ಯುಂಡೈ ಘೋಷಿಸಿತ್ತು. ಇದು ಕೂಡಾ ದೀಪಾವಳಿ ಹಬ್ಬದ ಆವೃತ್ತಿಯ ಅಸುಪಾಸಿನಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ವೈಶಿಷ್ಟ್ಯ

ಅಂದ ಹಾಗೆ ವ್ಯಾಗನಾರ್ ಫೇಸ್‌ಲಿಫ್ಟ್ ಎಡಿಷನ್ ಈಗಾಗಲೇ ಮಾರುಕಟ್ಟೆ ಪ್ರವೇಶಿಸಿರುವುದರಿಂದ ಸ್ಟಿಂಗ್ರೇ ಮುಖಾಂತರ ಹೆಚ್ಚಿನ ವೈಶಿಷ್ಟ್ಯಗಳನ್ನು ಗ್ರಾಹಕರಿಗೆ ಪರಿಚಯಿಸುವ ಯೋಜನೆಯನ್ನು ದೇಶದ ನಂ.1 ಸಂಸ್ಥೆ ಮಾರುತಿ ಹೊಂದಿದೆ.

ಸುರಕ್ಷತೆ

ಸದ್ಯ ಲಭ್ಯವಿರುವ ಮಾಹಿತಿ ಪ್ರಕಾರ ಮಾರುತಿ ಸುಜುಕಿ ವ್ಯಾಗನಾರ್ ಸ್ಟಿಂಗ್ರೇ ಟಾಪ್ ಎಂಡ್ ವೆರಿಯಂಟ್‌ಗಳಲ್ಲಿ ಎಬಿಎಸ್, ಡ್ರೈವರ್ ಏರ್ ಬ್ಯಾಗ್, ಹೊಸ ಆಡಿಯೋ ಸಿಸ್ಟಂ, ಪ್ರೊಜೆಕ್ಟರ್ ಹೆಡ್‌ಲೈಟ್ ಹಾಗೂ ವಿದ್ಯುತ್ ಹೊಂದಾಣಿಕೆಯ ಓಆರ್‌ವಿಎಂಗಳಂತಹ ವೈಶಿಷ್ಟ್ಯಗಳು ಹೊಂದಿರಲಿದೆ.

ಎಂಜಿನ್

ಅಂತೆಯೇ ನೂತನ ಸ್ಟಿಂಗ್ರೇ ಆವೃತ್ತಿಯು 1 ಲೀಟರ್ ಕೆ ಸಿರೀಸ್ ಎಂಜಿನ್ ಪಡೆಯುವ ನಿರೀಕ್ಷೆಯಿದೆ. ಇದರಲ್ಲಿ 5 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಇರಲಿದೆ.