ಬೆಂಗ್ಳೂರು ರಸ್ತೆಗಿಳಿದ ನಿಸ್ಸಾನ್ ಅಗ್ಗದ ಕಾರು ಮೈಕ್ರಾ ಆಕ್ಟಿವ್

ಉತ್ತಮ ಗುಣಮಟ್ಟ, ಇಂಧನ ಕ್ಷಮತೆ ಹಾಗೂ ವಿಶಾಲವಾದ ಇಂಟಿರಿಯರ್ ಭಾಗಗಳಿಗೆ ಒತ್ತು ಕೊಡಲಾಗಿದೆ. ನಿರ್ವಹಣಾ ವೆಚ್ಚ ಕಡಿಮೆಯಾಗಿರುವುದು ಸಹ ಗ್ರಾಹಕರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಆಕರ್ಷಿಸಲು ನೆರವಾಗಲಿದೆ.

ನೂತನ ಮೈಕ್ರಾ ಆಕ್ಟಿವ್ 1.2 ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿರಲಿದೆ. ಹಾಗೆಯೇ ಪ್ರತಿ ಲೀಟರ್‌ಗೆ 19.49 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ. ಒಟ್ಟಾರೆಯಾಗಿ 30ಕೆ.ಜಿಗಳಷ್ಟು ಭಾರ ಕಡಿಮೆ ಮಾಡಿರುವುದು ಹೆಚ್ಚು ಮೈಲೇಜ್ ನೀಡಲು ನೆರವಾಗಿದೆ.

ಒಟ್ಟು ನಾಲ್ಕು ವೆರಿಯಂಟ್‌ಗಳಲ್ಲಿ ಮೈಕ್ರಾ ಆಕ್ಟಿವ್ ಲಭ್ಯವಾಗಲಿದೆ. ಇದು ಎಕ್ಸ್‌ಇ, ಎಕ್ಸ್‌ಎಲ್, ಎಕ್ಸ್‌ವಿ ಹಾಗೂ ಎಕ್ಸ್‌ವಿ ಸೇಫ್ಟಿ ಪ್ಯಾಕ್‌ಗಳಲ್ಲಿ ಆಗಮನವಾಗಿದೆ. ಈ ಪೈಕಿ ಟಾಪ್ ಎಂಡ್ ಎಕ್ಸ್‌ವಿ ವೆರಿಯಂಟ್ ಡ್ಯುಯಲ್ ಏರ್ ಬ್ಯಾಗ್, ಎಬಿಎಸ್, ಇಬಿಡಿ, ಬಿಎ, ಇಮೊಬಿಲೈಜರ್, ಸ್ಪೀಡನ್ ಸೆನ್ಸಿಂಗ್ ಡೋರ್ ಲಾಕ್, ಸೆಂಟ್ರಲ್ ಲಾಂಕಿಂಗ್ ಸಿಸ್ಟಂ ಹೊಂದಿರಲಿದೆ.

ಆರು ಕಲರ್ ವೆರಿಯಂಟ್

Turquoise Blue (new),

Blade Silver,

Storm White,

Onyx Black,

Aqua Green

Brick Red.

ದರ ಮಾಹಿತಿ (ಎಕ್ಸ್ ಶೋ ರೂಂ ಬೆಂಗಳೂರು)

ಮೈಕ್ರಾ ಆಕ್ಟಿವ್ ಎಕ್ಸ್‌ಇ- 3.56 ಲಕ್ಷ ರು.

ಮೈಕ್ರಾ ಆಕ್ಟಿವ್ ಎಕ್ಸ್‌ಎಲ್- 4.08 ಲಕ್ಷ ರು.

ಮೈಕ್ರಾ ಆಕ್ಟಿವ್ ಎಕ್ಸ್‌ವಿ- 4.47 ಲಕ್ಷ ರು.

ಮೈಕ್ರಾ ಆಕ್ಟಿವ್ ಎಕ್ಸ್‌ವಿ ಸೇಫ್ಟಿ- 4.79 ಲಕ್ಷ ರು.

ನಿಸ್ಸಾನ್ ಮೈಕ್ರಾಗೆ ಎರಡು ವರ್ಷಗಳ ಅಥವಾ 50,000 ಕೀ.ಮೀ. ವಾರಂಟಿ ಲಭ್ಯವಿರುತ್ತದೆ. ಗ್ರಾಹಕರಿಗೆ ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳಲು 'ನಿಸ್ಸಾನ್ ಕೇರ್' ಗ್ರಾಹಕ ಸಂಪರ್ಕ ಕೇಂದ್ರ ತೆರೆಯಲಾಗಿದೆ.

ಪ್ರಸಕ್ತ ಸಾಲಿನಲ್ಲಿ ಒಂದು ಲಕ್ಷದಷ್ಟು ನಿಸ್ಸಾನ್ ಕಾರುಗಳನ್ನು ಮಾರಾಟ ಮಾಡುವುದು ನಿಸ್ಸಾನ್ ಗುರಿಯಾಗಿದೆ. ಈ ನಿಟ್ಟಿನಲ್ಲಿ ತ್ವರಿತ ಗತಿಯಲ್ಲಿ ದೇಶದ್ಯಾಂತ ಡೀಲರುಗಳ ಸಂಖ್ಯೆ ವೃದ್ಧಿಸಲು ನಿಸ್ಸಾನ್ ಕಾರ್ಯ ಮಗ್ನವಾಗಿದೆ.