Click it and Unblock the Notifications
ಬ್ರಿಟನ್ನಲ್ಲಿ ನಿಸ್ಸಾನ್ ಮೈಕ್ರಾ ಸೀಮಿತ ಆವೃತ್ತಿ ಲಾಂಚ್
ಸಮಕಾಲೀನ ಪರಿಸ್ಥಿತಿಯಲ್ಲಿ ಜಪಾನ್ ಮೂಲದ ವಾಹನ ತಯಾರಿಕ ಸಂಸ್ಥೆಯಾಗಿರುವ ನಿಸ್ಸಾನ್ ಬೆಳವಣಿಗೆಯನ್ನು ಭಾರತೀಯರು ಬಹಳ ಕುತೂಹಲದಿಂದ ಎದುರು ನೋಡುತ್ತಿದ್ದಾರೆ. ಇದಕ್ಕೆ ಪ್ರಮುಖ ಕಾರಣ ಬೆಳೆದು ಬರುತ್ತಿರುವ ಭಾರತದ ಪ್ರಯಾಣಿಕ ಮಾರುಕಟ್ಟೆಯನ್ನು ನಿಸ್ಸಾನ್ ಕೂಡಾ ಬೇಟೆಯಾಡುತ್ತಿರುವುದು. ನಿಸ್ಸಾನ್ ತನ್ನ ಯೋಜನೆಯ ಅಂಗವಾಗಿ ಪ್ರತಿಯೊಂದು ಆವೃತ್ತಿಗಳನ್ನು ಭಾರತಕ್ಕೆ ಪರಿಚಯಿಸುವ ಪ್ರಯತ್ನ ಮಾಡುತ್ತದೆ.
ಇದೇ ಕಾರಣಕ್ಕಾಗಿ ಬ್ರಿಟನ್ನಲ್ಲಿ ನಿಸ್ಸಾನ್ ಮೈಕ್ರಾ ಸೀಮಿತ ಆವೃತ್ತಿ ಲಾಂಚ್ ಆಗಿರುವ ಸುದ್ದಿಯನ್ನು ನಾವಿಲ್ಲಿ ಉಲ್ಲೇಖಿಸಲು ಬಯಸುತ್ತಿದ್ದೇವೆ. ಪ್ರಸ್ತುತ ಕಾರು ಸದ್ಯದಲ್ಲೇ ಭಾರತ ಮಾರುಕಟ್ಟೆ ಪ್ರವೇಶಿಸಲಿದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ. ಹಾಗಿದ್ದರೂ ಭಾರತೀಯ ಮಾರುಕಟ್ಟೆಗೆ ಅನುಗುಣವಾಗಿ ಕೆಲವೊಂದು ಬದಲಾವಣೆ ಕಂಡುಬರುವ ಸಾಧ್ಯತೆಯಿದೆ.
2014 ನಿಸ್ಸಾನ್ ಮೈಕ್ರಾ ಮುಂದುಗಡೆ ಕ್ರೀಡಾತ್ಮಕ ಲುಕ್ ಪ್ರದಾನ ಮಾಡುವ ಪ್ರಯತ್ನ ಮಾಡಲಾಗಿದೆ. ಹಾಗೆಯೇ ಡ್ಯುಯಲ್ ಕಲರ್ ಆಯ್ಕೆ ಇನ್ನು ಹೆಚ್ಚು ಅಂದತೆಗೆ ಕಾರಣವಾಗಿದೆ.
ಕೇವಲ ಕಾರಿನ ಹೊರಗಡೆ ಮಾತ್ರವಲ್ಲ. ಕಾರಿನೊಳಗೂ ವಿವಿಧ ರೀತಿಯ ಬಣ್ಣಗಳ ಆಯ್ಕೆ ನೀಡಲಾಗಿದೆ. ಬ್ರಿಟನ್ ವರ್ಷನ್ ಮೈಕ್ರಾ ದರ ಅಂದಾಜು 12.66 ಲಕ್ಷ ರು.ಗಳಷ್ಟು ದುಬಾರಿಯಾಗಿರಲಿದೆ.
ಇನ್ನುಳಿದಂತೆ ಇತರ ಲಿಮಿಟೆಡ್ ಎಡಿಷನ್ಗಳಲ್ಲಿ ಕಾಣುತ್ತಿರುವಂತೆಯೇ ಸೀಮಿತ ಆವೃತ್ತಿ ಬ್ಯಾಡ್ಜ್ 2014 ನಿಸ್ಸಾನ್ ಮೈಕ್ರಾವನ್ನು ಸಂಪೂರ್ಣವಾಗಿಸಲಿದೆ.
ಅಂದ ಹಾಗೆ ಮಿಡ್ ರೇಂಜ್ ಆಸೆಂಟಾ ವೆರಿಯಂಟ್ನಲ್ಲಿ ಮಾತ್ರ ಇದು ಲಭ್ಯವಿರಲಿದೆ. ಹಾಗೆಯೇ 15 ಇಂಚು ಅಲಾಯ್ ವೀಲ್, ಕ್ರೂಸ್ ಕಂಟ್ರೋಲ್ ಮತ್ತು ರೂಫ್ ಸ್ಪಾಯ್ಲರ್ ಇತರ ವೈಶಿಷ್ಟ್ಯಗಳಾಗಿರಲಿದೆ.(ಚಿತ್ರದಲ್ಲಿ: ನಿಸ್ಸಾನ್ ಮೈಕ್ರಾ ಹಳೆಯ ಮಾದರಿ)
ವರದಿಯ ಪ್ರಕಾರ ಬ್ರಿಟನ್ನ ಸೀಮಿತ ಆವೃತ್ತಿಯ ಮೈಕ್ರಾವನ್ನು ಚೆನ್ನೈನಲ್ಲಿ ಸ್ಥಿತಗೊಂಡಿರುವ ನಿಸ್ಸಾನ್-ರೆನೊ ಓರಗಾಡಂ ಘಟಕದಿಂದ ರಫ್ತು ಮಾಡಲಾಗುತ್ತಿದೆ. (ಚಿತ್ರದಲ್ಲಿ: ನಿಸ್ಸಾನ್ ಮೈಕ್ರಾ ಹಳೆಯ ಮಾದರಿ
Continue with Google