ರೆಡಿ ಗೊ; ರೆನೊ ಡಸ್ಟರ್ ಅಡ್ವೆಂಚರ್ ಎಡಿಷನ್ ಲಾಂಚ್

ಡಸ್ಟರ್ ಆರ್‌ಎಕ್ಸ್‌ಎಲ್ ವೆರಿಯಂಟ್‌ನಲ್ಲಿ ಮಾತ್ರ ಅಡ್ವೆಂಚರ್ ಎಡಿಷನ್ ಆಗಮನವಾಗಿದೆ. ಇದರ ದೆಹಲಿ ಎಕ್ಸ್ ಶೋ ರೂಂ ದರ 12.18 ಲಕ್ಷ ರು.ಗಳಾಗಿವೆ. ನೂತನ ಡಸ್ಟರ್ ಅಡ್ವೆಂಚರ್ ಕಾರು ಹಲವಾರು ಕಾಸ್ಮೆಟಿಕ್ ಬದಲಾವಣೆಗಳನ್ನು ಪಡೆದುಕೊಂಡಿದೆ. ಅಲ್ಲದೆ ಹೆಚ್ಚು ಆಕ್ಸೆಸರಿ ಕೂಡಾ ಲಭ್ಯವಾಗಲಿದೆ.

ನೀವು ನೋಡುತ್ತಿರುವಂತೆಯೇ ಮುಂದುಗಡೆ ಹೆಡ್‌ಲ್ಯಾಂಪ್ ವಿಶಿಷ್ಟ ವಿನ್ಯಾಸ ಪಡೆದುಕೊಂಡಿದೆ. ಹಾಗೆಯೇ ಹಾರ್ಮರ್‌ನಲ್ಲಿ ಲೈಟ್ ಕೂಡಾ ಲಗತ್ತಿಸಲಾಗಿದೆ.

ಇನ್ನು ಆಫ್ ರೋಡ್‌ಗೆ ಅನುಗುಣವಾಗುವ ರೀತಿಯಲ್ಲಿ ಬದಿಯಲ್ಲಿ ಸೈಡ್ ಹಿಲ್ಸ್, ವೀಲ್ ಆರ್ಚ್ ಪಡೆದುಕೊಂಡಿದೆ.

ಅಂತೆಯೇ ಡಿ ಪಿಲ್ಲರ್ ಹಿಂದುಗಡೆ ಸಾಹಸ ಎಡಿಷನ್ ಭಾಸವಾಗುವ ರೀತಿಯಲ್ಲಿ ದಿಕ್ಸೂಚಿಯನ್ನು ರಚಿಸಲಾಗಿದೆ.

ಇಷ್ಟೆಲ್ಲ ಆದ ಮೇಲೆ ಹೊಸ ಅಲಾಯ್ ವೀಲ್ ಅಂತೂ ಇದ್ದೇ ಇರುತ್ತದೆ ಅಲ್ಲವೇ!

ಕಾರಿನೊಳಗಡೆ ಕೂಡಾ ಪರಿಷ್ಕೃತಗೊಳಿಸಲಾಗಿದ್ದು ಲೈಮ್ ಗ್ರೀನ್ ಸೀಟು ಕವರ್, ಡೋರ್ ಟ್ರಿಮ್ ಫ್ಯಾಬ್ರಿಕ್ ಮತ್ತು ಮೆಟಲ್ ಫಿನಿಶ್ ಗ್ರಾಬ್ ಹ್ಯಾಂಡಲ್ ಪಡೆದಿದೆ.

ಅದೇ ರೀತಿ ಕಾರಿನೊಳಗಿನ ಕಾರ್ಪೆಟ್‌ನಲ್ಲೂ ಡಸ್ಟರ್ ಬ್ಯಾಡ್ಜ್ ಗುರುತಿಸಿಕೊಳ್ಳಬಹುದಾಗಿದೆ. ಇಲ್ಲೂ ಹಳದಿ ಬಣ್ಣದ ಫಿನಿಶಿಂಗ್ ಟಚ್ ನೀಡಲಾಗಿದೆ.

ಅಂತಿಮವಾಗಿ ಸೆಂಟರ್ ಕನ್ಸೋಲ್ ಹಾಗೂ ಸ್ಟೀರಿಂಗ್ ವೀಲ್‌ಗೆ ಬ್ಲ್ಯಾಕ್ ಫಿನಿಶಿಂಗ್ ನೀಡಲಾಗಿದೆ.

ಇತರ ಫೀಚರ್ಸ್‌ಗಳು

ಆಡಿಯೋ ಸಿಸ್ಟಂ, ಯುಎಸ್‌ಬಿ ಪೋರ್ಡ್, ನಾಲ್ಕು ಸ್ಪೀಕರ್, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್. ಇನ್ನು ಸುರಕ್ಷತೆಗಾಗಿ ಎಬಿಎಸ್, ಇಬಿಡಿ ಮತ್ತು ಬ್ರೇಕ್ ಅಸಿಸ್ಟ್. ಮೀಡಿಯಾ ನೇವಿಗೇಷನ್ ಮಾಹಿತಿ ಮನರಂಜನಾ ಸಿಸ್ಟಂ, ವಿದ್ಯುನ್ಮಾನವಾಗಿ ಹೊಂದಾಣಿಸಬಹುದಾದ ಒಆರ್‌ವಿಎಂ.

ಹಾಗಿದ್ದರೂ ತಾಂತ್ರಿಕ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ತರಲಾಗಿಲ್ಲ. ನೂತನ ಡಸ್ಟರ್ ಅಡ್ವೆಂಚರ್ ಎಡಿಷನ್ 1.5 ಲೀಟರ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು 110 ಪಿಎಸ್ ಪವರ್ (248 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ. ಹಾಗೆಯೇ ಸಿಕ್ಸ್ ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಲಗತ್ತಿಸಲಾಗಿದೆ.