ಸದ್ಯದಲ್ಲೇ ಟಾಟಾ ಇಂಡಿಕಾಗೆ ಕತ್ತರಿ ಪ್ರಯೋಗ?

ವರದಿಗಳ ಪ್ರಕಾರ ಡೀಲರುಗಳಿಂದ ಬಳಿರುವ ಇಂಡಿಕಾ ವಿ90 ವಿಸ್ಟಾ ಮಾಡೆಲ್ ಶೇಖರಣೆಯನ್ನು ತ್ವರಿತ ಗತಿಯಲ್ಲಿ ಖಾಲಿ ಮಾಡಲಾಗುತ್ತಿದೆ.

ಅಲ್ಲದೆ 2014ನೇ ಇಂಡಿಯಾ ಆಟೋ ಶೋದಲ್ಲಿ ಪ್ರದರ್ಶನ ಕಾಣಲಿರುವ ವಿಸ್ಟಾ ವಿ90 ಬದಲಿ ಕಾರನ್ನು ಬರಮಾಡಿಕೊಳ್ಳಲು ಸಿದ್ಧತೆ ನಡೆಸಲಾಗುತ್ತಿದೆ.

ಮೂಲಗಳ ಪ್ರಕಾರ 2014ನೇ ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಅವಾವರಣದ ಬೆನ್ನಲ್ಲೇ ನೂತನ ಟಾಟಾ ಕಾರು ಲಾಂಚ್ ಆಗಲಿದೆ.

ನಾವು ಈ ಹಿಂದೆ ತಿಳಿಸಿರುವಂತೆಯೇ ಎರಡು ನೂತನ ವಾಹನಗಳನ್ನು ಉತ್ಪಾದಿಸುವುದರತ್ತ ಟಾಟಾ ಮೋಟಾರ್ಸ್ ಕಾರ್ಯಮಗ್ನವಾಗಿದೆ. ಈ ಪೈಕಿ ಫಾಲ್ಕನ್ 4 ಕೋಡ್ ಪಡೆದುಕೊಂಡಿರುವ ನೂತನ ಮಾದರಿ ವಿಸ್ಟಾ ಡಿ90 ಉತ್ತರಾಧಿಕಾರಿಯಾಗಿರಲಿದೆ.

ಅದೇ ಹೊತ್ತಿಗೆ ಫಾಲ್ಕನ್ 5 ಹೆಸರು ಪಡೆದುಕೊಂಡಿರುವ ಆವೃತ್ತಿ ಮಾಂಝಾಗೆ ಬದಲಿ ಕಾರಾಗಿರಲಿದೆ. ಅಂದ ಹಾಗೆ ಟಾಟಾದ ಯುರೋಪಿಯನ ವಿನ್ಯಾಸ ಕೇಂದ್ರದಲ್ಲಿ ನೂತನ ವಿಸ್ಟಾ ಡಿ90 ಬದಲಿ ಕಾರನ್ನು ವಿನ್ಯಾಸಗೊಳಿಸಲಾಗಿದೆ.

ಪರಿಷ್ಕೃತ ಫ್ರಂಟ್ ಗ್ರಿಲ್ ಸೇರಿದಂತೆ ಹಲವಾರು ಬದಲಾವಣೆಗಳು ಕಂಡುಬರುವ ಸಾಧ್ಯತೆಯಿದೆ. ಟಾಟಾ ಮೋಟಾರ್ಸ್ ಪೈಕಿ ಅತ್ಯಂತ ಶಕ್ತಿಶಾಲಿ ಹ್ಯಾಚ್‌ಬ್ಯಾಕ್ ಕಾರೆನಿಸಿಕೊಂಡಿರುವ ವಿಸ್ಟಾ ವಿ90 1.3 ಲೀಟರ್ ಫಿಯೆಟ್ ಮಲ್ಟಿಜೆಟ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 90 ಅಶ್ವಶಕ್ತಿ (200 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.