ದೆಹಲಿಯಲ್ಲಿ ಟೊಯೊಟಾ ಎಟಿಯೋಸ್ ಕ್ರಾಸ್ ರಣಕಹಳೆ

ತನ್ನ ನಿಕಟ ಪ್ರತಿಸ್ಪರ್ಧಿಗಿಂತಲೂ ಭಿನ್ನವಾಗಿ ಪರಿಪೂರ್ಣ ಆಫ್ ರೋಡ್ ಎನಿಸಿಕೊಳ್ಳುವುದು ಟೊಯೊಟಾ ಗುರಿಯಾಗಿದೆ.

ಲಿವಾದಲ್ಲಿರುವುದಕ್ಕೆ ಸಮಾನವಾದ ಎಂಜಿನ್ ಆಯ್ಕೆಗಳಲ್ಲೇ ನೂತನ ಎಟಿಯೋಸ್ ಕ್ರಾಸ್ ಆಗಮನವಾಗಲಿದೆ. ಅಂದರೆ ಎ 1.4 ಲೀಟರ್ ಡೀಸೆಲ್ ಎಂಜಿನ್ ಜತೆಗೆ ಎರಡು ಪೆಟ್ರೋಲ್ ಎಂಜಿನ್ (1.5 ಹಾಗೂ 1.2 ಲೀಟರ್) ಆಯ್ಕೆಗಳು ಇರಲಿದೆ.

ನೂತನ ಎಟಿಯೋಸ್ ಕ್ರಾಸ್, ಲಿವಾಗಿಂತಲೂ ಮೇಲ್ದರ್ಜೆಯಲ್ಲಿ ಗುರುತಿಸಿಕೊಳ್ಳಲಿದೆ. ಇದು ಮುಂದುಗಡೆ ಆಕ್ರಮಣಕಾರಿ ವಿನ್ಯಾಸ ಪಡೆದುಕೊಂಡಿದೆ.

ಇದರ ದೊಡ್ಡದಾದ ಫಾಗ್ ಲ್ಯಾಂಪ್ ಹಾಗೂ ಬಂಪರ್ ಆಕರ್ಷಕವಾಗಿದೆ. ಹಾಗೆಯೇ ನಡ್ಜ್ ಗಾರ್ಡ್ ವಿಶೇಷ ರೀತಿಯಲ್ಲಿ ಸಜ್ಜೀಕರಿಸಲಾಗಿದೆ.

ಬದಿಯಿಂದ ನೋಡಿದಾಗ ಟೊಯೊಟಾ ಎಟಿಯೋಸ್ ಕ್ರಾಸ್ ಸಣ್ಣದಾಗಿರುವಂತೆಯೇ ಗೋಚರಿಸಬಹುದು. ಆದರೆ ಕಾರಿನ ಒಳಗಡೆ ಬೇಕಾದಷ್ಟು ಸ್ಥಳಾವಕಾಶ ಕಲ್ಪಿಸಿಕೊಡಲಾಗಿದೆ. ಇನ್ನು ಆಫ್ ರೋಡಿಗೂ ಹೊಂದಿಯಾಗುವ ರೀತಿಯಲ್ಲಿ ವಿನ್ಯಾಸ ರಚಿಸಲಾಗಿದೆ.