Just In
- 7 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 8 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 8 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 10 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಾವುದೇ ಎಲೆಕ್ಟ್ರಿಕ್ ಕಾರು ಖರೀದಿಸುವಾಗ ಖಂಡಿತ ತಿಳಿದಿರಬೇಕಾದ 6 ಪ್ರಮುಖ ವಿಷಯಗಳು
ವಿಶ್ವದ ಬಹುತೇಕ ಎಲ್ಲಾ ದೇಶಗಳು ಕಾರ್ಬನ್ ಹೊರಸೂಸುವಿಕೆಯನ್ನು ತಡೆಗಟ್ಟಲು ಎಲೆಕ್ಟ್ರಿಕ್ ವಾಹನಗಳ ಅಳವಡಿಕೆಗೆ ಶ್ರಮಿಸುತ್ತಿವೆ. ಆದರೆ ವೆಚ್ಚ ಮತ್ತು ಪರಿಸರ ಪ್ರಯೋಜನಗಳ ಹೊರತಾಗಿಯೂ ಎಲೆಕ್ಟ್ರಿಕ್ ವಾಹನಗಳಿಗೆ ಬೇಡಿಕೆ ಮಾತ್ರ ಗಮನಾರ್ಹವಾಗಿ ಕಡಿಮೆಯಾಗಿದೆ.
ಇದಕ್ಕೆ ಪ್ರಮುಖ ಕಾರಣವೆಂದರೆ ಇವುಗಳ ಬಗ್ಗೆ ತಿಳುವಳಿಕೆ ಮತ್ತು ಜ್ಞಾನದ ಕೊರತೆ. ಗ್ರಾಹಕರಿಗೆ ಇವುಗಳ ಬಗ್ಗೆ ಸಂಪೂರ್ಣವಾಗಿ ತಿಳಿದರೆ ಬಹುಶಃ ಬೇಡಿಕೆ ಹೆಚ್ಚಾಗಿ ಎಲೆಕ್ಟ್ರಿಕ್ ವಾಹನಗಳ ಅಳವಡಿಕೆಯ ವೇಗವು ಹೆಚ್ಚಾಗಬಹುದು. ಗ್ರಾಹಕರಿಗೆ ಎಲೆಕ್ಟ್ರಿಕ್ ವಾಹನಗಳ ಬಗ್ಗೆ ಜ್ಞಾನ ಹೆಚ್ಚಿಸುವ ಸಲುವಾಗಿ ಈ ಲೇಖನದಲ್ಲಿ ಕೆಲವು ಪ್ರಮುಖ ವಿಶಯಗಳನ್ನು ತಿಳಿಸಲಾಗಿದೆ.
ನೀವು ಎಲೆಕ್ಟ್ರಿಕ್ ಕಾರುಗಳ ಬಗ್ಗೆ ಮಾಹಿತಿಯನ್ನು ಹುಡುಕುತ್ತಿದ್ದರೇ ಅಥವಾ ಇವಿ ಕಾರನ್ನು ಖರೀದಿಸಲು ಯೋಜಿಸುತ್ತಿದ್ದರೇ, ಕೆಳಗೆ ತಿಳಿಸಲಾದ ಕೆಲವು ಪ್ರಮುಖ ಅಂಶಗಳನ್ನು ಖಂಡಿತ ತಿಳಿದುಕೊಳ್ಳಲೇಬೇಕು. ಈ ಲೇಖನವು ಎಲೆಕ್ಟ್ರಿಕ್ ಕಾರನ್ನು ಖರೀದಿಸುವ ಮೊದಲು ನಿಮಗೆ ಅಗತ್ಯವಿರುವ ಎಲ್ಲಾ ಮಾಹಿತಿಯನ್ನು ಒದಗಿಸುತ್ತದೆ.
ಡ್ರೈವಿಂಗ್ ರೇಂಜ್
ಎಲೆಕ್ಟ್ರಿಕ್ ವಾಹನವನ್ನು ಖರೀದಿಸುವಾಗ ಚಾಲನಾ ಶ್ರೇಣಿಯು (ಮೈಲೇಜ್) ಪ್ರಮುಖ ಅಂಶಗಳಲ್ಲಿ ಒಂದಾಗಿದೆ. ತಯಾರಕರು ಒದಗಿಸಿದ ಡ್ರೈವಿಂಗ್ ರೇಂಜ್ ಅಂಕಿಅಂಶಗಳನ್ನು ನಂಬಿಕೊಳ್ಳಬಾರದು. ದೈನಂದಿನ ಸಂದರ್ಭಗಳಲ್ಲಿ EV ಎಷ್ಟು ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತದೆ ಎಂಬುದನ್ನು ಕಂಡುಹಿಡಿಯಲು ನಾವು ನಿಜ ಜೀವನದ ವಿಮರ್ಶೆಗಳನ್ನು ಪರಿಶೀಲಿಸಬೇಕು.
ಭಾರತೀಯ ರಸ್ತೆಗಳಲ್ಲಿ ಓಡುತ್ತಿರುವ ಹೆಚ್ಚಿನ ಬಜೆಟ್ ಎಲೆಕ್ಟ್ರಿಕ್ ಕಾರುಗಳು ಒಂದೇ ಚಾರ್ಜ್ನಲ್ಲಿ ಸರಾಸರಿ 100-150 ಕಿ.ಮೀ ವ್ಯಾಪ್ತಿಯನ್ನು ಹೊಂದಿವೆ, ಇದು ದೈನಂದಿನ ಓಟಕ್ಕೆ ಸಾಕಷ್ಟು ಸಾಕಾಗುತ್ತದೆ. ಮತ್ತೊಂದೆಡೆ ಉನ್ನತ ಶ್ರೇಣಿಯ ಎಲೆಕ್ಟ್ರಿಕ್ ಕಾರುಗಳು ಹೆಚ್ಚಿನ ಶ್ರೇಣಿಯನ್ನು ನೀಡಬಹುದು. ಒಮ್ಮೆ ಚಾರ್ಜ್ ಮಾಡಿದರೆ 400 ಕಿ.ಮೀ. ನಷ್ಟು ಮೈಲೇಜ್ ನೀಡುತ್ತವೆ.
ಭಾರತದಲ್ಲಿ ಲಭ್ಯವಿರುವ ಹೆಚ್ಚಿನ ಶ್ರೇಣಿಯನ್ನು ನೀಡುವ ಎಲೆಕ್ಟ್ರಿಕ್ ಕಾರುಗಳನ್ನು ನೋಡುವುದಾದರೆ, ಹ್ಯುಂಡೈ ಕೋನಾ ಒಂದೇ ಚಾರ್ಜ್ನಲ್ಲಿ 484 ಕಿ.ಮೀ ವರೆಗೆ ಪ್ರಯಾಣಿಸಬಹುದು, ನಂತರ ಇತ್ತೀಚೆಗೆ ಬಿಡುಗಡೆಯಾದ ಟಾಟಾ ನೆಕ್ಸಾನ್ ಇವಿ ಮ್ಯಾಕ್ಸ್ ಇದೇ ರೀತಿ ಒಂದು ಚಾರ್ಜ್ನಲ್ಲಿ ಸುಮಾರು 437 ಕಿ.ಮೀ ಕ್ರಮಿಸುತ್ತದೆ.
ಚಾರ್ಜಿಂಗ್ ವಿಶೇಷಣಗಳು
ಇವಿ ವಾಹನಗಳಲ್ಲಿ ಕೇವಲ ಡ್ರೈವಿಂಗ್ ಶ್ರೇಣಿ ಮಾತ್ರ ಮುಖ್ಯವಲ್ಲ, ಬ್ಯಾಟರಿಯನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ತೆಗೆದುಕೊಳ್ಳುವ ಸಮಯವೂ ಸಹ EV ಯಲ್ಲಿ ಮುಖ್ಯವಾಗಿರುತ್ತದೆ. ನಿಮ್ಮ ಎಲೆಕ್ಟ್ರಿಕ್ ಕಾರ್ ಹೆಚ್ಚಿನ ಮೈಲೇಜ್ ಏನೋ ನೀಡುತ್ತದೆ ಎಂದುಕೊಳ್ಳಿ ಆದರೆ ಚಾರ್ಜ್ ಮಾಡಲು ಬಹಳ ಸಮಯ ತೆಗೆದುಕೊಂಡರೆ ಆ ವಾಹನದಿಂದ ನೀವು ಸಂತೃಪ್ತಿ ಹೊಂದುವುದಿಲ್ಲ.
ನೀವು ಸ್ವಯಂಪ್ರೇರಿತ ಪ್ರಯಾಣದ ಯೋಜನೆಗಳನ್ನು ಮಾಡಲು ಸಾಧ್ಯವಾಗದಿರಬಹುದು. ಇದನ್ನು ಸಾಧಿಸಲು, ಸಾಧ್ಯವಾದಷ್ಟು ಬೇಗ 0 ಯಿಂದ ಪೂರ್ಣವಾಗಿ ಚಾರ್ಜ್ ಆಗುವವ ಎಲೆಕ್ಟ್ರಿಕ್ ಕಾರನ್ನು ಆಯ್ಕೆಮಾಡಿಕೊಳ್ಳಿ. ಏಕೆಂದರೆ ಕೆಲವ ತುರ್ತು ಸಂದರ್ಭಗಳಲ್ಲಿ ಇದು ಸಹಕಾರಿಯಾಗುತ್ತದೆ.
ಬ್ಯಾಟರಿ ಪ್ರಕಾರ ಮತ್ತು ಖಾತರಿ
ಆಧುನಿಕ ಎಲೆಕ್ಟ್ರಿಕ್ ವಾಹನಗಳು ಲಿಥಿಯಂ-ಐಯಾನ್ ಬ್ಯಾಟರಿ ಪ್ಯಾಕ್ಗಳೊಂದಿಗೆ ಸುಸಜ್ಜಿತವಾಗಿವೆ, ಇದು ಒಟ್ಟಾರೆ ಕಾರ್ಯಕ್ಷಮತೆಯ ದೃಷ್ಟಿಯಿಂದ ಹಗುರ ಮತ್ತು ಪರಿಣಾಮಕಾರಿಯಾಗಿದೆ. ಅಲ್ಲದೇ ಎಲೆಕ್ಟ್ರಿಕ್ ವಾಹನಗಳಲ್ಲಿ ಬ್ಯಾಟರಿಯೇ ಅತ್ಯಂತ ದುಬಾರಿಯಾಗಿದೆ. ಹಾಗಾಗಿ ಬ್ಯಾಟರಿ ಕುರಿತು ಹೆಚ್ಚಾಗಿ ತಿಳಿದುಕೊಳ್ಳಬೇಕು, ವಾಹನದಲ್ಲಿ ಯಾವ ತರಹದ ಬ್ಯಾಟರಿ ಬಳಸಲಾಗಿದೆ ಹಾಗೂ ಅದರ ಬಾಳಿಕೆಯನ್ನು ಖಚಿತಪಡಿಸಿಕೊಳ್ಳಬೇಕು.
ನಿಮ್ಮ ವಾಹನದಲ್ಲಿ ಅಳವಡಿಸಲಾಗಿರುವ ಬ್ಯಾಟರಿಯ ವಾರಂಟಿಯನ್ನು ಪರಿಶೀಲಿಸಬೇಕು. ಹೆಚ್ಚಾಗಿ ಬ್ರಾಂಡ್ಗಳು ತಮ್ಮ ಇವಿ ಬ್ಯಾಟರಿಯಲ್ಲಿ ಎಂಟು ವರ್ಷಗಳ ಅಥವಾ 1.6 ಲಕ್ಷ ಕಿಮೀಗಳ ಓಟದ ವಾರಂಟಿಯನ್ನು ನೀಡುತ್ತವೆ. ಖಂಡಿತವಾಗಿಯು ಈ ಮಾಹಿತಿಯನ್ನು ಒಮ್ಮೆ ಪರಿಶೀಲಿಸಿ ವಾಹನ ಖರೀದಿಸಿ.
ಪವರ್ಟ್ರೇನ್ ಮತ್ತು ಟಾರ್ಕ್
ಮೋಟಾರಿನ ಶಕ್ತಿಯಿಂದ (bhp) ನಿರ್ಧರಿಸುವ ಅದರ ಟಾರ್ಕ್ ಅನ್ನು ಆಧರಿಸಿ EV ಎಷ್ಟು ವೇಗವಾಗಿ ಚಲಿಸುತ್ತದೆ ಎಂಬುದನ್ನು ನೀವು ಅಂದಾಜು ಮಾಡಬಹುದು. ಚಾಲನಾ ಅನುಭವವನ್ನು ಹೆಚ್ಚಿಸಲು ಎಲೆಕ್ಟ್ರಿಕ್ ಕಾರಿನ ಉತ್ತಮ ಪವರ್ ಟ್ರೈನ್ ಪ್ರಮುಖ ಪಾತ್ರ ವಹಿಸುತ್ತದೆ. ಆದ್ದರಿಂದ ಉತ್ತಮ ಪವರ್ಟ್ರೇನ್ ಆಯ್ಕೆಯನ್ನು ಹೊಂದಿರುವ ಎಲೆಕ್ಟ್ರಿಕ್ ಕಾರನ್ನು ಖರೀದಿಸಲು ಮರಿಯದಿರಿ.
ನಿರ್ವಹಣೆ ವೆಚ್ಚ
ಎಲೆಕ್ಟ್ರಿಕ್ ಕಾರುಗಳ ನಿರ್ವಹಣಾ ವೆಚ್ಚದ ಬಗ್ಗೆ ಮಾತನಾಡುವುದಾದರೆ, ದೀರ್ಘಾವಧಿಯಲ್ಲಿ ನಿರ್ವಹಣೆಗೆ ಎಷ್ಟು ವೆಚ್ಚವಾಗುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ. ಎಲೆಕ್ಟ್ರಿಕ್ ಕಾರಿನ ಸರಾಸರಿ ನಿರ್ವಹಣೆಯು ಸಾಮಾನ್ಯ IC ಎಂಜಿನ್ ವಾಹನಗಳಿಗಿಂತ ಕಡಿಮೆ ವೆಚ್ಚ ತಗುಲುತ್ತದೆ. ಏಕೆಂದರೆ EV ನಲ್ಲಿ IC ಎಂಜಿನ್ ಕಾರಿಗೆ ಹೋಲಿಸಿದರೆ ಕಡಿಮೆ ಯಾಂತ್ರಿಕ ಭಾಗಗಳಿವೆ. ಆದ್ದರಿಂದ ನೀವು ದೀರ್ಘಾವಧಿಯ EV ನಿರ್ವಹಣೆಯ ಬಗ್ಗೆ ಚಿಂತಿಸಬೇಕಿಲ್ಲ.
ಬೆಲೆ
EV ವಾಹನವು ಒಂದು IC ಎಂಜಿನ್ಗಿಂತ ಹೆಚ್ಚು ವೆಚ್ಚವಾದರೂ, ಅದರ ನಿರ್ವಹಣಾ ವೆಚ್ಚದಲ್ಲಿ ಇದನ್ನು ಸರಿದೂಗಿಸಿ ಹೆಚ್ಚು ಲಾಭ ಪಡಿಯಬಹುದು. ಇದು ಇಂಧನ ತುಂಬುವಿಕೆಯ ಮೇಲಿನ ಹಚ್ಚಿನ ವೆಚ್ಚಗಳಿಂದ ನಿಮ್ಮನ್ನು ಉಳಿಸುತ್ತದೆ. ಭವಿಷ್ಯದ ಲಾಭವನ್ನು ಹೆಚ್ಚಿಸಿಕೊಂಡು ಆರಂಭದಲ್ಲಿ ಖರ್ಚು ಮಾಡಬಹುದು ಎಂಬುದನ್ನು ನೀವು ಅರ್ಥಮಾಡಿಕೊಳ್ಳಬೇಕು.
ಆಗಸ್ಟ್ 2022 ರಲ್ಲಿ ಇ-ಕಾರುಗಳ ಒಟ್ಟಾರೆ ಮಾರಾಟವು 4,325 ಯುನಿಟ್ಗಳಷ್ಟಿತ್ತು, ಇದು ಶೇ 2.7 ರಷ್ಟು ಮಾಸಿಕ ಕುಸಿತವಾಗಿದೆ. ಆದರೆ ವಾರ್ಷಿಕ ನೋಂದಣಿಗಳಲ್ಲಿ ಶೇ 3.5 ಪಟ್ಟು ಏರಿಕೆಯಾಗಿದೆ. ಈ ತಿಂಗಳಿನಲ್ಲೂ ಎಲೆಕ್ಟ್ರಿಕ್ ಕಾರು ಮಾರಾಟದಲ್ಲಿ ಟಾಟಾ ಮೋಟಾರ್ಸ್ ಮುಂಚೂಣಿಯಲ್ಲಿದೆ. ಕಂಪನಿಯು ದೇಶದ ಒಟ್ಟು ಇ-ಕಾರ್ ನೋಂದಣಿಗಳಲ್ಲಿ ಶೇ 88.9 ರಷ್ಟು ಪಾಲನ್ನು ಹೊಂದಿದೆ.