ಸ್ಟೀಯರಿಂಗ್ ವ್ಹೀಲ್ ಅನ್ನು ಸರಿಯಾಗಿ ಹಿಡಿಯುವ ಸುರಕ್ಷಿತ ವಿಧಾನಗಳಿವು

ನಿಯಮ 10 ಹಾಗೂ 2 ನಿಯಮ ಏನು ಎಂದು ಪ್ರಶ್ನೆ ಮೂಡಬಹುದು. ಕಾರಿನ ಸ್ಟೀಯರಿಂಗ್ ವ್ಹೀಲ್ ಅನ್ನು ಗಡಿಯಾರದಲ್ಲಿರುವ 10 ಹಾಗೂ 2 ಸಂಖ್ಯೆಗಳ ರೀತಿ ಹಿಡಿಯಬೇಕು. ಎಡಗೈ 10ನೇ ಸಂಖ್ಯೆಯ ಸ್ಥಾನದಲ್ಲಿದ್ದರೆ ಬಲಗೈ 2ನೇ ಸಂಖ್ಯೆಯ ಸ್ಥಾನದಲ್ಲಿರಬೇಕು. ಇದೇ ನಿಯಮ 10 ಮತ್ತು 2. ಹಿಂದೆ ಈ ನಿಯಮವನ್ನು ಅನುಸರಿಸಲಾಗುತ್ತಿತ್ತು.

ಈಗ ಕಾಲ ಬದಲಾಗಿದ್ದು, ಸಾಂಪ್ರದಾಯಿಕ 10 ಮತ್ತು 2 ನಿಯಮವನ್ನು ಅನುಸರಿಸಬೇಡಿ ಎಂದು ಹೇಳಲಾಗುತ್ತದೆ. ಎಲ್ಲಾ ಕಾರು ಚಾಲಕರು ಈ ನಿಯಮದ ಬದಲಿಗೆ ನಿಯಮ 9 ಹಾಗೂ 3ಕ್ಕೆ ಬದಲಾಗಬೇಕು ಎಂದು ಈ ಕೆಲ ಕಂಪನಿಗಳು ಸೂಚಿಸುತ್ತವೆ.

ಪೊಲೀಸ್ ಇಲಾಖೆ ಹಾಗೂ ಡ್ರೈವಿಂಗ್ ಸ್ಕೂಲ್'ಗಳು ಸಹ ನಿಯಮ 10 ಮತ್ತು 2 ಅನುಸರಿಸದಂತೆ ಸಲಹೆ ನೀಡುತ್ತವೆ. ಬದಲಿಗೆ ನಿಯಮ 9 ಮತ್ತು 3 ಅನ್ನು ಅನುಸರಿಸಲು ಸೂಚಿಸುತ್ತವೆ. 9 ಮತ್ತು 3ರ ನಿಯಮವೆಂದರೆ ಸ್ಟೀಯರಿಂಗ್ ವ್ಹೀಲ್ ಗಡಿಯಾರದಲ್ಲಿರುವ 9 ಹಾಗೂ 3 ಸಂಖ್ಯೆಗಳು ಇರುವ ರೀತಿಯಲ್ಲಿ ಸ್ಟೀಯರಿಂಗ್ ವ್ಹೀಲ್ ಹಿಡಿಯುವುದು.

ಭದ್ರತಾ ಕಾರಣಗಳಿಗಾಗಿ ಈ ನಿಯಮಗಳನ್ನು ಬದಲಿಸಲಾಗಿದೆ. ಈ ಹಿಂದೆ ಕಾರುಗಳು ಏರ್‌ಬ್ಯಾಗ್‌ಗಳನ್ನು ಹೊಂದಿರಲಿಲ್ಲ. ಆದರೆ ಈಗ ಕಡಿಮೆ ಬೆಲೆಯಕಾರುಗಳಲ್ಲಿಯೂ ಏರ್‌ಬ್ಯಾಗ್‌ಗಳನ್ನು ನೀಡುವುದು ಕಡ್ಡಾಯವಾಗಿದೆ.

ಅದರಂತೆ ಈಗ ಸ್ಟೀಯರಿಂಗ್ ವ್ಹೀಲ್ ಮಧ್ಯದಲ್ಲಿ ಏರ್‌ಬ್ಯಾಗ್ ನೀಡಲಾಗುತ್ತದೆ. ಅಪಘಾತ ಸಂಭವಿಸಿದಾಗ ಏರ್ ಬ್ಯಾಗ್ ಗಂಟೆಗೆ 150-200 ಮೈಲಿ ವೇಗದಲ್ಲಿ ವಿಸ್ತರಿಸುತ್ತದೆ. ಈ ವೇಳೆ 10 ಮತ್ತು 2 ನಿಯಮಗಳ ಪ್ರಕಾರ ಸ್ಟೀಯರಿಂಗ್ ವ್ಹೀಲ್ ಹಿಡಿದಿದ್ದರೆ, ಕೈಗಳು ವೇಗವಾಗಿ ವಿಸ್ತರಿಸುತ್ತಿರುವ ಏರ್‌ಬ್ಯಾಗ್‌ಗೆ ಅಡ್ಡಿಯಾಗುತ್ತವೆ.

ಏರ್‌ಬ್ಯಾಗ್‌ಗಳನ್ನು ಅಪಘಾತದ ಸಂದರ್ಭದಲ್ಲಿ ಜೀವ ಉಳಿಸಲು ಒದಗಿಸಲಾಗುತ್ತದೆ. ಕೈಗಳು ತಪ್ಪಾದ ಸ್ಥಾನದಲ್ಲಿದ್ದರೆ ಏರ್‌ಬ್ಯಾಗ್ ವಿಸ್ತರಿಸಿದಾಗ ಕೈಗಳಿಗೆ ಪೆಟ್ಟು ಬೀಳುವ ಸಾಧ್ಯತೆಗಳು ಹೆಚ್ಚು.

ಈ ಹಿಂದೆ ಇದೇ ರೀತಿಯ ಹಲವು ಘಟನೆಗಳು ಸಂಭವಿಸಿವೆ. ಈಗಿರುವ ಸ್ಟೀಯರಿಂಗ್ ವ್ಹೀಲ್'ಗಳಿಗೆ ಹೊಲಿಸಿದರೆ ಹಿಂದೆ ಇದ್ದ ಸ್ಟೀಯರಿಂಗ್ ವ್ಹೀಲ್'ಗಳು ಹೆಚ್ಚು ದೊಡ್ಡದಾಗಿದ್ದವು. ಈ ದೊಡ್ಡ ಸ್ಟೀಯರಿಂಗ್ ವ್ಹೀಲ್'ಗಳನ್ನು ಸುರಕ್ಷಿತವಾಗಿ ಆನ್ ಮಾಡಲು 10 ಮತ್ತು 2 ನಿಯಮಗಳನ್ವಯ ಕೈ ಇಡುವುದು ಅವಶ್ಯಕವಾಗಿತ್ತು.

ಆದರೆ ಆಧುನಿಕ ಕಾರುಗಳಲ್ಲಿ ಇರುವ ಸ್ಟೀಯರಿಂಗ್ ವ್ಹೀಲ್'ಗಳ ಗಾತ್ರ ಬಹಳ ಕಡಿಮೆ. ಈ ಕಾರುಗಳನ್ನು ಸುರಕ್ಷಿತವಾಗಿ ತಿರುಗಿಸಲು ಸ್ಟೀಯರಿಂಗ್ ವ್ಹೀಲ್'ಗಳನ್ನು 10 ಮತ್ತು 2 ನಿಯಮಗಳ ಅನ್ವಯ ಹಿಡಿದಿಟ್ಟು ಕೊಳ್ಳಬೇಕಾಗಿಲ್ಲ.

ನಿಯಮ 9 ಮತ್ತು 3 ರ ಪ್ರಕಾರ ಸ್ಟೀಯರಿಂಗ್ ವ್ಹೀಲ್ ಹಿಡಿದಿದ್ದರೆ ಕಾರನ್ನು ಸುಲಭವಾಗಿ ಹಾಗೂ ಸುರಕ್ಷಿತವಾಗಿ ತಿರುಗಿಸಬಹುದು. ಕಾರನ್ನು ಸುರಕ್ಷಿತವಾಗಿ ಚಾಲನೆ ಮಾಡಲು ಸ್ಟೀಯರಿಂಗ್ ವ್ಹೀಲ್ ಸರಿಯಾಗಿ ಹಿಡಿಯುವುದು ಸಹ ಮುಖ್ಯವಾಗಿದೆ.

ಇನ್ನು ಮುಂದೆ ಕಾರನ್ನು ಚಾಲನೆ ಮಾಡುವಾಗ ನಿಯಮಗಳ 9 ಮತ್ತು 3ರ ಅನ್ವಯ ಸ್ಟೀಯರಿಂಗ್ ವ್ಹೀಲ್ ಹಿಡಿಯುವುದನ್ನು ಮರೆಯದಿರಿ. ಯಾವುದೇ ಕಾರಣಕ್ಕೂ ಸ್ಟೀಯರಿಂಗ್ ವ್ಹೀಲ್ ಅನ್ನು ಕೇವಲ ಒಂದು ಕೈಯಿಂದ ತಿರುಗಿಸಲು ಪ್ರಯತ್ನ ಪಡಬೇಡಿ. ಇದರಿಂದ ಅಪಘಾತಗಳಾಗುವ ಸಾಧ್ಯತೆಗಳಿರುತ್ತವೆ.