ಕಾರು ಮಾಲೀಕರೇ ಎಚ್ಚರ! ಕಂಪನಿ ಕೂಡ ಹೇಳೋದಿಲ್ಲ: ನೆನಪಿರಲಿ ನೀರು ಹೀಗೆ ತೊಟ್ಟಿಕ್ಕಬಾರದು!

ಕಾರು ಕಂಪನಿಗಳಿಗೆ ತಿಳಿದರೂ ಕೆಲವೊಂದು ವಿಚಾರಗಳನ್ನು ಗ್ರಾಹಕರಿಗೆ ಹೇಳುವುದಿಲ್ಲ. ಇವು ತೀರಾ ಸಣ್ಣ ವಿಷಯ ಎಂದು ಭಾವಿಸುವುದೇ ಇದಕ್ಕೆ ಕಾರಣವಾಗಿರಬಹುದು, ಆದ್ರೆ ಹಾಗೆಯೇ ಬಿಟ್ಟರೇ ಎಂಜಿನ್‌ಗೆ ತೀವ್ರ ಹಾನಿಯಾಗುವ ಸಾಧ್ಯತೆಗಳು ಕೂಡ ಇರುತ್ತವೆ. ಅಂತಹದರಲ್ಲಿ ಎಕ್ಸಾಸ್ಟ್ ಪೈಪ್‌ನಿಂದ ನೀರು ತೊಟ್ಟಿಕುವುದು ಕೂಡ ಒಂದು.

ಬೇಸಿಗೆಯಲ್ಲಿ ನಿಮ್ಮ ಕಾರಿನ ಎಕ್ಸಾಸ್ಟ್ ಪೈಪ್‌ನಿಂದ ನೀರು ತೊಟ್ಟಿಕ್ಕುವುದನ್ನು ನಿಮ್ಮಲ್ಲಿ ಹಲವರು ಗಮನಿಸಿರಬಹುದು. ಇದು ಎಂಜಿನ್‌ಗೆ ದುಬಾರಿ ವೆಚ್ಚಗಳನ್ನು ತರುವುದೇ ಅಥವಾ ಅಪಾಯಕಾರಿಯಾಗಿ ಪರಿಣಮಿಸುವುದೇ ಎಂದು ಚಿಂತಿಸಬೇಕಿಲ್ಲ. ಇದು ಸಾಮಾನ್ಯಾವಾಗಿ ಎಲ್ಲಾ ಕಾರುಗಳಲ್ಲಿ ಕಂಡುಬರುತ್ತದೆ. ಆದ್ರೆ ನೀರಿನ ಬಣ್ಣ ಬದಲಾಗುವುದು ಅಥವಾ ದುರ್ವಾಸನೆಯೊಂದಿಗೆ ನೀರು ತೊಟ್ಟಿಕ್ಕಿದರೆ ಕಂಡಿತ ಆದಷ್ಟು ಬೇಗ ಮೆಕಾನಿಕ್ ಬಳಿ ಕೊಂಡೊಯ್ಯುವುದು ಉತ್ತಮ.

ಮೊದಲಿಗೆ ನೀರು ಎಕ್ಸಾಸ್ಟ್ ಪೈಪ್‌ನಿಂದ ಏಕೆ ತೊಟ್ಟಿಕುತ್ತದೆ ಎಂಬುದನ್ನು ತಿಳಿದುಕೊಳ್ಳಿ. ತಜ್ಞರ ಪ್ರಕಾರ ವಾತಾವರಣ ಬಿಸಿಯಾಗಿದ್ದರೇ ಕಾರಿನಲ್ಲಿ ಕಂಡಿತ ಎಸಿ ಬಳಸುತ್ತೇವೆ. ಇದು ಎಕ್ಸಾಸ್ಟ್‌ನಿಂದ ನೀರು ಸೋರಿಕೆಗೆ ಕಾರಣವಾಗಬಹುದು. ಹವಾನಿಯಂತ್ರಣ ವ್ಯವಸ್ಥೆಯು ಒಳಬರುವ ಗಾಳಿಯನ್ನು ತಂಪಾಗಿಸಿ ತೇವಾಂಶವನ್ನು ತಗ್ಗಿಸುತ್ತದೆ. ಇದು ಬಾಷ್ಪೀಕರಣ ವ್ಯವಸ್ಥೆಯಲ್ಲಿ (ಎವೋಪರೇಟ್ ಸಿಸ್ಟಮ್) ಮಂದಗೊಳಿಸಿದ ನೀರಿನ ರಚನೆಗೆ ಕಾರಣವಾಗುತ್ತದೆ.

ಹೀಗೆ ರಚನೆಗೊಂಡ ನೀರು ಯಾವುದೋ ಒಂದು ಮೂಲದಿಂದ ಹೊರಹೋಗಲೇಬೇಕಾಗುತ್ತದೆ. ಆದ್ದರಿಂದ ಇದು ನಿಷ್ಕಾಸ ವ್ಯವಸ್ಥೆಯ (ಎಕ್ಸಾಸ್ಟ್ ಸಿಸ್ಟಮ್) ಮೂಲಕ ಬಿಡುಗಡೆಯಾಗುತ್ತದೆ. ಸಣ್ಣ ಪ್ರಮಾಣದ ಹನಿ ನೀರು ಸಾಮಾನ್ಯವಾಗಿ ಅಷ್ಟೇನೂ ತೊಂದರೆ ನೀಡುವುದಿಲ್ಲ. ಇದು ಎಲ್ಲಾ ಕಾರುಗಳಲ್ಲಿ ಸಾಮಾನ್ಯವಾಗಿ ಕಾಣುವ ದೃಶ್ಯ. ಆದರೆ ಅದು ಬಣ್ಣದೊಂದಿಗೆ ಅಥವಾ ವಾಸನೆಯನ್ನು ಹೊಂದಿದ್ದರೆ, ಸಾಧ್ಯವಾದಷ್ಟು ಬೇಗ ನಿಮ್ಮ ಕಾರನ್ನು ಮೆಕ್ಯಾನಿಕ್ ಬಳಿ ತೋರಿಸಿ.

ಸಾಮಾನ್ಯವಾಗಿ ಕೂಲೆಂಟ್ ತಿಳಿ ಹಸಿರು ಬಣ್ಣವನ್ನು ಹೊಂದಿರುತ್ತದೆ, ಮೋಟಾರ್ ಆಯಿಲ್ ಗಾಢ ಮತ್ತು ಸ್ನಿಗ್ಧತೆಯನ್ನು ಹೊಂದಿರುತ್ತದೆ. ಹಾಗೆಯೇ ಟ್ರಾನ್ಸ್‌ಮಿಷನ್ ಆಯಿಲ್ ವಿಶಿಷ್ಟವಾದ (ಅಹಿತಕರ) ವಾಸನೆಯನ್ನು ಹೊಂದಿರುತ್ತದೆ. ಅದೇ ರೀತಿ ಎಕ್ಸಾಸ್ಟ್‌ನಿಂದ ಹೆಚ್ಚಿನ ಪ್ರಮಾಣದ ನೀರು ಹರಿಯುತ್ತಿದ್ದರೆ, ನೀವು ಅದನ್ನು ಪರಿಶೀಲಿಸಬೇಕು. ತೊಟ್ಟಿಕ್ಕುವಿಕೆಯನ್ನು ಕಡಿಮೆ ಮಾಡಲು, ನಿಮ್ಮ ಹವಾನಿಯಂತ್ರಣ ವ್ಯವಸ್ಥೆಯ ಒಳಗೊಳ್ಳುವ ಗಾಳಿಯ ಪ್ರಮಾಣವನ್ನು ನೀವು ಸರಿಹೊಂದಿಸಬೇಕಾಗುತ್ತದೆ.

ಹೀಗಿದ್ದರೇ ಹೆಚ್ಚಿನ ಗಮನಹರಿಸಿ: ನಿಮ್ಮ ಇಂಜಿನ್ ಅತಿಯಾಗಿ ಬಿಸಿಯಾಗಿ ಎಕ್ಸಾಸ್ಟ್ ಪೈಪ್‌ನಿಂದ ನೀರು ತೊಟ್ಟಿಕ್ಕುತ್ತಿದ್ದರೆ, ಕೂಲಂಟ್ ಸೋರಿಕೆಯಾಗುತ್ತಿರಬಹುದು. ಆಂಟಿಫ್ರೀಜ್ ಎಂದೂ ಕರೆಯಲ್ಪಡುವ ಈ ಕೂಲಂಟ್, ಆಂತರಿಕ ಕಾರ್ಯಾಚರಣೆಯ ತಾಪಮಾನವನ್ನು ಸ್ಥಿರವಾಗಿಡಲು ನಿಮ್ಮ ಎಂಜಿನ್‌ನಾದ್ಯಂತ ಪರಿಚಲನೆಗೊಳ್ಳುತ್ತದೆ. ಈ ಕೂಲೆಂಟ್ ಲೀಕ್ ಆದ್ರೆ, ಇಂಜಿನ್ ಶಾಖವು ತುಂಬಾ ಹೆಚ್ಚಾಗಿ ಎಂಜಿನ್‌ ಹಾನಿಯಾಗುವುದು ಖಚಿತ.

ಕೂಲಂಟ್ ರಿಸರ್ವಾಯರ್, ಇಂಜಿನ್ ಬ್ಲಾಕ್ ಅಥವಾ ಸಿಲಿಂಡರ್‌ನಲ್ಲಿನ ಬಿರುಕುಗಳಂತಹ ಹಲವಾರು ವಿಭಿನ್ನ ವಿಷಯಗಳಿಂದ ಕೂಲೆಂಟ್ ಸೋರಿಕೆಯಾಗಬಹುದು. ಸಿಲಿಂಡರ್‌ ಒಂದರಲ್ಲಿ ಸಮಸ್ಯೆ ಇದೆ ಎಂದು ನೀವು ಅನುಮಾನಿಸಿದರೆ, ನೀವು ಪ್ರತಿಯೊಂದರಲ್ಲೂ ಪರೀಕ್ಷೆಯನ್ನು ಮಾಡಬೇಕಾಗುತ್ತದೆ. ಪರೀಕ್ಷೆಯಲ್ಲಿ ಕಡಿಮೆ ಫಲಿತಾಂಶಗಳಿದ್ದರೂ ನಿಮ್ಮ ಸಿಲಿಂಡರ್‌ಗಳಲ್ಲಿ ಒಂದು ಹೊಡೆದಿರುವ ಸಾಧ್ಯತೆ ಇರುತ್ತದೆ.

ಇತರ ಕಾರಣಗಳು: ಎಂಜಿನ್ ದಹನ ಪ್ರಕ್ರಿಯೆಯು ದೀರ್ಘ ಮತ್ತು ಸಂಕೀರ್ಣವಾಗಿದೆ, ಈ ಪ್ರಕ್ರಿಯೆಯು ನೀರಿನ ಆವಿ ಮತ್ತು ಇಂಗಾಲದ ಡೈಆಕ್ಸೈಡ್ ಉತ್ಪನ್ನಗಳನ್ನು ಸೃಷ್ಟಿಸುತ್ತದೆ. ಇವುಗಳನ್ನು ನಿಮ್ಮ ಇಂಜಿನ್ ಎಕ್ಸಾಸ್ಟ್ ಪೈಪ್‌ನಲ್ಲಿ ಸ್ವಲ್ಪ ಪ್ರಮಾಣದ ನೀರಿಗೆ ಕಾರಣವಾಗುತ್ತದೆ. ಇದು ಸಾಮಾನ್ಯ ಸಂಗತಿ, ಪ್ರಮುಖ ಸಮಸ್ಯೆ ಎಂದು ಅರ್ಥವಲ್ಲ.

ನೀರಿನ ಆವಿ ಮತ್ತು ಇತರ ಎಕ್ಸಾಸ್ಟ್ ಹೊಗೆಯು ಆಂತರಿಕ ದಹನ ಪ್ರಕ್ರಿಯೆಯ ಸಾಮಾನ್ಯ ಉತ್ಪನ್ನಗಳಾಗಿವೆ. ನಿಮ್ಮ ಎಂಜಿನ್ ಚಾಲನೆಯಲ್ಲಿರುವಾಗ ಅವುಗಳನ್ನು ನಿಮ್ಮ ಇಂಜಿನ್‌ನಿಂದ ಎಕ್ಸಾಸ್ಟ್ ಪೈಪ್ ಮೂಲಕ ತೆಗೆದುಹಾಕಲಾಗುತ್ತದೆ. ನಿಮ್ಮ ಎಂಜಿನ್ ತಣ್ಣಗಾಗುತ್ತಿದ್ದಂತೆ, ನೀರಿನ ಆವಿಯು ನಿಷ್ಕಾಸ ಅನಿಲಗಳೊಂದಿಗೆ ಬೆರೆತು ನೀರಿನ ಘನೀಕರಣವನ್ನು ರೂಪಿಸುತ್ತದೆ.

ಈ ನೀರಿನ ಹನಿಗಳು ಎಕ್ಸಾಸ್ಟ್ ಪೈಪ್‌ನ ಉದ್ದಕ್ಕೂ ಸಂಗ್ರಹಗೊಳ್ಳುತ್ತವೆ. ನಿಮ್ಮ ಎಂಜಿನ್ ಸಂಪೂರ್ಣವಾಗಿ ತಣ್ಣಗಾದ ನಂತರ ಇದನ್ನು ಗಮನಿಸಬಹುದು. ಒಮ್ಮೆ ನೀವು ನಿಮ್ಮ ಎಂಜಿನ್ ಅನ್ನು ಮತ್ತೆ ಚಾಲನೆ ಮಾಡಿದರೆ, ಅವು ಕಣ್ಮರೆಯಾಗುತ್ತವೆ. ಆದ್ದರಿಂದ, ಕಾರ್ ಎಂಜಿನ್‌ನಲ್ಲಿ ನೀರಿನ ಘನೀಕರಣವು ಸಂಪೂರ್ಣವಾಗಿ ಸಾಮಾನ್ಯವಾಗಿದ್ದು, ಇದಕ್ಕೆಲ್ಲಾ ಮೆಕ್ಯಾನಿಕ್ ಅನ್ನು ಕರೆಯುವ ಅಗತ್ಯವಿಲ್ಲ.