ಅತಿ ವೇಗದ ವಾಹನಗಳ ಸ್ಪರ್ಧೆಯಲ್ಲಿ ಹೊಸ ವಿಶ್ವ ದಾಖಲೆ ಬರೆದ 16 ವರ್ಷದ ಬಾಲಕಿ

ಈ ಸ್ಪರ್ಧೆಯನ್ನು ವಿಮಾನ ನಿಲ್ದಾಣದ ರನ್ ವೇಯಲ್ಲಿ ಏರ್ಪಡಿಸಲಾಗಿತ್ತು. ಸ್ಪರ್ಧೆಯಲ್ಲಿ 50 ಅಡಿಗೆ ಒಂದರಂತೆ ಕೋನ್ ಗಳನ್ನು ಇರಿಸಲಾಗಿತ್ತು. ಕ್ಲೋಯ್ಈ 51 ಕೋನ್ ಗಳನ್ನು ಕಡಿಮೆ ಸಮಯದಲ್ಲಿ ದಾಟಿದ್ದಾರೆ. ವೃತ್ತಿಪರ ರೇಸರ್ ಆಗಿರುವ ಕ್ಲೋಯ್, ಕಾರು ರೇಸಿಂಗ್ ಚಾಂಪಿಯನ್‌ಶಿಪ್‌ಗಳಲ್ಲಿ 7 ವರ್ಷಗಳ ಅನುಭವ ಹೊಂದಿದ್ದಾರೆ. ಕ್ಲೋಯ್ ಹಲವಾರು ಕಾರ್ಟಿಂಗ್ ರೇಸ್ ಗಳನ್ನು ಸಹ ಗೆದ್ದಿದ್ದಾರೆ

ಈ ಸ್ಪರ್ಧೆಯನ್ನು ಜಯಿಸುವುದು ಸುಲಭವಾಗಿರಲಿಲ್ಲವೆಂದು ಕ್ಲೋಯ್ ಹೇಳಿದ್ದಾರೆ. ಟ್ರ್ಯಾಕ್ ನಲ್ಲಿಟ್ಟಿದ್ದ 51 ಕೋನ್ ಗಳು 51 ನಿರ್ಬಂಧಗಳಾಗಿದ್ದವು ಎಂದು ಹೇಳಿದ ಅವರು ಸ್ಪರ್ಧೆಯನ್ನು ಆರಂಭಿಸಿದಾಗ ತಾನು ತೀವ್ರ ಒತ್ತಡದಲ್ಲಿದ್ದೆ ಎಂದು ಹೇಳಿದ್ದಾರೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಈ ಸಾಧನೆ ಮಾಡಲು ತಮಗೆ ಪೋರ್ಷೆ 718 ಸ್ಪೈಡರ್ ಕಾರು ನೆರವಾಯಿತು ಎಂದು ಅವರು ಹೇಳಿದರು. ಈ ಸ್ಪರ್ಧೆಯನ್ನು ಪೂರ್ಣಗೊಳಿಸಲು ಸಾಧ್ಯವಾಗುವುದಿಲ್ಲ ಎಂದು ತಮಗೆ ಅನಿಸಿರಲಿಲ್ಲವೆಂದು ಕ್ಲೋಯ್ ತಿಳಿಸಿದ್ದಾರೆ.

ಪೋರ್ಷೆ 718 ಸ್ಪೈಡರ್ ಕಾರನ್ನು ಈ ವರ್ಷದ ಆಗಸ್ಟ್‌ ತಿಂಗಳಿನಲ್ಲಿ ಬಿಡುಗಡೆಗೊಳಿಸಲಾಯಿತು. ಈ ಕಾರಿನಲ್ಲಿ ಅಳವಡಿಸಿರುವ 4.0-ಲೀಟರಿನ ಆರು ಸಿಲಿಂಡರ್ ಪೆಟ್ರೋಲ್ ಎಂಜಿನ್ 414 ಬಿಹೆಚ್‌ಪಿ ಪವರ್ ಹಾಗೂ 420 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಪೋರ್ಷೆ 718 ಸ್ಪೈಡರ್ ಕಾರಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 301 ಕಿ.ಮೀಗಳಾಗಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಈ ಕಾರು ಕೇವಲ 4.4 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ. ಪೋರ್ಷೆ 718 ಸ್ಪೈಡರ್ ಕಾರು ಸ್ಥಿರತೆ ನಿರ್ವಹಣೆ, ಟಾರ್ಕ್ ನಿರ್ವಹಣೆ ಹಾಗೂ ಉತ್ತಮ ಬ್ರೇಕಿಂಗ್‌ಗಾಗಿ ಆಧುನಿಕ ಟೆಕ್ನಾಲಜಿಯನ್ನು ಬಳಸುತ್ತದೆ. ಈ ಕಾರಿನಲ್ಲಿ ಅತ್ಯುತ್ತಮವಾದ ಬ್ರೇಕಿಂಗ್ ಗಳಿಗಾಗಿ ಅಲ್ಯೂಮಿನಿಯಂ ಕ್ಯಾಲಿಪರ್ ಡಿಸ್ಕ್ ಬ್ರೇಕ್‌ಗಳನ್ನು ಅಳವಡಿಸಲಾಗಿದೆ.

ಪೋರ್ಷೆ ಕಂಪನಿಯು ಭಾರತದಲ್ಲಿ 718 ಸ್ಪೈಡರ್ ಕಾರಿನ ಜೊತೆಗೆ ಪೋರ್ಷೆ ಕೇಮನ್ ಜಿಟಿ 4 ಕಾರನ್ನು ಸಹ ಬಿಡುಗಡೆಗೊಳಿಸಿದೆ. ಪೋರ್ಷೆ 718 ಸ್ಪೈಡರ್ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.1.59 ಕೋಟಿಗಳಾದರೆ, ಕೇಮನ್ ಜಿಟಿ 4 ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.1.63 ಕೋಟಿಗಳಾಗಿದೆ. ಲಘು ತೂಕವನ್ನು ಹೊಂದಿರುವ ಪೋರ್ಷೆ 718 ಸ್ಪೈಡರ್ ಕನ್ವರ್ಟಿಬಲ್ ಕಾರಿನ ರೂಫ್ ಅನ್ನು ಬಟನ್ ಒತ್ತುವ ಮೂಲಕ ಮುಚ್ಚಬಹುದು.