Just In
- 6 min ago Google Maps: ಇವಿ ಮಾಲೀಕರೇ ಆತಂಕ ಬಿಡಿ... ಗೂಗಲ್ ಮ್ಯಾಪ್ಸ್ ಭರ್ಜರಿ ಅಪ್ಡೇಟ್!
- 32 min ago ಫ್ಯಾಮಿಲಿ ಕಾರಾಗಿ ಜನರ ಮನಗೆದ್ದ ಹ್ಯುಂಡೈ ಅಲ್ಕಾಜರ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- 1 hr ago Elevate: ಶ್ರೀಸಾಮಾನ್ಯನ ಬಿಎಂಡಬ್ಲ್ಯೂ.. ಹೋಂಡಾ ಎಲಿವೇಟ್ ಖರೀದಿಸಬೇಕೇ? ಆನ್-ರೋಡ್ ಬೆಲೆ ಎಷ್ಟು, EMI ಏನು?
- 2 hrs ago ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ!
Don't Miss!
- Finance ಇಳಿಕೆ ಕಂಡ ನೆಸ್ಲೆ ಇಂಡಿಯಾ ಷೇರು: ಸೆರೆಲಾಕ್ನಲ್ಲಿ ಸಕ್ಕರೆ ಬಗ್ಗೆ ಸಂಸ್ಥೆಯ ಸ್ಪಷ್ಟನೆ ಏನು?
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- News Bengaluru Suburban Rail Project: ಹಳ್ಳ ಹಿಡಿದ ₹15,767 ಕೋಟಿ ವೆಚ್ಚದ ಕಾಮಗಾರಿ, ಜನಸಾಮಾನ್ಯರು ಹೇಳೋದೇನು ಗೊತ್ತಾ?
- Movies ನಟಿ ಪ್ರೀತಿ ಜಿಂಟಾ ಮದುವೆ ಮುನ್ನವೇ 34 ಮಕ್ಕಳಿಗೆ ತಾಯಿ ಪ್ರೀತಿ ನೀಡಿದ ವಿಷಯ ನಿಮಗೆ ಗೊತ್ತೇ?
- Lifestyle ಸ್ವತಂತ್ರ ಭಾರತದ ಮೊದಲ ಮತದಾರನಿಲ್ಲದ ಮೊದಲ ಚುನಾವಣೆ ಇದು..! ಯಾರು ಈ ಮತದಾರ ಗೊತ್ತಾ?
- Sports IPL 2024: ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದರೂ ಹಾರ್ದಿಕ್ ಪಾಂಡ್ಯಗೆ ಭಾರೀ ಮೊತ್ತದ ದಂಡ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾರುಗಳಲ್ಲಿರುವ ಸನ್ರೂಫ್ಗಳಿಂದಾಗುವ ಅನುಕೂಲ ಹಾಗೂ ಅನಾನುಕೂಲಗಳಿವು
ಈಗ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತಿರುವ ಕಾರುಗಳು ಆಧುನಿಕ ಫೀಚರ್'ಗಳನ್ನು ಹೊಂದಿವೆ. ಇದರ ಭಾಗವಾಗಿ ಹಲವು ಕಾರುಗಳಲ್ಲಿ ಕಾರುಗಳಲ್ಲಿ ಸನ್ ರೂಫ್ ಸೌಲಭ್ಯವನ್ನು ಒದಗಿಸಲಾಗುತ್ತಿದೆ. ಹೊಸ ಕಾರುಗಳಲ್ಲಿ ಎಲೆಕ್ಟ್ರಾನಿಕ್ ಚಾಲಿತ ಸನ್ ರೂಫ್ ಗಳನ್ನು ಕಾರುಗಳಲ್ಲಿ ನೀಡಲಾಗುತ್ತಿದೆ.
ಹಳೆಯ ಕಾರುಗಳಲ್ಲಿ ಮ್ಯಾನುಯಲ್ ಆಗಿ ಕಾರ್ಯನಿರ್ವಹಿಸುವ ಸನ್ ರೂಫ್ ಗಳನ್ನು ನೀಡಲಾಗುತ್ತಿತ್ತು. ಸನ್ ರೂಫ್ಗಳು ವಿವಿಧ ಆಕಾರಗಳು, ಗಾತ್ರ ಹಾಗೂ ಶೈಲಿಗಳನ್ನು ಹೊಂದಿವೆ. ಕಾರು ಖರೀದಿಸ ಬಯಸುವವರು ಸನ್ ರೂಫ್ ಇರುವ ಕಾರುಗಳನ್ನು ಖರೀದಿಸುವುದು ಉತ್ತಮವೇ ಅಥವಾ ಸನ್ ರೂಫ್ ಇಲ್ಲದ ಕಾರುಗಳನ್ನು ಖರೀದಿಸುವುದು ಉತ್ತಮವೇ ಎಂಬ ಗೊಂದಲದಲ್ಲಿರುತ್ತಾರೆ.
ಈ ಲೇಖನದಲ್ಲಿ ಕಾರುಗಳಲ್ಲಿರುವ ಸನ್ ರೂಫ್ ಗಳಿಂದಾಗುವ ಅನುಕೂಲಗಳೇನು, ಅನಾನುಕೂಲಗಳೇನು ಎಂಬುದನ್ನು ನೋಡೋಣ. ಮೊದಲಿಗೆ ಕಾರುಗಳಲ್ಲಿ ಸನ್ ರೂಫ್ ಇರುವುದರ ಪ್ರಯೋಜನಗಳನ್ನು ನೋಡೋಣ.
ಸನ್ ರೂಫ್ ಇದ್ದರೆ ಕಾರು ಆಕರ್ಷಕ ನೋಟವನ್ನು ಪಡೆಯುತ್ತದೆ. ಇದು ಮೊದಲ ಅನುಕೂಲ. ಸನ್ ರೂಫ್ ಕಾರು ಚಾಲನೆ ವೇಳೆ ತಾಜಾ ಗಾಳಿಯು ಕ್ಯಾಬಿನ್ ಒಳಗೆ ಹೋಗಲು ಅನುವು ಮಾಡಿಕೊಡುತ್ತದೆ. ಇದರಿಂದ ಮನಸ್ಸು ಪ್ರಶಾಂತವಾಗಿರುತ್ತದೆ.
ಸನ್ ರೂಫ್ ತೆರೆಯುವುದರಿಂದ ಕ್ಯಾಬಿನ್'ನಾದ್ಯಂತ ಗಾಳಿಯಾಡಲಿದೆ. ಸನ್ ರೂಫ್ ತೆರೆಯುವುದರಿಂದ ಉಂಟಾಗುವ ಶಬ್ದವು ವಿಂಡೋಗಳನ್ನು ತೆರೆಯುವುದರಿಂದ ಉಂಟಾಗುವ ಶಬ್ದಕ್ಕಿಂತ ಕಡಿಮೆ ಎಂದು ಸಂಶೋಧನೆಗಳಿಂದ ತಿಳಿದು ಬಂದಿದೆ.
ಸನ್ ರೂಫ್ ಕಾರಿನ ರೂಫ್ ಮೇಲೆ ಇರುವ ಗಾಜಿನ ರಚನೆಯಾಗಿದೆ. ಮಳೆ ಬಂದಾಗ ಹನಿಗಳು ರೂಫ್ ಮೇಲೆ ಬೀಳುವುದನ್ನು ನೋಡುವುದು ಮನಸ್ಸಿಗೆ ಆಹ್ಲಾದಕರ ಅನುಭವವನ್ನು ನೀಡುತ್ತದೆ.
ಹಾಗೆಯೇ ಸನ್ ರೂಫ್ ಹೊಂದುವುದು ಕಾರಿನ ಮೌಲ್ಯವನ್ನು ಹೆಚ್ಚಿಸುತ್ತದೆ. ವಿಶೇಷವಾಗಿ ಕಾರುಗಳನ್ನು ಸೆಕೆಂಡ್ ಹ್ಯಾಂಡ್ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ನಿರ್ಧರಿಸಿದರೆ ಉತ್ತಮ ಬೆಲೆ ಪಡೆಯುವ ಸಾಧ್ಯತೆಗಳಿವೆ. ಇನ್ನು ಕಾರಿನಲ್ಲಿ ಸನ್ ರೂಫ್ ಇರುವುದರಿಂದ ಎದುರಾಗುವ ಸಮಸ್ಯೆಗಳನ್ನು ನೋಡೋಣ.
ಕೆಲವರು ಸನ್ ರೂಫ್ ಇರುವ ಹೊಸ ಕಾರನ್ನು ಖರೀದಿಸಿದ ಕೆಲವು ದಿನಗಳ ನಂತರ ಕಾರಿನಲ್ಲಿ ಸನ್ ರೂಫ್ ಇದೆ ಎಂಬುದನ್ನು ಮರೆತು ಬಿಡುತ್ತಾರೆ. ಪ್ರತಿಯೊಬ್ಬರೂ ಹಾಗೆ ಮಾಡುತ್ತಾರೆ ಎಂದು ಹೇಳಲು ಸಾಧ್ಯವಾಗದಿದ್ದರೂ ಬಹುತೇಕ ಜನ ಹಾಗೆ ಮಾಡುತ್ತಾರೆ.
ಹೆಚ್ಚು ತಾಪಮಾನವಿರುವ ನಗರಗಳಲ್ಲಿ ಸನ್ ರೂಫ್ ಬಳಕೆ ತುಂಬಾ ಕಡಿಮೆ. ಹೆಚ್ಚಿನ ವೇಗದಲ್ಲಿ ಪ್ರಯಾಣಿಸುವಾಗ ಸನ್ ರೂಫ್ ತೆರೆದಿದ್ದರೆ ಅದು ಕಾರಿನ ಏರೋ ಡೈನಾಮಿಕ್ ಮೇಲೆ ಪರಿಣಾಮ ಬೀರುತ್ತದೆ.
ಸನ್ ರೂಫ್ ಹೆಚ್ಚು ತೂಕವನ್ನು ಹೊಂದಿರುತ್ತದೆ. ಸನ್ ರೂಫ್ ಬಳಕೆಯು ಕಾರಿನ ಮೈಲೇಜ್ ಮೇಲೆ ಪರಿಣಾಮ ಬೀರುತ್ತದೆ ಎಂದು ಸಂಶೋಧನೆಗಳಿಂದ ತಿಳಿದು ಬಂದಿದೆ. ಸಾಮಾನ್ಯ ಸನ್ ರೂಫ್ ಗಳು 25 ರಿಂದ 35 ಕೆ.ಜಿ ತೂಕವನ್ನು ಹೊಂದಿರುತ್ತವೆ.
ಇದೇ ವೇಳೆ ಪನೋರಾಮಿಕ್ ಸನ್ ರೂಫ್ ನ ಸುಮಾರು 90 ಕೆ.ಜಿ ಗಳಷ್ಟು ತೂಕವನ್ನು ಹೊಂದಿರುತ್ತದೆ. ಸನ್ ರೂಫ್ ಗಳನ್ನು ಗಾಜುಗಳಿಂದ ತಯಾರಿಸಲಾಗಿರುತ್ತದೆ. ಇದರಿಂದ ಸನ್ ರೂಫ್ ಗಳು ಒಡೆಯುವ ಸಾಧ್ಯತೆಗಳು ಹೆಚ್ಚು.
ಸನ್ ರೂಫ್ ಒಡೆದು ಹೋದರೆ ಅದನ್ನು ಸರಿಪಡಿಸಲು ಹೆಚ್ಚು ವೆಚ್ಚವಾಗುತ್ತದೆ. ಕಾರು ಹಳೆಯದಾದಂತೆ ಸನ್ ರೂಫ್ ಸೋರಿಕೆಯಾಗುವ ಸಾಧ್ಯತೆಗಳಿರುತ್ತವೆ. ಇದರಿಂದ ಮಳೆಗಾಲದಲ್ಲಿ ಹಾಗೂ ಕಾರನ್ನು ತೊಳೆಯುವ ಸಮಯದಲ್ಲಿ ಸಮಸ್ಯೆಗಳು ಉದ್ಭವಿಸಬಹುದು.
ಕಾರು ಹೊಸದಾಗಿದ್ದಾಗ ಮಾತ್ರ ಸನ್ ರೂಫ್ ಯಾವುದೇ ತೊಂದರೆಗಳಿಲ್ಲದೆ ಚೆನ್ನಾಗಿ ಕಾರ್ಯ ನಿರ್ವಹಿಸುತ್ತದೆ. ಕಾರು ಹಳೆಯದಾದಂತೆ ಸನ್ ರೂಫ್ ಸಮಸ್ಯೆಗಳನ್ನು ಉಂಟು ಮಾಡಬಹುದು. ಇಂತಹ ಸಂದರ್ಭದಲ್ಲಿ ಕಾರನ್ನು ಮಾರಾಟ ಮಾಡಲು ಬಯಸಿದರೆ ಸನ್ ರೂಫ್ ನಿಂದಾಗಿ ಸಮಸ್ಯೆಗಳು ಎದುರಾಗುತ್ತವೆ.
ಸನ್ ರೂಫ್ ಅನುಕೂಲ ಹಾಗೂ ಅನಾನುಕೂಲಗಳನ್ನು ಹೊಂದಿದೆ. ಸನ್ ರೂಫ್ ಇರುವ ಕಾರನ್ನು ಖರೀದಿಸ ಬೇಕೇ ಅಥವಾ ಬೇಡವೇ ಎಂಬುದು ಸಂಪೂರ್ಣವಾಗಿ ನಿಮ್ಮ ಅಗತ್ಯಗಳನ್ನು ಅವಲಂಬಿಸಿದೆ.