7 ವರ್ಷಗಳಿಂದ ಕಸ್ಟಮ್ಸ್‌ನಲ್ಲಿ ಅನಾಥವಾಗಿದ್ದ ಅಪರೂಪದ ಡುಕಾಟಿ ಬೈಕ್ ರಿಸ್ಟೋರ್ ಮಾಡಿದ ಯುವಕ

ಹಲವು ದಿನ, ತಿಂಗಳು, ವರ್ಷ ಕಳೆದರೂ ಮಾಲೀಕ ಬರತ್ತಾನೂ ಇಲ್ಲವೋ, ಇನ್ನೂಬ್ಬರ ಕೈ ಸೇರುತ್ತದೆಯೇ ಇಲ್ಲ ಹೀಗೆ ಅವಶೇಷವಾಗತ್ತದೆಯೇ ಎಂಬಂತೆ ವಾಹನಗಳು ಇರುತ್ತದೆ. ಹೀಗೆ ಕೆಲವು ವರ್ಷಗಳ ಹಿಂದೆ, ಕೊಚ್ಚಿ ಡಿಆರ್‌ಐ ವಶಪಡಿಸಿಕೊಂಡ ಅಪರೂಪದ ಡುಕಾಟಿ 1098 ಎಸ್ ಟ್ರೈಕಲರ್ ಬೈಕ್ ಕಸ್ಟಮ್ಸ್‌ನಲ್ಲಿ ಅನಾಥವಾಗಿತ್ತು. ಸುಮಾರು 7 ವರ್ಷಗಳ ಅನಾಥವಾಗಿದ್ದ ಈ ಬೈಕ್ ಅನ್ನು ರಿಸ್ಟ್ರೋರ್ ಮಾಡಲಾಗಿದೆ, ಅಸ್ಗರ್ ಅವರು ಕೊಚ್ಚಿ ಡಿಆರ್‌ಐಗೆ ತೆರಳಿ ಡುಕಾಟಿ 1098 ಎಸ್ ಟ್ರೈಕಲರ್ ಬೈಕ್ ಅನ್ನು ಬಿಡ್ ಮಾಡಿದರು. ಅವರು ಬಿಡ್ ಗೆದ್ದರು.

ಡುಕಾಟಿಗಾಗಿ ಎಷ್ಟು ಜನರು ಹರಾಜಿನಲ್ಲಿ ಪಾಲ್ಗೊಂಡರು ಎಂಬ ಮಾಹಿತಿ ಇಲ್ಲ. ಅಸ್ಗರ್ ಮಾತ್ರ ಬಿಡ್ ಮಾಡಿರುವ ಸಾಧ್ಯತೆ ಕೂಡ ಇದೆ. ವಿಜೇತ ಅಸ್ಗರ್ ನಂತರ ಬೈಕ್ ಅನ್ನು ರಿಸ್ಟೋರ್ ಮಾಡಲು ಕೊಚ್ಚಿಯ ಡುಕಾಟಿಗೆ ಸಾಗಿಸಿದರು. ಏಳು ವರ್ಷಗಳಲ್ಲಿ ನಿಂತಿದ್ದ ಬೈಕ್ ಉತ್ತಮ ಸ್ಥಿತಿಯಲ್ಲಿರಲಿಲ್ಲ. ಬೈಕ್ ಅನ್ನು ಸಂಪೂರ್ಣವಾಗಿ ರಿಸ್ಟೋರ್ ಮಾಡಲಾಗಿದೆ.

ಡಿಆರ್‌ಐ ಮೋಟಾರ್‌ಸೈಕಲ್ ಅನ್ನು ಏಕೆ ವಶಪಡಿಸಿಕೊಂಡಿದೆ ಮತ್ತು ಅದು ಏಕೆ ತೆರೆದ ಮೈದಾನದಲ್ಲಿ ಇಷ್ಟು ವರ್ಷಗಳನ್ನು ಕಳೆದಿದೆ ಎಂದು ನಮಗೆ ತಿಳಿದಿಲ್ಲ. ಇವು ಸಂಪೂರ್ಣವಾಗಿ ಆಮದು ಮಾಡಲಾದ ಮೋಟಾರ್‌ಸೈಕಲ್‌ಗಳಾಗಿವೆ ಮತ್ತು ಜನರು ಆಮದು ತೆರಿಗೆಯನ್ನು ತಪ್ಪಿಸಿಕೊಳ್ಳಲು ಪ್ರಯತ್ನಿಸುತ್ತಾರೆ.

ಅಕ್ರಮವಾಗಿ ಆಮದು ಮಾಡಿಕೊಂಡರೆ ಅಧಿಕಾರಿಗಳು ಸಾಕಷ್ಟು ಜಾಗರೂಕರಾಗಿದ್ದಾರೆ ಮತ್ತು ಈ ಹಿಂದೆ ಹಲವಾರು ಮೋಟಾರ್ ಸೈಕಲ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ. ಅದೇ ರೀತಿ ಈ ಡುಕಾಟಿ ಬೈಕ್ ಅನ್ನು ಕಸ್ಟಮ್ಸ್ ವಶಕ್ಕೆ ಪಡೆದಿರಬಹುದು.

ಈ ಅಪರೂಪದ ಡುಕಾಟಿ 1098 ಎಸ್ ಟ್ರೈಕಲರ್ ಬೈಕ್ ವಿಶೇಷತೆ ಏನು? ಅಲ್ಲದೆ, ಡುಕಾಟಿ ಈ ಮಾದರಿಯ 1013 ಯುನಿಟ್ ಗಳು ಮಾತ್ರ ಬಿಡುಗಡೆ ಮಾಡಿರುವುದರಿಂದ ಇದು ಪ್ರಪಂಚದಾದ್ಯಂತ ಅಪರೂಪವಾಗಿದೆ. ಡುಕಾಟಿಯು 2007 ರಲ್ಲಿ ಪ್ರಾರಂಭವಾಯಿತು ಮತ್ತು ಅದರ ಸಣ್ಣ ಉತ್ಪಾದನಾ ಸಂಖ್ಯೆಯಿಂದಾಗಿ ಇದು ಜನಪ್ರಿಯವಾಯಿತು.

ಡುಕಾಟಿಯು ಇಟಾಲಿಯನ್ ಧ್ವಜದ ಬಣ್ಣಗಳನ್ನು ತ್ರಿವರ್ಣ ಥೀಮ್ ಅನ್ನು ಹೊಂದಿದೆ. ಡುಕಾಟಿಯ ತ್ರಿವರ್ಣ ಶ್ರೇಣಿಯು ಸ್ಟ್ಯಾಂಡರ್ಡ್ ಮಾದರಿಯ ಆಧಾರದ ಮೇಲೆ ಸೀಮಿತ-ಉತ್ಪಾದನೆಯ ರೂಪಾಂತರವಾಗಿದೆ. ಮೊದಲ ತ್ರಿವರ್ಣ ಧ್ವಜ ಬಣ್ಣದ ಮಾದರಿಯನ್ನು 1985 ರಲ್ಲಿ ಬಿಡುಗಡೆ ಮಾಡಲಾಯಿತು ಮತ್ತು ಅದು ಡುಕಾಟಿ 750 F1 ಆಗಿತ್ತು.

ಡುಕಾಟಿ 1098 ಒಂದು ದಶಕದ ಹಿಂದೆ ಬಿಡುಗಡೆಯಾದಾಗ ಅತ್ಯಂತ ಜನಪ್ರಿಯ ಬೈಕ್ ಆಗಿತ್ತು. ಡುಕಾಟಿ ಇದನ್ನು ಟ್ರ್ಯಾಕ್-ಫೋಕಸ್ಡ್ ರೋಡ್ ಲೀಗಲ್ ಮೋಟಾರ್‌ಸೈಕಲ್ ಆಗಿ ಬಿಡುಗಡೆ ಮಾಡಿದೆ. ಇದು ಟರ್ಮಿಗ್ನೋನಿ ರೇಸ್-ಸ್ಪೆಕ್ ಎಕ್ಸಾಸ್ಟ್ ಸಿಸ್ಟಮ್‌ನೊಂದಿಗೆ ಬಂದಿತು ಮತ್ತು ಹೆಚ್ಚಿನ-ಫಾರ್ಫಾಮೆನ್ಸ್ ಎಕ್ಸಾಸ್ಟ್‌ನಿಂದಾಗಿ ಇಸಿಯು ಅನ್ನು ರಿ-ಟ್ಯೂನ್ ಮಾಡಲಾಗಿದೆ.

ಇದು ಟ್ರೆಲ್ಲಿಸ್ ಫ್ರೇಮ್ ಅನ್ನು ಆಧರಿಸಿದೆ. ಅಲಾಯ್ ವ್ಹೀಲ್ ಗಳನ್ನು ರೇಸಿಂಗ್ ಗೋಲ್ಡ್ ಬಣ್ಣಗಳನ್ನು ಹೊಂದಿವೆ. ಈ ಬೈಕ್ 1098ಸಿಸಿ, ಎಲ್ ಟ್ವಿನ್ ಎಂಜಿನ್‌ ಅನ್ನು ಹೊಂದಿದೆ. ಈ ಎಂಜಿನ್ 160 ಬಿಹೆಚ್‍ಪಿ ಪವರ್ ಮತ್ತು 123 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ,

ಡುಕಾಟಿಯು ತನ್ನ ಅತ್ಯಂತ ಆಕ್ರಮಣಕಾರಿ ಟಾರ್ಕ್-ಟು-ತೂಕದ ಅನುಪಾತವನ್ನು ಜಾಹೀರಾತು ಮಾಡಿದೆ, ಇದು ಕಾರ್ಯಕ್ಷಮತೆಯ ಮೋಟಾರ್‌ಸೈಕಲ್ ಪ್ರಿಯರಿಗೆ ಮತ್ತು ಉತ್ಸಾಹಿಗಳಿಗೆ ಇದು ಅತ್ಯಂತ ಅಪೇಕ್ಷಣೀಯವಾಗಿದೆ. ಅಗ್ರೇಸಿವ್ ಟಾರ್ಕ್-ಟು-ಪವರ್ ಅನುಪಾತವು ಅದನ್ನು ಮಾರಕ ಟ್ರ್ಯಾಕ್ ಸಾಧನವನ್ನಾಗಿ ಮಾಡಿದೆ. ಡುಕಾಟಿ ಸಿಂಗಲ್-ಸೈಡ್ ಸ್ವಿಂಗರ್ಮ್ ಅನ್ನು ಸಹ ಹೊಂದಿದೆ, ಈ ಬೈಕಿನ ಸಸ್ಪೆಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ ಮುಂಭಾಗದಲ್ಲಿ 43 ಎಂಎಂ ಓಹ್ಲಿನ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಓಹ್ಲಿನ್ 45PRC ಮೊನೊಶಾಕ್ ಅನ್ನು ಒಳಗೊಂಡಿದೆ. ಸಸ್ಪೆಕ್ಷನ್ ಬಹು ಹಂತಗಳಲ್ಲಿ ಸಂಪೂರ್ಣವಾಗಿ ಹೊಂದಾಣಿಕೆಯಾಗುತ್ತದೆ.

1098 ಎಸ್ ಟ್ರೈಕಲರ್ ಬೈಕ್ ಸ್ಟ್ಯಾಂಡರ್ಡ್ ಮಾದರಿಯ ಎಸ್ ರೂಪಾಂತರವನ್ನು ಆಧರಿಸಿದೆ. ಇದು ಹಗುರವಾದ ಬ್ರೇಕ್‌ಗಳು, ಟೈರ್‌ಗಳು ಮತ್ತು ಅಲಾಯ್ ವ್ಹೀಳ್ ಗಳಂತಹ ತೂಕ ಉಳಿಸುವ ಘಟಕಗಳೊಂದಿಗೆ ಬಂದಿತು. ಸ್ಟ್ಯಾಂಡರ್ಡ್ ಚಕ್ರಗಳಿಗೆ ಹೋಲಿಸಿದರೆ ಅಲಾಯ್ ವ್ಹೀಲ್ ಗಳು ಸುಮಾರು 1.9 ಕೆಜಿ ಹಗುರವಾಗಿರುತ್ತವೆ. ಮುಂಭಾಗದ ಫೆಂಡರ್ ಕೂಡ ಸಂಪೂರ್ಣ ಕಾರ್ಬನ್ ಫೈಬರ್‌ನಿಂದ ಮಾಡಲ್ಪಟ್ಟಿದೆ.

ಟ್ರ್ಯಾಕ್ ಕೇಂದ್ರೀಕೃತ ಡುಕಾಟಿ 1098 ತ್ರಿವರ್ಣ ಡುಕಾಟಿ ಡೇಟಾ ವಿಶ್ಲೇಷಕದೊಂದಿಗೆ ಬಂದಿತು. ಇದು ರೈಡರ್‌ಗೆ ಹಿಂಪಡೆಯಲು ಮತ್ತು ವಿಶ್ಲೇಷಿಸಲು ಕಾರ್ಯಕ್ಷಮತೆಯ ಡೇಟಾವನ್ನು ಸಂಗ್ರಹಿಸುತ್ತದೆ. ಒಟ್ಟಾರೆಯಾಗಿ ಈ ಬೈಕ್ ಅತ್ಯಾಧುನಿಕ ತಂತ್ರಜ್ಙಾನವನ್ನು ಹೊಂದಿರುವ ಮಾದರಿಯಾಗಿದೆ,