ಭಾರತದ ಚೊಚ್ಚಲ ಬುಲೆಟ್ ರೈಲಿನ 'ನೀಲಿ ನಕ್ಷೆ'; ತಿಳಿದುಕೊಳ್ಳಬೇಕಾದ 10 ಅಂಶಗಳು

01. ಮುಂಬೈ-ಅಹಮದಾಬಾದ್

ಮುಂಬೈ ಮತ್ತು ಅಹಮದಾಬಾದ್ ನಗರಗಳಿಗೆ ದೇಶದ ಮೊತ್ತ ಮೊದಲ ಬುಲೆಟ್ ರೈಲು ಕನಸಿನ ಭಾಗ್ಯ ದೊರತಿದೆ. ಈ ಎರಡು ನಗರಗಳು ಹೈ ಸ್ಪೀಡ್ ಕನಸನ್ನು ನನಸಾಗಿಸಲಿದೆ.

02. ಎರಡೇ ತಾಸಿನಲ್ಲಿ ಮುಂಬೈಗೆ

ಇದರೊಂದಿಗೆ ಮುಂಬೈ-ಅಹಮದಾಬಾದ್ ನಡುವಣ ಪ್ರಯಾಣ ಅವಧಿ ಏಳು ತಾಸಿನಿಂದ ಬರಿ ಎರಡು ಗಂಟೆಗಳಿಗೆ ಇಳಿಕೆಯಾಗಲಿದೆ.

03. ಕಾಮಗಾರಿ

2017 ಅಥವಾ 2018 ಆರಂಭದಲ್ಲೇ ಮುಂಬೈ-ಅಹಮದಾಬಾದ್ ನಡುವಣ ಹೈ ಸ್ಪೀಡ್ ರೈಲು ಕಾಮಗಾರಿ ಆರಂಭಗೊಳ್ಳಲಿದ್ದು, ಐದು ವರ್ಷಗಳ ಅವಧಿಯಲ್ಲಿ ಯೋಜನೆ ಪೂರ್ಣಗೊಳ್ಳುವ ಗುರಿಯನ್ನಿಟ್ಟುಕೊಳ್ಳಲಾಗಿದೆ.

04. ವೇಗ

ಈ ಯೋಜನೆಯಂತೆ ಬುಲೆಟ್ ರೈಲುಗಳು ಗಂಟೆಗೆ 300ರಿಂದ 350 ಕೀ.ಮೀ. ವೇಗದಲ್ಲಿ ಸಂಚರಿಸಲಿದ್ದು, ಒಟ್ಟು 508 ಕೀ.ಮೀ. ದೂರವನ್ನು ಕ್ರಮಿಸಲಿದೆ.

05. 11 ನಿಲ್ದಾಣಗಳು

ಪ್ರಸ್ತುತ ಯೋಜನೆಯು ಮುಂಬೈ ಹಾಗೂ ಅಹಮಾದಾಬಾದ್ ನಡುವಣ ಪ್ರಮುಖ ನಗರಗಳಾದ ಥಾಣೆ, ವಿರಾರ್, ಸೂರತ್, ಭರುಚ್ ಮತ್ತು ವಡೋದರಾ ಸೇರಿದಂತೆ 11 ನಿಲ್ದಾಣಗಳನ್ನು ಸಂಪರ್ಕಿಸಲಿದೆ.

06. ಯೋಜನಾ ವೆಚ್ಚ

ಪ್ರಾಥಮಿಕ ಅಂಕಿಅಂಶಗಳ ಪ್ರಕಾರ ನಿರ್ಮಾಣದ ಒಟ್ಟು ಯೋಜನಾ ವೆಚ್ಚ 98,805 ಕೋಟಿ ರು.ಗಳೆಂದು ಅಂದಾಜಿಸಲಾಗಿದೆ.

07. ಜಪಾನ್ ಆರ್ಥಿಕ ನೆರವು

ಭಾರತದ ಈ ಮಹತ್ತರ ಯೋಜನೆಯ ಬಹುಪಾಲು ಅಂದರೆ ಶೇಕಡಾ 81ರಷ್ಟು (ಅಂದಾಜು 79,380 ಕೋಟಿ ರು. ) ಆರ್ಥಿಕ ನೆರವನ್ನು ನೀಡಲಿರುವ ಜಪಾನ್ ಇಂಟರ್ ನ್ಯಾಷನಲ್ ಕಾರ್ಪೋರೇಷನ್ ಏಜೆನ್ಸಿ 'ಸಾಫ್ಟ್ ಲೋನ್' ಪ್ರಕಾರ ಶೇಕಡಾ 0.1 ರಷ್ಟು ಬಡ್ಡಿದರವನ್ನು ಈಡು ಮಾಡಲಿದೆ.

08. ಮೇಕ್ ಇನ್ ಇಂಡಿಯಾ

ಇದು ಕೂಡಾ ಮೇಕ್ ಇನ್ ಇಂಡಿಯಾ ಭಾಗವಾಗಿದ್ದು, ಶೇಕಡಾ 20ರಷ್ಟು ಬಿಡಿಭಾಗಗಳನ್ನು ಮಾತ್ರ ಜಪಾನ್ ನಿಂದ ಆಮದು ಮಾಡಿಕೊಳ್ಳಲಾಗುವುದು.

09. ಮುಂಬೈ ನಿಲ್ದಾಣ

ಬುಲೆಟ್ ರೈಲು ನಿಲ್ದಾಣಕ್ಕಾಗಿ ಮುಂಬೈನಲ್ಲಿ ಭಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್ ಆಯ್ಕೆ ಮಾಡಲಾಗಿದೆ. ಇದು ಮೂರು ಹಂತದ ನೆಲಮಹಡಿಗಳನ್ನು ಹೊಂದಲಿದ್ದು, ವಾಣಿಜ್ಯ ನಗರಿಗೆ ಯಾವುದೇ ಧಕ್ಕೆಯುಂಟಾಗುವುದಿಲ್ಲ.

10. ಕೊನೆಗೂ ಶಿಂಕಾನ್ಸೆನ್ ಭಾರತಕ್ಕೆ

ಜಪಾನ್‌ನಲ್ಲಿ ಶಿಂಕಾನ್ಸೆನ್ ಎಂದು ಅರಿಯಲ್ಪಡುವ ಬುಲೆಟ್ ಟ್ರೇನ್‌ಗಳು ಭಾರತದ ದೀರ್ಘ ಕಾಲದ ಯೋಜನೆಯಾಗಿದೆ.

ಜಪಾನ್ ಮ್ಯಾಗ್ಲೆವ್ ವಿಶ್ವದಾಖಲೆ