ಸಹೋದರನೊಂದಿಗೆ ಬಾಹ್ಯಾಕಾಶ ಯಾನಕ್ಕೆ ಸಜ್ಜಾದ ಅಮೆಜಾನ್ ಕಂಪನಿ ಸಿಇಒ

ಅಮೆಜಾನ್ ಕಂಪನಿಯು ಮೊದಲು ಆನ್‌ಲೈನ್ ಮೂಲಕ ಪುಸ್ತಕಗಳ ಮಾರಾಟವನ್ನು ಆರಂಭಿಸಿ ನಂತರ ಎಲ್ಲಾ ರೀತಿಯ ಉತ್ಪನ್ನಗಳನ್ನು ಮಾರಾಟ ಮಾಡುವ ವೇದಿಕೆಯಾಗಿ ರೂಪುಗೊಂಡಿದೆ. ಜೆಫ್ ಬೆಜೋಸ್, ವಿಶ್ವವ್ಯಾಪಿ ಹರಡಿರುವ ಅಮೆಜಾನ್ ಕಂಪನಿಯ ಸ್ಥಾಪಕರು ಎಂಬುದು ಗಮನಾರ್ಹ.

ಜೆಫ್ ಬೆಜೋಸ್ ಜುಲೈ 5ರಂದು ತಮ್ಮ ಸ್ಥಾನದಿಂದ ಕೆಳಗಿಳಿಯುವುದಾಗಿ ಘೋಷಿಸಿದ್ದಾರೆ. ನಿವೃತ್ತಿಯ ನಂತರ ತಮ್ಮ ಕಂಪನಿಯ ಮುಂದಿನ ಹಂತದ ಅಭಿವೃದ್ಧಿ ಯೋಜನೆಗಳತ್ತ ಗಮನ ಹರಿಸಲು ಉದ್ದೇಶಿಸಿರುವುದಾಗಿ ಅವರು ತಿಳಿಸಿದ್ದಾರೆ.

MOST READ: ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಇದೇ ವೇಳೆ ತಮ್ಮ ಬಾಲ್ಯದ ಕನಸಾಗಿರುವ ಬಾಹ್ಯಾಕಾಶ ಯಾತ್ರೆ ಶೀಘ್ರದಲ್ಲೇ ಸಾಕಾರಗೊಳ್ಳಲಿದೆ ಎಂದು ಅವರು ಹೇಳಿದ್ದಾರೆ. ಭವಿಷ್ಯದಲ್ಲಿ ಬಾಹ್ಯಾಕಾಶ ಪ್ರವಾಸೋದ್ಯಮ ಯೋಜನೆಯನ್ನು ಪರಿಚಯಿಸುವ ಪ್ರಯತ್ನಗಳನ್ನು ಅವರು ಈಗಾಗಲೇ ಆರಂಭಿಸಿದ್ದಾರೆ ಎಂದು ತಿಳಿದುಬಂದಿದೆ.

ಅವರು ಎರಡು ದಶಕಗಳ ಹಿಂದೆ ಬ್ಲೂ ಆರಿಜಿನ್ ಎಂಬ ಬಾಹ್ಯಾಕಾಶ ನೌಕೆ ತಯಾರಿಕಾ ಕಂಪನಿಯನ್ನು ಆರಂಭಿಸಿದ್ದರು ಎಂದು ತಿಳಿದುಬಂದಿದೆ. ಅವರು ಬಾಹ್ಯಾಕಾಶ ಪ್ರಯಾಣಕ್ಕಾಗಿ ತಮ್ಮ ಕಂಪನಿಯ ಮೊದಲ ಬಾಹ್ಯಾಕಾಶ ನೌಕೆಯಲ್ಲಿ ಪ್ರಯಾಣಿಸಲು ನಿರ್ಧರಿಸಿದ್ದಾರೆ.

MOST READ: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಈ ಬಾಹ್ಯಾಕಾಶ ನೌಕೆಯನ್ನು ಬ್ಲೂ ಆರಿಜಿನ್ ಅಭಿವೃದ್ಧಿಪಡಿಸಿದೆ. ತಮ್ಮ ಕಂಪನಿ ನಿರ್ಮಿಸುತ್ತಿರುವ ಬಾಹ್ಯಾಕಾಶ ನೌಕೆಯಲ್ಲಿ ಮೊದಲು ತಾವೇ ಪ್ರಯಾಣಿಸಲು ಅವರು ನಿರ್ಧರಿಸಿದ್ದಾರೆ.

ಮುಂದಿನ ತಿಂಗಳು 20ರಂದು ತಮ್ಮ ಸಹೋದರ ಹಾಗೂ ಮತ್ತೊಬ್ಬರೊಂದಿಗೆ ಈ ಬಾಹ್ಯಾಕಾಶ ಪ್ರಯಾಣವನ್ನು ಆರಂಭಿಸುವುದಾಗಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.

MOST READ: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಜೆಫ್ ಬೆಜೋಸ್ ಹಾಗೂ ಅವರ ಸಹೋದರ ಮಾರ್ಕ್ ಶೆಫರ್ಡ್ ಈ ನೌಕೆಯಲ್ಲಿ ಪ್ರಯಾಣ ಬೆಳೆಸಲಿದ್ದಾರೆ. ಈ ಪ್ರಯಾಣವು 10 ನಿಮಿಷಗಳ ಕಾಲ ಇರುತ್ತದೆ ಎಂದು ವರದಿಯಾಗಿದೆ. ಅವರು ಭೂಮಿಯ ವಾಯುಮಂಡಲ ಹಾಗೂ ಬಾಹ್ಯಾಕಾಶದ ನಡುವೆ ಇರುವ ಕಾರ್ಮೆನ್ ರೇಖೆಯಲ್ಲಿ ಸುಮಾರು 4 ನಿಮಿಷ ಕಳೆಯಲಿದ್ದಾರೆ.

ಜೆಫ್ ಬೆಜೋಸ್ ಹಾಗೂ ಅವರ ಸಹೋದರನನ್ನು ಹೊರತುಪಡಿಸಿ ಬಾಹ್ಯಾಕಾಶ ಯಾನ ಕೈಗೊಳ್ಳುವ ಮೂರನೇ ವ್ಯಕ್ತಿಗಾಗಿ ವಿಶ್ವಾದ್ಯಂತ ಹರಾಜು ಪ್ರಕ್ರಿಯೆ ನಡೆಸಲಾಗಿತ್ತು. ವಿಶ್ವದಾದ್ಯಂತ 6,000ಕ್ಕೂ ಹೆಚ್ಚು ಜನರು ಬಾಹ್ಯಾಕಾಶ ಯಾನಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ.

MOST READ: ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಈ ಪೈಕಿ ಒಬ್ಬರು 2.8 ಮಿಲಿಯನ್ ಡಾಲರ್ ಅಂದರೆ ಭಾರತದ ರೂಪಾಯಿ ಮೌಲ್ಯದಲ್ಲಿ ರೂ.20 ಕೋಟಿಗಳವರೆಗೆ ಬಿಡ್ ಮಾಡಿದ್ದಾರೆ ಎಂದು ವರದಿಯಾಗಿದೆ. ಜೆಫ್ ಬೆಜೋಸ್ ಹಾಗೂ ಅವರ ಸಹೋದರನ ಜೊತೆ ಬಾಹ್ಯಾಕಾಶ ಕೈಗೊಳ್ಳುವ ಮೂರನೇ ವ್ಯಕ್ತಿ ಯಾರು ಎಂಬುದು ಸದ್ಯದಲ್ಲಿಯೇ ತಿಳಿಯಲಿದೆ.