ಮರದಿಂದ ತಯಾರಾಯ್ತು ಟೊಯೊಟಾ ಫಾರ್ಚೂನರ್ ಲೆಜೆಂಡರ್ ಎಸ್‌ಯುವಿ ಮಾದರಿ

ಫಾರ್ಚೂನರ್‌ ಎಸ್‌ಯು‌ವಿಗೆ ಹೋಲಿಸಿದರೆ ಲೆಜೆಂಡರಿ ಆವೃತ್ತಿಯು ಒರಟು ನೋಟವನ್ನು ಹೊಂದಿದೆ. ಈ ಎಸ್‌ಯು‌ವಿಯಲ್ಲಿ ಹೆಚ್ಚುವರಿ ಪ್ರೀಮಿಯಂ ಅಂಶಗಳನ್ನು ಅಳವಡಿಸಲಾಗಿದೆ. ಲೆಜೆಂಡರ್ ಎಸ್‌ಯು‌ವಿಯು ತನ್ನದೇ ಆದ ಅಭಿಮಾನಿ ಬಳಗವನ್ನು ಹೊಂದಿದೆ.

ಟೊಯೊಟಾ ಫಾರ್ಚೂನರ್ ಲೆಜೆಂಡರ್ ಎಸ್‌ಯುವಿಯ ಅಭಿಮಾನಿಯೊಬ್ಬರು ಈ ಎಸ್‌ಯುವಿಯನ್ನು ಮರದಲ್ಲಿ ನಿರ್ಮಿಸಿದ್ದಾರೆ. ಮರದಲ್ಲಿ ನಿರ್ಮಿಸಿರುವ ಲೆಜೆಂಡರ್ ಎಸ್‌ಯುವಿಯ ಬಗೆಗಿನ ಮಾಹಿತಿಯನ್ನು ವುಡ್ ವರ್ಕಿಂಗ್ ಆರ್ಟ್ ಯೂಟ್ಯೂಬ್ ಚಾನೆಲ್‌ನಲ್ಲಿ ಅಪ್ ಲೋಡ್ ಮಾಡಲಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಫಾರ್ಚೂನರ್ ಲೆಜೆಂಡರ್ ಕಾರಿನ ಚಿತ್ರವನ್ನು ನೋಡುವ ಮೂಲಕ ಈ ವೀಡಿಯೊ ಆರಂಭವಾಗುತ್ತದೆ. ಕಾರು ತಯಾರಿಸಿರುವ ಕಲಾವಿದರು ಕಾರಿನ ಮುಂಭಾಗ, ಬದಿಹಾಗೂ ಹಿಂಭಾಗಕ್ಕಾಗಿ ಮೂರು ಮರದ ತುಂಡುಗಳನ್ನು ಕತ್ತರಿಸುತ್ತಾರೆ.

ಅಗತ್ಯವಿರುವಷ್ಟು ಮರವನ್ನು ಗರಗಸದ ಸಹಾಯದಿಂದ ಕತ್ತರಿಸಿ ಕಾರಿನ ಬದಿಯ ಭಾಗವನ್ನು ವಿನ್ಯಾಸಗೊಳಿಸಲಾಗುತ್ತದೆ. ಮೊದಲು ಡೋರುಗಳಿಲ್ಲದ ಕಾರಿನ ಸೈಡ್ ಭಾಗಗಳನ್ನು ರಚಿಸಲಾಗುತ್ತದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ನಂತರ ಡೋರ್ ಹಾಗೂ ವ್ಹೀಲ್ ಆರ್ಕ್'ಗಳನ್ನು ಹೆಚ್ಚುವರಿ ಮರದ ತುಂಡುಗಳಲ್ಲಿ ತಯಾರಿಸಲಾಗುತ್ತದೆ. ಇದಾದ ನಂತರ ಪ್ರತ್ಯೇಕವಾಗಿ ಕತ್ತರಿಸಿದ ಮರಗಳನ್ನು ಪಕ್ಕದ ಮರಗಳ ಮುಂಭಾಗ ಹಾಗೂ ಹಿಂಭಾಗದಲ್ಲಿಡಲಾಗುತ್ತದೆ.

ಈ ಕಲಾವಿದ ಕಾರಿನ ಹೊರಭಾಗವನ್ನು ವಿನ್ಯಾಸಗೊಳಿಸಲು ಕೆಲವು ಸಾಧನಗಳನ್ನು ಬಳಸಿದರೂ ಕಾರಿನ ಇಂಟಿರಿಯರ್ ಅನ್ನು ಕೈಯಿಂದ ಕೆತ್ತಿದ್ದಾನೆ. ಇಂಟಿರಿಯರ್ ಕೆಲಸ ಮುಗಿದ ನಂತರ ಈ ಮರದ ಕಾರಿನ ಮೇಲ್ ರೂಫ್ ಅನ್ನು ವಿನ್ಯಾಸಗೊಳಿಸಲಾಗುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಡೋರ್, ಬಾನೆಟ್ ಹಾಗೂ ಬೂಟ್ ಜಾಗವನ್ನು ತಯಾರಿಸಲು ಕಾರಿನ ವಿನ್ಯಾಸದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ. ಚಿತ್ರದಲ್ಲಿರುವ ಲೆಜೆಂಡರ್ ಕಾರು ಹಾಗೂ ಈ ಮರದ ಲೆಜೆಂಡರ್ ಕಾರುಗಳಲ್ಲಿ ಸ್ವಲ್ಪ ವ್ಯತ್ಯಾಸವಿರುವುದನ್ನು ಗಮನಿಸಬಹುದು.

ವಿಂಡೋಗಳಲ್ಲಿರುವ ಗಾಜಿನಂತೆ ವಿನ್ಯಾಸಗೊಳಿಸಲು ವಿಂಡೋಗಳನ್ನು ಕಪ್ಪು ಬಣ್ಣದಿಂದ ಚಿತ್ರಿಸಲಾಗಿದೆ. ಹೆಡ್‌ಲೈಟ್‌ ಹಾಗೂ ಟೇಲ್‌ಲೈಟ್‌ಗಳಿಗೆ ಅವುಗಳನ್ನು ಹೊಂದಿಸಲು ಬಣ್ಣಗಳನ್ನು ಸಹ ನೀಡಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಮರದ ಕಾರಿನ ಮುಂಭಾಗದ ಬಂಪರ್, ಹೆಡ್‌ಲ್ಯಾಂಪ್‌, ಗ್ರಿಲ್ ಹಾಗೂ ಎಂಜಿನ್ ಭಾಗವನ್ನು ಸಹ ಮರದಿಂದ ಕೆತ್ತನೆ ಮಾಡಲಾಗಿದೆ. ಈ ಮರದ ಕಾರಿನ ವ್ಹೀಲ್'ಗಳನ್ನು ಸಹ ಮರದಿಂದಲೇ ವಿನ್ಯಾಸಗೊಳಿಸಲಾಗಿದೆ ಎಂಬುದು ಗಮನಾರ್ಹ.

ಟಯರ್‌ಗಳಿಗಾಗಿ ದುಂಡಾದ ಲಾಗ್‌ಗಳ ಹೊರ ಮೇಲ್ಮೈಯನ್ನು ಸಣ್ಣ ಗ್ರಿಡ್‌ಗಳಾಗಿ ವಿಂಗಡಿಸಲಾಗಿದೆ. ಈ ಕಲಾವಿದರು ಲೆಜೆಂಡರ್‌ ಎಸ್‌ಯುವಿಯಲ್ಲಿರುವಂತೆಯೇ ಅಲಾಯ್ ವ್ಹೀಲ್'ಗಳನ್ನು ವಿನ್ಯಾಸಗೊಳಿಸಿದ್ದಾರೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಮರದ ಲೆಜೆಂಡರ್ ಎಸ್‌ಯುವಿಯ ಮುಂಭಾಗ ಹಾಗೂ ಹಿಂಭಾಗದಲ್ಲಿ ಸಸ್ಪೆಂಷನ್ ಸಿಸ್ಟಂ ನೀಡಲಾಗಿದೆ ಎಂದು ಹೇಳಲಾಗಿದೆ. ಈ ಮರದ ಲೆಜೆಂಡರ್ ಎಸ್‌ಯುವಿಯ ಇಂಟಿರಿಯರ್'ನಲ್ಲಿ ಮೂರು ಸಾಲಿನ ಸೀಟುಗಳನ್ನು ನೀಡಲಾಗಿದೆ.

ಚಿತ್ರಕೃಪೆ: ವುಡ್ ವರ್ಕಿಂಗ್ ಆರ್ಟ್