Just In
- 13 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 14 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 14 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 16 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- Technology ಇಂದು ಮತ್ತೆ ಮೊಟೊರೊಲಾ ಎಡ್ಜ್ 50 ಪ್ರೊ ಫೋನಿನ ಸ್ಪೆಷಲ್ ಸೇಲ್!..ಡಿಸ್ಕೌಂಟ್ ಎಷ್ಟು?
- News ಐತಿಹಾಸಿಕ ಪ್ರಸಿದ್ಧ ವದ್ದಿಕೆರೆ ಸಿದ್ದಪ್ಪನ ಬಗ್ಗೆ ನಿಮಗೆಷ್ಟು ಗೊತ್ತು?-ಇಲ್ಲಿದೆ ಸಂಪೂರ್ಣ ವಿವರ
- Sports PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ?
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಳಕೆಗೆ ಸಿದ್ದವಾಯ್ತು ಏಷ್ಯಾದ ಅತಿ ಉದ್ದದ ಹೈಸ್ಪೀಡ್ ಟೆಸ್ಟ್ ಟ್ರ್ಯಾಕ್
ಕೇಂದ್ರ ಕೈಗಾರಿಕೆ ಹಾಗೂ ಸಾರ್ವಜನಿಕ ಉದ್ಯಮಗಳ ಸಚಿವರಾದ ಪ್ರಕಾಶ್ ಜಾವಡೇಕರ್ ವರ್ಚುವಲ್ ಸಮಾರಂಭದ ಮೂಲಕ ಇಂದೋರ್ನ ಪಿತಾಂಪುರದಲ್ಲಿರುವ ಏಷ್ಯಾದ ಅತಿ ಉದ್ದದ ಹೈಸ್ಪೀಡ್ ಟೆಸ್ಟ್ ಟ್ರ್ಯಾಕ್ ಅನ್ನು ಉದ್ಘಾಟಿಸಿದರು.
ಈ ಟೆಸ್ಟ್ ಟ್ರ್ಯಾಕ್ ಅನ್ನು ನ್ಯಾಷನಲ್ ಆಟೋಮೋಟಿವ್ ಟೆಸ್ಟ್ ಟ್ರ್ಯಾಕ್ (ನ್ಯಾಟ್ರಾಕ್ಸ್) ಅಭಿವೃದ್ಧಿಪಡಿಸಿದೆ. ಈ ಹೈಸ್ಪೀಡ್ ಟೆಸ್ಟ್ ಟ್ರ್ಯಾಕ್ನಲ್ಲಿ ಎಲ್ಲಾ ರೀತಿಯ ವಾಹನಗಳನ್ನು ಪರೀಕ್ಷಿಸಲು ವಿಶ್ವ ದರ್ಜೆಯ ಸೌಲಭ್ಯವನ್ನು ಒದಗಿಸಲಾಗಿದೆ.
ಹೊಸ ಹೈಸ್ಪೀಡ್ ಟೆಸ್ಟ್ ಟ್ರ್ಯಾಕ್ 11.3 ಕಿ.ಮೀ ಉದ್ದ ಹಾಗೂ 16 ಮೀಟರ್ ಅಗಲದ ನಾಲ್ಕು ಪಥಗಳನ್ನು ಹೊಂದಿದೆ. ಈ ಟ್ರ್ಯಾಕ್ ಏಷ್ಯಾದ ಅತಿ ಉದ್ದದ ಟ್ರ್ಯಾಕ್ ಹಾಗೂ ವಿಶ್ವದ ಐದನೇ ಅತಿ ಉದ್ದದ ಟ್ರ್ಯಾಕ್ ಆಗಿದೆ.
ಭಾರತದಲ್ಲಿಯೇ ವಾಹನ ಕಂಪನಿಗಳಿಗೆ ವಾಹನಗಳನ್ನು ಪರೀಕ್ಷಿಸಲು ಎಲ್ಲಾ ಸೌಲಭ್ಯಗಳನ್ನು ಒದಗಿಸುವ ಉದ್ದೇಶದಿಂದ ಈ ಟೆಸ್ಟ್ ಟ್ರ್ಯಾಕ್ ಅನ್ನು ನಿರ್ಮಿಸಲಾಗಿದೆ. ಈ ಟ್ರ್ಯಾಕ್ ಆರಂಭವಾಗುವುದರಿಂದ ಇನ್ನು ಮುಂದೆ ಭಾರತದಲ್ಲಿರುವ ಆಟೋಮೊಬೈಲ್ ಕಂಪನಿಗಳು ದೇಶದಲ್ಲಿಯೇ ವಾಹನಗಳ ವಿಶ್ವ ದರ್ಜೆಯ ಪರೀಕ್ಷೆ ಮಾಡಲು ಸಾಧ್ಯವಾಗಲಿದೆ.
ಈ ಟೆಸ್ಟ್ ಟ್ರ್ಯಾಕ್ನಲ್ಲಿ ಗಂಟೆಗೆ 250 ಕಿ.ಮೀ ವೇಗದಲ್ಲಿ ಹಾಗೂ ಕರ್ಬ್ ಪ್ಯಾಚ್ನಲ್ಲಿ ಗಂಟೆಗೆ 375 ಕಿ.ಮೀ ವೇಗದಲ್ಲಿ ವಾಹನಗಳನ್ನು ಪರೀಕ್ಷಿಸಬಹುದು. ನೇರ ಟ್ರ್ಯಾಕ್ನಲ್ಲಿ ಗರಿಷ್ಠ ವೇಗಕ್ಕೆ ಯಾವುದೇ ಮಿತಿಯಿಲ್ಲ.
ಈ ಟ್ರ್ಯಾಕ್ 0%ನಷ್ಟು ರೇಖಾಂಶದ ಇಳಿಜಾರನ್ನು ಹೊಂದಿದ್ದು, ವಾಹನಗಳ ನಿಖರ ಪರೀಕ್ಷೆಗೆ ಸೂಕ್ತವಾಗಿದೆ. ಈ ಹೈಸ್ಪೀಡ್ ಟೆಸ್ಟ್ ಟ್ರ್ಯಾಕ್ ವಾಹನದ ಗರಿಷ್ಠ ವೇಗ, ವೇಗವರ್ಧನೆ, ಇಂಧನ ಬಳಕೆ, ಹೆಚ್ಚಿನ ವೇಗ ನಿರ್ವಹಣೆ, ನಿಯಂತ್ರಣದಂತಹ ಪರೀಕ್ಷೆಗಳನ್ನು ಹೊಂದಿದೆ.
ಎಲ್ಲಾ ರೀತಿಯ ವಾಹನಗಳ ಪರೀಕ್ಷೆಗಾಗಿ ನ್ಯಾಟ್ರಾಕ್ಸ್ ಹೈ ಸ್ಪೀಡ್ ಟೆಸ್ಟ್ ಟ್ರ್ಯಾಕ್ ತೆರೆಯಲಾಗಿದೆ. ವಾಹನ ಬಿಡುಗಡೆ, ಸೂಪರ್ಕಾರ್ ರೇಸಿಂಗ್ ಹಾಗೂ ಡೀಲರ್ ಈವೆಂಟ್ಗಳಿಗೆ ಈ ಟ್ರ್ಯಾಕ್ ಲಭ್ಯವಾಗಲಿದೆ.
ಪ್ರಪಂಚದಾದ್ಯಂತವಿರುವ ಆಟೋಮೊಬೈಲ್ ಕಂಪನಿಗಳು ಈ ಟೆಸ್ಟ್ ಟ್ರ್ಯಾಕ್ ಬಗ್ಗೆ ಉತ್ಸುಕವಾಗಿವೆ. ನ್ಯಾಟ್ರಾಕ್ಸ್ ಪ್ರಕಾರ ಫೋಕ್ಸ್ವ್ಯಾಗನ್, ಎಫ್ಸಿಎ, ರೆನಾಲ್ಟ್, ಪಿಯಾಜಿಯೊ ಹಾಗೂ ಲ್ಯಾಂಬೊರ್ಗಿನಿ ಸೇರಿದಂತೆ ಹಲವು ಕಂಪನಿಗಳು ಈ ಟ್ರ್ಯಾಕ್ ಬಳಸಲು ಮುಂದಾಗಿವೆ.
ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್, ಈ ಟ್ರ್ಯಾಕ್ ನಿರ್ಮಾಣದ ಉದ್ದೇಶ ಭಾರತೀಯ ಕಂಪನಿಗಳನ್ನು ತಮ್ಮ ಅಗತ್ಯಗಳಿಗಾಗಿ ಸ್ವಾವಲಂಬಿಗಳನ್ನಾಗಿ ಮಾಡುವುದು ಎಂದು ಹೇಳಿದರು.
ಈ ಮೊದಲು ಭಾರತದ ವಾಹನ ತಯಾರಕ ಕಂಪನಿಗಳು ತಮ್ಮ ವಾಹನಗಳನ್ನು ಪರೀಕ್ಷಿಸಲು ಯುರೋಪ್ ಹಾಗೂ ಅಮೆರಿಕಾ ದೇಶಗಳನ್ನು ಅವಲಂಬಿಸಬೇಕಾಗಿತ್ತು. ಇನ್ನು ಮುಂದೆ ಕಂಪನಿಗಳು ಭಾರತದಲ್ಲಿಯೇ ವಾಹನಗಳನ್ನು ಪರೀಕ್ಷಿಸಲು ಸಾಧ್ಯವಾಗಲಿದೆ.
ಇದರಿಂದ ಹೊಸ ವಾಹನಗಳನ್ನು ಅಭಿವೃದ್ಧಿಪಡಿಸುವ ಸಮಯ ಉಳಿಯಲಿದೆ. ನ್ಯಾಟ್ರಾಕ್ಸ್ ನಿರ್ಮಿಸಿರುವ ಈ ಟ್ರ್ಯಾಕ್ ಮಧ್ಯಪ್ರದೇಶದ ರಾಜಧಾನಿ ಇಂದೋರ್ನಿಂದ 50 ಕಿ.ಮೀ ದೂರದಲ್ಲಿರುವ ಪಿತಾಂಪುರದಲ್ಲಿದೆ. ವಿಶ್ವ ದರ್ಜೆಯ ಸೌಲಭ್ಯಗಳನ್ನು ಹೊಂದಿರುವ ಈ ಟ್ರ್ಯಾಕ್ ಅನ್ನು 3,000 ಎಕರೆ ಪ್ರದೇಶದಲ್ಲಿ ಅಭಿವೃದ್ಧಿಪಡಿಸಲಾಗಿದೆ.