ಕಾರಿಗಿಂತಲೂ ದುಬಾರಿ ಸೈಕಲ್ ನೋಡಲು ಬನ್ನಿ!

ಆಡಿ ಸ್ಪೋರ್ಟ್ ರೇಸಿಂಗ್ ಬೈಕ್ ಸರಿ ಸುಮಾರು 12.28 ಲಕ್ಷ ರು.ಗಳಷ್ಟು (USD 19,450) ಬೆಲೆ ಬರುತ್ತದೆ. ಹ್ಹಾಂ! ಹೋಂಡಾ ಸಿಟಿ ಕಾರಿನ ಬೆಲೆ ಇದಕ್ಕಿಂತಲೂ ಕಡಿಮೆಯಲ್ಲವೇ?

ಅಲ್ಟ್ರಾ ಲೈಟ್ ವೇಟ್ ಕಾರ್ಬನ್ ಫೈಬರ್ ಫ್ರೇಮ್ ನಿಂದ ಇದನ್ನು ರಚಿಸಲಾಗಿದ್ದು, ಬರಿ 790 ಗ್ರಾಂಗಳಷ್ಟು ತೂಕವಿದೆ. ಇವುಗಳಿಗೆ ಚಕ್ರಗಳನ್ನು ಜೋಡಣೆ ಮಾಡಿದಾಗಲೂ ಇದರ ಒಟ್ಟಾರೆ ಭಾರ 5.8 ಕೆ.ಜಿ ಮಾತ್ರವಾಗುತ್ತದೆ.

ಇದರ ವಿಶೇಷವೆಂದರೆ ಸೀಮಿತ 50 ಯುನಿಟ್ ಗಳಷ್ಟು ಮಾತ್ರ ನಿರ್ಮಾಣವಾಗಲಿದೆ. ಅದು ಕೂಡಾ ಯಾರಾದರೂ ಆಸಕ್ತಿ ವ್ಯಕ್ತಪಡಿಸಿದರೆ ಮಾತ್ರ.

ಈ ಹಗುರ ಭಾರದ ಸೈಕಲ್ ರಚಿಸಲು ಜರ್ಮನಿಯ ಲೈಟ್ ವೇಟ್ ಸಂಸ್ಥೆಯೊಂದಿಗೆ ಆಡಿ ಕೈಜೋಡಿಸಿಕೊಂಡಿತ್ತು. ಅಲ್ಲದೆ ಕ್ರೀಡಾ ಕಾರುಗಳಲ್ಲಿ ಬಳಕೆಯಾಗುವ ಕಾರ್ಬನ್ ಪರಿಕರಗಳನ್ನು ಇದರಲ್ಲಿ ಬಳಕೆ ಮಾಡಲಾಗಿದೆ.

ಅಷ್ಟೇ ಅಲ್ಲದೆ ಡ್ಯುರಾ ಏಸ್ ಡಿಐ2 ಡಿಜಿಟಲ್ ಶಿಫ್ಟಿಂಗ್ ಸಿಸ್ಟಂ, ಡ್ಯುರಾ ಏಸ್ ಬ್ರೇಕ್, ಶಿಮಾನೊ ಡ್ಯೂರಾ ಏಸ್ ಪಿಡಿ-9000 ಪೆಡಲ್ ಮತ್ತು ಶೆಲ್ಲೆ ಇಟಲಿಯಾ ಎಸ್ ಎಲ್ ಆರ್ ಕಿಟ್ ಬಳಕೆ ಮಾಡಲಾಗಿದೆ.