ವೇಲ್ಸ್ ಗಣಿಯಲ್ಲಿ ನಿಗೂಢ ಕಾರುಗಳ ಅವಶೇಷಗಳು ಪತ್ತೆ

ಹಳೆಯ ಕಾರುಗಳ ಬಿಡಿಭಾಗಗಳನ್ನು ಹುಡುಕಾಡುತ್ತಿರುವ ವಾಹನ ಪ್ರೇಮಿಗಳು ಬ್ರಿಟನ್ ನ ವೇಲ್ಸ್ ನಲ್ಲಿ ಸ್ಥಿತಗೊಂಡಿರುವ ಗಣಿಗೊಮ್ಮೆ ಭೇಟಿ ಕೊಟ್ಟರೆ ಸಾಕು. ಇಲ್ಲಿ ಪಾಳು ಬಿದ್ದಿರುವ ಚಿತ್ತಾಕರ್ಷಕ ಕಾರುಗಳು ನಿಮ್ಮನ್ನು ಮೈ ಬೀಸಿ ಕರೆಯಲಿದೆ.

ಇಲ್ಲಿನ ನಿಗೂಢ ಪ್ರದೇಶಕ್ಕೆ ಭೇಟಿ ಕೊಡುವ ಜನರ ಸಂಖ್ಯೆ ಅತ್ಯಂತ ವಿರಳವಾಗಿದೆ. ಈ ನಡುವೆ ಸಾಹಸ ಯಾತ್ರೆ ಕೈಗೊಂಡಿರುವ ಅರ್ಬನ್ ಎಕ್ಸ್ ಪ್ಲೋರರ್ ತಂಡವೀಗ ರಹಸ್ಯವನ್ನು ಹೊರ ಜಗತ್ತಿಗೆ ಬಿಚ್ಚಿಡುವಲ್ಲಿ ಯಶಸ್ವಿಯಾಗಿದೆ.

ಸುಮಾರು 200 ಅಡಿಯಷ್ಟು ಆಳದಲ್ಲಿ ಈ ಗಣಿ ಪ್ರದೇಶ ನೆಲೆ ಗೊಂಡಿದ್ದು, ಹಗ್ಗದ ನೆರವಿನೊಂದಿಗೆ ಕೆಳಗಡೆ ಇಳಿಯಬೇಕಾಗುತ್ತದೆ.

1960ರಲ್ಲಿ ಇಲ್ಲಿನ ಗಣಿಗಾರಿಕೆಗೆ ಮಟ್ಟ ಹಾಕಲಾಗಿತ್ತು. ತಜ್ಞರ ಪ್ರಕಾರ 1830ರ ದಶಕದಿಂದಲೇ ಇಲ್ಲಿ ಗಣಿಗಾರಿಕೆ ಕೆಲಸವನ್ನು ಆರಂಭಿಸಲಾಗಿತ್ತು.

ಅಂದ ಹಾಗೆ 50 ವರ್ಷಕ್ಕೂ ಹಳೆಯದಾದ ಕಾರುಗಳನ್ನು ಇಲ್ಲಿ ಪತ್ತೆ ಹಚ್ಚಲಾಗಿದೆ. ಕೆಳಗಡೆಯ ಪ್ರದೇಶವೂ ದೊಡ್ಡದಾದ ಗುಹೆಯಂತಿದ್ದು, ಮತ್ತಷ್ಟು ನಿಗೂಢತೆಗೆ ಸಾಕ್ಷಿಯಾಗಿದೆ.

ತಳಮಟ್ಟದಲ್ಲಿ ಸಂಶೋಧನೆ ನಡೆಸುವುದು ಸುರಕ್ಷಿತವಲ್ಲ. ಯಾಕೆಂದರೆ ಎರಡು ಕಡೆಗಳಿಂದಲೂ ಕಾರಿನ ಅವಶೇಷಗಳು ಒಂದೊಂದಾಗಿ ಧರಾಶಾಯಿಯಾಗುತ್ತಿದೆ.

ಹಲವಾರು ರಹಸ್ಯಗಳನ್ನು ಬಚ್ಚಿಟ್ಟಿರುವ ಇಲ್ಲಿನ ಪರ್ವತರೂಢ ಗಣಿ ಪ್ರದೇಶವು ಅನೇಕ ಕುತೂಹಲಗಳಿಗೆ ಕಾರಣವಾಗಿದ್ದು, ಈಗಲೂ ನಿಗೂಢತೆ ಕಾಪಾಡಿಕೊಂಡಿದೆ.

ಇಲ್ಲಿನ ಅಸಾಮಾನ್ಯ ಪರ್ವತದ ಬಗ್ಗೆ ಸುದ್ದಿ ಹರಿದಾಡುತ್ತಿದ್ದಂತೆಯೇ ಇತಿಹಾಸ ತಜ್ಞರ ದಂಡೇ ಸವಾಲನ್ನು ಸ್ವೀಕರಿಸಲು ಸಜ್ಜಾಗಿ ನಿಂತಿದೆ.

ಒಟ್ಟಿನಲ್ಲಿ ಕತ್ತಲೆಯ ಕಾರ್ಮೋಡದ ನಡುವೆಯೂ ಇಲ್ಲಿನ ರಹಸ್ಯ ಬೇಧಿಸಲು ಹೊರಟಿರುವ ತಂಡದ ಸಾಹಸಗಾಥೆಗೆ ಶಭಾಷ್ ಹೇಳಲೇ ಬೇಕು.

01. ಬೆಲ್ಜಿಯಂ ದಟ್ಟಾರಣ್ಯದಲ್ಲಿ 70 ವರ್ಷಕ್ಕೂ ಹಳೆಯ ಕಾರು ಸ್ಮಶಾನ

02. ಜಪಾನ್ ಅಣು ದುರಂತ ಪ್ರದೇಶದ ಬೆಚ್ಚಿ ಬೀಳಿಸುವ ಸತ್ಯಗಳು