ಧಗಧಗನೆ ಹೊತ್ತಿ ಉರಿದ ಸೂಪರ್ ಕಾರುಗಳು

ಟ್ರಕ್‌ವೊಂದರಲ್ಲಿ ಸಾಗಿಸುತ್ತಿದ್ದ ಹೊಚ್ಚ ಹೊಸತಾದ ಫೆರಾರಿ ಎಫ್‌430 ಸ್ಕುಡೆರಿಯಾ, ಬೆಂಟ್ಲಿ ಕಾಂಟಿನೆಂಟಲ್ ಫ್ಲೈಯಿಂಗ್ ಸ್ಪರ್, ಲಂಬೋರ್ಗಿನಿ ಮರ್ಸಿಲ್ಯಾಗೊ ಮತ್ತು ಬಿಎಂಡಬ್ಲ್ಯು ಎಕ್ಸ್6 ಸೂಪರ್ ಕಾರುಗಳಿಗೆ ಸಂಭವಿಸಿರುವ ಬೆಂಕಿ ಆಕಸ್ಮಿಕದಿಂದಾಗಿ ಎಲ್ಲ ಸೂಪರ್ ಕಾರುಗಳು ಸುಟ್ಟು ಕರಕಲಾಗಿದೆ.

ಇನ್ನೇನು ರಕ್ಷಣಾ ಕಾರ್ಯಾಚರಣೆ ಆರಂಭಿಸುವಷ್ಟರಲ್ಲಿ ಬೆಂಕಿ ಸಂಪೂರ್ಣವಾಗಿ ವಾಹನಗಳನ್ನು ಆವರಿಸಿಕೊಂಡಿತ್ತು. ಪರಿಣಾಮವೆಂಬಂತೆ ಎಲ್ಲ ಸೂಪರ್ ಕಾರುಗಳು ಬೆಂಕಿಗೆ ಆಹುತಿಯಾಗಿದೆ.

ನಿಮ್ಮ ಮಾಹಿತಿಗಾಗಿ ಫೆರಾರಿ ಎಫ್430 ಮಾದರಿಯನ್ನು ಮೊದಲ ಬಾರಿಗೆ ಎಫ್1 ಜೀವಂತ ದಂತಕಥೆ ಮೈಕಲ್ ಶುಮೇಕರ್, 2007ರಲ್ಲಿ ಮೊದಲ ಬಾರಿಗೆ ಅನಾವರಣಗೊಳಿಸಿದ್ದರು.

ಇನ್ನೊಂದೆಡೆ ಇಟಲಿಯ ಸೂಪರ್ ಕಾರಾಗಿರುವ ಲಂಬೋರ್ಗಿನಿ ಮರ್ಸಿಲ್ಯಾಗೊ ಜಗತ್ತಿನಾದ್ಯಂತ ಹೆಚ್ಚು ಹೆಸರು ಮಾಡಿದೆ. ಅದೇ ರೀತಿ ಅತಿ ಉದ್ದದ ವೀಲ್ ಬೇಸ್ ಹೊಂದಿರುವ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಫ್ಲೈಯಿಂಗ್ ಸ್ಪರ್, ಎರಡು ಬಾಗಿಲುಗಳ ವಿನ್ಯಾಸ ಹೊಂದಿದೆ.

ಸದ್ಯ ಸ್ಥಳೀಯ ಪೊಲೀಸರು ಪ್ರಕರಣವನ್ನು ಕೈಗೆತ್ತಿಕೊಂಡಿರುವ ಬೆಂಕಿ ಹೊತ್ತಿಕೊಂಡಿರುವ ಹಿಂದಿನ ಕಾರಣವನ್ನು ಶೋಧಿಸುತ್ತಿದ್ದಾರೆ.

ಒಟ್ಟಿನಲ್ಲಿ ಈ ಎಲ್ಲ ಸೂಪರ್ ಕಾರುಗಳ ಭಸ್ಮದಿಂದಾಗಿ ಕೋಟಿಗಟ್ಟಲೆ ರುಪಾಯಿಗಳ ನಷ್ಟ ಅಂದಾಜಿಸಲಾಗಿದೆ.