ಮುಖೇಶ್ ಅಂಬಾನಿ ಶತಕೋಟಿ ಅರಮನೆಯೊಳಗೆ ಇಣುಕು ನೋಟ

27 ಮಹಡಿಯಷ್ಟು ಬೆಳೆದು ನಿಂತಿರುವ ಅಂಬಾರಿ ಅಂಟಿಲಿಯಾ ಕಟ್ಟಡವನ್ನು ಅಟ್ಲಾಂಟಿಕಾ ಸಾಗರದ ಪೌರಾಣಿಕ ಹಿನ್ನೆಲೆಯ ದ್ವೀಪ 'ಅಂಟಿಲಿಯಾ' ಹೆಸರನ್ನಿಡಲಾಗಿದೆ.

ಇಲ್ಲಿ ಆರು ಅಂತಸ್ತಿನ ನೆಲಮಾಳಿಗೆ ವಾಹನ ನಿಲುಗಡೆಗಾಗಿ ನಿರ್ಮಿಸಲಾಗಿದೆ. ಈ ಸುಸ್ಸಜಿತ ಕಟ್ಟಡದಲ್ಲಿ 160 ವಾಹನಗಳನ್ನು ನಿಲ್ಲಿಸಲು ಅವಕಾಶ ಕಲ್ಪಿಸಿಕೊಡಲಾಗಿದೆ.

ಮನೆಯಲ್ಲಿ ದೈನಂದಿನ ನಿರ್ವಹಣೆಗಾಗಿ 600ರಷ್ಟು ನೌಕರರನ್ನು ನೇಮಕ ಮಾಡಲಾಗಿದೆ. ಇವರ ವಾಸ್ತವ್ಯಕ್ಕೂ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ.

ಕಟ್ಟಡದ ಮೇಲ್ಬಾಗದಲ್ಲಿ ಮೂರು ಹೆಲಿ ಪ್ಯಾಡ್ ಗಳಿದ್ದು, ಸದಾ ಪ್ರವಾಸದಲ್ಲಿರುವ ಅಂಬಾನಿ ತಮಗೆ ಬೇಕಾದಾಗ ಬಂದು ಹೋಗಲಿದ್ದಾರೆ.

ಇದರ ಹೊರತಾಗಿ ಭೋಜನಾಲಯ, ವಿಶ್ರಾಂತಿ ಕೊಠಡಿ, ವಿಶಾಲವಾದ ಜಿಮ್, ಆತಿಥಿ ಕೊಠಡಿ, ನೃತ್ಯ ಸ್ಟುಡಿಯೋ, ಆರೋಗ್ಯ ಕ್ಲಬ್, ಈಜು ಕೊಳ ಇತ್ಯಾದಿ ವ್ಯವಸ್ಥೆಗಳಿರಲಿದೆ.

ಎಂಟು ರಿಕ್ಟರ್ ಪ್ರಮಾಣದ ಪ್ರಬಲವಾದ ಭೂಕಂಪವನ್ನು ತಡೆಯುವ ಸಾಮರ್ಥ್ಯ ಹೊಂದಿರುವ ಈ ಅರಮನೆಯನ್ನು ಶಿಕಾಗೊ ಮೂಲದ ವಾಸ್ತುಶಿಲ್ಪಿಗಳು ವಿನ್ಯಾಸಗೊಳಿಸಿದ್ದಾರೆ. ಅಲ್ಲದೆ ಕಟ್ಟಡದೊಳಗೆ ಬಳಸಲಾಗಿರುವ ಸಸ್ಯಗಳು ಹೆಚ್ಚು ತಂಪಾದ ವಾತಾವರಣ ನೀಡಲಿದೆ.

ಮುಂಬೈ ಸಮುದ್ರ ತಟದಲ್ಲಿ ಸ್ಥಿತಗೊಂಡಿರುವ ಅಂಬಾನಿ ಕಟ್ಟಡದಲ್ಲಿ ಸಾಗರ ವೀಕ್ಷಣೆಗಾಗಿ ಮೇಲ್ಚಾವಣಿ, ವಿಶೇಷ ಕೊಠಡಿಗಳು ಹಾಗೂ 50 ಮಂದಿಗೆ ಕುಳಿತುಕೊಂಡು ವೀಕ್ಷಿಸಬಹುದಾದ ಸಿನೆಮಾ ಮಂದಿರಗಳು ಇವೆ.

ಮುಂಬೈನ ಅಲ್ಟಮೌಂಟ್ ರಸ್ತೆಯಲ್ಲಿ ಸ್ಥಿತಗೊಂಡಿರುವ ಇಲ್ಲಿನ ಬಂಗಲೆಯಲ್ಲಿ ಮುಖೇಶ್ ಅವರು ಪತ್ನಿ ನೀತಾ ಅಂಬಾನಿ ಹಾಗೂ ಮಕ್ಕಳಾದ ಅನಂತ್, ಆಕಾಶ್ ಮತ್ತು ಇಶಾ ಜೊತೆ ವಾಸಿಸುತ್ತಾರೆ. ಇತಿಹಾಸ ಪುಟ ಸೇರಿರುವ ಅಂಟಿಲಿಯಾ ಮನೆ ನಾಲ್ಕು ಲಕ್ಷ ಚದರ ಅಡಿಯಷ್ಟು ವಿಸ್ತಾರವಾಗಿ ಹರಡಿದೆ.

ಫಾಲ್ಕನ್ 900 ಇಎಕ್ಸ್

ಕೇವಲ ಐಷಾರಾಮಿ ಕಾರುಗಳು ಮಾತ್ರವಲ್ಲದೆ ದುಬಾರಿ ಖಾಸಗಿ ವಿಮಾನಗಳನ್ನು ಮುಖೇಶ್ ಹೊಂದಿದ್ದಾರೆ. ಇದರಲ್ಲಿ ಫಾಲ್ಕನ್ 900 ಇಎಕ್ಸ್ ಒಂದಾಗಿದೆ.

ಫಾಲ್ಕನ್ 900 ಇಎಕ್ಸ್

ಪ್ರಸ್ತುತ ಫಾಲ್ಕನ್ 900 ಇಎಕ್ಸ್ ವಿಮಾನದಲ್ಲಿ ಕಚೇರಿ ವ್ಯವಸ್ಥೆಗಳಿದ್ದು, ತಮ್ಮ ಪ್ರಯಾಣದ ವೇಳೆಯಲ್ಲೇ ವಾಣಿಜ್ಯ ವ್ಯವಹಾರಗಳನ್ನು ಮುಂದುವರಿಸಬಹುದಾಗಿದೆ. ಅಂತೆಯೇ ಮನರಂಜನೆಗಾಗಿ ಮ್ಯೂಸಿಕ್ ಸಿಸ್ಟಂ ಹಾಗೂ ಸ್ಯಾಟಲೈಟ್ ಟೆಲಿವಿಷನ್ ಹಾಗೂ ವೈರಲೆಸ್ ಸಂಪರ್ಕದಂತಹ ಅತ್ಯಾಧುನಿಕ ವ್ಯವಸ್ಥೆಗಳಿವೆ.

ಬೋಯಿಂಗ್ ಬ್ಯುಸಿನೆಸ್ ಜೆಟ್ 2

ಮುಖೇಶ್ ಅಂಬಾನಿ ಅವರು ಬೋಯಿಂಗ್ ಬ್ಯುಸಿನೆಸ್ ಜೆಟ್ 2 ವಿಮಾನದ ಒಡೆಯ ಕೂಡಾ ಆಗಿದ್ದು, ತಮ್ಮ ಖಾಸಗಿ ಕಾರ್ಯಕ್ರಮಗಳನ್ನು ಇದರಲ್ಲೇ ಆಯೋಜಿಸಬಹುದಾಗಿದೆ. ಯಾಕೆಂದರೆ 78 ಪ್ರಯಾಣಿಕರಿಗೆ ಸಂಚರಿಸುವಷ್ಟು ಸಾಮರ್ಥ್ಯ ಇದು ಹೊಂದಿದೆ.

ಏರ್ ಬಸ್ 319

2007ರಲ್ಲಿ ಧರ್ಮಪತ್ನಿ ನೀತಾ ಅವರ 44ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಏರ್ ಬಸ್ 319 ಉಡುಗೊರೆಯಾಗಿ ನೀಡಿದ್ದ ಅಂಬಾನಿ, ತಮ್ಮ ಲಗ್ಷುರಿ ಪಯಣಕ್ಕೆ ಮಗದೊಂದು ಕೋಡು ಸೇರಿಸಿದ್ದರು. ಪ್ರಸ್ತುತ ವಿಮಾನದಲ್ಲಿ ಪತ್ನಿ ನೀತಾ ಅವರ ಮೇಕಪ್ ಗಾಗಿ ವಿಶೇಷ ಕೊಠಡಿ ವ್ಯವಸ್ಥೆಗಳನ್ನು ಪಡೆದುಕೊಂಡಿದೆ.

ಮೇಬ್ಯಾಕ್ 62

ಮುಖೇಶ್ ಅಂಬಾನಿ ಬಳಿಯಿರುವ ಕಾರು ಸಂಗ್ರಹಗಳಲ್ಲಿ ಐದು ಕೋಟಿ ಬೆಲೆ ಬಾಳುವ ಮೇಬ್ಯಾಕ್ 62 ಪ್ರಮುಖವಾಗಿದೆ. ಇದನ್ನು ತಮ್ಮ ವೈಯಕ್ತಿಕ ಬಯಕೆಗಳಂತೆ ಮಾರ್ಪಾಡುಗೊಳಿಸಲಾಗಿದೆ.

ಮರ್ಸಿಡಿಸ್ ಬೆಂಝ್ ಎಸ್‌ಎಲ್500

ಹೈ ಎಂಡ್ ವೈಶಿಷ್ಟ್ಯಗಳಿಂದ ಕಂಗೊಳಿಸುತ್ತಿರುವ ಮರ್ಸಿಡಿಸ್ ಬೆಂಝ್ ಎಸ್ ಕ್ಲಾಸ್ ಕಾರು ಅಂಬಾನಿ ನೆಚ್ಚಿನ ಕಾರುಗಳಲ್ಲಿ ಒಂದಾಗಿದೆ.

ದುಬಾರಿ ಕಾರುಗಳು

ಇನ್ನುಳಿದಂತೆ ಬೆಂಟ್ಲಿ, ಪೋರ್ಷೆ, ಬುಗಾಟಿ, ಲಂಬೋರ್ಗಿನಿ ಇತ್ಯಾದಿ ಕಾರುಗಳ ಸಂಗ್ರಹವು ಅಂಬಾನಿ ಕಾರು ಗ್ಯಾರೇಜ್ ನಲ್ಲಿದೆ. ಇದನ್ನೆಲ್ಲ ಯಾವಾಗ ಸದುಪಯೋಗಪಡಿಸುತ್ತಾರೋ ಎಂಬುದೇ ದೊಡ್ಡ ಪ್ರಶ್ನೆಯಾಗಿದೆ.

ವಿಹಾರ ನೌಕೆ

ಇಲ್ಲಿಗೂ ಮುಖೇಶ್ ವಾಹನ ಪ್ರೇಮ ಮುಗಿಯುದಿಲ್ಲ. ಸಮುದ್ರದಲ್ಲಿ ತಮ್ಮ ಐಷಾರಾಮಿ ಪಯಣಕ್ಕಾಗಿ ಖಾಸಗಿ ಬೋಟ್, ವಿಹಾರ ನೌಕೆಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.

01. ದೇಶದ ಪ್ರಖ್ಯಾತ ಉದ್ಯಮಿಗಳ ಕಾರು ಪ್ರೇಮ

02. ಜಗತ್ತಿನ ಶ್ರೀಮಂತ ವ್ಯಕ್ತಿಗಳ ಕಾರು ಪ್ರೇಮ

03. ಜಗತ್ತಿನ 10 ಅಗ್ರಗಣ್ಯ ಕಾರು ಸಂಗ್ರಹಗಾರರು