ಬ್ರಿಟನ್‌ನಲ್ಲಿ ಜಗತ್ತಿನ ಅತಿ ಉದ್ದದ 'ರೈಲ್‌ಬಸ್' ಸೇವೆ

By Nagaraja

Published: Tuesday, September 1, 2015, 10:01 [IST]

ಜಗತ್ತಿನ ಅತಿ ಉದ್ದರ ರೈಲ್ವೆ ಜಾಲವನ್ನು ಹೊಂದಿರುವ ದೇಶಗಳಲ್ಲಿ ಒಂದಾಗಿರುವ ಭಾರತದಲ್ಲಿ ಇಂತಹದೊಂದು ಕನಸು ಇದುವರೆಗೆ ನನಸಾಗಲಿಲ್ಲ ಎಂಬುದು ಖೇದಕರ ಸಂಗತಿ. ಅಲ್ಲಿ ದೂರದ ಬ್ರಿಟನ್‌ನಲ್ಲಿ ರೈಲ್ವೆ ಹಳಿಯಿಂದ ಸ್ಪೂರ್ತಿ ಪಡೆದುಕೊಂಡು ಇದಕ್ಕೆ ಸಮಾನವಾಗಿ ರೈಲ್ ಬಸ್ ಸೇವೆಯನ್ನು ಆರಂಭಿಸಲಾಗಿದೆ.

ಅಂದರೆ ರೈಲು ತರಹನೇ ಹಳಿಯ ಮೇಲೆ ರೈಲ್ ಬಸ್ ಓಡಾಡಲಿದೆ. ಪ್ರಮುಖವಾಗಿಯೂ ವಾಹನ ದಟ್ಟಣೆಯನ್ನು ನಿಯಂತ್ರಿಸುವ ಸಲುವಾಗಿ ಹಾಗೆಯೇ ರಸ್ತೆಗಳಲ್ಲಿ ಕಾರುಗಳ ಸುಗಮ ಸಂಚಾರಕ್ಕಾಗಿ ಇಂತಹದೊಂದು ಮಹತ್ತರ ಯೋಜನೆಯನ್ನು ಹಮ್ಮಿಕೊಳ್ಳಲಾಗಿದೆ.

ಬ್ರಿಟನ್‌ನಲ್ಲಿ ಜಗತ್ತಿನ ಅತಿ ಉದ್ದದ 'ರೈಲ್‌ಬಸ್' ಸೇವೆ

ಬ್ರಿಟನ್‌ನ ಕ್ಯಾಂಬ್ರಿಡ್ಜ್, ಹಂಟಿಂಗ್ಟನ್ ಮತ್ತು ಸೈಂಟ್ ಇವ್ಸ್ ನಗರಗಳನ್ನು ಈ ವಿನೂತನ ರೈಲ್ ಬಸ್ ಬಸ್ ವೇ ಜಾಲವು ಬಂಧಿಸುತ್ತಿದೆ. ಅಲ್ಲದೆ ಜಗತ್ತಿನ ಅತಿ ಉದ್ದರ ರೈಲ್ ಬಸ್ ಎಂಬ ಕೀರ್ತಿಗೂ ಪಾತ್ರವಾಗಿದೆ.

ಸುಗಮ ಸಾರ್ವಜನಿಕ ಸಂಚಾರದೊಂದಿಗೆ ಸುರಕ್ಷಿತ ಪಯಣವನ್ನು ಗುರಿಯಾಗಿರಿಸಿಕೊಂಡು 2011ನೇ ಇಸವಿಯಲ್ಲಿ ಕ್ಯಾಂಬ್ರಿಡ್ಜ್‌ಶೈರ್ ಗೈಡಡ್ ಬಸ್ ವೇ ಸಂಚಾರವನ್ನು ಆರಂಭಿಸಲಾಗಿತ್ತು.

ರೈಲು ಹಳಿಗೆ ಸಮಾನವಾಗಿ ಇಲ್ಲಿ ಬಸ್ ಹಾದು ಹೋಗಲು ಕಾಂಕ್ರೀಟ್ ಬೀಮ್ ಗಳನ್ನು ಕಟ್ಟಲಾಗಿದೆ. ಹಾಗೆಯೇ ಸ್ಥಿರತೆಯನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಚಕ್ರಗಳ ಬದಿಯಲ್ಲಿ ಚೊಕ್ಕದಾದ ಹೆಚ್ಚುವರಿ ಚಕ್ರಗಳನ್ನು ಜೋಡಣೆ ಮಾಡಲಾಗಿದೆ.

ಈ ಮಹತ್ತರ ಯೋಜನೆ ಆರಂಭಗೊಂಡ ಮೊದಲ ವರ್ಷದಲ್ಲೇ 2,500,000 ಪಯಣಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಅಲ್ಲದೆ ಕ್ಯಾಂಬ್ರಿಡ್ಜ್ ಶೈರ್ ಕಂಟ್ರಿ ಕೌನ್ಸಿಲ್ ಪ್ರಕಾರ ನಿರೀಕ್ಷೆಗೂ ಮೀರಿದ ಯಶ ಸಾಧಿಸಿತ್ತು.