ನಾಲ್ಕು ಚಕ್ರಗಳನ್ನು ಹೊಂದಿದೆ ಈ ಎಲೆಕ್ಟ್ರಿಕ್ ಸೈಕಲ್

ಯುರೋಪಿನ ಸಿಟಿಕ್ಯೂ ಕಂಪನಿಯು ಬಿಡುಗಡೆಗೊಳಿಸಿರುವ ಎಲೆಕ್ಟ್ರಿಕ್ ಕಾರು ಸೈಕಲ್‌ನಂತೆ ಪೆಡಲ್ ಹೊಂದಿದೆ. ಈ ಸೈಕಲ್ ನಾಲ್ಕು ವ್ಹೀಲ್‌ಗಳನ್ನು ಹೊಂದಿದ್ದು, ನೋಡಿದ ತಕ್ಷಣ ಕಾರಿನಂತೆ ಕಾಣುತ್ತದೆ. ಎರಡು ಡೋರ್‌ಗಳನ್ನು ಹೊಂದಿರುವ ಈ ಕಾರಿನಲ್ಲಿ ಮೂರು ಸೀಟುಗಳಿವೆ.

ಲಗೇಜ್‌ಗಾಗಿಯೂ ಸ್ಥಳವಕಾಶ ನೀಡಲಾಗಿದೆ. ಈ ವಾಹನವು ಸ್ಟೀಯರಿಂಗ್ ವ್ಹೀಲ್ ಅನ್ನು ಸಹ ಹೊಂದಿದೆ. ಒಂದು ವ್ಯತ್ಯಾಸವೆಂದರೆ ಈ ಕಾರಿನಲ್ಲಿ ಚಾಲಕನ ಸೀಟಿನ ಮುಂದೆ ಪೆಡಲ್ ನೀಡಲಾಗಿದೆ. ಈ ಪೆಡಲ್‌ಗಳು ಸಾಮಾನ್ಯ ಪೆಡಲ್‌ಗಳಿಗಿಂತ ಭಿನ್ನವಾಗಿವೆ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಈ ಪೆಡಲ್‌ಗಳನ್ನು ಚೈನ್ ಹಾಗೂ ಶಾಫ್ಟ್‌ಗೆ ಜೋಡಿಸಿಲ್ಲ. ಇವು ಸೈಕಲ್‌ನಲ್ಲಿರುವ ಸಾಫ್ಟ್‌ವೇರ್‌ನಿಂದ ಕಂಟ್ರೋಲ್ ಮಾಡಲಾಗುವ ಎಲೆಕ್ಟ್ರಾನಿಕ್ ಪೆಡಲ್‌ಗಳಾಗಿವೆ. ಈ ವಾಹನವನ್ನು ಸುಮಾರು 3 ವರ್ಷಗಳ ಕಾಲ ಅಭಿವೃದ್ಧಿಪಡಿಸಲಾಗಿದೆ.

ಯುರೋಪಿನಲ್ಲಿ ಬಿಡುಗಡೆಯಾಗಿರುವ ಈ ನಾಲ್ಕು ವ್ಹೀಲ್‌ಗಳ ಸೈಕಲ್‌ನ ಬೆಲೆ 7,450 ಯುರೋಗಳಾಗಿದೆ. ಈ ಸೈಕಲ್ ರಿವರ್ಸ್ ಗೇರ್, ಕ್ರೂಸ್ ಕಂಟ್ರೋಲ್, ಕಾರ್ಗೋ ಮೋಡ್, ಆಟೋಮ್ಯಾಟಿಕ್ ಗೇರ್‌ನಂತಹ ಹಲವಾರು ಅತ್ಯಾಧುನಿಕ ಫೀಚರ್‌ಗಳನ್ನು ಹೊಂದಿದೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

70 ಕೆ.ಜಿ ತೂಕವನ್ನು ಹೊಂದಿರುವ ಈ ಸೈಕಲ್‌ನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 25 ಕಿ.ಮೀಗಳಾಗಿದೆ. ಯುರೋಪಿನಲ್ಲಿ ಈ ಸೈಕಲ್ ಅನ್ನು ಎಲೆಕ್ಟ್ರಿಕ್ ಬೈಕ್ ಹಾಗೂ 3-4 ವ್ಹೀಲ್‌ಗಳನ್ನು ಹೊಂದಿರುವ ಕಾರ್ಗೋ ವಾಹನವೆಂದು ವರ್ಗೀಕರಿಸಲಾಗಿದೆ.

ಇದರನ್ವಯ ಈ ಸೈಕಲ್ ಅನ್ನು ಹೆದ್ದಾರಿ ಹಾಗೂ ಕಾರ್ ಲೇನ್‌ಗಳಲ್ಲಿ ಚಾಲನೆ ಮಾಡಲು ಸಾಧ್ಯವಿಲ್ಲ. ಯುರೋಪಿನ ಸಂಚಾರ ನಿಯಮಗಳ ಪ್ರಕಾರ, ಈ ವಾಹನಕ್ಕೆ ಸೈಕಲ್ ಟ್ರ್ಯಾಕ್‌ ಹಾಗೂ ಸಾಮಾನ್ಯ ರಸ್ತೆಗಳಲ್ಲಿ ಮಾತ್ರ ಸಂಚರಿಸಲು ಅನುಮತಿ ನೀಡಲಾಗಿದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಸಿಟಿಕ್ಯೂ ಸೈಕಲ್, 800 ವ್ಯಾಟ್ ಬ್ಯಾಟರಿ ಹಾಗೂ ಹಿಂದಿನ ವ್ಹೀಲ್‌ಗಳಲ್ಲಿ ಎರಡು 150 ವ್ಯಾಟ್‌ನ ಎಲೆಕ್ಟ್ರಿಕ್ ಮೋಟರ್‌ಗಳನ್ನು ಹೊಂದಿದೆ. ಈ ಸೈಕಲ್ ಅನ್ನು ಪೂರ್ತಿಯಾಗಿ ಚಾರ್ಜ್‌ ಮಾಡಿದ ನಂತರ 75-100 ಕಿ.ಮೀಗಳವರೆಗೆ ಚಲಿಸಬಹುದು.

ತೂಕವನ್ನು ಕಡಿಮೆಗೊಳಿಸಲು ಈ ಸೈಕಲ್‌ನ ಫ್ರೇಮ್ ಅನ್ನು ಅಲ್ಯೂಮಿನಿಯಂ ಅಲಾಯ್‌ನಿಂದ ತಯಾರಿಸಲಾಗಿದೆ. ಸಿಟಿಕ್ಯೂ ಭಾರತದಲ್ಲಿಯೂ ಈ ಎಲೆಕ್ಟ್ರಿಕ್ ಸೈಕಲ್‌ಗಳನ್ನು ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ. ಈ ಕಾರಣಕ್ಕೆ ಕಂಪನಿಯು ಭಾರತದ ಇತರ ಕಂಪನಿಗಳೊಂದಿಗೆ ಮಾತುಕತೆ ನಡೆಸುತ್ತಿದೆ.