ನಿಮ್ಮ ಕಾರಲ್ಲಿ ಮನರಂಜನೆಗೆ ಎಷ್ಟನೇ ಸ್ಥಾನ?

By Nagaraja

Published: Monday, April 6, 2015, 14:20 [IST]

ದೈನಂದಿನ ಪಯಣವನ್ನು ಹೊರತುಪಡಿಸಿ ವಾರಂತ್ಯದ ಪಯಣದಲ್ಲೂ ಕಾರುಗಳ ಪಾತ್ರ ಬಹು ಮುಖ್ಯವಾಗಿರುತ್ತದೆ. ಬಹುತೇಕರು ಫ್ಯಾಮಿಲಿ ಜೊತೆಗಿನ ಮನರಂಜನೆಗಾಗಿ ವಿಕೇಂಡ್ ಪ್ರವಾಸ ಕೈಗೊಳ್ಳಲು ಹೆಚ್ಚು ಇಷ್ಟಪಡುತ್ತಾರೆ.

ಹಾಗಿರುವಾಗ ಮನರಂಜನೆಗೆ ಬೇಕಾದ ಎಲ್ಲ ಉಪಕರಣಗಳು ನಿಮ್ಮ ಕಾರಲ್ಲಿ ಇರಬೇಕಾಗುತ್ತದೆ. ಇವುಗಳಲ್ಲಿ ಕಾರು ಆಡಿಯೋ ಸಿಸ್ಟಂ ಕೂಡಾ ಒಂದಾಗಿದೆ.

ವಾಹನ ಮಾರುಕಟ್ಟೆಯಲ್ಲಿ ಅಧಿಕೃತ ತಯಾರಕ ಸಂಸ್ಥೆಗಳು ಮಾತ್ರವಲ್ಲದೆ ಕೆಲವು ಆಫ್ಟರ್ ಮಾರ್ಕೆಟ್ ಸಂಸ್ಥೆಗಳು ಸಹ ಆಡಿಯೋ ಸಿಸ್ಟಂ ಉತ್ಪನ್ನಗಳನ್ನು ಮಾರಾಟ ಮಾಡುತ್ತದೆ.

ಕಾರಲ್ಲಿ ಆಡಿಯೋ ಸಿಸ್ಟಂ ಆಳವಡಿಸುವುದರ ಪ್ರಮುಖ ಉದ್ದೇಶ ಕೂಡಾ ಇದಾಗಿದ್ದು, ಪ್ರಯಾಣಿಕರ ಮನರಂಜನೆಯನ್ನು ಇಮ್ಮಡಿಗೊಳಿಸುತ್ತದೆ.

ಈಗ ಭಾರತ ಸೇರಿದಂತೆ ವಿದೇಶಗಳಲ್ಲಿಯೂ ಹೆಚ್ಚು ಪ್ರಸಿದ್ಧಿಯನ್ನು ಪಡೆದ ಆಡಿಯೋ ಸಿಸ್ಟಂ ತಯಾರಕ ಬ್ರಾಂಡ್ ಗಳ ಬಗ್ಗೆ ಮಾಹಿತಿ ಒದಗಿಸುವ ಪ್ರಯತ್ನ ಮಾಡಲಿದ್ದೇವೆ. ಇದಕ್ಕಾಗಿ ಮುಂದುವರಿಯಿರಿ..

ಆಲ್ಪೈನ್, ಬೋಸ್ಟನ್, ಡೈನಾಡಿಯೋ, ಫೆಂಡರ್, ಕೆನ್ ವುಡ್, ಲೆಕ್ಸಿಕನ್, ಬೋಸ್, ಜೆವಿಸಿ, ಕ್ಲಾರಿಯನ್, ಹರ್ಮಾನ್, ಜೆಬಿಎಲ್, ಪೈಯನಿರ್, ಪ್ಯಾನಸೋನಿಕ್, ಸೋನಿ ಕೆಲವು ಹೆಸರಾಂತ ಆಡಿಯೋ ಸಿಸ್ಟಂ ಬ್ರಾಂಡ್ ಗಳಾಗಿವೆ.

ಕಾರುಗಳ ಜನಪ್ರಿಯತೆ ಹೆಚ್ಚಾದಂತೆ ಭಾರತದಲ್ಲೂ ಆಫ್ಟರ್ ಮಾರ್ಕೆಟ್ ಆಡಿಯೋ ಸಿಸ್ಟಂಗಳ ಬಳಕೆಯಲ್ಲಿ ವರ್ಧನೆ ಕಂಡುಬಂದಿದೆ. ಇದು ಆಡಂಬರ ಕಾರುಗಳಲ್ಲಿ ಮನರಂಜನೆಗೆ ಜನರು ನೀಡುತ್ತಿರುವ ಆದ್ಯತೆಯನ್ನು ತೋರಿಸುತ್ತದೆ.