ಕ್ರಿಸ್‌ಮಸ್‌ಗೆ ಕ್ರಿಸ್ಟಿಯಾನೋ ರೊನಾಲ್ಡೊಗೆ ದುಬಾರಿ ಬೆಲೆಯ ಕಾರು ಗಿಫ್ಟ್ ನೀಡಿದ ಸಂಗಾತಿ

ಫಿಫಾ ವಿಶ್ವಕಪ್​ನ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಮೊರೊಕ್ಕೊ ವಿರುದ್ಧ ಸೋಲುವ ಮೂಲಕ ಪೋರ್ಚುಗಲ್ ತಂಡ ಟೂರ್ನಿಯಿಂದ ಹೊರಬಿದ್ದಿತು. ಸೋತ ದುಃಖದಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ಮೈದಾನದಲ್ಲೇ ಕಣ್ಣೀರು ಹಾಕಿ ಹೊರನಡೆದರು. ಫುಟ್ಬಾಲ್ ಜಗತ್ತಿನ ದಂತಕಥೆ ಕ್ರಿಸ್ಟಿಯಾನೊ ರೊನಾಲ್ಡೊ ಕಣ್ಣೀರು ಹಾಕುವ ವೀಡಿಯೊ ಸೋಷಿಯಲ್ ಮೀಡಿಯಾಗಳಲ್ಲಿ ಸಖತ್ ವೈರಲ್ ಆಗಿದೆ.

ಕ್ರಿಸ್‌ಮಸ್ ಹಬ್ಬದ ಪ್ರಯುಕ್ತ ಕ್ರಿಸ್ಟಿಯಾನೊ ರೊನಾಲ್ಡೊಗೆ ಸಂಗಾತಿ ಜಾರ್ಜಿನಾ ರೊಡ್ರಿಗಸ್ ಅವರು ಐಷಾರಾಮಿ ಕಾರನ್ನು ಗಿಫ್ಟ್ ಆಗಿ ನೀಡಿದ್ದಾರೆ. ಸಂಗಾತಿ ಗಿಫ್ಟ್ ನೀಡಿದ ಕಾರ್ ರೋಲ್ಸ್ ರಾಯ್ಸ್ ಡಾನ್ ಆಗಿದೆ. ಭಾರತದಲ್ಲಿ ಮೊದಲ ಬಾರಿಗೆ 2016 ರಲ್ಲಿ ಡಾನ್ ಅನ್ನು ಪರಿಚಯಿಸಲಾಯಿತು. ಪ್ರಪಂಚದಾದ್ಯಂತ ಕಂಪನಿಯ ಸಾಲಿನಲ್ಲಿ ಇದು ಏಕೈಕ ಕನ್ವರ್ಟಿಬಲ್ ಆಗಿದೆ. 2003 ರಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ಪೋರ್ಚುಗಲ್ ಪರ ತನ್ನ ಮೊದಲ ಅಂತರಾಷ್ಟ್ರೀಯ ಫುಟ್ಬಾಲ್ ಪಂದ್ಯವನ್ನು ಆಡಿದ್ದಾರೆ.

2008ರಲ್ಲಿ ಪೋರ್ಚುಗಲ್ ಫುಟ್ಬಾಲ್ ತಂಡದ ನಾಯಕನಾಗಿ ಫುಟ್ಬಾಲ್​ ನಲ್ಲಿ ಇತಿಹಾಸವನ್ನೇ ನಿರ್ಮಿಸಿದ್ದಾರೆ.ಕಳೆದ ಎರಡು ದಶಕಗಳಿಂದ ಫುಟ್ಬಾಲ್ ಜಗತ್ತನ್ನು ಆಳುತ್ತಿರುವ ರೊನಾಲ್ಡೊ ಹಲವು ದೊಡ್ಡ ದಾಖಲೆ ನಿರ್ಮಿಸಿದ್ದಾರೆ. ಕ್ಲಬ್ ಫುಟ್‌ಬಾಲ್‌ನಲ್ಲಿ 700 ಗೋಲು ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಕ್ರಿಸ್ಟಿಯಾನೊ ರೊನಾಲ್ಡೊ ಫುಟ್ಬಾಲ್​ ಕ್ರೀಡೆಯಲ್ಲಿ ಇತಿಹಾಸವೇ ನಿರ್ಮಿಸಿದ್ದರೂ ಒಂದೇ ಒಂದು ವಿಶ್ವಕಪ್​ ಗೆದ್ದಿಲ್ಲ. ಪೋರ್ಚುಗಲ್​ ತಂಡವನ್ನು ಪ್ರತಿನಿಧಿಸುವ ರೊನಾಲ್ಡೊ ತಂಡವನ್ನು ಕನಿಷ್ಠ ಫೈನಲ್​ವರೆಗೂ ಕೊಂಡೊಯ್ಯುವಲ್ಲಿ ವಿಫಲರಾಗಿದ್ದಾರೆ.

.ಮುಂದಿನ ವಿಶ್ವಕಪ್​ ವೇಳೆಗೆ ರೊನಾಲ್ಡೊ 41 ವರ್ಷ ಪೂರೈಸಲಿದ್ದು, ವಿಶ್ವಕಪ್​ ಗೆಲ್ಲುವ ಕನಸು ಈಡೇರುವ ಸಾಧ್ಯತೆ ತೀರಾ ಕಡಿಮೆಯಾಗಿದೆ. ಅಷ್ಟರಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ನಿವೃತ್ತಿಯಾಗುವ ಸಾಧ್ಯತೆಗಳಿದೆ. ಇನ್ನು ರೊನಾಲ್ಡೊ ತನ್ನ ಹೊಸ ಬಿಳಿ-ಬಣ್ಣದ ರೋಲ್ಸ್ ರಾಯ್ಸ್ ಡಾನ್ ಚಿತ್ರವನ್ನು Instagram ಕಥೆಯಲ್ಲಿ ಹಂಚಿಕೊಂಡಿದ್ದಾರೆ. ಜಾರ್ಜಿನಾ ರೊಡ್ರಿಗಸ್ ತನ್ನ ಹೊಸ ರೋಲ್ಸ್ ರಾಯ್ಸ್ ಡಾನ್ ಕನ್ವರ್ಟಿಬಲ್ ಕಾರಿನಲ್ಲಿ ಆಟಗಾರನ ಪ್ರತಿಕ್ರಿಯೆಯ ಸಂಪೂರ್ಣ ಕ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ.

ಕ್ರಿಸ್ಟಿಯಾನೊ ರೊನಾಲ್ಡೊ ದೊಡ್ಡ ಕಾರು ಪ್ರಿಯರಾಗಿದ್ದಾರೆ. ರೊನಾಲ್ಡೊ ಗ್ಯಾರೇಜ್‌ನಲ್ಲಿ ಹಲವಾರು ಆಸಕ್ತಿದಾಯಕ ಕಾರುಗಳನ್ನು ಹೊಂದಿದ್ದಾರೆ. ಫೆರಾರಿ f12 TDF ನೊಂದಿಗೆ ಗ್ಯಾರೇಜ್ ಅನ್ನು ಹಂಚಿಕೊಳ್ಳುವ ಬಿಳಿ ರೋಲ್ಸ್ ರಾಯ್ಸ್ ಕಲ್ಲಿನನ್ ಅನ್ನು ಹೊಂದಿದ್ದಾರೆ. ಎರಡನೆಯದು 1.5 ಟನ್‌ಗಳ ನೆರಳಿನ ಕರ್ಬ್ ತೂಕವನ್ನು ಮಾತ್ರ ಹೊಂದಿದೆ. ಇದು ಕೇವಲ 2.9 ಸೆಕೆಂಡ್‌ಗಳಲ್ಲಿ 0 ರಿಂದ 100 ಕಿ.ಮೀ ವೇಗವನ್ನು ಸಾಧಿಸಬಲ್ಲದು. ಇದಲ್ಲದೆ, ಗ್ಯಾರೇಜ್ ಮ್ಯಾಟ್ ಬ್ಲ್ಯಾಕ್ ಲ್ಯಾಂಬೋರ್ಗಿನಿ ಅವೆಂಟಡಾರ್ ಅನ್ನು ಒಳಗೊಂಡಿದೆ,

ಮ್ಯಾಟ್ ಬ್ಲ್ಯಾಕ್ ಲ್ಯಾಂಬೋರ್ಗಿನಿ ಅವೆಂಟಡಾರ್ ಕಾರನ್ನು ರೊನಾಲ್ಡೊ ತನ್ನ 27ನೇ ಹುಟ್ಟುಹಬ್ಬದಂದು ಖರೀದಿಸಿದರು. ಇನ್ನು ಅವರ ಬಳಿ ಪೋರ್ಷೆ 911 ಟರ್ಬೊ S, ಮರ್ಸಿಡಿಸ್-ಬೆನ್ಜ್ S65, ಮೆಕ್ಲಾರೆನ್ ಸೆನ್ನಾ, ಬೆಂಟ್ಲಿ ಕಾಂಟಿನೆಂಟಲ್, ಬುಗಾಟಿ ವೆಯ್ರಾನ್ ಗ್ರ್ಯಾಂಡ್ ಸ್ಪೋರ್ಟ್ ವಿಟೆಸ್ಸೆ, ಚೆವ್ರೊಲೆಟ್ ಕ್ಯಾಮರೊ ZL1, ಫೆರಾರಿ ಮೊನ್ಜಾ SP1, ಫೆರಾರಿ 599 GTO, Phantoms Dr. RS7, ಬುಗಾಟಿ ಚಿರೋನ್ ಮತ್ತು ಮರ್ಸಿಡಿಸ್ ಬೆಂಝ್ ಬ್ರಾಬಸ್ G65 ಎಂಬ ಕಾರನ್ನು ಹೊಂದಿದ್ದಾರೆ.

ಇನ್ನು ಈ ಕಾರುಗಳ ಪಟ್ಟಿಯಲ್ಲಿ ಫೆರಾರಿ F430, ಬುಗಾಟಿ ಸೆಂಟೋಡಿಸಿ ಮತ್ತು ಮಾಸೆರಾಟಿ ಗ್ರಾನ್‌ಕ್ಯಾಬ್ರಿಯೊ.ಕಾರು ಕೂಡ ಇದೆ. ಇನ್ನು ಕ್ರಿಸ್ಟಿಯಾನೊ ರೊನಾಲ್ಡೊ ಗಿಪ್ಟ್ ಪಡೆದ ಕಾರಿನ ಬಗ್ಗೆ ಹೇಳುವುದಾದರೆ, ಈ ಕಾರಿನಲ್ಲಿ 6.6 ಲೀಟರ್ ಟ್ವಿನ್-ಟರ್ಬೊ V12 ಪವರ್ ಪ್ಲಾಂಟ್‌ನಿಂದ ಚಾಲಿತವಾಗಿದೆ. ಈ ಮೋಟರ್‌ನ ಗರಿಷ್ಠ ಪವರ್ ಉತ್ಪಾದನೆಯನ್ನು 564 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು 4.3 ಸೆಕೆಂಡ್‌ಗಳಲ್ಲಿ 100 ಕಿ.ಮೀ. ವೇಗವನ್ನು ಪಡೆದುಕೊಳ್ಳುತ್ತದೆ.

ರೊನಾಲ್ಡೊ ಪೋರ್ಚುಗಲ್ ದೇಶದ ಪರ ಆಡುತ್ತಿದ್ದಾರೆ. 2008 ರಲ್ಲಿ ಪೋರ್ಚುಗಲ್ ಫುಟ್ಬಾಲ್ ತಂಡದ ನಾಯಕನಾದ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು 2016 UEFA ಯುರೋಪಿಯನ್ ಚಾಂಪಿಯನ್‌ಶಿಪ್ ಮತ್ತು 2019 UEFA ನ್ಯಾಷನಲ್ ಲೀಗ್ ನಲ್ಲಿ ಪೋರ್ಚುಗಲ್ ಕಪ್ ಗೆಲ್ಲುವಲ್ಲಿ ಪ್ರಮುಖ ಪಾತ್ರವಹಿಸಿದರು. ಪುಟ್ಬಾಲ್ ಹೊರತುಪಡಿಸಿ ರೋನಾಲ್ಡೋ ಅವರಿಗೆ ವಿಶ್ವದಾದ್ಯಂತ ಸಾಕಷ್ಟು ಸಂಖ್ಯೆಯಲ್ಲಿ ಅಭಿಮಾನಿಗಳನ್ನು ಹೊಂದಿದ್ದಾರೆ.. ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವವರ ಪೈಕಿ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಅಗ್ರಸ್ಥಾನದಲ್ಲಿದ್ದಾರೆ.