viral video: ಇದ್ದಕ್ಕಿದ್ದಂತೆ ಎರಡು ತುಂಡಾದ ಹೊಸ ಎಲೆಕ್ಟ್ರಿಕ್ ಬೈಕ್... ಕಾರಣ ಏನಂತೆ ಗೊತ್ತಾ?

ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಮಾರಾಟ ಹೆಚ್ಚುತ್ತಿದೆ. ಆದರೆ ಗ್ರಾಹಕರು ತಮ್ಮ ಸುರಕ್ಷತೆಯ ಬಗ್ಗೆ ಇನ್ನೂ ಕಳವಳ ಹೊಂದಿದ್ದಾರೆ. ಇದನ್ನು ಸಾಬೀತುಪಡಿಸುವಂತೆ ಇದೀಗ ಮತ್ತೊಂದು ಆಘಾತಕಾರಿ ಘಟನೆ ನಡೆದಿದೆ. ತೆಲಂಗಾಣ ರಾಜ್ಯದ ಮಂಚೇರಿಯಲ್ ನಲ್ಲಿ ಯುವಕನೊಬ್ಬನ ಎಲೆಕ್ಟ್ರಿಕ್ ಬೈಕ್ ಚಾಲನೆಯಲ್ಲಿದ್ದಾಗಲೇ ಏಕಾಏಕಿ ಎರಡು ತುಂಡಾಗಿದೆ.

ಅದೃಷ್ಟವಶಾತ್ ಸವಾರ ಸುರಕ್ಷಿತವಾಗಿದ್ದು, ಸಣ್ಣಪುಟ್ಟ ಗಾಯಗಳಾಗಿವೆ. ಈ ಘಟನೆಯು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ವಿಡಿಯೋವನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಅಲ್ಲಿ ಹೊಂಡ ಅಥವಾ ಕೆಟ್ಟ ರಸ್ತೆಯಿರುವಂತೆ ಯಾವುದೇ ರೀತಿಯಲ್ಲೂ ಕಾಣುವುದಿಲ್ಲ. ಈ ಅಪಘಾತಕ್ಕೆ ಕಾರಣ ಉತ್ಪಾದನಾ ದೋಷದಂತೆ ತೋರುತ್ತಿದೆ. ಭಾರತದಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಬ್ರಾಂಡ್‌ಗಳು ಸುರಕ್ಷತೆಯನ್ನು ಹೆಚ್ಚಾಗಿ ನಿರ್ಲಕ್ಷಿಸುತ್ತಿವೆ ಎನ್ನಲಾಗಿದೆ.

ಇಂತಹ ಘಟನೆಗಳಿಗೆ ಪ್ರಮುಖ ಕಾರಣ ಉತ್ಪಾದನಾ ದೋಷಗಳು. ಅನೇಕ ಸಂದರ್ಭಗಳಲ್ಲಿ, ಇವು ಅಸಮರ್ಪಕ ಫಿಟ್‌ಮೆಂಟ್ ಮತ್ತು ವೆಲ್ಡಿಂಗ್ ಪಡೆಯದೇ ಕೆಟ್ಟ ಗುಣಮಟ್ಟದಿಂದಾಗಿ ಇಂತಹ ಅಪಘಾತಗಳಾಗುತ್ತಿವೆ. ಸಿಸಿಟಿವಿ ದೃಶ್ಯಾವಳಿಗಳನ್ನು ನೋಡಿದಾಗ, ಈ ಮೋಟಾರ್‌ ಸೈಕಲ್‌ನ ಪ್ರಮುಖ ವೈಫಲ್ಯವು ಮುಂಭಾಗದಲ್ಲಿ ಸಂಭವಿಸಿದೆ ಎಂದು ತೋರುತ್ತಿದೆ.

ಮೋಟಾರ್‌ಸೈಕಲ್‌ನ ಸ್ಟೀರಿಂಗ್ ಮೆಕಾನಿಸಂ, ಹ್ಯಾಂಡಲ್‌ ಬಾರ್ ಮತ್ತು ಮುಂಭಾಗದ ಸಸ್ಪೆನ್ಷನ್ ಫೋರ್ಕ್‌ಗಳನ್ನು ಡಿಸೈನ್ ಮಾಡಿರುವ ವಿಧಾನ ಕೆಟ್ಟದಾಗಿದೆ. ಈ ಟ್ರಿಪಲ್ ಟ್ರೀ ಕಡಿಮೆ ಗುಣಮಟ್ಟದ ಅಥವಾ ದೋಷಪೂರಿತವಾಗಿರುವುದೇ ವೈಫಲ್ಯಕ್ಕೆ ಕಾರಣವಾಗಿರಬಹುದು. ಅದೃಷ್ಟವಶಾತ್ ಈ ಘಟನೆಯಲ್ಲಿ ಹಿಂದೆ ಬರುತ್ತಿದ್ದ ಟೆಂಪೋ ಆತನ ಮೇಲೆ ಏರಿಲ್ಲ.

ಬೆಚ್ಚಿಬಿದ್ದ ಸಾರ್ವಜನಿಕರು: ಎಲೆಕ್ಟ್ರಿಕ್ ಬೈಕ್ ಎರಡು ತುಂಡಾಗಿ ಮುರಿದು ಬಿದ್ದಿರುವುದನ್ನು ಕಂಡು ಅಲ್ಲಿದ್ದವರು ಬೆಚ್ಚಿಬಿದ್ದರು. ಎರಡು ಹೋಳಾಗಿದೆ, ಯಾವ ಕಂಪನಿಯ ಎಲೆಕ್ಟ್ರಿಕ್ ಬೈಕ್ ಎಂಬುದು ನಮಗೂ ಖಚಿತವಿಲ್ಲ. ಆದರೆ ಉತ್ಪಾದನೆಯ ಕೊರತೆಯೇ ಕಾರಣ ಎಂದು ನಂಬಲಾಗಿದೆ. ಸ್ಥಳದಲ್ಲಿದ್ದ ಸಿಸಿಟಿವಿ ಕ್ಯಾಮರಾ ಮೂಲಕ ಆಘಾತಕಾರಿ ಘಟನೆ ಹೊರಜಗತ್ತಿಗೆ ಬಹಿರಂಗವಾಗಿದೆ.

ಸೂಚನೆಗಳನ್ನು ಪಾಲಿಸಿ: ಬ್ರಾಂಡ್‌ನಿಂದ ನಿರ್ದಿಷ್ಟಪಡಿಸಿದಕ್ಕಿಂತ ಓವರ್‌ ಲೋಡ್ ಮಾಡುವುದು ಸೂಕ್ತವಲ್ಲ. ಕ್ರ್ಯಾಶ್ ಅಥವಾ ಡ್ರಾಪ್ ಅಥವಾ ಇನ್ನಾವುದೇ ಗಂಭೀರ ಹಾನಿಯಾಗಿದ್ದರೆ, ಹಾನಿಗೊಳಗಾದ ಘಟಕಗಳನ್ನು ಬದಲಿಸುವುದು ಉತ್ತಮ. ಇಲ್ಲದಿದ್ದರೆ, ಮೋಟಾರ್‌ ಸೈಕಲ್‌ನ ನಿರ್ಣಾಯಕ ಭಾಗಗಳು ಕಳಪೆಯಾಗಿ ಕಾರ್ಯನಿರ್ವಹಿಸಬಹುದು ಅಥವಾ ಇಂತಹ ಅಪಘಾತಗಳಿಗೆ ಕಾರಣವಾಗಬಹುದು.

ಉತ್ಪಾದನಾ ಕಾರ್ಯಾಚರಣೆಗಳ ಸಮಯದಲ್ಲಿ, ಕೆಲವೊಮ್ಮೆ ಭಾಗಗಳು ಸರಿಯಾಗಿ ಹೊಂದಿಕೆಯಾಗುವುದಿಲ್ಲ. ಕೆಲವೊಮ್ಮೆ ವೆಲ್ಡಿಂಗ್ನಂತಹ ಕಾರ್ಯಗಳಲ್ಲಿ ಸಮಸ್ಯೆಗಳು ಉದ್ಭವಿಸುತ್ತವೆ. ಅಂತಹ ನ್ಯೂನತೆಗಳೊಂದಿಗೆ ತಯಾರಿಸಿದ ವಾಹನವನ್ನು ನಿರಂತರವಾಗಿ ಓಡಿಸಿದಾಗ, ಈ ಘಟನೆಗಳು ಸಂಭವಿಸುತ್ತವೆ. ನಾವು ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವ ಮೂಲಕ ಇಂತಹ ಘಟನೆಗಳನ್ನು ತಪ್ಪಿಸಬಹುದು.

ಮೊದಲನೆಯದಾಗಿ, ನೀವು ನಿಮ್ಮ ವಾಹನವನ್ನು ನಿಯತಕಾಲಿಕವಾಗಿ ಪರಿಶೀಲಿಸಬೇಕು. ವಾಹನದಲ್ಲಿ ಯಾವುದೇ ಸಮಸ್ಯೆಗಳಿದ್ದರೆ ಇದು ನಿಮಗೆ ತಿಳಿಸುತ್ತದೆ. ಇದರರ್ಥ ನೀವು ವಿಚಿತ್ರವಾದ ಶಬ್ದಗಳನ್ನು ಕೇಳಿದರೆ, ವಿಚಿತ್ರವಾಗಿ ಭಾವಿಸಿದರೆ ಅಥವಾ ಅಸಾಮಾನ್ಯವಾಗಿ ಏನನ್ನಾದರೂ ನೋಡಿದರೆ ನೀವು ತಕ್ಷಣ ಒಮ್ಮೆ ಪರಿಶೀಲಿಸಬೇಕು ಅಥವಾ ಸ್ಥಳೀಯ ಮೆಕಾನಿಕ್ ಬಳಿ ಕೊಂಡೊಯ್ಯುವುದು ಉತ್ತಮ.

ಎಲೆಕ್ಟ್ರಿಕ್ ವಾಹನಗಳು ಇಂಧನ ಚಾಲಿತ ವಾಹನಗಳಂತಲ್ಲ, ಬದಲಾಗಿ ಇವುಗಳು ವಿವಿಧ ಭಾಗಗಳ ಸಂಗ್ರಹವಾಗಿದೆ. ಒಂದು ಭಾಗಕ್ಕೆ ಹಾನಿಯಾದರೆ, ಅದು ಸಂಬಂಧಿತ ಭಾಗಗಳಿಗೂ ಹರಡುತ್ತದೆ. ಹಾಗಾಗಿ ತಯಾರಕರ ಸೂಚನೆಗಳ ಪ್ರಕಾರ ಯಾವಾಗಲೂ ಭಾಗಗಳನ್ನು ಬದಲಾಯಿಸಿ. ನಿರ್ಲಕ್ಷಿಸಿದರೆ ಪ್ರತಿಕೂಲ ಘಟನೆಗಳಿಗೆ ಕಾರಣವಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.