ಎಫ್1 ಗಿಂತಲೂ ವೇಗದಲ್ಲಿ ಸಾಗುವ ಎಲೆಕ್ಟ್ರಿಕ್ ಕಾರು

ವಿಶ್ವದ ಅತ್ಯಂತ ವೇಗದ ವೇಗವರ್ಧಿಸುವ ಕಾರೆಂಬ ಬಿರುದಿಗೆ ಗ್ರೀಮ್ ಟೀಮ್ ಫಾರ್ಮುಲಾ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿರುವ ಇ0711-5 ಎಲೆಕ್ಟ್ರಿಕ್ ಕಾರು ಪಾತ್ರವಾಗಿದೆ.

ಜರ್ಮನಿಯ ಸ್ಟುಟ್ ಗಾರ್ಟ್ ವಿಶ್ವವಿದ್ಯಾಲಯದ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಇದನ್ನು ವಿನ್ಯಾಸಗೊಳಸಿದ್ದು, ರಸ್ತೆಯಲ್ಲಿ ಸಂಚರಿಸುವ ಜಗತ್ತಿನ ವೇಗದ ಬುಗಾಟಿ ಕಾರನ್ನೇ ಹಿಂದಿಕ್ಕಿದೆ.

ಈ 100ಕೆಡಬ್ಲ್ಯು ಎಲೆಕ್ಟ್ರಿಕ್ ಕಾರು, ನಾಲ್ಕು ಮೋಟಾರು ಹಾಗೂ 6.62ಕೆಡಬ್ಲ್ಯುಎಚ್ ಬ್ಯಾಟರಿಯಿಂದ ನಿಯಂತ್ರಿಸಲ್ಪಡುತ್ತದೆ. ಸತತ ಪ್ರಯತ್ನದ ಬಳಿಕ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಹಾಗೂ ಚಾಲಕ ಪ್ರಿಸ್ಕಾ ಸ್ಕಿಮಿಡ್ ( Priska Schmid) ಈ ದಾಖಲೆಯನ್ನು ಬರೆದಿದ್ದಾರೆ.

ಹಾಗಿದ್ದರೂ ಗಿನ್ನೆಸ್ ಬುಕ್ ಆಪ್ ರೆಕಾರ್ಡ್ಸ್ ನಿಂದ ಇನ್ನಷ್ಟೇ ದಾಖಲೆ ಅಧಿಕೃತವಾಗಿ ದಾಖಲಾಗಬೇಕಾಗಿದೆ. ಆದರೆ ಇದಕ್ಕಿರುವ ಎಲ್ಲ ಬಾಗಿಲುಗಳು ತೆರೆದುಕೊಂಡಿರುವುದಾಗಿ ವಿಶ್ವವಿದ್ಯಾಲಯ ತಿಳಿಸಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ 22ರ ಹರೆಯದ ಚಾಲಕ ಪ್ರಿಸ್ಕಾ, "ಶರವೇಗದಲ್ಲಿ ಕಾರು ಓಡಿಸುವಾಗ ರೋಲರ್ ಕೋಸ್ಟರ್ ನಲ್ಲಿರುವಂತೆ ಭಾಸವಾಗುತ್ತಿತ್ತು" ಎಂದು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ಸ್ಟುಟ್ ಗಾರ್ಟ್ ವಿಶ್ವವಿದ್ಯಾಲಯದ 40ರಷ್ಟು ವಿದ್ಯಾರ್ಥಿಗಳು ಒಟ್ಟಾಗಿ ಸೇರಿ ಎಲೆಕ್ಟ್ರಿಕ್ ಕಾರನ್ನು ಅಭಿವೃದ್ಧಿಪಡಿಸಿದ್ದಾರೆ. ಹಾಗಾಗಿ ಇದರ ಶ್ರೇಯಸ್ಸು ಎಲ್ಲರಿಗೂ ಸೇರುತ್ತದೆ ಎಂದು ವಕ್ತಾರರು ತಿಳಿಸಿದ್ದಾರೆ.

ಪ್ರಮುಖವಾಗಿಯೂ ಜರ್ಮನಿಯಲ್ಲಿ ನಡೆಯಲಿರುವ ಫಾರ್ಮುಲಾ ಸ್ಟುಡೆಂಟ್ ಎಲೆಕ್ಟ್ರಿಕ್ ಕಾಂಪಿಟೀಷನ್ ನಲ್ಲಿ ಭಾಗವಹಿಸುವುದಕ್ಕಾಗಿ ಇದನ್ನು ಅಭಿವೃದ್ಧಿಪಡಿಸಲಾಗಿದೆ.

ಈಗ ಎಲ್ಲ ತೊಡಕುಗಳನ್ನು ನಿವಾರಿಸುವುದರೊಂದಿಗೆ ಅತಿ ವೇಗದ ಸಿಂಗಲ್ ಸೀಟಿನ ಎಲೆಕ್ಟ್ರಿಕ್ ಕಾರನ್ನು ಅಭಿವೃದ್ಧಿಪಡಿಸುವಲ್ಲಿ ತಂಡ ಯಶ ಕಂಡಿದೆ.

ಈ ಬ್ಯಾಟರಿ ನಿಯಂತ್ರಿತ ಕಾರಿನಲ್ಲಿ ಕಾರ್ಬನ್ ಫೈಬರ್ ಪರಿಕರಗಳನ್ನು ಬಳಕೆ ಮಾಡಲಾಗಿದ್ದು, 168 ಕೆ.ಜಿ ತೂಕವನ್ನಷ್ಟೇ ಹೊಂದಿದೆ.

ನಿಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ನಮ್ಮ ಕಾಮೆಂಟ್ ಬಾಕ್ಸ್ ನಲ್ಲಿ ನಮೂದಿಸಿ.